Post: #1
Title: يا بكري أبو بكر لك مني إعتذار كالمحجة البيضاء، لكن عدتك ما بخليك كان ما شلتها ...
Author: معاوية المدير
Date: 01-26-2020, 12:24 PM
11:24 AM January, 26 2020 سودانيز اون لاين
معاوية المدير-بكندا محافظة البرتا
مكتبتى
رابط مختصر
Quote: يأخي بالنسبة لي والله أبداً مافِ مقارنة لأنو صاحب بكري شتمني ؤ شتم
أهلي بأحطّ الألفاظ ثم إشتكى لبكري وبكري أقره علي الشتيمة وباركها
بإيقاع العقوبة علي شخصي، فبكري والشاتم سواء فوالله لو خُيرت بين
خنزير وهذين المعتوهين لأخترت الخنزير . |
وردت مني في حقك كلمة (معتوه) وهي شتيمة ولا تجوز في شخصك
كما لا يجوز أن يصدر مني هذا اللفظ أو بعبارة أوضح هذه الشتيمة،
فالشتيمة عموماً لا تقبلها النفس السليمة لا في حقها ولا في حق الغير
هذا حسب رؤيتي وربما للغير رؤية مختلفة، عموماً لك من العذر وأرجو
أن تقبله .
لن أبرح هذا المكان سأستمر بمداخلة أو بربعها ومن حقي أن أدافع عن
أمي وأبي في المكان الذي تمّ شتمهم فيه وبقية أهلي وليس من حقك
يا بكري أن تنزع حقي طالما عجزت في أن تتصرف تجاه من شتمني
وشتم أهلي وتقف في جانبه وتوقع عليّ عقوبة !، والله ما تطردني
بشيل عِدتك ما أخليك، ما بشتمك لكن سأظل أتعرض لك وأذكرك
بموقفك المخذي هذا، فأحسن حاجة إذا الحاجة دي بتضايقك تشيل
عِدتك مني ؤ ترتاح .
تجدني نادم أشدّ الندم علي كل جرعة موية شربتها في بيتك وشكراً
علي الضيافة .
يا ريت تجعل هذا البوست في صدر المنبر بدل سياسة مصادرة
الحقوق بالسحب والطبل والتخوير ...
|
Post: #2
Title: Re: يا بكري أبو بكر لك مني إعتذار كالمحجة البي
Author: صديق مهدى على
Date: 01-26-2020, 05:07 PM
Parent: #1
سلام ود المدير الذى يحسن التقدير فبوستك دا ابدا ما عجبنى يا سيادة المدير الدنيا ما بتستحق
يا مدير فانت رجل لك منا كل الاحترام والتقدير فهذا المنبر ملتقى الكبير والصغير وتعلم انه يوجد
مدير !!!!!!!!!!
|
Post: #3
Title: Re: يا بكري أبو بكر لك مني إعتذار كالمحجة البي
Author: معاوية المدير
Date: 01-27-2020, 10:43 AM
Parent: #2
Quote: سلام ود المدير الذى يحسن التقدير فبوستك دا ابدا ما عجبنى يا سيادة المدير الدنيا ما بتستحق
يا مدير فانت رجل لك منا كل الاحترام والتقدير فهذا المنبر ملتقى الكبير والصغير وتعلم انه يوجد
مدير !!!!!!!!!! |
مرحب حباب صديق
الرفيق ؤ صديق
الوفي وصديق
البفك الضيق
والببل الريق
عارف يا صديق، إنت بتذكرني حبوبتي نفيسة بت الطيب
الله يرحما ؤ يغفر لها كان نضمها كلو سجع .
شكراً ليك كتير يا صديق علي سؤالك عني في منبر السؤال عن الشخص
المغضوب عليه يوقع العقوبة علي السائل، سؤالك في حد ذآته مجازفة
وكان ممكن يعرضك للإيقاف أو تقليص المداخلآت ناهيك من أن تفتح
بوست بإسمي . عموماً يا صديق أنا عندي مدآخلة وآحدة في اليوم ؤ
ليك علي بتاعت بكرة إبرّك بيها في بوستيك .
كتّر خيّرك كتير يا صديق ولا يفوتني أن أشكر معك الأخوان أبو حسين
وبريمة، وأنا والله عاذر كل الناس ؤ عارف مجرّد السؤال ممكن يوقع
عليهم العقاب .
يا بكري لِم عِدتك دي عليك ...
|
Post: #4
Title: Re: يا بكري أبو بكر لك مني إعتذار كالمحجة البي
Author: جمال ود القوز
Date: 01-27-2020, 10:58 AM
Parent: #3
Quote: أنا والله عاذر كل الناس ؤ عارف مجرّد السؤال ممكن يوقع
عليهم العقاب |
ومعك نسأل ونرجو من بكري أن يرفع العقوبة عنك ..
