صورة للتعليق هل نحن اغبياء؟...الزول ده امبارح ما كان مساعد بشة

04:28 AM January, 29 2020

سودانيز اون لاين
بكرى ابوبكر-Peoria AZ USA
مكتبتى
رابط مختصر

والله يا سعادة المستشارة الصورة دي المتني الم قربت اكسر الكمبيوتر


يا اخي دي ناس مصنوعة من شنو و لا المضهبيين الرافعيين يدهم وراء المعجزة ....عالم تحير ...يا اخي ما تخجل علي روحك...المصيبة يجيب لينا حاتم السر مرشح رئاسي في الانتخابات القادمة

لكن ما بلوموا بلوم الحلو الاستقبلوا

ديل يا هندسة بعلفو
من اي ملف
اهلهم مفهمنهم انو السودان دا حقهم و هم وارثنو كابر عن كابر

شكرا يا بكرى على الحس الصحفى المهنى
الصوره ده لو كانت من عبد الرحمن الصادق المهدى على الرقم من انه ليس عضوا بحزب الامه كان عجاج المنبر العام واقف فوق
هنالك تنظيمات وجماعات عندها فيتو خصوصا الاتحاديين والختميه وقبائل اليسار
يللا يا عمر دفع الله نشوف شطارتك

دودى

الصوره ده لو كانت من عبد الرحمن الصادق المهدى على الرقم من انه ليس عضوا بحزب الامه كان عجاج المنبر العام واقف فوق
-----------------------------------------------------------------------------------------------------------------------------
محمد داودى وما الفرق بين الاثنين؟ هل عبدالرحمن الصادق كان سيصبح مساعدا للبشير لولا انه ابن الصادق؟

انتهى عصر الكاسيت وجاء عصر السيدهات
حلاتو سيدى بجضيماتو انا قبل ما اضع
النظارة كنت فاكرو الهندى عزالدين
والحلو ماببقى مر

Quote: صورة للتعليق هل نحن اغبياء؟.

لسنا أغبياء بالطبع و لكنهم يظنون ذلك
وعي الشعب أكبر و زي ما غني وردي

شعبك يا بلادي أقوي و اكبر
مما كان العدو يتصور

و ليظل المنبر عين تسهر لحماية الديمقراطية
و فضح ممارسة أعداء الشعب و الثورة

دا جزء من المصيبة الفيها البلد ...
لسان حال الحلو proud إنو اتفق
مع أحد الحزبين الكبيرين ...
ولسان حال جعفر يعلن لمحبيه ومريديه
بأنه اكتمل سياسيا وله قيادة الحزب ...
المصيبة الكبيرة إنو تقوم إنتخابات
ويفوز بيها السيدين وترجع حليمة
تعوس عواستا ...
تحياتي يا ريس ...

اولا منذ قيام انقلاب الجبهة معارض الى سقوطه
كنت ضد الاتفاقيات التى عقدت معه ناهيك عن مشاركته لعلمى
بتركيبتهم وانهم لا عهد لهم ولا ذمة



سبق الشيوعيون الاخوان فى الانقلاب على الشرعية
وسفكوا دماء الابرياء

رفعوا راياتهم الحمراء فى بحرى وهددوا بسفك الدماء ((الكهنوت مصيرو الموت))
صارات اذاعة ام درمان تتكلم بالرموز التى لا يفهمها الا الشيوعى وليس كل شيوعى

كل ذلك كان فى ثلاثة ايام فقط لا ادرى كيف كان سيكون الحال لو امتدت ثلاثون سنة

شاركوا كذلك فى برلمان هذا النظام كغير ولا مندوحة
السيد بكرى ابو بكر اننا كذلك لسنا اغبياء

عجبتنى ( لا مندوحة ) دى

أعتقد انو الحلو عارف نفسو بيعمل في شنو
الحلو ليس غبيا أيضا

لخبطتونا بالحلو دي
هسسسع عليكم الله الحلو منو .. عبدالعزيز والا المحتفى به !

