علي عثمان ! ظهر إنو ما حافظ القرآن !

11:06 PM January, 27 2020

سودانيز اون لاين
abdalla elshaikh-MEMPHISE-TN-USA
مكتبتى
رابط مختصر

كشف مدير مكتب النائب الأول لرئيس الجمهورية السابق علي عثمان محمد طه اللواء إبراهيم الخواض أن علي عثمان المعتقل بسجن كوبر بصحة جيدة ولا يعاني من أية أمراض. وقال الخواض في مداخلة له في أحد المجموعات على تطبيق (واتساب): (الشيخ في أتم صحة وعافية، وقد قارب على إكمال حفظ القرآن الكريم).
وإنتشرت شائعة على وسائط التواصل الاجتماعي ونسبت إلى إعلامي إسلامي شهير تفيد بأن علي عثمان يمر بحالة صحية مؤسفة بالسجن وناشد بالدعاء له بعاجل الصحة والشفاء.

مليتونا فقُر يا الكيزان !

كاتب هذه السطور علماني ويشرب ألبيره الساقطه ويسب الدين كمان ولكنه حفظ القرآن وهو بالسنة الرابعه الإبتدائيه !
ما رأيكم دام فضلكم ؟

سين سؤال يا سيادتو ~ زولكم دا يا داب إتفرغ عشان يحفظ القرآن ؟ طيّب الزمن دا كلوا كان بيلعب بللي ويمص في حلاوه حربه ؟ ولاّ كان سارح بأولاد إبليس ؟
ألله لا كسبكم يا الكيزان ! كما يقول صديقنا مرتضي الغالي

سلام
يحفظ شنو؟ هو كان فاضي، من تخطيط وتدبير المكائد، والفتن.
هذا الرجل فعلا مريض نفسيا، انظر الي شكله، تعرف مدي دهائه ومكره.
لقد اودوا بالبلاد بعيدا.

فعلا الله لاكسبهم دنيا واخره، فقد دمروا البلاد، والعباد.



تحياتي

كاتب هذه السطور علماني ويشرب ألبيره الساقطه ويسب الدين كمان ولكنه حفظ القرآن وهو بالسنة الرابعه الإبتدائيه !
ما رأيكم دام فضلكم ؟

( اقْرَأْ كِتَابَكَ كَفَى بِنَفْسِكَ الْيَوْمَ عَلَيْكَ حَسِيبًا )

ياود الشيخ
يحفظو لشنو وعشان شنو
وزى ماقال حميد
الحجر الاسود ماهو البرودة
وماها مكاوى الكعبة تجيها لمن
يتكرفس توب التقوى

شيخنا بدر الدين !
الجماعه ديل ناس نصوص وما ناس سلوك ! يقرشون النص القرآني قَرش من لا يخشي الله في خلقه ويؤزيهم ولو سألته لماذا فعل هكذا يقول ليك أنا حاضن بيضة الشريعه ! فلو سألته ياشيخنا ~ هل إنت ديك ولاّ دجاجه عشان تحضن البيضه ؟ لأجابك وبدون خجل ~ أنا ~ ديكو دجاجه الإسلامي !

علي عثمان في اتجاه والقران في اتجاه تاني
القران مافيهو كتائب ظل بتقتل المسلمين وتعذب الشعوب المسلمة
ولا فيهو مؤامرات وقتل وفتن في بلاد المسلمين المجاورة
أما كاتب السطور فكان افضل ليهو ما يحفظ القرآن زي ماقال القراي؟

Quote: كاتب هذه السطور علماني ويشرب ألبيره الساقطه ويسب الدين كمان ولكنه حفظ القرآن وهو بالسنة الرابعه الإبتدائيه ! ما رأيكم دام فضلكم ؟

قال الحفيد فرحا لجده الصالح
حفظت القرآن يا جدي
قال له الجد الصالح:

المصاحف زادت واحد في السوق

عبدالله ود عتمان
زولكم دا ما حافظ قرآن وكمان داير يقيف في المحاكم أما الأستاذ محمود محمد طه والذي تجاوز حفظ القرآن علواً لفهمه ! ي خي دي ما بتتبلع ! عشان كده إنهاروي أخلاقياً ومن داخل المنظومه !

عمر التاج !
للشاعر مظفر النوّاب بيت شعر يماثل حالتي تماماً يقول فيه~
إن لم تكن شفافاً كزجاج الكأسِ
فلا تشربها
فسوء الخمر يُسْكِر
وسوء الخُلْقِ يؤذي

عمر نمله !
ألنص القرآني دا هل وقفت عنده عند مقام ألنفس اللّاوامه ؟ ولاّ إستليتو من سياقو القرآني ولبسته كقناع في مواجهة من يختلف معك في فهم القرآن ؟

يا كاروري !
علي عثمان دا تحديداً وفي كثير من المواقف الحرجه ينفعل إنفعالاً يجافي عِبر النصوص القرآنيه مثل قوله في تسجيلات قناة العربيه ~ مافي قوّه بشريه في الأرض تستطيع تغيير الإنقاذ ! همست في ذهني قائلاً ~ يا النبي لوط من فعائل قوم لوط !
كاروري لو إنت قريب عبدالحفيظ كاروري قول ليهو كارلوس بسلم عليك

سلام
قضية الشعب السوداني مع المجرم علي عثمان هي جرايمه في حق البلاد والعباد
يحفظ القرآن الكريم ولا يقد عربي ده شي بينو وبين ربه
قبل كده الطيب مصطفى لم كتب انو نقد عليه رحمة الله ما بصلي الناس انتقدته
واعترضت انو العبادات دي حاجة شخصية..
المبادئ لا تتجزأ