السفاره السودانيه بدوله قطر الليلة كنا في السفارة لقينا ٤ عربيات اسعاف من سدرة ما فهمنا الحاصل شنو لما سألنا واطقسنا عرفنا الحاجة البتوجع القلب. سَجَىٰ 🦋 @SajaAboud أب ربنا رزقو بي توأم وشاءت ارادة ربنا انو واحد منهم يحصل ليهو نقص اكسجين ويصبح عايش على الاجهزة المنقذة للحياة وموصل بي جهاز أكسجين بصورة دايمة. الطفل تما ستة شهور ومفروض يطلعوا ليهو جواز عشان الاقامة والا يخش الوالد في غرامات مالية مع الدولة ده غير الوضع غير المستقر. وطبعا الطفل
سَجَىٰ 🦋 @SajaAboud · 4t Svar til @SajaAboud مرقد في المستشفى وموصل بالأجهزة. طلب الأب من السفارة تجي للمستشفى عشان يعملو ليهو الأجراء لصعوبة بل استحالة مغادرة الطفل للمستشفى بعد شد وجذب وتحانيس مشا موظف بصم الطفل وطلع ليهو رقم وطني..بدل ما يشيل اوراق استخراج الجواز عشان ما يرجع تاني لا جه بس للرقم الوطني . سَجَىٰ 🦋 @SajaAboud · 4t لما جو للجواز السفارة رفضت تمشي تاني بعدة حجج وطلبا يجيبوا الطفل العايش بالأجهزة عشان يعملو ليهو جواز!!!! اخر الحجج انو والله في جهاز واحد فقط ما ممكن نطلعو!!!! الأب رجع للمستشفى والمستشفى بدورها خاطبت السفارة ولكن لا حياة لمن تنادي. سَجَىٰ 🦋 @SajaAboud · 4t ومع تأخر الزمن وزيادة الغرامات كان لزام على المستشفى تتحرك هي لانو الطفل في رعايتا..تحركت اربعة عربات اسعاف و طاقم كامل للعناية بالطفل دخلت بيهو مجمع السفارات والطفل موصل بالأجهزة عشان يسحبو ليهو استمارة ويصورو ويبصمو اجراء كان ممكن يتعمل بي كل انسانية في المستشفى مراعاة لصغير غض سَجَىٰ 🦋 @SajaAboud · 4t ومريض و رحمة بقلب ام واب فجعوا في طفلهم الوليد...وسط دموع الممرضة البريطانية بدأت الاجراءات و الأشخاص الذين يتبعون للجوازات يعتذرون( ما قايلين الحالة بالصورة دي!!!!). المؤسف ان طفل باكستاني بنفس الحالة تم عمل اجراءاته في المستشفى بعد ان بعثت سفارته من يقوم بالامر سَجَىٰ 🦋 @SajaAboud · 4t في المستشفى مراعاة لحالة الصغير. السؤال لماذا؟هل هو عنت وتعنت؟ هل هي عدم رحمة؟ أم ان الأمر اصبح شخصيا بين المسؤل ووالد الطفل المريض؟ وكيف لم يتدخل المسؤل الاعلى في السفارة ليحسم الأمر ويحفظ الكرامة السودانية بعيدا عن اللغط وليعلي من شأن المواطن السوداني؟ سَجَىٰ 🦋 @SajaAboud · 4t أم انه ضربت علينا الذلة والمسكنة في أي عهد كان؟ والأهم..هل سيمر هذا الامر مرور الكرام. بدون عقاب ولا بادرة حساب؟ لك الله يا أيها الزول
@SajaAboud og @Maaz__Yo البعشوم م كذب لمن قال مفروض تتضاف كلمه(كرامة) في شعار حرية سلام و عدالة ربنا يعلي من شأن الشعب السوداني 💔 Ahmad Alsaigh @ahmad_alsaigh97 ·
@SajaAboud
@moe_ebra7 انتي عارفة الحاجة البتبرد قلبنا انو ف الله عز وجل حياخد حق الوالد والوالدة والطفل المريض من ناس السفارة ف الدنيا قبلي الاخرة.. حسبي الله ونعم الوكيل. محمد بشير @mohaali110 ·
@SajaAboud og @Actanonverba16 للأسف اكثر السفارات لسة السفراء والموظفين هم نفسهم الكيزان لي فسادهم وجبروتهم واهانتهم السودانيين مااتغيروا لسه عشان كدي محتاجين ليهم مليونية السفارات الكيزانية سَجَىٰ 🦋 @SajaAboud ·
@SajaAboud Siter tweeten
montser @montser9 · 2t انا بعرف واحد حصل ليه نفس الكلام دة في الصين . اضطر سافر بي المولود ٨ ساعات بالعربية عشان يعمل الاجراء دة في حين انو كان مستعد يدفع تكاليف المشية والجية و الاتعاب بس الله غالب https://twitter.com/sajaaboud/status/1224066151338201088https://twitter.com/sajaaboud/status/1224066151338201088 IBRAHIⓂ️ @Ibrahimdafaalla ·
@SajaAboud og @raulamara77 السفير دا مفروض يستقيل لو عندو دم Ayman Abdullah @aymanabdullah7 ·