كويس
البرهان وحميدتي ادوات بشة في القتل الرخيص في هامش السودان خارج السودان في اليمن
ريك شنو
والترابي ذاتو كان في قوى الاجماع الوطني الساقط بتاع بيوت لاشباح العمرو من 1964 ما احترم السودان والسودانيين
ده بجي بالانتخابات وكان قاعد في القصر الجمهوري في كرسي عمه احمد الميرغني من زمن السيستم الانجليز في السودان والقصر الجمهوري اصلا اتبني من اكسسورات الديمقراطية
الجال لقا الثاني في القصر الجمهوري منو
جعقر ولي بشة
كل الانقلابات والثورات المزيفة وراها المخابرات المصرية ومن وقى مشوهة لا وجود جماهيري اطلاقا من انقلاب 1958 و1969 و1989 و2019
جعفر بمثل حزب سوداني حقيقي ودين سوداني طبيعي الختمية
وروني الشيوعي والبعثي والناصري والكوز والسلفي بمثلو شنو ومنو في السودان؟؟ وجات من وين انجزت شنو
ودي ذاتا ما ثورة من الاساس حراك عسكري علي مرحلتين قامت به دول اقلمية للمحافظة علي مصالحا في السودان وناس ق ح ت دخلو في العبة وفي حدود مثلث الحمدي
الحركة الشعبية في المنطقتين والحزب الاتحادي الديمقراطي الاصل قوى ديمقراطية سودانية حقيقية
احسن من بعاعيت مايو 1969
اصحي يا بكري
نحن في القرن 21
هسة خليكم في ق ح ت والمحاصصة بتاعتكم دي لحدي كيسكم يفضي والمستقبل للحركة الشعبية الاصل والاتحادي الديمقراطي الاصل وانتز زبد ساكت رايح ليكم درب
لمن تقتنعو بالانتخابات والحكم الاقليمي اللامركزي بتزل جعفوري ده مرشح حاكم الاقليم وبكون انا شخصيا في حملته الانتخابية و انت جيب اجعص عضو من عوانس الحزب الشيوعي قصاده
وقد افلح من استعلي

حلاتو ياخواني !!

أكيد يكون جاءهو تمزق عضلي من طول رفع اليد. و مسكة عبدالعزيز الحلو الخشنة.

و دي ح تكون أكبر تضحية هو يقدمها في حياته من أجل السودان.
أحسن يرجع لندن يستريح شوية من التعب.



------------------------
بدر الدين
احترم نفسك !!
حبوبتي لو سمعتك تتكلم في حفيد "سيدها" الحسن تجيك في الدوحة. بعد داك إلا تأخد لجوء طائفي في بيت من بيوت الختمية هناك.


هههههه

قلتو سياسة ومنطقنها يا ناس الماضي الدموي المشين والمجلل بالعار والانقلابات
نديكم ملف الختمية في جنوب كرفان عبر العصور
عشان نعرف الاوعي منو انتو يا يعاعيت مايو 1969 ولي عبدالعزيز الحلو

