غضْبة إيناس‘‘‘

09:59 AM February, 03 2020

سودانيز اون لاين
Adil Sid Ahmed-السودان
مكتبتى
رابط مختصر

نشرت صحيفة الاتجاه الإسلامي، الحائطيّة، بقهوة النشاط- جامعة الخرطوم، في أواخر ثمانينات القرن المنُصرم، وهي تحرِّض على العُنف، وتَحُضُّ عليه، وتَتَوعّد به الطُّلاب الديمقراطيين، نشرت خبرًا، مفادهُ: أنّ ١٢ زميل، قد اعتدوا بالضربِ، ليلاً، على الأخ المسلم (............).
فردّت مساء الخير، بمقال قصير يؤكد كلام آخر لحظة: جُزئيّاً، عنوانهُ: (اخجلوا)، و قالت بأن الاعتداء قد تَمَّ فعلاً، ولكن: من زميل* واحد!
وتعود أسباب واقعة الاعتداء على الأخ المسلم في كروس المين رود، في حدائق المكتبة، لغضبة الزميلة إيناس خيري، طالبة مدرسة العلوم الرياضية (آنذاك). والتي أتت إلى كافتيريا اقتصاد وهي منفعلة للغاية ويكسوها شعور بالإهانة البليغة، إثر تعرُّضِها للتحرش الجنسي، من قِبَلْ الأَخ المُسلم المذكُور أعلاه، في سلالم المكتبة الخالية والمظلمة في ذاك المساء من يوم الجُمعة، و هي تُزبد قائلة:
- الموضوع شخصي، أخدتوا لي حقي فبها، ما أخدتوهو: بجيب أهلي!
وقد كان الطالب إبراهيم فتح الرحمن والطالب عادل سيد أحمد هم من تلقيا البلاغ عن اللجنة المركزية، أمّا مَن أدار المعركة، فقد كان هو: محي الدين الجلاد (السكرتير السياسي للجبهة اليمقراطية، و عضُو قيادة القِسِمْ).

السلام عليكم
هو طلب يا أستاذ عادل
مالو لو كتبت القصص الجميلة دي وراء بعض
يعني بدل تفتح بوست جديد. بعد
تنهي من القصة وتعمل لها إرسال تدخل
تاني ومن النهاية محل رد وتعديل تدخل
في رد وترسل
ده كسل مني عشان ما أفتش لكتاباتك
وشكراً يا أخ علي الحكي الظريف

مناسبة نشر الموضوع الان شنو

موضوع من سنة دو

عادل ده زول كتَّاااااب جداً وعندو ملكات السرد وأسلوب جذاب..
ذكرتني ناس حبيب نوره وطارق جبريل ودرديري كباشي..
واصل في الحكاوي.

صديقي و زميلي من الزمن الجميل عادل ود سيد احمد
يا اخي انت من زمان وين
كتابة سمحة و ياريت تخت الاسماء بدون نقط لانو بعد ٣٠ سنة ناس المخابرات بفكوا كل الاسرار في الهواء

يا اخي انا سعيد بوجودك معنا