@SajaAboud معقولة السفير ده سوداني،، طيب خليك من سوداني معقول هو إنسان💔 سَجَىٰ 🦋 @SajaAboud · 1t الكيزان ديل اول شيء بتعمل فيهم ان بنزعو من قلوبهم الرحمه
@its_keto ·
@SajaAboud بالمناسبة انا اسف ما استاذنت أنشر الكلام دا لكن بالضرورة يتنشر ياخ
🅰.🅰l-shareef @Ahmed11638991 · 1t Svar til @SajaAboud السفبر والقنصل وضابط الجوازات المسؤول كلهم يتحولوا للتحقيق ويتعاقبوا. ولو حصلت اي مضاعفات طبية للطفل بسبب طلوعو من العناية يتحاكموا. Flere svar Alameen O Abusham @Alasmar_8 · 3t Svar til @SajaAboud og @jasim_fadol معقولة خلاص بقت ماف إنسانية طز في اي مسؤول ومفترض تحصل محاسبة لكل المسؤولين في السفارة هناك °AL-FaDnY @oalhusain93 · 2t Svar til @SajaAboud الله يعلنهم الله يلعنهم الله يلعنهم دنيا واخره Duaa Habib @HLDMMM · 2t Svar til @SajaAboud الله يحرق الانسان السوداني الماعندو علاقة ب الانسانية ولا الرحمة
قرف القرف ياخ Amo✌️عمآر @Amogafar1 · 2t Svar til @SajaAboud الله يلعن ام السفارات السودانيه mohamed khaled @MohamidKhalid · 1t Svar til @SajaAboud og @MajedSami4 الله ينتقم منهم ناس السفارات للاسف كلهم كيزان لو ما غيروهم كأنوا ما طلعنا ثوره امين عبيد @Amein0123 · 32m Svar til @SajaAboud عشان كدا بكره لم امشي ليها و اَي زول اقول لي أرح السفاره بقول ليهو امشي براك انا لي ٧ سنه مشيتها مرتين و ندمت أني مشيت و تندم انو اكون عندك ناس زي ديل امثلوك و امثلو دولتك اعوذ بالله منهم O$HI @oshi92530209 · 31m Svar til @SajaAboud og @Sara_Suliman_SD الأخ المؤلم سفير السودان في قطر 🗣؛ اما بعد كسمك ياخ ..تفوووووووووو💦💦🌬 𝔐𝔞𝔦 𝔎𝔥𝔞𝔩𝔦𝔡 | مَيْ🐾 @MAI_MUDAWII · 24m Svar til @SajaAboud حسبي الله عليهم مرررض مررض ياخ الناس ديل AHMED @AhmedBakhit91 · 20m Svar til @SajaAboud ديل اولاد حرام كلاب م عندهم رحمه M O H A M E D @Mohamed39393668 · 16m Svar til @SajaAboud og @Waleey12 دي مفترض ولازم تكون قضية رأي عام عشان ننظف السفارات من الوسخ ديل amjad bounty🌺 @buonty23 · 10m Svar til @SajaAboud تف 💦 💦 💦 💦 ياااخ الله يلعنهم HUDA @hudarush · 1t Svar til @SajaAboud دايما و أبدا سفاراتنا في الخارج وصمة عار مباني قذرة و تعامل أقذر
سلام يا حامد.. دا بورينا كيف كووول سفارتنا كانت شغالة للكيزان وما زالت (مص للمغترب) جبايات ورسوم من غير تقديم اااي خدمات حتي لو كانت لطفل مريض وفي المستشفي كمان. الخدمة المدنية مسمومة بالكيزان , ومن العار بعد كل الثورة دي وما اندفع فيها من ارواح وأجساد تفضل بصمات الانقاذ موجودة في كل مربع في حياتنا مدنية او عسكرية. وزارة الخارجية لن تحرك ساكن في الموضوع دا زي ما عملت وزيرتنا اضان الحامل طرشة في موضوع المرتزقة وشركة بلاك شيلد الاماراتية. الوجع كبير والله. وهسي يطلعوا يقولوا ليك الانقاذ (قعدت تلاتين سنة) فلااااازم نصبر قدرهم علشان نقدر غير , في حين انه الانقاذ لما جاءت ما انتظرت تلانين ساعة ومكنت نفسها. دا كلام العاجز والما حاسي بالوجع. الكيزان آااافة ولما اقتلعناهم قلع مافي ااااي فائدة و المجهود ح يكون ضاع سدي.
لا حول و لا قوة الا بالله العلي العظيم اذا لم تتم اقالة السفير و القنصل و ضابط الجوازات يجب ان تتقدم وزيرة الخارجية و وزير الدولة عمر قمر الدييين باستقالتهم عمر قمر الدين احرص على الشعب الفلسطيني اكثر من الشعب السوداني و كلمته في جامعة الدول العربية دليل على سذاجته و عدم فهمه للسياسة الدولية
Post: #7 Title: Re: الم جديد( منقول) السفاره السودانيه بدوله Author: عمر نملة Date: 02-03-2020, 03:01 AM Parent: #5
سلام معتصم انت عارف هذا المجتمع السوداني حقيقي يعاني ازمة اخلاق كبيرة جدا بكل اسف في جزء ليس بالصغير من مكوناته.
