أحسن لوكيشن في السودان حاجزنو بإسم سودانيزاونلاين ، توايلايت "حلال" باار.! في الغالب وقف من دكاكين جامع الخليفة ووقف آخر بجامع الخرطوم العتيق! عايزين نعين ليهو: شغيلة في خلف الكواليس: طباخ ماهر(ارشح بريمة)، مدير(ارشح دينق)، مساعد مديى(ارشح بشاشا)، غسال صحونة وقطاع خضار(ارشح الكنزي)، شغيلة في المقدمة! كاشيير(أرشح نور تاور) باار بااك barbacks (ارشح خالد كودي). جرسونات(ارشح تراجي، بقال، قريمان)(عشان التبس).. مساعد بار بااك(أرشح الهبيب محجوب).. فرقة موسيقة للترفية(ارشح نادر الخليفة وخضر الطيب)..
Post: #6 Title: Re: توايلايت، باار andquot;حلالandquot; فاتح بأرض ال� Author: Biraima M Adam Date: 01-27-2020, 00:34 AM Parent: #5
ول أبا محمد أدم، ههههاي يا أخ بتبالغ .. تموت الحرة ولا تأكل من ثديها .. مفروض تقولوا بريمة كرم الله وجهه .. أقسم بالله لو الناس مثلي لأنقطع الخمر والتدخين في العالم أجمع .. ولا يقلي أي سوق ..
مرشح زول تاني بدلي .. من المجموعة الذين ذكرتهم .. يحسن التذوق وشم النكهات بتاعت الأصناف الجيدة.
الفكرة ما وقعت لي يا محمد؟ الرجل ذكر انه يقدم ثقافة غربية..وتحدث عن نبيذ حلال (أي نبيذ خالي كحول) مثله ومثل الرووت بير (بيرة خالية كحول)..فلا ادري سبب الدهشة..!
البار يا صديقي ليس بالضرورة ان يقدم في كل الوقت مشروبات كحولية وروحية ، وانما يمكن ان يقدم مشروبات عادية ايضا ..
دات مرة من المرامير يا محمد.. واحدة قريبتنا صومالية ، ايام الجاهلية ، لاقيتها في بار وديسكو مخصص يوم الجمعة للأفارقة ..مزيكا مشروبات عادية وروحية وكحول ..وزولتنا متربطة للطيش..وقاعدة في البار (الكاونتر العالي داك) وخالفة رجل على رجل وبتشرب ليها في عصير برتقال..حب الفضول كتلني..وهي اكتشفت الحكاية ونادتني..وتووشك قالت لي انت سوداني ولابس دبلة يعني متزوج..الجابك هنا شنو؟ قلت ليها جيت عشان المزيكا العالية والضجيج لأني استرست اوت..! ضحكت وقالت لي: انا برضك ، اضافة لذلك دايرة اتفرج في خلق الله..ولازم تغير فكرتك عن البار..لأنو ليس بالضرورة يكون محل سكر ومواعدة وبس..!!!!
في الفيديو (الإعلان) الرجل يتحدث عن لأونش بار..وده محل للهدوء وتقديم المشروبات ، نبيذ خالي كحول..واكلات .. ومزيكا..!
في سنة 2015 ، سافرت بالخطوط السعودية وفي مطار الملك خالد بالرياض..هناك ليكر استور عدييييل وفيهو نبيذ وويسكي ووفودكا وبيرة وتكيلا ورم وجن..وأي مشروب كحولي او روحي يخطر على بالك..!!..يعني تشرب وتجغم زي الترتيب..والمطاوعية بيكونوا حارسنك (سكيورتي وكده..!!)..وايضا محل للتدخين..!
السودان الآن مزدحم شديد..ومستحيل يتحمل ركن هادئ عشان تعمل ريلاكس..!
تحياتي.. كبر
Post: #9 Title: Re: توايلايت، باار andquot;حلالandquot; فاتح بأرض ال� Author: سيف النصر محي الدين Date: 01-27-2020, 04:33 AM Parent: #8
سلام محمد ادم والجميع تحياتي يا كبر.. بار بقدم خمور في مطار الرياض دي بالجد غريبة شوية! هل قصدك مطار دبي؟ ام انك تتحدث عن مكان ما داخل الرياض نفسها؟
Quote: ههههاي يا أخ بتبالغ .. تموت الحرة ولا تأكل من ثديها .. مفروض تقولوا بريمة كرم الله وجهه
يا شيخ العرب بريمة، الحرة بتاعتك دي يعني أحرَ من الشاب الأنيق ولي البلاط السعودي القرشي الهاشمي..!
انصحك، خليك مقرض علي وظيفة طباخ بعشراتك وأنسي موضوح تأكل بثديها ولا بصوتها.. أمريكا ذاتها مقبلة علي إفلاس، ..فاحسن ليك تضمن مستقبلك ومستقبل وليداتك.....!