Quote: النوبة في السياسة السودانية لقد عاملت المعارضة السودانية النوبة معاملة أفضل بقليل مقارنة بحكومة الرئيس عمر البشير الحالية . و عندما كان حزب الأمة في الحكومة ، كان هو القوة الرئيسية خلف سياسة المليشايات والحملة ضد النوبة . ويتحمل الصادق المهدي ، رئيس الوزراء آنذاك ، الجزء الأكبر من مسئولية ما يجري حالياً من مأساة حقوق الإنسان في جبال النوبة ، وكذلك مبارك الفاضل ، وزير الداخلية، و عبدالرسول النور حاكم كردفان ، و بعض الشخصيات القيادية في حزب الأمة كفضل الله برمة ناصر. كما أنضم بعض سياسي حزب الأمة ، كرئيس اللجنة البرلمانية السابق حريكة عز الدين ، إلى الحكومة العسكرية الحالية ، و هو يواصل المشاركة في الحملات العسكرية. أما الآن وهم في المعارضة ، فإنهم يتشدقون بكلمات "الديمقراطية" و "حقوق الإنسان". ولكن ليس هناك من مؤشر بأن حزب الأمة قد غير موقفه تجاه النوبة . فالحزب ما يزال يرى أن البقارة هم إحدى دوائره السياسية الرئيسية ، وعتقد أن مساندته للنظرية التوسعية للبقارة هو أفضل طريق لكسب قياداتهم الذين هم مع الحكومة الآن . و لم يعبر حزب الأمة حتى عن ندمه ، ناهيك عن تقديم الإعتذار عن جرائمه في جبال النوبة . و لا يزال النوبة يتشككون في نوايا حزب الأمة ، كما يعارض الحزب بشدة السماح للنوبة بتقرير مصيرهم . لقد طال إنتظار بيان واضح من حزب الأمة يقر فيه بجرائمه الماضية في جبال النوبة و يعلن إقراره بمبدأ إحترام كل حقوق شعب النوبة . وحتى يتم تأكيد مثل هذا الإلتزام ، فإن شكوك النوبة الخاصة بأن حزب الأمة لديه نفس سياسة الحكومة الحالية سيكون لها ما يبررها. إن الحزب الإتحادي الديمقراطي ليس له مثل هذا السجل السيء في جبال النوبة ، و لكنه ما زال حزباً يمثل مصلحة محلية ضيقة ، بدلاً من أن يكون حزبا قوميا حقيقاً . و كان بإمكان الحزب ، و برؤية أوسع للسودان ، أن يستغل بكل سهولة عدم التوافق بين النوبة و حزب الأمة لمصلحته ، و أن يسعى إلى عمل تحالف إستراتيجي مع الحزب القومي السوداني أو مجموعات النوبة الأخرى في عقد الثمانينات . و لكنه فشل في ذلك. و مثله مثل حزب الأمة تماماً ، فإن الإتجاد الديمقراطي منقسم على نفسه فيما يختص ببعض القضايا ، كالقوانين الإسلامية ، و حق تقرير المصير بالنسبة للجنوب ، مما أثار شكوك النوبة بأن الحزب يشارك الحكومة الحالية رغبتها في إقامة دولة إسلامية . لقد طور الحزب الإتحادي الديمقراطي مؤخراً بعض الرؤى تجاه الشعوب المهمشة في شمال السودان ، و لكن هذه الرؤى لم تترجم إلى إلتزامات بعد . و ما زال النوبة في إنتظار إلتزام واضح من جانب الحزب الإتحادي الديمقراطي فيما يختص بحقوقهم الأساسية. يهيمن حزبا الأمة و الإتحادي الديمقراطي على التجمع الوطني الديمقراطي المعارض ، و الذي يطرح نفسه كبديل لحكومة عمر البشير – الترابي. مع ذلك ، فإن للنوبة مبرراً قوياً لشكوكهم بأن حكومة التجمعسوف لن تمثل تغييراً جوهرياً في السياسة الشمالية تجاه النوبة . و أن للجيش الشعبي لتحرير السودان ديناً كبيراً مستحقاً للنوبة ، ليس الآن جبال النوبة كانت ما زالت الجبهة الرئيسية في الحزب ، و لكن لمشاركة أكثر من ثلاثة آلاف من قوات النوبة في المعارك التي جرت في جنوب السودان ، و الذين ظلوا مخلصين بصورة دائمة للعقيد جون قرنق . كما أستفاد الجيش الشعبي أيضاً من القائد يوسف كوة ، كعضول لوفود محادثات السلام و الرحلات الخارجية. و أعتمدت الحركة الشعبية بدرجة كبيرة على مهارات يوسف كوة كرئيس لمؤتمر الحركة عام 1994م. و لكن إلتزامات الحركة تجاه النوبة ظلت موضع سؤال . و لى الرغم من أن الجيش الشعبي يطالب رسمياً بمنح جبال النوبة حق تقريرالمصير ، لكن الكثيرين يتشككون بأن هذا الإلتزام يمكن التخلي عنه من أجل الحصول على إتفاق أوسع. و لقد تفجرت مخاوف النوبة العميقة بتوقيع "اتفاقية شقدوم" بين الجيش الشعبي وحزب الأمة ، في 12 ديسمبر 1994م. فبينما تقر الفقرة الثانية من الإتفاق بأن "حق تقرير المصير هو حق إنساني أساسي للشعوب " نجد أن الفقرة الرابعة تحتوي على خلاف ذلك ، و أنها مناقضة لموقف الجيش الشعبي: "2/4 يرفض حزب الأمة ذكر تضمين جبال النوبة ، و منطقة أبيي ، و جبال الأنقسنا في الفقرة الخاصة بحق تقريرالمصير ، لأنه لا يعترف بحق تقرير المصير لأي مجموعة تقع خارج جنوب السودان . كان الموقعون عن حزب الأمة هما عمر نور الدائم ، و مبارك الفاضل. يجب على الجيش الشعبي لتحرير السودان أن يعلي من شأن إلتزاماته تجاه النوبة لتصبح جزء مكملا ًلوضعه التفاوضي مع الأحزاب الشمالية و مع الحكومة ، إذا كان ذلك من خلال الإيقاد أي أي وسطاء آخرين (كالرئيس كارتر) . و يجب على الحركة الشعبية أن لا توقع أي إتفاقية لا تعطي النوبة حقوقاً متساوية مع الجنوبيين. إن موقف الأحزاب السياسية و الحركة الشعبية تجاه النوبة لمؤشر على وجود مسلك تفضلي واسع الإنتشار وسط القيادة المعارضة. فهم يعتقدون أن إيجاد الحلول يكمن في عمل الصفقات بين القادة ، و ليس في التعبئة الشعبية . و لقد جلبت هذه النظرة المأساة للسودان ، وسوف تظل كذلك. (من كتاب افركا رايتس..1996)****

وخرفان انيمال فارم لسه
الانقلابات كويسة
الديمقراطية ما كويسة
سبحان الله
الحزب الاتحادي الاصل حزب نظيف ومشكلة السودان بين الوسخ والنظافة

Quote: إن الحزب الإتحادي الديمقراطي ليس له مثل هذا السجل السيء في جبال النوبة ، و لكنه ما زال حزباً يمثل مصلحة محلية ضيقة ، بدلاً من أن يكون حزبا قوميا حقيقاً . و كان بإمكان الحزب ، و برؤية أوسع للسودان ، أن يستغل بكل سهولة عدم التوافق بين النوبة و حزب الأمة لمصلحته

دي الرؤية الاستراتيجية الصحيحة التي تاخرت كثيرا في السودان بسبب تشرزم الاتحاديين وبؤس الوطني الاتحادي جماعة الهندي المعوقين للحزب والوطني الاتحادي ما عنده فرق من ايدولجايات مصر نقسها
ويا ريت يطلعو من الاسم القديم ده لي لاسم الاصلي (حزب الشعب الديمقراطي ) بس