اليومين دي بتابع قنوات يوتوب لناس تبث من الداخل برامج تفاعل بسموها بالغصب (إجتماعية ) تحيرك (الجلافة وتجاوز الحدود ) خاصة الكمرة الخفية ما تفهم هدفهم شنو والضغط اكتر من اللازم النوع البخرج كل شئ من اي شئ داك . غايتو ماف حل الا ينزل اصحاب الكفاءة والمثقف الواعي المفيد من الابراج الفوق غير كدا الواقع حيبقي صعب جدا
الموضوع يرفع لوزارة الخارجية والمطالبة بإنهاء خدمة كل من شارك فى هذه الجريمة. هى قطر دى كلها قدر شنو عشان الحركة فيها تكون فيها مشكلة، وعشان زحمة العمل قدر شنو بالسفارة.
Post: #11 Title: Re: الم جديد( منقول) السفاره السودانيه بدوله Author: بدر الدين الأمير Date: 02-03-2020, 03:48 AM Parent: #10
شىء يؤلم ويؤسف له ولو عرف السبب لبطل العجب الطاقم الذى يدير السفارة هو طاقم المؤتمر الوطنى المحلول ولايوجد سفير حتى الان يشكى له والجالية الموجودة هى جالية المؤتمر الوطنى اتت بالتزوير وغيرت النظام العام حتى لانتمكن من ازاحتها والخارجية نايمة وجهاز المغتربين حدث ولاحرج
Post: #12 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 04:19 AM Parent: #11
المستنير تعال طالع بي فوق آخوي القعدة تحت في كنبة عاطف عمر انتهت منك رسمي
Post: #13 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 04:21 AM Parent: #12
صراحة الواحد غلبو اليقولو لو في حبة انصاف ومحاسبة ورقابة في السودان مفروض السفير يكون بايت في الخرطوم
لا حول و لا قوة الا بالله العلي العظيم اذا لم تتم اقالة السفير و القنصل و ضابط الجوازات يجب ان تتقدم وزيرة الخارجية و وزير الدولة عمر قمر الدييين باستقالتهم فوراُ .
بالله صبو جام غضبكم على وزيرة خاجيتكم ( السفير) ووزير داخليتكم ( الجوازات) ووزير اعلامكم ............................كل وزرائكم اذا كان هنالك تقصير فى خدمة المواطن السودانى .......... طاقم السفارة غير ملام لان من وظفهم لاهانةالشعب السودانى هم الكيزان
للأسف دي حالة عامة ما حالة خاصة ولو بدت أكثر سفارةً في عريها وفي صفاقتها نفس الشيء بيحصل ومن زمن في كل السفارات والمؤسسات بما فيها المؤسسات الدينية ونحن موعودون بالكثير المثير عما كان يحدث في دواوين الزكاة والحج والعمرة والجامعات الدينية حتى في المؤسسات الأكاديمية لم تسلم من هذه التشوهات فياما أسقطوا عمداً وأجازوا بلا حياء من لا يستحق الإجازة والحقيقة أن المشكلة إستعرت كثيراً مع الإنقاذ لكنها أقدم منها وبدون ما ندخل في تحليل مطول يكفي أن نشير إلى أن المشكلة بدت مع فترة التحول من المجتمع التقليدي لمجتمع ثقافة السوق المشوه والمتبع ثم إزدادت إستعاراً مع بداية الهجرات للخليج ومن القرى للمدن حينما بدت القيم المادية تعلوا تدريجياً على قيم التراحم وبلغ الإستعار ذروته مع تمكن الإقتصاد الطفيلي في فترة حكم الكيزان الموظف دا لو كان عندو قريبه طفله بصحة جيدة ممكن يكمل ليه الإجراء في البيت قبل فترة المذيعة تسابيح خاطر مزقت جوازها أمام رجال الشرطة لأنها إستخرجت الجواز للعمل في قناة في دبي ورفض الضابط أن يكتب أمام الوظيفة مذيعة وأصر أن يكتب أن وظيفتها آنسة لعدم وجود مستندات كافية بحوزتها تقول بأنها مذيعة ربما كانت إبتسامة منها أو مكالمة هاتفية تكفي لإرضاء غرور هذا الضابط فقد أصبحت قيم العمل يضبطها المزاج والرغبة لا سياسة وقوانين المؤسسة أو أخلاق المهنة حتى أنه أصبح أن الطبيعي أن يبحث الإنسان عن المعارف لإكمال إجراءاته دون أن يضطر أن يقف مع الناس في الصفوف المغتربون لا سيما في الدول الخليجية معتادون على تقبل تعنت من إستوظفتهم الدولة لخدمة مواطنيها حتى التعيينات في كل مؤسسات الدولة حتى الدرجات العليا لا تنضبط لا بقيم ولا قوانين بل تتحايل على كل ذلك لذا يلزمنا القول بأن أمام الثورة مشوار طويل وعسير لتكمل مقتضياتها أوستفرغ من محتوياتها كما حدث من قبل وفي ظل غياب المجتمع المخصب بثقافة ديمقراطية فمن الصعب تحقيق ذلك
Post: #17 Title: Re: الم جديد( منقول) السفاره السودانيه بدوله Author: محمد أبوجودة Date: 02-03-2020, 10:32 AM Parent: #15
السلام عليكم
ألمٌ أليم والله، أن تستمر مثل هذه الفجاجات من سودانيين يعملون بسفارة للسودان ومابعد الثورة التي أسقطتْ هُبَلهم وهبالاتهم وجلافاتهم ..