جدير بالذكر: وزير الداخلية الإسرائيلية وقع علي مرسوم يقضي بالسماح لليهود ولكل من يحمل الجواز الإسرائيلي بالسفر الي أرض الحرمين "الشريفين" لأغراض تجارية او دينية. علي أن لاتتجاوز مدة الإقامة للإسرائيليين التسعة أيام..!.
الشكر والتقدير للشاب محمد بن سلمان ولي العهد السعودي(المتحرر)!.. مرحب باليهود في أرضهم وأرض أجدادهم.. والعافية درجات..! ودي رسالة واضحة للجهلة والدراويش انو ماممكن تحرم ليك شعب كامل من أرضو ومن تراثو وتراث اجدادو.. مسافة الألف ميل تبدأ بخطوة.... المهم.. دي خطوة بتصب في الإتجاة الصحيح.. حلا باليدين ولا حلا بالسنون...أتركوا الشعوب تنداح مع بعضها البعض... علي حسب فهمي البسيط، لو كانت السعودية - من زمان - سمحت لليهود بالتواجد بأراضي نجد والحجاز لكان تغيرت كل صحرائهم الكبري إلي هلال خصيب... ولخطوا خطوات جادة نحو المشاركة الإيجابية في طريق الحضارة الإنسانية!!
في منتصف التسعينات كان في الرياض في تلاتة ديسكوهات وفيها كل انواع الخمور و بوفيه مفتوح مقابل خمسين ريال تدفع في الريسيبشن لكن لو عاوزتشرب تدفع واحد في طريق خريس ورا حراج السيارات مخرج 28 و التاني في طريق القصيم بعد الخطوط السعودية و واحد في طريق الخرج قريب من الصناعية الثانية
Post: #13 Title: Re: توايلايت، باار andquot;حلالandquot; فاتح بأرض ال� Author: Mohamed Adam Date: 01-29-2020, 06:43 AM Parent: #12
الأستاذ محمد النور كبر حياك الله وبياك ياطويل العمر.. طيب.. خاينا نتونس ياخي الونسة بقروش!.
Quote: لرجل ذكر انه يقدم ثقافة غربية..وتحدث عن نبيذ حلال (أي نبيذ خالي كحول) مثله ومثل الرووت بير (بيرة خالية كحول)..فلا ادري سبب الدهشة..
يا ول دبا أقرأ المفردات ديا عشان تعرف الدهشة ويين: - ثقافة غربية - قوارير أجمل من قوارير الوسكي والكونياك مجلوبة خصيصا من فرنسا - جعة بجميع النكهات!. - بار من طراز ابو كديس! - نادل البار كأنه كاوبوي وفي نفس الوكت ساكن بواااكوو، تيكساس! - موسيقة صاخبة كأنما هي بإحدي خمارات برووكلين!! - كل ده داخل بااار إسمو توايلايت مش باار كورنيش البحر او الحمراء! - والبار في عضمو ليس موجود ب لازڤيقاس وإنما موجود بالحجاز(قريب من ابو فاطنة).. وبعد ده كلو تسألني عن سبب ادهشتي !!! ياخي دي ما دهشة وبس وإنما هي إندهاشاتي(بتاعت صاحبنا محمد هارون/بريطانيا)! ف دي لو مابقت دهشة باقي ليك الدهشة ح تكون كييف تااني!!!
Quote: البار يا صديقي ليس بالضرورة ان يقدم في كل الوقت مشروبات كحولية وروحية ، وانما يمكن ان يقدم مشروبات عادية ايضا .. ..
البار سمي بالبااار، عشان بيقدموا فيهو مشروبات كحولية روحية منعنشة... نعم بعض الزبائن المابيشربوا الكحول تجد البار يقدم ليهم مشروبات خالية من الكحول ولكن علي اساس يحتفظ البار بإسمه لازم يقدم مشروبات كحولية وإلا يكون ده ماباار ويبقي زيو وزي أي كوفيي شوب، او محل عصاير عادي بتاع(برد جوفك).. بالله يا اخ كبر هسع القوارير الملسة تقول رقبة أميرة وييلز دي، معقول تكون بلا روح منعنشة!!
Quote: في الفيديو (الإعلان) الرجل يتحدث عن لأونش بار..وده محل للهدوء وتقديم المشروبات ، نبيذ خالي كحول..واكلات .. ومزيكا..!
في سنة 2015 ، سافرت بالخطوط السعودية وفي مطار الملك خالد بالرياض..هناك ليكر استور عدييييل وفيهو نبيذ وويسكي ووفودكا وبيرة وتكيلا ورم وجن..وأي مشروب كحولي او روحي يخطر على بالك..!!..يعني تشرب وتجغم زي الترتيب..والمطاوعية بيكونوا حارسنك (سكيورتي وكده..!!)..وايضا محل للتدخين..!
