و حزب البعث

05:44 AM February, 05 2020

سودانيز اون لاين
Abureesh-أمريكا
مكتبتى
رابط مختصر

ما الفرق بين حزب البعث و بين التنظيم العالمى للاخوان المسلمين و أممية الحزب الشيوعى؟

اقرأ من وقت لآخر عبارات "حزب البعث العربى الاشتراكي.. القطر السودانى" مما يعنى ان القيادة العليا لهذا الحزب تنتمى الى دولة اخرى و ليس السودان. و السودان تابع لتلك الدولة ..
بمعنى اخر.. فان الحزب ينفذ إستراتيجية وضعت خارج السودان .. و السودان جزء من هذه الاستراتيجية .. و لو قدر لهذا الحزب أن يحكم فإن سياسته (القطرية) ستجعل من السودان سن واحدة فى دولاب (ترس) تحدد مساره دولة اجنبية فيها قيادة الحزب العليا.
و هذه ذات نظرة التنظيم الدولى للإخوان المسلمين للسودان.. يجب ان يدور فى فلك التنظيم الدولى الذى ايضا قيادته خارج الوطن.. و يخطط (للإمة) بما يجعل السودان (قطرا) من اقطاره.. تنظيميا و ليس تعريفيا او حتى فكر يا.
هذا كان ايضا نهج الحزب الشيوعى و لكن لحسن حظ السودان فإن القيادة (القومية) للحزب الشيوعي انهارت بانهيار الاتحاد السوفييتي.

أطالب حزب البعث (القطر السودانى) ان يعلن ولاءه الاول و الأخير للسودان.. و يعلن انه لا ينفذ إستراتيجية تنظيم خارج السودان او يتلقى توجيهات سياساته منه.. و كذلك اطالب البرلمان القادم تعديل قانون الاحزاب بما يضمن ولاءها للسودان و لا ترتبط بار رابط سياسى او مالى باى تنظيم ا. دولة اجنبية.

ما عندهم اي فرق كلهم مواهيم

وقاعدين في راسنا بي المحاصصة ويرفسو كمان لحدي هسة والبلد حالا واقف
اي زول يجيب سيرة انتخابات ينطو ليه في حلقو وعارفين كيسهم فاضي وما بجو بي الصنايق ولو بعد مليون سنة ضوئية
هسة الفرق شنو بين الزول البفرضو ق ح ت المتغطرسة بي المحاصصة وبين الزول البنتخبو السودانيين زمان عبر العصور بالانتخابات الطلعنا بيها الانجليز
عنده ثلاث خصيات مثلا ؟؟؟ مع الاعتذار للكنداكات
هسة عندنا 18 ولي جنرال فرضهم البشير وهم عايزين 18 والي ايضا تفرضهم ق ح ت
عشان شنو مثلا ؟؟؟

يكفي البعث نقصانا
ان بوابة العرب الشرقية
وقادسية صدام
انتهت باحتلال العراق من قبل امريكا وايران
وفتحت ثقرة لخريطة الشرق الاوسط الجديد
واحتلال كامل لمنطقة الخليج والهلال الخصيب
ويكفيهم عارا ان صدامهم اخرج من جرح ضب خرب
وكأنه من اهل الكهف

الحبيب ابريش ..
تحياتي ..
أكثر ما نال دهشتي التوافق الغريب في الرأي بين
الكيزان ممثل في غازي صلاح الدين وقريبنا عبدالحي
والبعث ممثل في ساطع الحاج
والحزب الشيوعي ممثل في محمد كرار

كل تصريحاتهم في قناة الجزيرة متشابهة في إدانة المقابلة
الخوف يا ابريش استغلال الكيزان لهذه اللحظة كما ان هناك أزمة طارئة للخبز
جاري معالجتها .. وقام البعض بحرق اللساتك واغلاق الشوارع في عطبرة
وبعض احياء العاصمة ..