لكن الأشد ألماً، أن تمُر مثل هذه الشناعات مرور الكِرام الصامت! من أمام أعين و "مخالب ثورية" الحكومة الانتقالية وحاضنتها قوى الحرية والتغيير ..
قريت في الفيس روايه مخالفه تماما للروايه المنشوره هنا ..
الرقم الوطني ما بتطلب وجدود الطفل لانو عباره عن تطابق بيانات ومستندات ( شهاده ميلاد الطفل واوراق ثبوتيه للابوين) الجواز بتطلب وجود الطفل لاخد الصوره وما اظن في دوله في العالم بيتم اجراءات عمل الجواز خاوج نطاق الشرطه ( والله اعلم )
الاجراء الاسلم في الحاله مخاطبه السلطات القطريه عن طريق السفاره بوضع الطفل الصحي وارجاء اتخاذ اي اجراء حتي يكون الطفل في وضع صحي طبيعي
Quote: .. بشأن طفل العناية المركزة وسفارتنا في الدوحة، كنت هناك اليوم وسألت، واتضح من رد المسؤول الأول أن ما نشر ليس صحيحا، وتمت الإجراءات بتعاون تام مع المستشفى، وأن حالة الطفل مستقرة وتسمح بنقله حسب رأي الطبيب المختص، وان المشكلة تقنية تم التواصل مع الخرطوم لتوفير أجهزة محمولة و الكاميرا الموجودة مرتبطة بشبكة أون لاين لا يمكن فصلها عن الاجهزة ولا الشبكة، وتم مطالبة الخرطوم بارسال كاميرات تعمل اوف لاين دون اتصالها بالشبكة للتعامل مع مثل هذه الحالة وعمل ما يلزم لاستخراج المستندات المطلوبة. ونقل الطفل للسفارة بكامل طاقم التمريض لاكمال الإجراءات، جاء بتواصل مباشر من الطبيب المختص مع السفارة. الخلاصة.. النشر الذي تم في الاسافير حول هذه الواقعة ليس صحيح، ويخالف كثير من القوانين، منها انتهاك خصوصية الطفل المريض، والموسسات الطبية والعلاجية والإضرار بمستشفى له سمعته لانه لا يجوز تصوير الإسعاف والكادر الطبي. طلبت من السفارة توضيح من جانبهم، لكن الأهم من ذلك أسرة الطفل، عليها أيضا التوضيح. يجب توخي الدقة ، كما أنه قبل الكتابة استحضار قانون الجرائم الإلكترونية وتبعات نشر اخبار غير صحيحة . الملاحظة، ذكر صاحب المنشور انه كان شاهدا، ولم يوثق بصور من داخل السفارة، لأن الصور المنشورة من المستشفى وليس السفارة؟
Quote: الرواية الصحيحة حكاها لي طبيب (سوداني) هو أحد المشرفين علي الطفل بالعناية المركزة بمستشفي سدرا. وتختلف تماما عن ماتداوله الناس علي الأسافير. باخاصار شديد فقد بادر هذا الطبيب بالاتصال بالقائم بالأعمال بالسفارة السودانية لاستخراج جواز للطفل لاستخراج الإقامة. و اوضح ان القائم بالأعمال رحب منذ اللحظة الأولي وتعاون للحد الكبير. وتمت الإجراءات بسهولة ويسر لدرجة أن أشادت إدارة المستشفي بتعاون السفارة. هنالك دروس يجب الاستفادة منها: 1. خطأ كبير تصوير اعربات الإسعاف داخل المستشفي وتصوير الطفل في العناية المركزة ونشر الصور. وهذا غير مقبول في أخلاقيات الممارسة الطبية وكذلك في قوانين قطر. ٢. تعاون السفارة فاق التوقع وتم كل شئ علي أفضل مايكون فلم يكن من اللئق التشهير بسفرتنا السودانية علي غير وجه الحق. ٣. لابد من توخي الدقة وتقصي الحقائق قبل النشر خاصة في أمور تخص المستشفيات والسفارة ودمتم
Quote: وان المشكلة تقنية تم التواصل مع الخرطوم لتوفير أجهزة محمولة و الكاميرا الموجودة مرتبطة بشبكة أون لاين لا يمكن فصلها عن الاجهزة ولا الشبكة
They could have had offline database in a mobile server(laptop) for bio metrics data collection
Post: #33 Title: Re: الم جديد( منقول) السفاره السودانيه بدوله Author: علي عبدالوهاب عثمان Date: 02-03-2020, 01:19 PM Parent: #32
الحبيب حامد تحياتي .. كل القنصليات السودانية والسفارات تعال في قنصلية جدة .. تكره حياتك شكل القنصلية والمعاملة .. الناس ديل محتاجين دورات تدريبية مكثفة جداً
تحياتي الاحباب
Post: #34 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 02:23 PM Parent: #33