محمد داودى وما الفرق بين الاثنين؟ هل عبدالرحمن الصادق كان سيصبح مساعدا للبشير لولا انه ابن الصادق؟

الفرق بين الاتنين اخى حسن كبير جدا
الحزب الاتحادى الديمقراطى كان من اكبر شركاء المؤتمر الوطنى فى الحكم بوزراءه ومساعدوه ونوابه بالبرلمان ....حزب الامه القومى لم يشارك ابدا فى اى مرحله من مراحل النظام البائد
مشاركه عبدالرحمن وتشجيع وتبنى واغراء بعض قيادات حزب الامه ( مبارك المهدى) بالانشقاق والمشاركه واحده من سياسات الانقاذ فى محاربه حزب الامه القومى وكل القوى الرافضه للمشاركه

انتم عميان بصر و بصيره و الغباء يتبرأ منكم و الغباء ذاته كتير عليكم


شيوعيين حثاله في الخلقه و الاخلاق


التاريخ القريب ، هتف الشعب من اعماقه التطهير ( التمكين ) واجب وطني ، يا حارسنا و فارسنا ، احداث الجزيرة أبا


الشيوعيين يتساوا في الخبث و الرمرمه مع الكيزان

يا بكري لما تجي مع الاوباش بتاعنك ديل لازم تحترم سيدك جعفر الميرغني

الزبير الختمي

الناس دي سهل تتلون ..

وشغاله على كل الموجات

Quote: يا بكري لما تجي مع الاوباش بتاعنك ديل لازم تحترم سيدك جعفر الميرغني الزبير الختمي

الزبير
سيدك دي نزلت في أي سورة في المصحف؟

كل ابن آدم سيد نفسه و لا فضل ل جعفر على غيره من البشر.

و من يدخل معترك السياسة فليكن جاهز للنقد.

يا ناس ما تظلموا سيدى فهو كان مكلف بأدارة ملفات وواجبات خطيرة للغاية , أهمها تجديد نغمات وخلفيات صور موبايل بشة .

Quote: الزبيرسيدك دي نزلت في أي سورة في المصحف؟كل ابن آدم سيد نفسه و لا فضل ل جعفر على غيره من البشر.و من يدخل معترك السياسة فليكن جاهز للنقد.

الاخت الفاضلة نعمات الم تسمعى قول الله سبحانه وتعالى سيدا وحصوراالم تمرى بقول سيدى ومولاى رسول الله صلى الله عليه وسلم للانصار قوموا الى سيدكم والمقصود سيدى سعد بن معاذ رضى الله عنه نعم من دخل مجال السياسة لن يسلم من النقد لم نقول بغير ذلك ولكن هل تعتبرين هذا نقد ؟ النقد هو نقد مشاركة الحزب مع الطغمة الاخوانية فى الحكم وهذا حق ولا يمكننى الدفاع عنه رغم ان لمن شارك مبرراته التى لم تقنعنى البتة ولكن هل ترين ما اثاره العض هنا نفد جعفورى .الحلو منو جعفر ول عبد العزيز . وجعفورى ولا بعرف النيل الابيض من الازرق وكان البشر لا تزل السنتهم .وخريج روضة الحنان رغم انه يحمل من المؤهلات العلمية ارفع مما يحملون هؤلاء من النوعية ممن لو رءاك والدك تصحبهم فى الحى لناك عقاب جسيما لا يحملون من الانسانية الا اسمها واكيد لهم عداء محكم مع الاخلاق والشهامة

كان السيد جعفر مساعد بشه لما عمكم نقد كان مشرع في برلمان بشه .


علي قول تراجي ،،، قرف اقرفكم

Quote: الصوره ده لو كانت من عبد الرحمن الصادق المهدى على الرقم من انه ليس عضوا بحزب الامه كان عجاج المنبر العام واقف فوق هنالك تنظيمات وجماعات عندها فيتو خصوصا الاتحاديين والختميه وقبائل اليسار يللا يا عمر دفع الله نشوف شطارتك دودى

يا دودي بإعتبار إنو المنبر بمثل شريحة عشوائية من المجتمع السوداني ذات الإهتمام بالحوارات السايبرية
هل نفهم من كلامك دا إنو الإتحاديين والختمية أكثر مقبولية من حزب الأمة والأنصار؟

Quote: لمصيبة الكبيرة إنو تقوم إنتخابات ويفوز بيها السيدين

لا والله يا ود الزبير! كونه تقوم انتخابات وتكون نزيهة حتى كان فاز بيها ابو خرتاية الستة ولايات و المحكمة الدستورية ما مشكلة
المهم الخيار الحر, و الوعي بجي لقدام

دا جفورى الضرب البورى خريج روضة الحنان على قول ود الصايم

دي نهاية البمشي يتفاوض مع الحركات المسلحة
حا يتفاوض كده لامن االقيامة تقوم
يرضي فلان ويجيبو وزير يقوم اخوه يتمرد ويسد محله
يخش ود المعدي الحكومة يطلع ود الميرغني المعارضة المسلحة
أنا لا أتحدث عن المعارضة السلمية في أي مكان
لكن بالله عليكم خبروني دولة واحدة في العالم بتتفاوض بطريقتكم دي مع مواطن شايل سلاح ضدها
لا وكمان بتمشي ليهو في مناطقه المحررة وتحتفل معاهو
ناس عايشة سنة أولي سياسة ..

