بيان لجان البراري بخصوص مليونية اليوم

00:11 AM January, 29 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

في إيدينا فأس وقلم رصاص
شتله وكمنجة ومسطرين

ثوارنا الشرفاء .. جماهير شعبنا الصامدة

- طالعنا مثلنا مثل غيرنا دعوات الخروج الي الشارع من أجل إستكمال هياكل السلطة الإنتقالية و تصحيح المسار التي صدرت منذ أيام من رفاق الدرب و النضال و المشاوير القصية في تجمع المهنيين السودانيين ، و رغما عن تحفظنا علي الدعوات في حينها آلينا علي نفسنا الصمت حتي نتفهم موقفهم و نتسجلي الموقف السليم ، كان تساؤلنا البديهي نضغط من ؟ و من أجل ماذا ؟ فالحكومة التي جاءت بها الثورة و على رأسها الدكتور حمدوك تجد قبولا غير مسبوق من الشارع و تجد دعما لا محدود منا و تفهم لكامل التحديات التي تواجهه وسنظل معها بالرأي و النقد حتى نكمل الانتقال الديمقراطي متحدين في رؤيتنا وفي أحلامنا بدولة المؤسسات و الوطن الذي بذلنا لأجله الصمود و التضحيات وسنظل على العهد في مراقبة تنفيذ الوثيقة الدستورية و إلتزام الهياكل المختلفة بها.

- عهدنا مع شعبنا و دماء الشهداء أن لا نتأخر يوما عن و أهداف الثورة و برامجها و حتمية تصحيح مسارها كلما إستدعي الأمر ذلك ، و لكن بالمقابل سنظل كعهدنا معكم نبض الثورة و بوصلتها عندما تتوه خطاها ، و أن إنحيازنا لن يكون لشئ سوي المصلحة العليا لبلادنا و شعبنا و مشارع الوطن الحلم الذي نصارع جميعنا لبنائه و تشييده ، و لذلك نعلن لكم أننا لن نكون أداه لتحقيق مكاسب شخصية و سياسية من أي نوع لصالح أي جهة كانت ، و نرفض كليا مواقف و تكتيكات إستغلال لجان المقاومة لتصفية الصراعات السياسية و تمرير أجندة سياسية بعينها علي حساب المصلحة الكليه للوطن ، لذلك نعلن و بمنتهي الوضوح أننا لن نشارك في مواكب الغد المعلنة و سنعمل مع شركائنا في لجان المقاومة الأخري علي مخاطبة حكومتنا حكومة الثورة بصورة مباشرة عبر قنواتها الرسمية و كذالك سنخاطب رفاق الكفاح المسلح للوصول الي رؤية مشتركة لهذا الملف تراعي تهجساتهم المبررة و حساسية الوضع الذي رسخه غياب هذه الهياكل المدنية و تأخيرها حتي و لو أستدعي الأمر أن نكون وسطاء لذلك .

- أننا علي العهد ماضون نكون أو لانكون حتما مستمرون ، نعلن تمسكنا التام بالميثاق لم ياتي تمسكنا عن فراغ بل عن قناعة ونحن نتلمس بداية الطريق لدولة القانون والمؤسسات ماهو إلا أول خطوات ممارسة الديموقراطية التي كانت مفقودة طيلة حكم النظام البائد .

- نوضح أننا كلجان مقاومة سنكون حتما في منتهي الشفافية والوضوح مع جماهير شعبنا الأبي مع طموحات مواطن هذا البلد نحو بناء وطن نرتقي به ليكون من الدول العظمي كيف لا ونحن نمتلك كل مقومات واساسيات تجعل شعبنا يعيش في رغد لانزايد علي أنفسنا كثيرا لا لتمرير أي أجندة عبر الشوارع والمواكب لا للمحاصصات التي أوردتنا أسفل الأمم .