الكاميرات والأجهزة الموصلة بالشبكة دي مربوطة مع السودان بي سلك؟! ما ياها الكاميرا المركبة في الحامل وموصلة بالكمبيوتر دي! والسيستم دة ما بندخل إلا بالكمبيوتر المكتبي يعني! يا اخوانا النظام شغال عبر النت وبندخل من أي جهاز أول ما اتعمل الرقم الوطني كانوا حايمين بي لابتوب وكاميرا على المؤسسات وعملوا لينا الاجراءات جوة مؤسساتنا
الرقم الوطني والجواز الالكتروني بالله عليكم الله شوفو التشديد والهوان للسودانيين الاصليين في السودان وعبر العالم بتعبو كيف عشان يطلعو وفي الجهة المتبزلة جدا والسؤال ده بوجهو لي وزير داخلية ق ح ت وخارجية ق ح ت ايضا كم عدد الجوازات الالكترونية والرقم الوطني الطلعتو الانقاذ من 1989-2020 ل غير السودانيين عبر العالم وبي القروش يعني بيع عديل عشان اجي اتلتل اطفال بالشكل ده عشان كده قلنا قبل امريكا تشيطن السودان بسبب الجوازات التي يحملها اراهابيين ومجرمين عبر العالم باعا لهم الانقاذييين عبر تاريخها المشين من 1989 لحدي الليلة 2020 الحل واضح نرجع طوالي لقانون الجنسية بتاع 1957 لحدي قبل 30 يونيو 1989 بي ويوم كل الجوازات الصادرة وفيها رقم الجنسية هي لسودانيين حقيقيين واصليين بعد هذا التاريخ في الامر نظر لابد من اجابة واضحة من ناس ق ح ت ديل كم عدد غير السودانيين العندهم رقم وطني وجوازات الكترونية ؟؟؟
Post: #36 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 02:51 PM Parent: #35
Quote: الرواية الصحيحة حكاها لي طبيب (سوداني) هو أحد المشرفين علي الطفل بالعناية المركزة بمستشفي سدرا.
Quote: 1. خطأ كبير تصوير اعربات الإسعاف داخل المستشفي وتصوير الطفل في العناية المركزة ونشر الصور. وهذا غير مقبول في أخلاقيات الممارسة الطبية وكذلك في قوانين قطر
كيف يعني ما فيها اي زكر لي عريه اسعاف ؟
Post: #38 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 08:34 PM Parent: #37
Quote: و اوضح ان القائم بالأعمال رحب منذ اللحظة الأولي وتعاون للحد الكبير. وتمت الإجراءات بسهولة ويسر لدرجة أن أشادت إدارة المستشفي بتعاون السفارة.
وينه التعاون دة لما تجيب مريض عناية مكثفة بي عربات اسعاف!!! اتعاون كيفن يعني؟ ما وقف الطفل في الصف! ياخي أضعف الإيمان لو السفارة كلها ما فيها موظف IT يصوروا الطفل صورة ورقية في المستشفى ويختوها قدام الكاميرا في السفارة قال اتعاون قال!
لو اصلا في ادانه مفروض تتوجه اولا لي اداره المستشفي السمحت لي مريض عنايه مركزه انو يغادر المستشفي .. والادانه التانيه لي والد الطفل الفضل انو يتجنب الغرامه علي سلامه ابنو .. والادانه التالته للسلطات القطريه الما بتراعي للحالات الانسانيه الزي دي
واخيرا وبعيدا عن العواطف وبعيد عن صحه الروايه او عدما .. لو في زول سمع بي اداره شرطه او جوازات في اي دوله في العالم قامت باستخراج جواز خارج حدود المباني المعده لاستخراج الجواز يوينا ليها
Post: #41 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 09:26 PM Parent: #40
فعلاً التنظير ساهل
أم الطفل برضو مشاركة في الجريمة دي مفروض تتحاسب مع أبوهو وأخوانه الكبار مشاركين برضو بالتستر على جريمة استخراج جواز لأخوهم وندي طاقم السفارة كلو نوط الجدارة على جودة شغلهم
Post: #42 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 09:34 PM Parent: #41
Quote: لو اصلا في ادانه مفروض تتوجه اولا لي اداره المستشفي السمحت لي مريض عنايه مركزه انو يغادر المستشفي .. والادانه التانيه لي والد الطفل الفضل انو يتجنب الغرامه علي سلامه ابنو .. والادانه التالته للسلطات القطريه الما بتراعي للحالات الانسانيه الزي دي
عليك الله دة كلام تتكتبو! مريض العناية ممكن يطلع بي اسعاف ومعاهو طاقم ووالد الطفل من حقه يطلع جواز لي ابنه السلطات القطرية دايرها تعمل شنو يعني؟ تنقل المستشفى جوة السفارة؟!
