Post: #1
Title: أمر قبض في مواجهة الفنان السوداني ود الأمين
Author: زهير عثمان حمد
Date: 01-31-2020, 05:20 AM
04:20 AM January, 30 2020 سودانيز اون لاين
زهير عثمان حمد-السودان الخرطوم
مكتبتى
رابط مختصر
الخرطوم . الوطن
أصدرت النيابة التجارية أمر قبض في مواجهة الموسيقار محمد الأمين وذلك عقب توجيه الإتهام له تحت المادة “64 ” من قانون الملكية الفكرية بموجب البلاغ الذي دونه ضده الشاعر اسحق الحلنقي علي خلفية منعه من ترديد
أغنياته الخاصة والجدير بالذكر أن الباشكاتب مثل أمام نيابة حماية المستهلك صباح الاثنين الماضي ولكن جاري التفاوض مع الشاعر!!!
|
Post: #2
Title: Re: أمر قبض في مواجهة الفنان السوداني ود الأم�
Author: Hasheem Karouri
Date: 01-31-2020, 06:41 AM
Parent: #1
بسيطة يا ابو الزوز . انا اول ماشفت العنوان ، قلت الزول مالو ياساتر .
لو في قبض ، يقبضوا فرفور داك . الذي شوه الاغنية السودانية
|
Post: #3
Title: Re: أمر قبض في مواجهة الفنان السوداني ود الأم�
Author: دينق عبد الله
Date: 01-31-2020, 07:00 AM
Parent: #2
لن أستطيع لوم الحلنقي حتى لو إمتد البلاغ ليشمل المستمعين !!
الحلنقي ؛؛
ذلكم الجميل الذي اثرى وجدان السودانيين بكل ما هو مدهش ؛ يجب انصافه.
|
Post: #4
Title: Re: أمر قبض في مواجهة الفنان السوداني ود الأم�
Author: جمال ود القوز
Date: 01-31-2020, 07:15 AM
Parent: #2
دي ما أول مرة .. اتكررت قبل كده ..
يجب وضع حد لمطالبات حلنقي ومنحه حقه المادي ..
بعد تقييمه بواسطة لجنة قانونية فنية بدون ظلم طرف ..
ويتم توقيعه على مخالصة باستلام كافة مستحقاته ..
عن الأعمال التي تربطه بالموسيقار محمد الأمين
أما ترك الموضوع بلا حل قانوني وحله بالجوديات ..
كما في الخلاف السابق فده أمر لايستقيم ..
في حال تعنت حلنقي يمكن أن يترك ود الأمين ..
غناء الثلاث أغنيات وده طبعا حيكون فقد كبير لحلنقي ..
وربما تكون خسارته المعنوية وقتها لاتعادلها أي ماديات ..
وستكون خصما من تاريخه الشعري ..
وربما أدى ذلك لأن يمتنع كثير من الفناننين..
عن الغناء لحلنقي تضامنا مع محمد الأمين ..
بعدين ماذا سيكون حال هذه الأغنيات ..
حين يتم نزع اللحن منها ؟...
هل سيتم تلحينها من جديد ؟ ..
هل ستجد الرواج والنجاح الذي وجدته !؟ ..
ودالأمين مازول ساهل وبرضو موقفه قوي ..
ولديه كروت ضغط منها ألحان هذه الأشعار ..
وأكيد لن يترك لحلنقي اللحن ..
أو يفعل كما فعل عركي الشغله ليها حلول ..
|
Post: #5
Title: Re: أمر قبض في مواجهة الفنان السوداني ود الأم�
Author: دفع الله ود الأصيل
Date: 01-31-2020, 09:07 AM
Parent: #4
● طُظين في حلنقي . يا بو الزوز قول للزول دا
أحسن لك تبعد دمك من أولادنا. ود اللمين و عركي
أيوقنات للسودان بطوله و عرضة موش مدني بس .
الحلتقاوي معدي عمرو كلو (طير رهو ) هامل؛ و الظاهر
بعد جا و فلس انعصر رجع يفتش دفاترو القديمة .
● بعدين ما فاهم " خلفية منعه من ترديد
أغنبات الخاصة" يعني منو المنع منو/center]
|
Post: #6
Title: Re: أمر قبض في مواجهة الفنان السوداني ود الأم�
Author: osama elkhawad
Date: 01-31-2020, 10:57 AM
Parent: #5
كيف يمكن يا استاذ جمال ان يتحول تلحين ود اللمين الى كرت ضغط؟
|
Post: #7
Title: Re: أمر قبض في مواجهة الفنان السوداني ود الأم�
Author: جمال ود القوز
Date: 02-01-2020, 05:09 AM
Parent: #6
مرحبتين أستاذنا الخواض ..
الأشعار إن نزعت عنها ألحانها فقدت ألقها ..
وإحساس المستمع بها ..
فارتباط اللحن باشعار الحلنقي ..
أكسبها الجزء الأكبر من النجاح ..
وما أظن حلنقي يلقى لي أشعاره ألحان بعبقرية الحان ود الأمين ..
ثم هل في ملحن عاقل يرجع يلحن ..
أيقونة زي بتتعلم من الأيام (كمثال) من جديد ! ..
تقديري ..
|
Post: #8
Title: Re: أمر قبض في مواجهة الفنان السوداني ود الأم�
Author: Osman Musa
Date: 02-01-2020, 07:02 AM
Parent: #7
كان مفروض الموضوع يكون بين الشاعر والملحن .
والقصة ما تطلع
|
|