الشعب السوداني اختلاط المشاعر واضطراب الفكر

12:29 PM February, 04 2020

سودانيز اون لاين
حمد عبد الغفار عمر-
مكتبتى
رابط مختصر

بعد الثورة اصبح الشعب يعاني من اختلاط مشاعره واحاسيسه
لا موقف ولا مبدأ واحد يحكم التوجه في اليوم يكون للشخص اكتر من رأي مختلف في قضية واحدة رسالة واتسب او بوست فيسبوك يغير رأي الناس في حاجة حددوا فيها رأي من قبل .توهان سببه عدم وضوح المشهد السياسي والغموض الذي يكتنف العلاقة بين المجلسين . يقولون انهم في تجانس تام ولكن الاحداث تثبت غير ذلك إلا ان يكون من ضمن تجانسهم هو عدم تمليك الحقيقة للشعب آخرها سفر البرهان
هل ما اصاب هذا الشعب هو بسبب عدم اكتمال الثورة؟
اهداء للوطن:
يوم وراء يوم اشواقي بتزيد
وانت بعيد ما سائل عني
ودموع عيني الحيرانة
دائما عنك تسألني

الطريق واضح وظاهر نتجاوز جماعة مايو 1969 وايتام الترابي 1989
والطريق ظهر مع الحلف الديمقراطي الحقيقي الحركة الشعبية والحزب الاتحادي اللديمقراطي

سلام يا حمدوف

Quote: هل ما اصاب هذا الشعب هو بسبب عدم اكتمال الثورة؟

نعم بالظبط والامارات ومحور الشر لايريدون لهذه الثورة ان تكتمل لان فى اكتمالها
خروج لهم من السودان واهم نقطة يلعبون عليها هى المسألة الاقتصادية ومحاولة
فرض حميدتى والجنجويد على الجميع .
ولكن هل سيواصلون اللعب ام انّ الايام حبلى تلد كل جديد .

سلام حمدنا
نعم .. الحاصل ده سببه غياب الأحزاب السياسية عن المشهد السياسي طيلة حكم الإنقاذ وتماهي بعضها مع الحكومة المغبورة مما أفقدها فاعليتها وتواصلها مع قواعدها الشعبية اللي كان ممكن تشكل نوع من الوعي السياسي وسط الجماهير المغيب وعيها عند عمد طيلة هذه الفترة.
كيف ما يكون هناك اختلاط للمشاعر وهم يرون بعض الوجوه التي شاركت في الحكومة المخلوعة يتصدرون المشهد السياسي ، فضلا عن استمرار بعض الفلول في السلطة .
لذلك نشأ فهم مغاير تماما للتعاطي السياسي لدى الشباب الذين يمثلون الأغلبية في الحراك السياسي الحاصل في البلد ، لم اتعجب من سؤال أحدهم مؤخرا " من هو مجدي الذي أعدمه البشير؟" تخيل!
كيف عاوز شباب زي ديل يستوعبوا الحاصل بالفهم والعقلية القديمة بتاعنا ( ما قبل اخر عهد ديمقراطي)
الجيل اللي نشأ في عهد البشير هو الذي سيقرر شكل الحكم في اقرب إنتخابات اذا أراد الله لها أن تجرى في موعدها ..
إشكاليتنا اننا بمتناول الوضع الراهن بعقلية تختلف عن عقليتهم

بعدين لاحظ لتأثير السوشيال ميديا على مجمل الوضع ( تغيير الرأي بسرعة كما قلت)
ثورة انطلقت بتأثير كبير من الفيس بوك بالتأكيد تختلف عن ثوراتنا المجيدة الماضية
يقابل كل ذلك اضطراب وعدم وضوح رؤية لدى الأحزاب السياسية التي إقتصرت مجمل نشاطها في الردود على منتقديها والإكتفاء ببيانات مقتضبة تجاه الوضع الراهن
لا ندوات تنويرية ولا برامج تعبوية ، ورغم كده يتعجلون خوض الانتخابات لعدم مقدرتهم مجاراة الواقع
كل هذا يساعد على تفريخ افكار مضادة للثورة من قبل المتربصين داخليا وخارجيا.