ويرد لك حقك ويطيب خاطرك ..
ماضاع حق وراهو مطالب ..
ربنا يصلح الحال والناس تبطّل حكاية الشتائم ..
فالشخص يسيء لنفسه ابتداءا عندما يشتم زميله ..
الدنيا ما مستاهله ..
تقديري واحترامي يامدير ..
|
Post: #5
Title: Re: يا بكري أبو بكر لك مني إعتذار كالمحجة البي
Author: osama elkhawad
Date: 01-27-2020, 10:58 AM
Parent: #3
يبدو ان المنبر يشهد تطورا في توظيف السجع والشعر في الردود كما في الهجاء ههه
نتمنى عودة ودالمدير وان تسود في المنبر تقاليد الحوار الديمقراطي.
لا نريد خسارة ودالمدير؛
فمازال يوجعنا غياب واخد من الأقلام المبدعة:
عثمان محمد صالح.
|
Post: #6
Title: Re: يا بكري أبو بكر لك مني إعتذار كالمحجة البي
Author: Osman Musa
Date: 01-27-2020, 12:16 PM
Parent: #3
قريبنا ود المدير يعلم الله مشتاقين .
عقوبة ؟
ياخ العقوبة الزي دي عليك الله بتسويلك شنو ؟
ولا بتهمك بي شنو ؟
والله وجودك مهم .
وفوتك ومصادرة عدتك انشاءالله ما يحصل .
الامور بتتعالج بي طول البال .
خليك قاعد يازول . والناس راجياك تبدع . تحياتي
|
Post: #7
Title: Re: يا بكري أبو بكر لك مني إعتذار كالمحجة البي
Author: الزبير بشير
Date: 01-27-2020, 12:54 PM
Parent: #1
ود المدير
انت اول زول اسخن في البرد
ياخي العفو و العافية
و المهندس بكري حسناته كتيره و علي قول الفريق معاش عبدالرحيم محمد حسين ( أقلاها ) انه عمل منبر جمعنا و عرفنا بك
الزبير الختمي
التعديل : خطأ املائي
|
Post: #8
Title: Re: يا بكري أبو بكر لك مني إعتذار كالمحجة البي
Author: علاء سيداحمد
Date: 01-27-2020, 01:30 PM
Parent: #7
الحاصل شنو يا ود المدير !؟
والمزعلك كدا شنو !؟ ياخ لا عاش من زعّلك !؟
|
Post: #9
Title: Re: يا بكري أبو بكر لك مني إعتذار كالمحجة البي
Author: معاوية المدير
Date: 01-28-2020, 12:53 PM
Parent: #8
سلآم يا كرام ولكم مني جزيل الشكر .
والله فراقكم ما بإيدي والمكان الذي تمّ فيه شتم أُمي وأبي وأهلي
بأقزع وأتفه الألفاظ ما عاد يسعني ولن يطيب لي فيه المقام
وشاتم أهلي يسرح ويمرح فيه وصاحب المكان مرتاح ؤ مبسوط
لما وقع عليّ وعلي أهلي .
كتّر خيركم كتير وأنا منتظر صاحب العِدة يلِم
عدتو عليهو ؤ يكون تمم جميلو بطري شرّ طردة ...
|
Post: #10
Title: Re: يا بكري أبو بكر لك مني إعتذار كالمحجة البي
Author: بكرى ابوبكر
Date: 01-28-2020, 01:29 PM
Parent: #9
يا حبيب بتكورك في شنو
الموضوع اسهل ما تصور و حله في غاية البساطة مالك معقدوا علي رووحك و علينا و رافع صليبك السكري في السماء و ضغطك
المنبر للقضايا العامة و الخلافات الشخصية و المناطقية هنا ليست مكانها و اذا كان عندك مشكلة مع شخص في حلتكم اطلعوا علي استار بوك ولا الخلا و حلوها هنالك و تعالوا ناقشوا القضايا العامة هنا واي زول بطلع من طوروا بطبق عليه العقوبة المناسبة بدون الاعلان عنها ...و قولناها للجميع دي شروطنا للانضمام لهنا واذا ما عاجباك مافي زول جابر زول ...علي العموم اي خطا او خروج علي الزوق العام يقابل بعقوبة حتي لو كانت اختي ....يا اخي اعز اصدقائي هنا بوقفهم و اسحب بوستاتهم مافي زول قاعد يكورك فيني او يزعل مني و ينبزني .......و بياخد لفتوا و يجي راجع يمارس نشاطوا عادي
مافي داعي لخنزير و مويتك و بيتك دا منبر عام
المهم
اولاد قوش كانوا برفعوا بوستات عديدة لحظيا لتدمير السيرفا ديل كنا بنوقفهم طوالي
|
|