QUOTE : علي قول تراجي ،،، قرف اقرفكم
قرف يقرفك إنت ويقرف سيدك معاك وتراجى كمان فوق البيعة .

المشكلة والسبب الذى دفع بجعفر الميرغنى توقيع اتفاقية مع الحلو
هو انه ليس من الموقعين على ميثاق قوى الحرية والتغيير .

كان على ق ح ت ومن البداية ان تتفق مع الحركات المسلحة فى عدم توقيع اتفاقيات جانبية
مع اى حزب مهما كان .

يا دودي بإعتبار إنو المنبر بمثل شريحة عشوائية من المجتمع السوداني ذات الإهتمام بالحوارات السايبرية
هل نفهم من كلامك دا إنو الإتحاديين والختمية أكثر مقبولية من حزب الأمة والأنصار؟

الاخ حافظ ما اكثر مقبوليه ولا شئ بل اكثر نفاقا وعدم مبدئيه
ياخى الحمله الموجهه ضد حزب الامه وقيادته منذ سنوات فاقت حتى الحمله الموجهه ضد الانقاذ ورموزه وحلفائه

سلام عمر فلة

Quote: لكن بالله عليكم خبروني دولة واحدة في العالم بتتفاوض بطريقتكم دي مع مواطن شايل سلاح ضدها

نعم يا عمر في
الجيش الجمهوري الايرلندي صنف كمنظمة ارهابية ارهق البريطانيين اخيراَ اتفاوضو معاهو
و استمرت المفاوضات فترة طويلة و قدمت الحكومة الكثير من التنازلات
و معلومة اضافية انو الرئيس القذافي هو الكان بمول الجيش الايرلندي

انت الظاهر درستا علمي عشان كده ما بتحب التاريخ :)

العيب ليس في ابن الميرغني ، وإنما في الحلو نفسه
هل يراهن على الختمية في الانتخابات ؟
إذا كان الأمر كذلك يكون الحلو لم يتعلم شيء بل لازال يفكر بعقلية ما قبل انقلاب البشير

زى ماكان شعار (عوده العسكر الى ثكناتهم)
ندعو لشعار (عوده الطوائف الى خلاويها وحوياتها وراتبها) واتركو السياسه لاهل السياسه
السياسه الفيها قداسه دى مابتودى البلد لى قدام .
اتباع الاسر المقدسه مادايرين زول يتنقد جلطاتهم فى معترك السياسه.
الاسر المقدسه كل واحده فيهم بتفتكر انو حكم السوودان حق وارث تاريخى ليها باسم الدين

يا عاصم
كان اجدي ب بكري ابوبكر انتقد سيده محمد ابراهيم نقد كان قاعد مشرع مع بشه في مجلس التشريع

اقروا مقالات حامد البشير مفروشة هنا في المنبر إذا عايزين تقروا الصورة..

Quote: كان اجدي ب بكري ابوبكر انتقد سيده محمد ابراهيم نقد كان قاعد مشرع مع بشه

سلام للجميع و مرحب بيكم في بوستكم و اسف انني لا اقدر ان ارد عليكم فردا فردا و اطلب منكم ان ارد لزميلنا الزبير لانو مداخلته حرقتني شوية
يا شقيقنا الزبير انا واعوذ بالله من كلمة انا ما عندي سيد و افتخر بذلك،......
المهم

عندما كان يزور الميرغني اهلنا في حلفاية الملوك و هم اغلبهم ختمية كانوا يتصارعون و يتشاكلون في شرب ماء الوضوء للميرغني ...ما هو رايك في هذه الممارسة ؟ و هل تمارسها

Quote: سلام للجميع و مرحب بيكم في بوستكم و اسف انني لا اقدر ان ارد عليكم فردا فردا و اطلب منكم ان ارد لزميلنا الزبير لانو مداخلته حرقتني شوية يا شقيقنا الزبير انا واعوذ بالله من كلمة انا ما عندي سيد و افتخر بذلك،...... المهم عندما كان يزور الميرغني اهلنا في حلفاية الملوك و هم اغلبهم ختمية كانوا يتصارعون و يتشاكلون في شرب ماء الوضوء للميرغني ...ما هو رايك في هذه الممارسة ؟ و هل تمارسها