- نود أن نوضح أننا نطالب تجمع المهنيين وكل مكونات قحت بنشر تصوراتهم عن طريقة تكوين المجلس التشريعي بكل شفافية وبعيدا عن أي أجندة خاصة نوضح أن لجان المقاومة هي الخط الأول والحاضنة الأساسية التي تعمل وفق تصورات الشارع وبعيدا عن أي أجندة ولجان المقاومة دوما هي العين الساهرة من أجل تحقيق أهداف الثورة راينا الدعوات التي يطالب فيها التجمع بالخروج للشوارع وإذ كنا ننادي منذ أول يوم لتوقيع الإتفاقية بشفافية وتوضيح كثير من العلل والبنود التي نصت عليها الوثيقة دون أن نجد التجمع يعمل من اجل تحقيق ذلك.لذلك نقولها بكل صراحة لا مكان لدينا لكل صاحب محاصصة نود توضيح كل الأسماء المطروحة والمرشحة للتشكيل وتعيين الولاة ( إنها الشفافية ياسادة ) حتي يعي ويعرف الشارع معني ممارسة الديموقراطية بكل وضوح .

- لجان المقاومة هي الحارس للثورة ولمكتسبات الثورة لذلك لن نتواني أو نتاخر عن توضيح كل الحقائق ومايحدث ممارسات سياسية تحدث داخل أروقة كثير من المكونات.لذلك نحن نضع المواطن أولا قبل كل شيء ونعمل بشفافية لتمليك كل الحقائق
نوضح أن هذه الدعوات خلفها الكثير في هذا التوقيت تحديدا ونحن كلجان مقاومة لن نحيد أبدا عن اهداف الثورة ومطالب الشارع .

- أنتبهوا جيدا ، ضرورة تقديم قائمة للولاة المرشحين من كل ولاية للسيد رئيس الوزراء وليس مرشح واحد مع ضرورة تقديم مرشحات من الكنداكات وضرورة تمثيلهن .

- عهدنا معكم أن نظل فرسان المواكب و أسدها و نورها و نارها أذا دعي الداعي و إستدعت مصلحه شعبنا العليا ذلك وتحيا الثورة و المجد للشهداء .

#أسود_البراري

لا زالو في المتاهة والمحاصصة عبر 18 ولاية والزمن ماشي
هسة في 18 جنرال قاعدين في راسنا في الاقاليم والناس بتعاني من كل الوجوه
نهب الموارد وتهريب الذهب والماشية مستمر ونفس الانقاذ وساساتها الحقيرة في الداخل والخارج مستمرة ومع نفس قرود السيرك الامريكي الخمسة وفي نفس اتجاه البنك الدولي والموت الرخيص والتشزرم القبلي
ازح ال18 جنرال واجيب 18 قحتي من الغزالة الفوق في السلم ذى ناس فيصل والرشيد وبدوي واسماء ديل حيعملو شنو
انتو يا شباب ما قادرين تطلعو من سياسة تجميل الشمطاء وشد الجلد دي
الحصل 2019 انقلاب مدعوم من مخابرات مصر والسعودية والامارات وضد جماعة قطر وتركيا ناس الشعبي ايتام المعتوه الترابي
جدع بن عوف الدستور 2005 البخلي الشعب ينتخب الوالي ومجلس الولاية وزحا البشير والبعض من رهطه المفسدين وخلا الانقاذ بكل مواعينها القذرة وجو ناس ق ح ت حشرو نفسهم بالمحاصصة في المرحلة الثانية وعلقو في وحل الانقاذ وفقدو دستور 2005 والاتفاقيات الموقعة اصلا من زمن البشير وبدرية سليمان وجماعة المؤتمر الوطني وقعدو مع حميدتي والبراهان
واختزلو السودان في حمدوك اللمعو البشير حاصل فارغ
هسة البشير وبدرية سليمان والاصم الكبير مشو ؟؟
مشكلتكم شنو
لا قدرتو توفرو عدالة ورفاهية اقتصادية وعالقين في نفس سياسات الانقاذ الوضيعة في الاقليم ولا قدرتو توصلونا انتخابات محترمة والشعب السوداني بعرف انتخابات من 1954


