Post: #1
Title: الحل الاقتصادى
Author: أيمن نواى على
Date: 02-01-2020, 08:34 AM
07:34 AM February, 01 2020 سودانيز اون لاين
أيمن نواى على-USA
مكتبتى
رابط مختصر
كثيرين يتوقعوا حشو مصطلحات رنانة و كلمات إنجليزية .. وخصوصا اذا تبع الاسم القاب البروف و دكتور للتأكيد ان الراس نار من العلم .. و الاغرب ان جل حملة العلم و إن لم يكن كلهم تحت إدارة رأسماليين اغلبهم امين .. بى قدرة قادر يفكو الخط .. هذه النقطة يجب التركيز عليها و تسليط الضوء عليها .
|
Post: #2
Title: Re: الحل الاقتصادى
Author: adil amin
Date: 02-01-2020, 01:05 PM
Parent: #1
السودان اغني بلد موارد في العالم يدار بالعينات والكعوك بتاع المركز لحدي ما وصلنا الحضيض حليل زمن سودانيين وست منستر 1938-1956 والسيد عبدالرحمن المهدي الاسطورة
عمل مشروع الجزيرة مع الانجليز وشوف ذى الساقط الدكتور عبد الرحيم حمدي ودا البلد وين من 30 يونيو 1989
https://top4top.io/
بتاع الخصخصة والجراعات في نظام مهتري فاسد قضائيا واداريا وسياسيا وساقط في سبعة مواد والمحموع من 1989 لحدي هسة 2020 و ود بدوي نسخة اخرى من عبدالرحيم حمدي وادوات البنك الدولي في السودان
وقدم ميزانية عتيقة خالية من اي ابداع اقتصادي وعايز يرفع الدعم عن البترول والشعب يدفع ثمن فساد النظام الانقاذي القاعدين يمشطو فيه بي قملو لحدي هسة وفي 18 ولاية
|
Post: #3
Title: Re: الحل الاقتصادى
Author: adil amin
Date: 02-01-2020, 01:42 PM
Parent: #2
وده ايضا نموذج للدكترة الفالصو والفساد المشين وكان وزير نفط ومعادن
https://top4top.io/
عليكم الله هل ممكن تتمشط الانقاذ دي بي قملا في 18 ولاية ؟؟
|
Post: #4
Title: Re: الحل الاقتصادى
Author: adil amin
Date: 02-01-2020, 01:43 PM
Parent: #2
وده ايضا نموذج للدكترة الفالصو والفساد المشين وكان وزير نفط ومعادن
https://top4top.io/
عليكم الله هل ممكن تتمشط الانقاذ دي بي قملا في 18 ولاية ؟؟
|
Post: #5
Title: Re: الحل الاقتصادى
Author: adil amin
Date: 02-01-2020, 01:44 PM
Parent: #2
ده عبدالرحيم حمدي الطلع ميتين الاقتصاد السوداني ودكتور
https://top4top.io/
|
Post: #6
Title: Re: الحل الاقتصادى
Author: أيمن نواى على
Date: 02-01-2020, 07:13 PM
Parent: #5
استاذ عادل امين
بتاع الخصخصة والجراعات في نظام مهتري فاسد قضائيا واداريا وسياسيا وساقط في سبعة مواد والمحموع من 1989 لحدي هسة 2020 و ود بدوي نسخة اخرى من عبدالرحيم حمدي وادوات البنك الدولي في السودان
وقدم ميزانية عتيقة خالية من اي ابداع اقتصادي وعايز يرفع الدعم عن البترول والشعب يدفع ثمن فساد النظام الانقاذي القاعدين يمشطو فيه بي قملو لحدي هسة وفي 18 ولاية
.............................. ............
يا سلام .. الفرق بين الانسان الاكاديمى و القيادى .. ضرب مثل عندنا فى غرب السودان واحد امى يكون عنده أكثر من الفين راس من البقر او الابل يوفر لها الحماية و الاكل و الشرب .. يكون قادر على الحفاظ عليها .. اما الاكاديمى البيطرى يمكن ان يوفر العلاج لكن يكون عاجز ان يتحرك بها شمالا و جنوبا و يوفر لها الاكل و الشراب و يحافظ عليها .