الاخ الكريم بكرى ابو بكر

ياخى البوست دا بخصوص ذكائكم الذى يمنعكم بان تقبلوا اتفاق بين الحزب الاتحادى والحركة الشعبية
او خاص بممارسة الختمية وغيرهم من الطرق الصوفية بالتسابق على وضؤ مشايخهم او قل حتى تفافهم
اذا كان الامر الاخير فافتح بوست منفصل بذلك حتى نرفدك بادلتنا من ديننا الحنيف المحكم على ذلك

Quote: المشكلة والسبب الذى دفع بجعفر الميرغنى توقيع اتفاقية مع الحلو هو انه ليس من الموقعين على ميثاق قوى الحرية والتغيير . كان على ق ح ت ومن البداية ان تتفق مع الحركات المسلحة فى عدم توقيع اتفاقيات جانبية مع اى حزب مهما كان

الاخ الكريم علاء
هل تتحدث عن قحت ام عن ثورة الشعب الابى
اعلم اخى الكريم اننا كحزب اتحادى ديمقراطى كان معتقلينا داخل السجون
اكثر من معتقلى هذه الاحزاب والحركات مجتمعة . لا نستصغر دور احد ولا نقبل من يتطاول علينا.

عبد العزيز الحلو عرك دروب السياسة حربا وسلما
و لو كان الخيار امامه قحت ام الحزب الاتحادى لاختار الحزب الاتحادى وهذا ما فعله
انه ليس غبيا ولن قراءته صحيحة وعارف البير وغطاها

سلام أخونا بكري سيد الحوش وضيوفك الكرام
سؤال: ليه ما في جمهوري ولا صوفي ولا كوز بينتقد
ناس الطائفية ديل؟؟؟
ترحيب بأخونا حيدر حسن ميرغني وحمد الله علي السلامة

جبيبنا بكري، مايهم الحركة الشعبية في هذا الوقت قضيتين هما اما الاقرار بعلمانية الدولة او حق تقرير المصير!
الحزب الاتحادي الديمقراطي الاصل اظهر تفهم ورغبة في دعم هذا الخط عكس معظم احزاب الشمال والوسط، فالحركة الشعبية اليوم كما تعرف تفاوض حكومة الخرطوم ويمثلها ضمن من يمثلها حميدتي ...
فاللجنه الامنية لنظام الانقاذ هي التي تراس مجلس السياده .....

الذي يهم هو : علي ماذا اتفق الطرفان ؟

إعلان دعم قضايا السلام والوحدة الطوعية
بين الحزب الاتحادي الديمقراطي الأصل والحركة الشعبية لتحرير السودان/ شمال

نحيي نحن المجتمعون ثورة الشعب السوداني 2019 المجيدة؛ ونترحم على شهدائها وكل شهداء الوطن الذين ضحوا بأرواحهم لأجل الحرية والعدالة والسلام، وكانوا سبباً لهذه الثورة التراكمية، ونتمنى الشفاء العاجل للجرحي والمصابين وعودة المفقودين، وتأكيدًا للعلاقة المشتركة والمواقف التاريخية التي جمعت بين حزبي الحركة الشعبية لتحرير السودان/شمال والحزب الاتحادي الديمقراطي الأصل، فقد وقع الطرفان ثنائياً أو مع أطراف التجمع الوطني الديمقراطي الأخرى؛ على عدة اتفاقيات وبيانات هدفت لتحقيق السلام الدائم والوحدة العادلة منها: مبادرة السلام السودانية نوفمبر(تشرين الثاني) 1988م، بين مولانا السيد محمد عثمان الميرغني، رئيس الحزب الاتحادي الديمقراطي الأصل، والقائد الدكتور جون قرنق دي مبيور، رئيس الحركة الشعبية لتحرير السودان. وإعلان نيروبي الذي وقعه التجمع الوطني الديمقراطي في إبريل 1993م. والإعلان المشترك الموقع بين بين الحزبين سنة 1994، ومقررات مؤتمر أسمرا للقضايا المصيرية سنة 1995م، وإعلان القاهرة 2005. وإعلان القاهرة؛ بين الحزب الاتحادي الديمقراطي الأصل، والحركة الشعبية لتحرير السودان شمال، في سبتمبر(أيلول) 2019.

واتصالاً بالنهج التاريخي أعلاه؛ احتضنت جوبا، اجتماعات الحزبين، في جو إيجابي، ساده الصدق، والبلاد تقف أمام تحدي تاريخي كبير للإختيار ما بين السلام والوحدة أو استمرار الصراع لذات العوامل القديمة المتجددة وتمّ الاتفاق بين الطرفين على الآتي:
أولا: تأكيد الالتزام الثابت بالوحدة الطوعية المؤسسة على الديمقراطية والتعدد الديني والعرقي والثقافي، والالتزام الجاد بالعدالة الاجتماعية واحترام حقوق الإنسان، وضرورة منع قيام الأحزاب السياسية على أساس ديني، وضرورة احترام التعدد والتنوع الثقافي، ومنح كل الشعوب فرصتها في تطوير تجربتها الثقافية والسياسية، مع التركيز على الطريق إلى الوحدة الوطنية حيث أن قضية السلام واستدامته هي الحل لاستقرار اقتصادي وتحول ديمقراطي حقيقي.