أرجو من هؤلاء الثوار ألا يمنحوا الفرصة لهؤلاء
الجميل ان فيصل محمد صالح أصبح مشغول مع احتفالات الكايلي
وكانت تصاريحه قوية جداً .. طبعاً قناة الجزيرة تظل ترددها ..
وتعمل جاهداً شق الصف بين مكونات الدولة المدنيين والعسكريين

يا جماعة الكيزان انتهازيين .. أذكر كنا في الحزب الشيوعي في بداية السبيعنات
حتى بعد حركة هاشم العطا .. خرجت مرة مظاهرة في مدينة دنقلا تقريبا 1972م
كنا مفتكرين المظاهرة شيوعية لم نعرف أنها للاخوان المسلمين إلا في نهاية الأمر
وقرأوا منشورات بتوقيع على ما اذكر ( أبن عمر ) وما عارف مين مكي .

تحياتي ابريش .. معليش رفعت البوست ..

الاخ على عبد الوهاب
شكرا على التعليق و رفع البوست.

بالله راجع البوست وشوف من كم سنة أكتب ان لا فرق بين الاخوان المسلمين و الشيوعيين. طبعا الكلام دا لا يعجبهم لكن ما فى اليد حيلة. الحزبان كلاهما شموليان مهما تمشدقا بالديمقراطية.
الحزب الشيوعي عنده اى حكومة ليس هو على رايها يجب ان تزال (ليس معارضة ديمقراطية) و انما عمل كل شئ ضدها من مظاهرات و خلق مشاكل مثلما يحدث فى عطبرة وغيرها. حتى تسقط.
عنده الما حافظ عبارات الحتمية التاريخية و الدايلكتيك و البروليتاريا .. دا شخص جاهل.. ما مهم الفهم بس تحفظ و تجتر هذه الكلمات و تكون فاهم و مثقف.. الاخوان المسلمين نفس الطينة. الان شايف مواقفهم المتطابقة من لقاء البرهان و نتانياهو.

علي قول راي الاستاذ احمد المصطفي دالي ، تنظيم كفاح الطلبه ، لما اتخرجوا بكونوا شنو .


اعمل حسابك ده احزاب دمويه مستورده ، صنع في بغداد ، القتل عندهم زي اكل الجاتوه .

باللاى يا الزبير انت خات صورة السيد على و بتخاف؟
بالنسبة البعثيين لو تقصدهم .. قلنا ليهم يعلنوا ولاءهم للسودان اولا وأخيرا.. و يوضحوا للشعب انهم لا ياتمرون فى السياسة الخارجية بالذات بموجهات تاتيهم من الخارج سواء العراق او سوريا.

اخي ابو الريش

ابدا ماني زول خوف ، بس بنبهك


تخريمه :

ابوالريش نحن بينا في معرفه ، لما انا كنت ممتحن الزماله في كلفورنيا ، كان بينا في تواصل ، صحيح وله انا ضهبان .


الزبير الختمي

الكوز والقصرية حاجة واحدة
القصرية العروبيين ظهرية بي جوة وبيضا بي برا بفضل الكريمات
بالله هسة نزح من العرب ديل كيف
وساطع والسنهوري قاعدين في رسانا وفارضين دستور مركزي قبيح 2019
وهسة كلمو الحمدوك ده ق ح ت دي ما تلزمنا
والامم المتحدة ما تجي لا بالفصل السادس او السابع
تجي تشرف فقط علي الانتخاابات الاقليمية ثم المركزية ثم الراسية واضحة وبرنامج تحول ديمقراطي حقيقي يحترم خيارات الناس النطبيعية
ما تلزمنا ترهات بعثيين وناصريين وشيوعيين تاني
https://top4top.io/
الكوز وسلفي انقلاب 1989 والقصرية انقلاب 1969 البعثي والشيوعي والناصري
واتحدى اي واحد من الخمسة ديل يقول في مواطن سوداني واحد حر مشا دق باب عبود او نميري او البشير او بن عوف او البرهان او حميدتي قال ليه الختمية والانصار ما بنفعو معاي عايزك تعمل انقلاب ؟؟
ويجي يقول ليك الشعب وما ادراك ما الشعب

ما ضهبان يا الزبير.. برضو الأسماء تشابهت عليك..
نحن ناس الشرق.. نيويورك. فى السودان و فى امريكا.. ضاربين الشرق.