Quote: واخيرا وبعيدا عن العواطف وبعيد عن صحه الروايه او عدما .. لو في زول سمع بي اداره شرطه او جوازات في اي دوله في العالم قامت باستخراج جواز خارج حدود المباني المعده لاستخراج الجواز يوينا ليها
القال شيلو مطبعة الجوازات ودوها المستشفى منو؟ مجرد صورة ليس إلا .. الطفل متلتينو بي أجهزته عشان صورة ممكن تتأخد بي مليون طريقة
Post: #44 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 09:38 PM Parent: #42
دة أغرب تبرير اسمعه في حياتي داير السلطات القطرية تغير قوانينها وتعفي الما عملوا اجراءات رسمية! لكن الموظفين السودانيين اللي مفروض إنه وظيفتهم خدمة الجالية يخلفوا رجل على رجل وما يتحركوا من مكاتبها لحدي ما تجيهم الاسعافات في محلهم شايلة المريض !!!!!! ويقول ليك جواز ما بطلع برة المكاتب!!! ياخي الرقم الوطني دة حاموا بيه المؤسسات كلها وعندو نفس اجراءات التصوير بالكاميرا والرفع على الشبكة
Quote: دة أغرب تبرير اسمعه في حياتي داير السلطات القطرية تغير قوانينها وتعفي الما عملوا اجراءات رسمية! لكن الموظفين السودانيين اللي مفروض إنه وظيفتهم خدمة الجالية يخلفوا رجل على رجل وما يتحركوا من مكاتبها لحدي ما تجيهم الاسعافات في محلهم شايلة المريض !!!!!!
الاغرب اننا نحترم قوانين السلطات القطريه ونشوفا انها مقدسه وغير قباله للتعديل .. ونكيل اللوم علي سفارتنا او حكومتنا عشان ما دايره تغير قانون او سيستم معمول بيهو في جميع انحاء العالم
وين التستر هنا ؟ مافي اي تستر ( لو صحه الروايه ) دي اسره فضلت تتجنب الغرامه علي صحه وسلامه وحياة ابنها الرضيع ... لو انا والد الطفل وادوني خيار بين المخاطرة بي حياة ولدي والغرامه او الاستبعاد من الدوله المعنيه اكيد ما حا افكر مرتين
Post: #45 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 09:40 PM Parent: #43
كيفن ما متسترين! موش شافوا أبوهم بعمل جريمة استخراج الجواز لأخوهم وما بلغوا الشرطة؟
وبعدين دا انت موش الزول الكنت بتدافع عن الزول الجمع قروش البورداب بي وهمه عمل خيري وعمل رايح ؟ جاي تدافع عن حقوق طفل مريض ؟
Post: #49 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 09:54 PM Parent: #48
أنا دة صوروني في محل شغلي واستخرجوا لي الرقم الوطني بدون ما أمشي السجل المدني هي صورة ولا حاجة تانية!
عليك الله ما بتخجل تقول يحاسبوا السلطات القطرية عشان ما غيرت قوانينها للحالة الإنسانية وفي نفس الوقت سفارة الطفل المسؤولة عنه وعن سلامته تقول مفروض ما تتحرك لنففففس الحالة الإنسانية دي؟
Post: #50 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 10:02 PM Parent: #49
هاك امسك عشان ما تنجر من راسك
Post: #52 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 10:08 PM Parent: #50
Quote: قامت الإدارة العامة للجوازات بتوفير ما يعرف بالكشكات المخصصة لذوي الاحتياجات الخاصة فقط، والموجودة في العديد من المناطق المختلفة في أرجاء المملكة، والتي من شأنها أن توفر الكثير من الجهد والمشقة عليهم، حيث يتمكنون من مواصلة التقديم على الخدمة، وهم في عرباتهم الخاصة، دون الحاجة إلى بذل مزيد من الجهد.
طيب انت بتتكلم هنا عن دول ادخلت نظم وتسهيلات ( عامه ) لكل المواطنين .. بدون اي استثناء حسب الامكانات المتاحه ليها .. هل الدول دي قبل التحديث دا كانت بتقوم بي حالات استثنائيه
اولا الطفل ما بحاج لي صورة عشان يستخرجو ليهو رقم وطني ولا وجودو مطلوب اصلا .. دا الكذب البدا بيهو صاحب الروايه المنقوله وانت قعدت تتاجر بيها هنا .. ثانيا المشكله في استخراج جواز .. حصل سمعت بي جواز تم استخراجو في محل شغل ولا مستشفي ولا فندق ؟
Post: #53 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 10:11 PM Parent: #51
عندك فوق مثالين من السعودية ومصر داير زيادة؟
Post: #55 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 10:24 PM Parent: #53
أكان داير زيادة قول ما تخجل عشان تاني ما تفك فتاوى في السهلة ساي كل الدول المحترمة عندها اجراءات للحالات الإنسانية ويجي نوعك دة يقول مفروض يجيبوهو بالإسعاف للبوليس الخالف رجله في السفارة لا وكمان نحاسب الدولة المضيفة الما مسؤولة عنه بأي حال من الأحوال لكونه ما عندو إقامة ولا أوراق ثبوتية نقول الغرباء يغيروا قوانينهم عشان ولدنا لكن اعمامه الفي السفارة يشربوا الشاي وما يتحركوا شبر من كرسيهم