ثانياً: تشجيع الجهود المبذولة للوصول إلى سلام عادل ومستدام تحت استضافة ورعاية الأشقاء في دولة جنوب السودان، وتقديم كل مساعدة ممكنة للوصول بمسيرة السلام إلى نهاياتها المبتغاة.

ثالثا: إلغاء كافة القوانين المقيدة للحريات وتلك التي تميز بين المواطنين بسبب الدين او العرق او الجنس او الثقافة. وصياغة قوانين بديلة تضمن المساواة الكاملة بين المواطنين دون تمييز تأسيسا على حق المواطنة علي ان تتطابق القوانين الجديدة مع المواثيق الدولية لحقوق الانسان ويبطل اي قانون يصدر مخالفا لذلك، ويعتبر غير دستوري كما يرفض الطرفان القوانين التي تميز بين الشعوب السودانية وتهدد الوحدة الوطنية كما نؤكد موقفنا من الوثيقة الدستورية خاصة المادة (2/1) وإلغاء تلك القوانين حتى تاريخ التوقيع على الوثيقة الدستورية والرجوع لقوانين سنة 1974، حتى التوافق على الدستور الدائم.

رابعاً: تضمين بنود اتفاقيات السلام، التي يتم التوصل إليها مع الحكومة الانتقالية، في الدستور الدائم. على أن تكتب الدستور هيئة مفوّضة نتوافق عليها، ويعرض على استفتاء شعبي.

خامساً: محاكمة المتهمين في جرائم الإبادة الجماعية، وجرائم ضد الإنسانية، وجرائم الحرب، وقضايا انتهاك الحريات، وحقوق الانسان، والتعذيب، والفساد وذلك لإفساح المجال كاملا لتحقيق العدالة الانتقالية وضمان عدم الإفلات من المحاسبة والعقاب واتخاذ كافة السبل في سبيل ذلك.


سادسا: يتفهم الحزب الإتحادي الديمقراطي الأصل الدوافع والمخاوف المرتبطة بحق الشعوب المتضررة في ممارسة حق تقرير المصير عبر استفتاء شعبي، ويجدد تفهمه لضرورة إصرار الحركة الشعبية لتحرير السودان/شمال على المطالبة بالعلمانية وتقرير المصير ويلتزم الحزب بالعمل والتواصل مع الأطراف السودانية كافة من اجل معالجة هذا الامر سعيا لوقف الحرب ودرءا للفتنة الدينية وذلك حتى لا تكون هذه القضايا سببا وعائقا دون الوصول الي اتفاق سياسي يوقف الحرب في السودان.

سابعا: يلتزم الطرفان بتشكيل لجنة مشتركة تعمل على تنزيل هذا الاتفاق علي أرض الواقع واتخاذ التدابير التي تجعله حاضرا في الوعي الجماهيري نموذجاً، للحكمة السودانية في معالجة القضايا العصية التي تجابه الوطن كما تجعل منه أساسا لمصالحة وطنية شاملة تداوي مرارات الصراع وترمم الشروخ الاجتماعية التي نتجت جراءه.

ثامنا: اتفق الطرفان على أهمية إنفاذ مشروعات التنمية العادلة التي تؤدي إلى إزالة الغبن الناتج من الصراعات والتهميش وتحقيق التمييز الإيجابي.

وفي ختام اللقاء عبر الطرفان عن عميق شكرهما لدولة جنوب السودان ولجنة الوساطة وتقديرهما للمجتمع الدولي ممثلا في منظمة الأمم المتحدة والاتحاد الإفريقي والأوروبي ودول الترويكا والدول الصديقة والشقيقة لدعمهم واهتمامهم بالأوضاع السياسية والإنسانية وجهودهم المبذولة من أجل تحقيق السلام الشامل والعادل وإيصال المساعدات الإنسانية للمحتاجين في مناطق الحرب ودفاعهم عن حقوق الإنسان وسعيهم من أجل تحقيق العدالة الدولية وإيقاف المأساة الإنسانية في السودان.

صــدر هـذا الإعـلان تحـت توقــيع الطرفــان اليوم الأربعاء الموافـــق29/ ينـاير/2020م



السيد جعفر الصادق محمد عثمان الميرغني
نائب رئيس الحزب الاتحادي الديمقراطي الأصل

القائد/ عبدالعزيز آدم الحلو تلو
رئيس الحركة الشعبية والقائد العام للجيش الشعبي لتحرير السودان – شمال

Quote: سلام أخونا بكري سيد الحوش وضيوفك الكرام سؤال: ليه ما في جمهوري ولا صوفي ولا كوز بينتقد ناس الطائفية ديل؟؟؟

https://top4top.io/
لانها بضاعة سودانية يا اب شريحيتن
الطائفية في السودان هي
الشيوعية والبعثية والناصرية والكوزنة والسلفية التي فشلت في بلدا واتفضحت واعيت من يداويها في السودان
والبلادة المؤدلجة دي مشكلة السودان الليلة وخلتنا عالقين بين
بعاعيت مايو 1969 وايتام الترابي 1989 الما بشكلو اكثر من 5% من المجتمع السوداني وقاعدين ذى السرطان في المركز