عندنا فى السودان .. الانسان الاكاديمى غرقان بين الكتب و المراجع بعيد عن قضايا المجتمع نطلب منه ان يكون قياديا للمجتمع .
عواسة بدرالدين حمدى فى الاقتصاد السودانى لا زال يعانى منها الانسان السودانى حتى الان .. اما اذا واصل الوزير الجديد ابراهيم البدوى خمسين سنة قادمة الاقتصاد السودانى يكون مشلول فى غرفة الانعاش .
|
Post: #7
Title: Re: الحل الاقتصادى
Author: أيمن نواى على
Date: 02-01-2020, 10:00 PM
Parent: #6
صراع القيادة .. بين مدرسة الحياة التجريبية .. و الاكاديمى المتخصص النظرى .. نادرا ان تتوفر الصفتان القيادى و الأكاديمي فى شخص واحد .. مثل الطبيب المتخصص يكون مدير لمستشفى ناجحة .. او طبيب بيطرى يكون راعى لمواشى ضخمة فى غرب السودان .. او مبرمج تقنى رئيس مؤسسة ناجحة .
الصراع بين القيادى و الاكاديمى ( التكنوقراط) .. الان الغلبة للاكاديمين التكنوقراط بعد ان فشل القيادين فى السودان .. لكن هل ينجح الاكاديمين التكنوقراط فى قيادة السودان الى بر الامان .. عندما نتحدث عن قيادين لا نقصد قيادات الأحزاب .. الاسم المناسب للاحزاب ان يكون جمعيات او روابط انها لا ترتقى الى احزاب سياسية قومية .. حزب يحزب حزبا فهو حازب و الجمع حزب .. حزب عقدى او ايدلوجى مؤطر لا يجمع اهل السودان يجب ان لا نطلق عليه حزب قومى بل تسمى جمعية الاخوان المسلمين جمعية انصار السنة جمعية الناصرين .. جمعية المهديين ..لان تكوينها اساسها عقدى ..
فشل وزير المالية ابراهيم بدوى فى مراحله الاولية لم يكتمل الفشل فى الصورة الكاملة حتى الآن ليحكم عليه .. لكن الاضطراب واضح فى داخل الوزارة .. من ناحية اكاديمية لا غبار عليه .. من ناحية الإدارة فاشل بامتياز .
من ما دعانى الى كتابة البوست محاضرة د .وليد مادبو عن الحوكمة من ناحية تخصص اكاديمى جيد جدا .. لكن فى الواقع الان لايجدى .. مثلا مشكلة فى غرب السودان يمكن ان يحلها موسى هلال بكل بساطة لكن د. وليد مادبو يعجز عن حلها بالشكل المرضى للجميع .. و اذا تم خيار اهل المنطقة بين موسى هلال و د. وليد مادبو على عمدة الرزيقات بلاشك سوف يختاروا موسى هلال .
|
Post: #8
Title: Re: الحل الاقتصادى
Author: adil amin
Date: 02-02-2020, 04:41 AM
Parent: #7
| Quote: لايجدى .. مثلا مشكلة فى غرب السودان يمكن ان يحلها موسى هلال بكل بساطة لكن د. وليد مادبو يعجز عن حلها بالشكل المرضى للجميع .. و اذا تم خيار اهل المنطقة بين موسى هلال و د. وليد مادبو على عمدة الرزيقات بلاشك سوف يختاروا موسى هلال . |
حياك يا ايمن الحوار معاك مفيد وممتع
كلامك صاح
وانا في حملة اطلاق سراح موسي هلال وهو انسان جيد تم تضليله بواسطة المركز واستغلاله ووعي وصنع رؤيتو الخاصة لا ناصرية ولا بعثية ولا شيوعية ولا اخوانجية ولا سلفية بضاعة سودانية
برنامج الصحوة قرييت بيناتهم ومعاي في الفيس
1- طالب باخراج الجنود السودانيين من اليمن وده وعي حر ومتقدم جدا جدا اكثر من ق ح ت نفسها
2- طالب يالصلح يين كل قبائل دارفور حتي مع عبدالواحد نور وطالب بجعل ثروة الاقليم من الذهب تكون في خدمة الاقليم اولا وهذا يعني فدرالية اقتصادية 50% لدارفور اولا وليس كعوك المركز ذى عوض الجاز او الخارج الانتهازي