وقدر ما حولنا نركب ليه مكنة ثورة الحقيقة ..ابا بعاعيت مايو 1969 الي عتوا واستكبارا واصرو يمشطو الانقاذ دبي قملا ومستمرين في ادمان الفشل ولحدي هسة حمدوك ما عارف البنك المركزي تابع لي منو

عليكم الله خلونا من تغيش ووعي الناس
ق ح ت او تجمع المهنيين ديل الشيوعيين والبعثيين والناصريين بتاعين مايو 1969 ناس علمانيو ضد ايتام الترابي في السلطة انقلاب 1989 اسلاميو
يعني انتو لاا الانظف ولا الاذكي ولا الاوعي في السودان ...المحاصصة لازمتا شنو
ونحن في السودان مشكلتنا في الخارج مصر والسعودية والامارات وقطر وتركيا وفي الداخل الكيزان والسلفيين والشيوعيين والبعثيين والناصريين المعلقننا معاهم وفي مثلث الحمدي ومن وراهم البنك الدولي وامريكا والاتحاد الاوروبي
1- نزح من ديل كلهم اول حاجة
2- نرجع الاقاليم الخمسة ونلغي ال18 ولاية ونعمل انتخابات حرة حاكم اقليم +برلمان اقليم
3- دولة جنوب السودان التكامل الاقتصادي والنفط مقابل الغذاء
4- نقعد مع دول الايقاد ونتكامل معاها فكريا وثقافيا وسياسيا وتنمويا
5- الصين وطريق الحرير وبنك التنمية لدول البريكس
اعتماد علم الاستقلال 1956 لثورة والوعي والبصيرة
حبل الكضب ممحوق ضل الوهم ما بحوق

البورد ده ما فيه ناس من ق ح ت ولي شنو ؟؟
كويس يا زهير بالله
خليك طوالي مواكب ونزل لينا مستجدات السودان اول باول

عدولي يا وغد خلي قوى الحرية و التغيير في حالا

Quote: البورد ده ما فيه ناس من ق ح ت ولي شنو ؟؟

قوى الحرية و التغيير تمثلني و بقوة
خليك انت مع احزاب البيوتات التجارية الضيعت السودان من 1956
ناس سيدنا فتة وناس اكلو توركم و ادو زولكم

Quote: - نود أن نوضح أننا نطالب تجمع المهنيين وكل مكونات قحت بنشر تصوراتهم عن طريقة تكوين المجلس التشريعي بكل شفافية وبعيدا عن أي أجندة خاصة نوضح أن لجان المقاومة هي الخط الأول والحاضنة الأساسية التي تعمل وفق تصورات الشارع وبعيدا عن أي أجندة ولجان المقاومة دوما هي العين الساهرة من أجل تحقيق أهداف الثورة راينا الدعوات التي يطالب فيها التجمع بالخروج للشوارع وإذ كنا ننادي منذ أول يوم لتوقيع الإتفاقية بشفافية وتوضيح كثير من العلل والبنود التي نصت عليها الوثيقة دون أن نجد التجمع يعمل من اجل تحقيق ذلك.لذلك نقولها بكل صراحة لا مكان لدينا لكل صاحب محاصصة نود توضيح كل الأسماء المطروحة والمرشحة للتشكيل وتعيين الولاة ( إنها الشفافية ياسادة ) حتي يعي ويعرف الشارع معني ممارسة الديموقراطية بكل وضوح .

تجمع المهنين فقد اراضي في (الشارع) اللي كان بيثق فيهم بصورة
مطلقة وعمياء. قبل ما يدعوا لمليونية كان عليهم يجاوبوا علي نقابة
الكهرباء وفضيحة التسيس من قوي الاعلان. بيانات ياو ياو ما عادت
تقسم في شارع اوعي من حكامه.
التجمع عاوز يضغط منو بالمليونية دي؟ الحكومة حقته ولة
العساكر الانحازوا للثورة؟ هل هي ضغط علي حمدوك بالتسريع
في تعيينهم( بأمر الوثيقة) ولة قوي الحرية الراخية اضانها للحركة الثورية
وعاوزة (تعدل الوثيقة)؟ الاجابة في كل الحالات ماااا من مصلحة
التجمع ولااا قوي الحرية ولا حمدوك نفسه و (تفشيله) بالامعان في
كشف عوراته (يدينه المكبلات وجيبه الفاضي).
التجمع شغال شغل الكيزان بقي ههههههههه.