Quote: " نجد أن الفقرة الرابعة تحتوي على خلاف ذلك ، و أنها مناقضة لموقف الجيش الشعبي: "2/4 يرفض حزب الأمة ذكر تضمين جبال النوبة ، و منطقة أبيي ، و جبال الأنقسنا في الفقرة الخاصة بحق تقريرالمصير ، لأنه لا يعترف بحق تقرير المصير لأي مجموعة تقع خارج جنوب السودان . كان الموقعون عن حزب الأمة هما عمر نور الدائم ، و مبارك الفاضل.

حزب الامة نسخة الصادق المهدي 1964-2020
له تاريخ موثق ومشين ومجلل بالعار في جبال النوبة ودارفور زيو وزي بعاعيت مايو 1969 وايتام الترابي انقلاب 1989 ولا واحد من ديل من انظف من الختمية والاتحادي الديمقراطي
وسيد احمد الحسين الختمي الاتحادي الديمقراطي من صالح بين الفور والعرب في حروب 1988 التي اشعلها مسار في دارفور بدعم من حزب الامة وقاعد يتفشخر هسة 2020
وهسة العمل الموثق ده ما شافينو يما مخلفات مايو الشيوعيين والبعثيين والناصريين
https://top4top.io/
التحالف بين الحركة الشعبية والاتحادي الديمقراطي دي اول خطوة في تجاه الدولة السودانية الحقيقية وناقص الطقم بس
جبهة الشرق الاصلية وعبدالواحد نور وموسي هلال في دارفور
وتكتمل ثورة الوعي والبصيرة الحقيقية البتحرر السودان فعلا من شنو بتاعة جون قرنق الاصلية
يا ناس علمانييو
القصة فدراليوو
وسبق ان وصلت الحركة الشعبية لتفاهمات راقية ايام التجمع بين جون قرنق والسيد محمد عثمان الميرغني
عليكم الله ما بتخجلو انتو شيوعيين وناصريين وبعثيين لحدي هسة ولا طعننا في العالم العربي
انتو جزء اساسي من ازمة السودان
والتحالف بين الختمية والحركة الشعبية ده اكبر انجاز 2020
انتو خليكم في الخرطوم بتاعتكم دي امشو فتشو الرغيف للناس واللغة العربية وفريق كرة قدم للجكس ورايح ليكم درب لحدي هسة ومسنين مصرين ترحلو وعيكم المازوم لي الشباب لحدي هسة
الختمية والاتحادي الديمقرطي قوة ديمقراطية سودانية بتجي بي صناديق الاقتراع ما بي انقلابات والمحاصصة وتقعد في راس الناس وتتلاوط

ناس المركز والدولة المركزية المترفين
القصة في السودان فدراليوو وليس علمانيو واسلاميو اطلاقا
والدولة المركزية في الاعلان الدستوري 2019 اسوا من تشوهات البشير وبدرية سليمان العملوها في دستور 2005 البخص الحركة الشعبية شمال حتي اليوم
https://top4top.io/

عموما من حق جعفر الميرغني أن يلتقي بمن يريد طالما حزبه ينشط في المسار الديمقراطي السائد ويطمح أن يكون له نصيب في أي سلطة قادمة.
يا ريت نقدنا له يكون بعيدا عن الإساءة والتجريح طالما لم يسيء لأحد .
اتمنى التجربة الراهنة تعلمنا ما لم نتعلمه من قبل .
البلد في مرحلة مخاض عسير جدا نسأل الله أن يوحدنا لتجاوز كل الصعاب

بعيدا عن المزاح






----------------
للسيد جعفر الميرغني و حزبه الاتحادي الحق في الدخول في اتفاقيات و تفاهمات ثنائية مع أي قوى في الساحة السودانية

ان يشترك في حكومة البشير بصفته الشخصية لا يسقط حق حزبه الاتحادي في العملية السياسية في الفترة ما بعد سقوط النظام

حتى هذه اللحظة لا ندري دواعي و دوافع مشاركة نجلي السيد محمد عثمان الميرغني في حكومة المخلوع البشير بصفتيهما الشخصية و ليست الحزبية

من الأفضل ان نرحب بأي تقارب بين القوى السياسية السودانية ، لعل من شأنه ان يأخذنا الي بر الأمان

كل مصائب السودان كان سببها اقصاء الآخر

دعونا نرحب بإتفاق الحركة الشعبية جناح الحلو مع حزب الاتحادي الأصل.

للسيد جعفر الميرغني و حزبه الاتحادي الحق في الدخول في اتفاقيات و تفاهمات ثنائية مع أي قوى في الساحة السودانية

الاخ عبدالله
الحزب الاتحادى كان مشارك لاخر يوم