هلا عادل
ايتام الترابي جاري التجاوز
لكن ناس مايو لو قاصد بيها الحزب الشيوعي ما عندك طريقة تتجاوزو ببصمتو الواضحة في مقاومة الانقاذ ومشاركتو القوية في ثورة ديسمبر
حاجة تانية الحزب الاتحادي مختفي تماما من المشهد والدليل منذ بداية الثورة وحتى تاريخه لم نسمع تصريح من زعيم الحزب يبقى عن اي حلف تتحدث لو بتقصد اتفاق الميرغني قرنق الزمان داك، دا موش جرت مياه تحت جسره فحسب بل وقع فيهو الجسر ذاتو

مرحب علاء
تعرف عادل امين دا في آخر بوست لي وصفنا بالحصحاص البكون الجزمة ومضايقتو للزول . هههه تعبيرو دا ضحكني جدا وقتها
هسه وجود العساكر ديل في الثورة دي ياها حصحاصة الجزمة ذاتها
وديل كمان داخلين جوة الشراب ابدا ما حترتاح قوى الثورة وهم قاعدين وتحس انهم ما معترفين بدور الناس في تغيير النظام وعايزين يجيروا التغيير كلو لصالحهم لكن دا ما بحصل وحقيقة دا السبب الرئيسي في اختلاط مشاعر الناس تجاه ما يجري من احداث

مرحب علاء
تعرف عادل امين دا في آخر بوست لي وصفنا بالحصحاص البكون الجزمة ومضايقتو للزول . هههه تعبيرو دا ضحكني جدا وقتها
هسه وجود العساكر ديل في الثورة دي ياها حصحاصة الجزمة ذاتها
وديل كمان داخلين جوة الشراب ابدا ما حترتاح قوى الثورة وهم قاعدين وتحس انهم ما معترفين بدور الناس في تغيير النظام وعايزين يجيروا التغيير كلو لصالحهم لكن دا ما بحصل وحقيقة دا السبب الرئيسي في اختلاط مشاعر الناس تجاه ما يجري من احداث

الحنين حيدر
كيفك
فعلا غياب الاحزاب والعمل التنظيمي خلق فجوة فكرية كبيرة
ومع تأخر الاحزاب إلا ان وجودها والاستفادة من خبرتها التنظيمية مهم في قيادة هذا الحماس الشبابي ومساهمتو على الاقل في تطوير الاحزاب نفسها بما يحمله من افكار تحررية.
الاحزاب مشكلتها انها نقرت مفتاح السويتش واتحركت من نفس الحتة الكانت واقفة فيها يوم 29 يونيو 1989

الحنين حيدر
كيفك
فعلا غياب الاحزاب والعمل التنظيمي خلق فجوة فكرية كبيرة
ومع تأخر الاحزاب إلا ان وجودها والاستفادة من خبرتها التنظيمية مهم في قيادة هذا الحماس الشبابي ومساهمتو على الاقل في تطوير الاحزاب نفسها بما يحمله من افكار تحررية.
الاحزاب مشكلتها انها نقرت مفتاح السويتش واتحركت من نفس الحتة الكانت واقفة فيها يوم 29 يونيو 1989

فى فرحة منقوصة فى عيون الناس رغم عدم إختلافنا على عِظَم هذه الثورة !
حمد إزيك

ولي اخبارك
منقوصة شديد بدليل مافي اشعار ولا اغاني بحجم الثورة
واعتقد دا سبب كبير لحالة التوهان الحاصل دا
الشعب تهيأ لفرح غامر فجأة لقى نفسو في حزن مقيم منذ يوم فض الاعتصام وعدم القدرة على الثأر