مصر والسعودية والامارات او قطر وتركيا ضباع البنك الدولي الخمسة
طيب الوليد مادبو انسان جيد ايضا
نرجع بس لي تولفية السيد عبدالرحمن المهدي الذكية
اكتفي برعاية حزب الامة 1946 وجاب تكنوقراط اصلي لادارةة الدولة الحديثة والمشاريع في السودان حسب التخصص حتي عبدالرحمن علي طه الختمي كان وزير معارف تابع لي حزب الامة وهو افضل وزير تعليم في تاريخ السودان علي الاطلاقب
جدعو الصادق المهدي مع المحجوب وجاب الترابي التكنوقراط الخبيث 1964
اذا العلاقة بين الادارة الاهلية والتكنو قراط علاقة تكاملية وليس علاقة تضاد كما يفعل الشيوعيين والبعثيين والناصريين والان تحت مسمي ق ح ت
الفدرالية اولا ترجع الاقاليم الخمسة فقط وتلغي ال18 ولاية وشفت ولاية غرب كرفان المهببة وواليها الساقط في البوست الثاني بتاع جقود وكلية الطب
الادارة لاهلية ثانيا
الاحزاب السياسية الوطنية لازمة مهة في الديمقراطية وفي فرق بينا وبين التنظيمات المجرمة الوافدة التي فرختها المخابرات المصرية في المركز بعد الاستقلال ولوثت بها الاحزاب الوطنية
موسي هلال نظيف
الوليد مادبو نظيف
فقط عليهم الاالتزام بالنظام الفدرالي ورؤية الحركة الشعبية التي لا تموت والغرب كله بتصلح
|
Post: #9
Title: Re: الحل الاقتصادى
Author: adil amin
Date: 02-02-2020, 04:54 AM
Parent: #8
| Quote: اذا العلاقة بين الادارة الاهلية والتكنو قراط علاقة تكاملية وليس علاقة تضاد كما يفعل الشيوعيين والبعثيين والناصريين والان تحت مسمي ق ح ت |
يعني بي الواضح كده موسي هلال يعمل مكتب سياسي ويجيب ذى ناس د الوليد مادبو مستشارين في كل التخصصات للبرنامج السياسي للصحوة
وبعد داك الانتخابات نفسها بتجيب الوليد ما دبو بتوجيه من راعي الصحوة موسي هلال ...
وعشان ناس قح ت في البورد يخلو اللف والدوارن واهانة رجال الادارة الاهلية ونظار القبائل والانصار والختمية في المركز ويجو يقعدو في راسنا في الاقاليم حاصل فارغ
ده بكري احمد عديل ودي صفحة ق ح ت في التوتير
http://www.m9c.net/
لمن حميدتي طرد رجال الادارة الاهلية المزيفين بتاعين المؤتمر الوطني من معرض الخرطوم دولي
قح ت غردت كده وجابت صورة بكري عديل المتامل ده وهو اصلا توفي زمان
ده طبعا جهل مخزي بقبائل السودان الاصلية ورجالها الاذكياء وكلنا بعرف بكري عديل موقفه الصلبة ضد تراهات الصادق المهدي وهو ناظر الحمر في جنوب كرفان دي قريبة جدا من مكان حمدوك الجابتو ق حت
هسة ذى يدل ما عارفين بكري عديل
ولا عافرين قد الهبوب او اضان الحمار او الحشرو عباس وين
احرسهم يحلو مشاكل الاقاليم من المركز كيف وبي المحاصصة ؟؟
يا ايمن
موسي هلال والوليد مادبو كويسين جدا بس التنسيق مهم
المشكلة في السودان
سياسات الدولة المركزية التي تخدم الخارج الاقليمي والدولي دون حياء علي حساب الداخل والاقاليم الستة بما في ذلك دولة جنوب السودان الذين تسببو بي فصلهم 2011 بسبب تكنوقراط ذى الترابي انقلاب 1989 وبابكر عوض الله انقلاب 1969
|
|