كدي اول حاجه اتاكد انو الروايه صحيحه ولا لا وبعدين تعال تاجر بي القضيه .. اليوتيوب دا ساهل خليهو لي انا براي بفتش
Post: #57 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 10:40 PM Parent: #56
وقت بتعرف تفتش مالك بتنجر قبل التفتيش؟
أنا ما عندي أي شغلة بي باقي الرواية .. مشكلتي حاجة واحدة بس إنه الطفل جابوهو بي اسعاف للسفارة عشان صورة هل في أي زول كذب الحدث دة؟
Post: #58 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 10:47 PM Parent: #57
Quote: طيب انت بتتكلم هنا عن دول ادخلت نظم وتسهيلات ( عامه ) لكل المواطنين .. بدون اي استثناء حسب الامكانات المتاحه ليها .. هل الدول دي قبل التحديث دا كانت بتقوم بي حالات استثنائيه
يقولوا ليك في مصر بمشوا ليه في بيته تقول لي أنظمة! شيكت على اللنك بتاع بريطانيا؟ قال أنظمة قال! ياخي انت عاوز تغير أنظمة دولة كاملة ومطالب بمحاسبتها وجاي تقول لي نحن ما عندنا أنظمة حالات خاصة!! والله حنك يحنن
أحسن ليك ترجع لموضوع دفاعي عن الشال التبرعات .. ممكن تتشكك في إني قاسم معاهو ذاتو أقلاها بكون حنك مقبول بدل جنس التلتخ بتاعك دة
Post: #59 Title: Re: الم جديد( منقول) السفاره السودانيه بدوله Author: أحمد محمد عمر Date: 02-03-2020, 10:50 PM Parent: #58
Quote: كدي اول حاجه اتاكد انو الروايه صحيحه ولا لا وبعدين تعال تاجر بي القضيه
والشعارات الرافعها انت من السنة الفاتت بتاعة مافي أي دولة في العالم بتطلع جواز خارج المكاتب اتأكدت منها يا العشا بلبن!!!! الواحد ينجر من راسه ويجي يقول للناس اتأكدوا قبل ما تكتبوا!!!!
للمعلوميه مصدر الروايه في الفيس مسح البوست بعد ما الناس القريبه كتبت الحقايق ونبهت الشخص للمشاكل القانونيه الممكن يقع فيها
Post: #62 Title: Re: الم جديد( منقول) السفاره السودانيه بدوله Author: أحمد محمد عمر Date: 02-04-2020, 04:50 AM Parent: #61
أجهل من الاقتباسات دي مافي
Quote: والادانه التانيه لي والد الطفل الفضل انو يتجنب الغرامه علي سلامه ابنو .
Quote: دي اسره فضلت تتجنب الغرامه علي صحه وسلامه وحياة ابنها الرضيع ... لو انا والد الطفل وادوني خيار بين المخاطرة بي حياة ولدي والغرامه او الاستبعاد من الدوله المعنيه اكيد ما حا افكر مرتين
إدانة الأسرة عشان طلعت جواز لإبنها وتبرئة موظفين السفارة الما بعرفوا يصوروا برة مكتبهم الأسرة تدفع الغرامات أو ترجع السودان لكن الموظفين يقعدوا في مكاتبهم والدايرهم يجيهم إن شاء الله بي اسعاف!
قلت لي شنو! مافي دولة في العالم بتعمل شنو؟
Quote: لو في زول سمع بي اداره شرطه او جوازات في اي دوله في العالم قامت باستخراج جواز خارج حدود المباني المعده لاستخراج الجواز يوينا ليها
Quote: ونكيل اللوم علي سفارتنا او حكومتنا عشان ما دايره تغير قانون او سيستم معمول بيهو في جميع انحاء العالم
Quote: اديني مثال لي حاله واحده حصلت في دوله تاني غير السودان واداره الشرطه استخرجت الجواز بي صوره من الموبايل زي ما بتنظر انت
Quote: حصل سمعت بي جواز تم استخراجو في محل شغل ولا مستشفي ولا فندق ؟
البشوف التكرار في معلومات مغلوطة وتحدي الناس بي أكاذيب ممكن إكتشافها بضغطة زر يفتكر القبة تحتها فكي
Quote: واخيرا وبعيدا عن العواطف وبعيد عن صحه الروايه او عدما .. لو في زول سمع بي اداره شرطه او جوازات في اي دوله في العالم قامت باستخراج جواز خارج حدود المباني المعده لاستخراج الجواز يوينا ليها
أنا دا ومعاي كميــن مية نفر مطلعين جوازاتنا ورقمنا الوطني في إستراحة أو ( قاعة أفراح ) وبعد شهرين تقريباً استلمناها بالبوسطة..
وانا تابع بالمناسبة لدولة السودان .. بس عشان يعملوا كدة أخدوا مني قروش ورسوم زيادة باكتر من ستة أضعاف ..
Post: #65 Title: Re: الم جديد( منقول) السفاره السودانيه بدوله Author: عمر نملة Date: 02-04-2020, 06:47 AM Parent: #64
سلام ومحبة احمد عمر يضع صورة في مخيلته ويدافع ويدين بشراسه... ولا يتزحزح.. معاوية حاول يوجد مبررات لطاقم السفارة... واحمد عمر يقفل في كل المبررات... معاوية خرج من القضية لشخص احمد... واحمد استجاب.. اقول.. القضية أسرة طفل عندها مشكلة جواز... وتضاربت الروايات.. هل صعب عمل لقاء مصور معهم لتوضيح الحصل... وهل هناك متحدث باسم السفارة يوضح الحصل...