شوف يا أستاذ كبر الدعاية الفاكنها علي ان البار هو بتاع لاوانچ ومحل للإستجمام ده كلام ما إعتقد يقدرو يدقسوك او يدقيونا بيهو بهذه السهولة، وإنما ده كلام مفصل لتدقيس جماعة الأمر بالمعروف والنهي عن المنكر... بالنسبة لي ده باار عديل كده، لو ما اصلي من Green Mill Cocktail Lounge ما اقل منو !!
بالنسبة للبار بتاع مطار جدة انا بشوفو عادي جدا ان يكون فيهو باار يحوي بداخله كل انواع الخمور لأنو في ارضية السوق الحر، ودي ارضية دولية لاتملكها السعودية وإنما هي ملك للسكير ولغير السكير... وده طبعا، علي حسب الجارتر بتاع قانون الملاحة الجوية العالمية...
يبقي شيل وأهتف ورايا وقول يحيا محمد بن سلمان ولي العهد المفدي!!
كل الود.
..
Post: #14 Title: Re: توايلايت، باار andquot;حلالandquot; فاتح بأرض ال� Author: MOHAMMED ELSHEIKH Date: 01-30-2020, 06:56 AM Parent: #13
غايتو من عام 2006 ميلادي انا قاعد احوم بالمطارات دي بمعدل مرتين شهريا(جدة+ الرياض) واعرف زنقاتها وجخانينها وكراسيها وكوفي شوباتها زي معرفتي لي سام المدريس
حتاجاتكم دي ما مرت علي ! ممكن اللوكيشن لو سمحتو يا خدوري؟
Quote: حتاجاتكم دي ما مرت علي ! ممكن اللوكيشن لو سمحتو يا خدوري؟
لو معاك خواجة في الشغل بوريك ليهم يا باشمهندس وهسي ممكن يكون فتحو واحدات تانية مع الانشتاح الحاصل في السعودية دا :) بتاع طريق خريص دا تطلع في مخرج 28 ذي الماشي حراج السيارات اول دخلة يمين تسيبا تاني دخلة تدخل بعدها اول دخلة يمين تلاقيهو على يدك اليمين فاتح في ميدان بوابة خدرا كبيرة فيها شباك صغير للتاكد قبل فتح الباب لكن لو ما معاك جواز غربي ما بتدخل كلها الديسكوهات دي داخل كومباوند
Post: #16 Title: Re: توايلايت، باار andquot;حلالandquot; فاتح بأرض ال� Author: MOHAMMED ELSHEIKH Date: 01-30-2020, 11:18 AM Parent: #15
Quote: لو معاك خواجة في الشغل بوريك ليهم يا باشمهندس
الخواجة تراهو دا واقف جنبي هسي قفل الباب وقال لي الا توريني البتاعات ديل محلهن وين
Quote: الخواجة تراهو دا واقف جنبي هسي قفل الباب وقال لي الا توريني البتاعات ديل محلهن وين
طلع خواجة مضروب هههههههه اذن قول ليهو اقع صديقي في الشميسي حي معكال في واحد تاني في طريق القصيم بعد الخطوط السعودية اول مخرج تلقاهو قدامك بتاع طريق خريص حق الانقليز مرة واحد انقليزي شرب وقف شبط و هو ساكن في نفس الكومباوند جاب يافطة كتب فيها ممنوع دخول الكلاب و السعوديين ناس الادارة شاكلوهو ههههههه
Post: #18 Title: Re: توايلايت، باار andquot;حلالandquot; فاتح بأرض ال� Author: Mohamed Adam Date: 02-02-2020, 03:39 AM Parent: #17
Quote: لا حول ولا قوة الا بالله احتفال بمناسبه تأسيس جمعيه الصداقه السعوديه الإسرائيليه بالرياض ... حسبي الله ونعم الوكيل
التحية لولي العهد محمد بن سلمان.
ا النجدة يا أستاذ خضر هجيج لسعودين مع إسرائيلين حاتيتو حت رهيييب
شكرا يا أستاذ خضر علي هذة البهجة. غايتو اولاد العمومة رابنها سمن وعسل... بس نحن السودانين حارقين زرتنا بالفاضي بتدخلنا بين البصلة وقشرتا!
انا شايف عمر قمر الدين(اول تفاعل خارجي له) قاعد يقرأ ليهو في كلام مكتوب عن دعمهم ووقوفهم مع القضية الفلسطينية...!! حقو حكومة السودان تركز اكثر في قضاياها الداخلية وتنسي القضايا المش ذات اولوية بالنسبالها... بالذات في هذة المرحلة العصية..العرب مطبعين علاقاتهم مع اولاد عمومتهم بكل ود وإحترام... يبقي نحن ماناقصين عداوات... خلونا نحك جربنا اول وبعدين نلتفت لغيرنا!!