حزب الامة اساسا (المليونيات) ما من ناسها وما بالحيل
شديد عليها , بس المرة دي لقوا سبب وجيه علي الاقل
يحفظوا بيه ماء وجه من فضل من (وجوه).

Quote: قوى الحرية و التغيير تمثلني و بقوة خليك انت مع احزاب البيوتات التجارية الضيعت السودان من 1956 ناس سيدنا فتة وناس اكلو توركم و ادو زولكم

مبروك عليك بعاعيت مايو 1969 يا خضر وبراعم زمن الكوليرا وناجي الاصم وخالد سلك
الناس المباريهم انا محمود محمد طه وجون قرنق والسيد عبدالرحمن والسيد علي وعارف المشاريع الوطنية دي كويس جدا وواعي بيها
علي الاقل ما قاعدين في راس الناس ويرفسو زيكم كده
هسة خلاس الرجرجة بدو يختلفو والرجرجة قوم اذا اجتمعو ضرو واذا تفرقو لم يسمع بهم احد وق ح ت دي رايح ليهم درب
ونحن بنجهز البديل الديمقراطي والواعي والمحترم
وبراهن علي الشعب والانتخابات بس في تغيير السودان
ما عاجبك احلق حواجبك

Quote: قوى الحرية و التغيير تمثلني و بقوة خليك انت مع احزاب البيوتات التجارية الضيعت السودان من 1956 ناس سيدنا فتة وناس اكلو توركم و ادو زولكم

مبروك عليك بعاعيت مايو 1969 يا خضر وبراعم زمن الكوليرا وناجي الاصم وخالد سلك
الناس المباريهم انا محمود محمد طه وجون قرنق والسيد عبدالرحمن والسيد علي وعارف المشاريع الوطنية دي كويس جدا وواعي بيها
علي الاقل ما قاعدين في راس الناس ويرفسو زيكم كده
هسة خلاس الرجرجة بدو يختلفو والرجرجة قوم اذا اجتمعو ضرو واذا تفرقو لم يسمع بهم احد وق ح ت دي رايح ليهم درب
ونحن بنجهز البديل الديمقراطي والواعي والمحترم
وبراهن علي الشعب والانتخابات بس في تغيير السودان
ما عاجبك احلق حواجبك

سلام لصاحب البوست وضيوفو

الناس ديل ح يدوا المصريين سبب مقنع بنقل مباراة الهلال والاهلي المصري خارج السودان لظروف امنية ويثبتوا للعالم انو البلد ما فيها امان

غايتو بيضت ليهم في عبّهم

تحياتي

هل هؤلاء الهبل الذين يلعب بهم الكيزان يعلمون حجم الضرر الذي تجلبه هذه المظاهرات الاحتجاجية؟!!!
هل يعلمون كم شركة أجنبية من المحتمل أن تكون صرفت نظرها عن الاستثمار في السودان بسبب مثل هذه الاحتجاجات؟!
وكم سائح أجنبي سيتراجع عن قراره في الذهاب للسودان؟!
وكم دولة ستتتشوه صورة السودان في نظرها عندما ترى وتسمع عن استمرار المظاهرات ؟!
وكم دولة ستتراجع عن نيتها دعم الحكومة الانتقالية بالسودان ؟!
وكم ستنخفض قيمة الجنيه السوداني أمام الدولار بسبب هذه المظاهرات
وكم متجر ومحل أغلق بسبب هذه المظاهرات وكم من الناس عطل مصالحه لأجل هذه المظاهرات ؟!
كل هذا وغيره من الخسائر هو الدعم الذي استطاع أن يقدمه الثوار لدعم حكومتهم الانتقالية !!!!!!!