Post: #66 Title: Re: الم جديد( منقول) السفاره السودانيه بدوله Author: أحمد محمد عمر Date: 02-04-2020, 07:33 AM Parent: #65
تصدق يا عمر نملة أنا ما عندي قضية بي مشكلة الأسرة ولا بتمنى يتم وضعها في الصورة! أنا مشكلتي مع شكل الإجراءات الما بتحترم كرامة الإنسان السوداني والتبريرات الغريبة حول الإشكاليات الفنية الما محتاجة متخصص عشان يعرف إنها كلام فاضي لو زول واحد من مبرراتية السفارة قال إنه الطفل لم يتم نقله بالإسعاف عشان الصورة ممكن أنظر في مصداقية الرواية عدا ذلك الواجب محاسبة طاقم السفارة بالكامل
Post: #67 Title: Re: الم جديد( منقول) السفاره السودانيه بدوله Author: عمر نملة Date: 02-04-2020, 07:48 AM Parent: #66
ما يحزنني في تناول القضايا تحولها لصراع شخصي.. متابع معاوية حسين من سنوات بعيدة.. يتميز بالموضوعية والتحليل السليم وفوق ذلك رجل مهذب.. وانت كذلك احمد عمر حقاني... مهم القضية الان قضية رأي عام.. . وابراز الحقايق من مصادرها.. يغني عن الصراعات الشخصية بالإضافة إلى الاستفادة من التجربة .. للحالات المماثلة...
أنا مشكلتي مع شكل الإجراءات الما بتحترم كرامة الإنسان السوداني والتبريرات الغريبة
بو حميد الوزارة في ش النيل عندها بابين.. باب فاتح في ش النيل ودا باب الخروج.. والتاني فاتح ب ش تاني ودا باب الدخول. مهم كل الناس الشغالة بتدخل بباب النيل... الموضوع دا مضايق وكيل الوزارة... مهم أدى أوامر للغفير وقال ليه ممنوع اي عربية تتدخل من باب الخروج حتى لو عربية الوزير.. ومعاها نهير وتهديد بالفصل.. مهم تاني يوم أول عربية تجي كانت عربية الوزير.. نصها في الشارع ونصها في المدخل والسودان كله خلف العربية لحلفا... الوزير يضرب بوري وينبز ويقول انا الوزير... الغفير بكل برود قال ليه انت اول واحد ممنوع.... يا سيدي في أوامر صماء وما بقدر الطاقم يتخطاها..
Post: #70 Title: Re: الم جديد( منقول) السفاره السودانيه بدوله Author: أحمد محمد عمر Date: 02-05-2020, 04:13 AM Parent: #69
رديت ليك في البوست التاني يا منتصر ما كنت قايل تعليقك هنا
Quote: سلامات منتصر وشكراً على إفادتك أنا أصلاً قلت فوق إنه والد الطفل راضي عن الإجراء لكن أنا اشكاليتي في الحتة دي
Quote: وعندما تعسر وصعب عليها موضوع الجواز
التبريرات الفنية المذكورة لا ساق لها تستند عليها عدا عدم العرفة موضوع كاميرا اوفلان وكاميرا اونلاين دة سواقة بي شارع الخلا هل لو جبت صورة ورقية وختيتها قدام الكاميرا الإجراء ما بتم؟ السيستم اليكتروني بتفتح من أي لابتوب أو حتى موبايل ذاتو كيف موظف الدعم الفني ما بقدر يوصل الكاميرا في اللابتوب ويمشي بيها المستشفى أنا ما بتكلم عن حرفنة أو حاجات دايرة خبرة دي اجراءات بتتم عادي وكتير بعثات الجوازات بتحوم بأجهزة محمولة وتعمل الإجراءات برة المكاتب كونه يا منتصر مهمة بسيطة زي دي تغلب طاقم السفارة معناها في إشكالية في خبراتهم التقنية وبالتالي كفاءتهم في التعامل مع الأنظمة الالكترونية
واكرر ليك تاني أنا متأكد إنه الولد ما عندو مشكلة ولا الوالد .. الاتنين راضين عن الإجراء .. ولا أنا بدافع عن حقهم أنا بتكلم عن الإشكالية التقنية في السفارة وإنه حدث زي دة مفروض تتشكل ليه لجنة تحقيق على مستوى الوزارة عشان يتعالج بشكل دائم
Post: #71 Title: Re: الم جديد( منقول) السفاره السودانيه بدوله Author: أحمد محمد عمر Date: 02-05-2020, 04:22 AM Parent: #70
Quote: في هذه القضية هو مصيب تماماً!
Post: #72 Title: Re: الم جديد( منقول) السفاره السودانيه بدوله Author: عمر نملة Date: 02-05-2020, 04:28 AM Parent: #70
يا عمر اللخو دا الحقانية في بلد وهو في بلد! والله صحي!
بس دا ما بيمنع إنو أقول كلمة شايفها حق: في هذه القضية هو مصيب تماماً!
يا عاطف عايز افتح نفاج مع احمد عمر... وعندي سياسة لذيذة... اشكر وارفع من معنويات اي حبيب.. وبردلب أقع بيه الواطا
