بعد القتل والتشريد اتوزعتوها متر متر . طيب خلونا بس نفرح ساكت . الظاهر الطيب مصطفي حرقو الغناء . وحدث ما حدث تابع فيديو العيطة .
Post: #2 Title: Re: ايمن ماو اشعل اغنية الثورة في حضور الطيب م Author: خضر الطيب Date: 01-28-2020, 08:46 AM Parent: #1
اتفضل يا حبيب ما انا خلاص بقيت الراعي الرسمي بتاعك ههههه انا في الشغل الساعة بتاعتي ب95 ريال لو بتديني بس 10 ريال على اي فيديو و 5ريال على الصورة انا ح ارطب حبيبي ود موسى :)
Post: #3 Title: Re: ايمن ماو اشعل اغنية الثورة في حضور الطيب م Author: Deng Date: 01-28-2020, 09:07 AM Parent: #2
الشيئ الجميل هنا هو أن جميع الشباب والاطفال كانوا يتفاعلون ويهتفون مع الاغنية.
الكوز الني
وأي كوز ندوسو دوس
Post: #12 Title: Re: ايمن ماو اشعل اغنية الثورة في حضور الطيب م Author: Kostawi Date: 01-29-2020, 09:37 PM Parent: #3
Post: #4 Title: Re: ايمن ماو اشعل اغنية الثورة في حضور الطيب م Author: Osman Musa Date: 01-28-2020, 09:14 AM Parent: #2
اخونا الفنان خضر سلام يعلم الله نحنا مرطبين بيك و بي معرفتك . ومرطبين بي حوش بكري الجمع شعب سودانيز . وكلنا يد من حديد علي المتزمتين الرافضين لغناء الثورة المجيدة . شوف المعتوه ده داير يفكفك مفاتيح الجهاز . قبل ما ايادي شباب المتاريس تلوكو بي الكلابيش . ياخ قر قر قر لامن قررررر قررررر
Post: #5 Title: Re: ايمن ماو اشعل اغنية الثورة في حضور الطيب م Author: خضر الطيب Date: 01-28-2020, 09:21 AM Parent: #4
تسلم حبيبنا ود موسى
Quote: اخونا الفنان خضر سلام يعلم الله نحنا مرطبين بيك و بي معرفتك . ومرطبين بي حوش بكري الجمع شعب سودانيز . وكلنا يد من حديد علي المتزمتين الرافضين لغناء الثورة المجيدة . شوف المعتوه ده داير يفكفك مفاتيح الجهاز . قبل ما ايادي شباب المتاريس تلوكو بي الكلابيش . ياخ قر قر قر لامن قررررر قررررر
لي عظيم الشرف يا حبيب و سودانيز عالم جميل بعد ذهاب الكيزان باقي شوية فلول و رماديين و ديل مقدور عليهم الكوز عاوز يكسر الجهازك الزاحف دا لسه مصدوم تباَ لهم معتوهين
Post: #6 Title: Re: ايمن ماو اشعل اغنية الثورة في حضور الطيب م Author: Osman Musa Date: 01-28-2020, 09:33 AM Parent: #5
الاخ دينق سلامات والله متكيف جدا من الشاب الجدع ايمن ماو . ابدا ما لبد طول ايام الثورة . والشاب كمان فاهم ومتابع لي ال african poetry وطالع بي نمط جديد لي هيب هوب سوداني كارب . تسمعو يتخيل ليك مولود في حي برونكس في نيويورك . بعدين بيغني ولاهمو وعارف البحاول يعمل اي عنكبة بتكلبش في دقيقة .
Post: #7 Title: Re: ايمن ماو اشعل اغنية الثورة في حضور الطيب م Author: Osman Musa Date: 01-28-2020, 10:54 AM Parent: #1
الكويس انو الحرابة قايمة عليهم في كل مكان
Post: #8 Title: Re: ايمن ماو اشعل اغنية الثورة في حضور الطيب م Author: MOHAMMED ELSHEIKH Date: 01-28-2020, 12:01 PM Parent: #7
Quote: والله متكيف جدا من الشاب الجدع ايمن ماو .
ههههههههههههههههههه
انا قلت في الدفسيبة دي واحد رمى ايمن ماو
زيك ود موسى
Post: #9 Title: Re: ايمن ماو اشعل اغنية الثورة في حضور الطيب م Author: Osman Musa Date: 01-28-2020, 04:22 PM Parent: #8
اخونا محمد الشيخ سلام ولدك ايمن ماشاءالله عليه ماشي في درب 50c . نفس الطريقة . مع شوية سودنة . وطبعا الطيب مصطفى جنو وجن غناء الامريكان . وجنو وجن اهلنا الجنوبيين . عنصرية معاها تعالي عجيب .
Post: #10 Title: Re: ايمن ماو اشعل اغنية الثورة في حضور الطيب م Author: بدر الدين الأمير Date: 01-29-2020, 12:23 PM Parent: #9
اشك فى ان من ظهر خلال هذا الفيديو هو الطيب مصطفى الخال الرئاسى السابق وهو زاتو خال المخلوع باللفة
Post: #11 Title: Re: ايمن ماو اشعل اغنية الثورة في حضور الطيب م Author: wedzayneb Date: 01-29-2020, 02:34 PM Parent: #10
أتفق مع الزميل بدرالدين الأمير فيما كتبه. التحايا للحبيب عثمان موسى. صحيح أن الباشمندس الطيب مصطفى ليس خالا مباشرا للرئيس السوداني السابق: عمر البشير ( والد الطيب مصطفى هو خال لزم للحاجة هدية, والدة عمر البشير ). بس كمان العلاقة حميمة جدا جدا بين أولاد المرحومة حاجة هدية و خالها :والد الطيب مصطفى, و أولاده؛ و احفاده, و من بينهم طبعا الطيب مصطفى نفسه. والد الطيب مصطفى ولد و ترعرع في حوش بانقا. لكنه انتقل في ريحان الشباب لمدينة كوبر. و فيما بعد أصبح من أعيان المدينة. و هو الذي اقنع إبنة أحته, الحاجة هدية و زوجها: حسن أحمد البشير, بالقدوم و الاستيطان بمدينة كوبر, و تمكن من إيجاد وظيفة لزوج إبنة أخته: حسن أحمد البشير, حينها, بمزرعة عزيز كافوري في كوبر. و كان يعين إبنة أخته و أولادها ماديا, و ظل بيته الكبير في كوبر مفتوحا لهم. و لا غروب أن هناك علاقة حميمة جدا بين أسرة الحاجة هدية, و أسرة خالها مصطفي خوجلي, والد البالمهندس الطيب مصطفى. أذكر أني شاهدت برنامجا تلفزيونيا للمعارضة استضافوا فيه أسرة الرئيس السابق عمر البشير, بغرض المعايدة, لا أذكر إن كان ذلك عيد الفطر أم عيد الأضحي. و كان ضمن المتحدثين الشقيق الأكبر للرئيس السوداني السابق: عمر البشير, و اسمه أحمد. فسأله مقدم البرنامج: " ما هو روتين ليلة العيد الأولى عند أولاد و أحفاد الحاجة هدية"؟. فكان رد أحمد حسن أحمد البشير, ما معناه, : " أن كل أفراد أسرة الحاجة هدية, كبيرهم و صغيرهم, درجوا بعد أداء صلاة العيد على التجمع في منزل المرحوم مصطفى خوجلي, والد الباسمهندس مصطفى خوجلي. أتوقع أن ينطق زول و يقول لي: " ليه ما بتستعمل عبارة: المخلوع, في حق الرئيس السابق: عمر البشير و تقدم عبارة: الباشمهندس أمام إسم الطيب مصطفى؟ ردي هو: أن هذا ديدني, اتحدث عن الآخرين, مهما كان مدى علاقتي بهم, بالإحترام الذي يستحقونه.
ا
Post: #13 Title: Re: ايمن ماو اشعل اغنية الثورة في حضور الطيب م Author: Kostawi Date: 01-29-2020, 09:39 PM Parent: #11
Post: #14 Title: Re: ايمن ماو اشعل اغنية الثورة في حضور الطيب م Author: Kostawi Date: 01-29-2020, 09:41 PM Parent: #13
Post: #15 Title: Re: ايمن ماو اشعل اغنية الثورة في حضور الطيب م Author: منتصر عبد الباسط Date: 01-29-2020, 10:30 PM Parent: #14
الأخ عثمان موسى سلام لك ولضيوفك الشخص الذي ظهر في الفيديو لا يشبه الطيب مصطفى في هيئته مطلقاً واثبات أنه هو يحتاج دليل اضافي لأن الهيئة في الصورة لا تشبهه مظلقاً والشيء الآخر ادخال مثل هذه الأغاني الثورية السياسية في حفلات الأعراس شيء غير جميل وفقد لنكهته لأن النظام سقط وعلى الثوار الذين اسقطوا النظام تحقيق نجاح على الأرض لأن النجاح على الأرض هو الهزيمة الحقيقية للكوز أما هذه الأغاني تقديمها في مناسابات أسرية غير مناسب مطلقا وقد يهدد الأمن والسلم الإجتماعي .
Post: #16 Title: Re: ايمن ماو اشعل اغنية الثورة في حضور الطيب م Author: حمد إبراهيم محمد Date: 01-30-2020, 07:53 AM Parent: #15
أخونا ود زينب - سلام كتير ....... على فكرة العم حسن احمد البشير كان محاسب كميات الالبان في معمل عزيز كافوري بكوبر .. والاخ الاكبر للرئيس السابق هو احمد البشير توفى قبل الانقاذ وقتها كان عمر ضابط بالقوات المسلحة ومنزلهم جنوب مصحة كوبر ... صحيح كانت العلاقة وثيقة بين اسرة حسن البشير عليهم الرحمة واسرة الحاج مصطفى خوجلي ، لكن حسن البشير كان رجل عصامي ومالي مركزو عزيز النفس ... تحياتي
Post: #17 Title: Re: ايمن ماو اشعل اغنية الثورة في حضور الطيب م Author: wedzayneb Date: 01-30-2020, 12:18 PM Parent: #16
و عليكم السلام و رحمة الله و بركاته أخي حمد. لا أنازعك القول. لكني تداخلت و استشهدت ببرنامج معايدة تلفزيوني - صادف حينها أن كان جهاز التلفاز عاملا في إحدى غرف بيتنا الكبير بأم دوم, فرأيت بعيني الإثنتين و سمعت بأذني الاثنتين أيضا بعض أفراد أسرة الرئيس السوداني السابق يتحدثون عن برنامج العيد عندهم. و قد شاهدت حينها واحدا من إخوة الرئيس السوداني السابق: عمر البشير ( أحسبك صادقا في إفادتك عن الشقيق الأكبر, غشيته الرحمة ) يقول بأن كافة أفراد الأسرة اعتادوا , بعد أداء صلاة العيد, على التجمع في منزل خالهم المرحوم: مصطفى خوجلي. و فكرة مداخلتي هذه هي إثبات مدى العلاقة الوثيقة بين هاتين الأسرتين السودانيين المحترمتين.