*** دينق عبد الله مختفى الايام دى وعساه بخير ***

09:04 AM January, 25 2020

سودانيز اون لاين
احمد حمودى-
مكتبتى
رابط مختصر

اين انت شايفك مختفى الايام دى اتمنى ان تكون بخير

يكون اتمرد الوغد دا ما مضمون
هههههههه
و الله امس كان في بالي
اتمناهو بخير

خدوورى قلت خشى الغابة واتمرد ههههههه

Quote: خدوورى قلت خشى الغابة واتمرد ههههههه

ايوة هههههه
دا الاحتمال الاول
الاحتمال التاني و باعتبار انورئيس جمعية الشوافين و البكايين السودانيز
بكون هسي غاتس ليهو في حتة بشوف في حاجة

والله فعلا افتقدناه لان روحه خفيفة ومرحة ، وما بيزعل بسرعة
ان شاء الله يكون بخير وعافية

مجرد سؤال
انتو دينق عبدالله اخو امتثال عبدالله

لا يا ايمن ما اخوي ...ويا ريت كان اخوي ...والله اتشرف بيه...
وبعدين في عشرات الأعضاء الاسم الأخير بتاعهم عبد الله ..لان اكثر اسم
متداول في السودان محمد وعبدالله ...

كنت رهن الإعتقال

خرجت للتو
التفاصيل بعد نصف ساعة من الان

المغرض / احمد حمودي
الوغد/ خضر الطيب
المتربصة/ إمتثال عبد الله


أحبكم !!
لمن بي هناك

إمتثال ؛
انا ابيع لياقة قميصي عشان احتفل بأخوتك

رغم منع التواصل مع العالم من حولي
إلا ان ظروف الإعتقال كانت اكثر من انسانية


بالتأكيد لم تصل المعاملة مستوى الريتز كارلتون

هي التهم المتعارف عليها :
- الخيانة العظمى
- محاولة قلب النظام

احذركم و نفسي التقارير الكاذبة
هي وراء كل البلاوي و المحن

Quote: كنت رهن الإعتقال خرجت للتو التفاصيل بعد نصف ساعة من الان

اعتقال شنو يا سجم الرماد
يعتقلوك يعملو بيك شنو
انا لو لقيتك واقع في الواطة ما برفعك :)
ما تمسك بينا زمن في طيارات قاعدة توقع بردلب
ثم عوداَ حميدا يا حبيب

رغم حسن المعاملة ، إلا ان اعتقال شخص بريء خارج المؤسسات المخصصة للغرض و ارغامه على دفع تكاليف الاجراء فيه الكثير من الاجحاف .

المدهش ان جدتي ، و التي كانت في زيارة لأبناء حفيدها منذ ثلاث أشهر أحست ببعض اوجه التحرك
لكن لا أدري لماذا لم تخبرني و انا كنت بعيدا عنهم .
كان بإمكاني تفادي كل ما جرى

لكن ربما خشيت العيب من اي محاولة للهروب من جانبي

خضر الطيب
انت و موقع سودانيزاونلاين ضمن اسئلة المحققين

---------
نصيحة اليوم
خذ الحكمة من افواه المساجين

أكثر ما ازعجني هو تعاون من كنت اثق بهم ، و كانوا مقيمين في بيتي مع هؤلاء الناس .

أصل القصة:-


بسبب ظروف العمل في أكثر من بلد ،و لأسباب اخرى متعلقة بخبز اليوم ايضاً غبت عن اسرتي الصغيرة لفترة جاوزت العام.

قبل اسبوع تقريبا عدت الي بيتي ،حيث اطفالي و خليط من الامم و القبائل و ذلك لتشعبات عائلتي بين ما هو جنوبي و شمالي - و اجنبي غير سوداني . ببساطة هي الجمعية العامة للامم المتحدة لكنها مصغرة.

لطول الغياب التمست الحفاوة في وجوه الجميع - عدا المدام و جدتي - رغم انهما من اقرب الناس الي قلبي و العكس ايضا يصح .

شعرت بثمة شيء غير طبيعي لكن آثرت التريث.

كالعادة بعد كل عودة يهرعون الي محفظتي( القديمة و الممزقة) لأخذ الكرت للذهاب الي السوق لأنهم يعرفون الرقم السري) .
(و تعال شوف الشخيط )

هذه المرة اختفى جواز سفري مع الكرت لمدة يوم كامل.
كالعادة لا ألح على اهل بيتي بالسؤال مثلي مثل الكثير من الرجال السودانيين.

في اليوم التالي أخبروني بإجتماع طاريء .
حضرت الكثير من الاجتماعات في حياتي المهنية .لكن لأول مرة اجد اجماعا على الاقتراح بذلك الشكل المطبوخ.

كان الاقتراح ان نسافر جميعا الي دولة ..... لقضاء إجازة
قبلت على مضض. لأنني في الأصل مرهق من العمل و السفريات . و جيبي ايضا يئن.

بإختصار:
سافرنا !!
وصلنا مقصدهم (و ليس مقصدنا) لأنني لم لكن جزء من الخطة.

فقط عند اكمال اجراءات الفندق ادركت ان كل ما يجري حولي كان على حساب محسوبكم المسكين, عرفت معه سبب اختفاء جواز سفري و الكرت لمدة يوم كامل.

ما ان توزع الجميع الي غرفهم ؛ تمت مصادرة هاتفي و اللابتوب الخاص بي
ثم انهالت التهم و التي منها الخيانة العظمى و محاولة تقويض النظام
بلغة اخرى: السعي للتدبيل و الزواج بغير السودانية.

ضحكت ساخرا
إذا وين المشكلة؟؟

ادركت بأنها تهم غير حقيقية و أن المسألة برمتها اختطاف و قرصنة عائلية.
و المفارقة ان جدتي الحاجة أشول جزء من المؤامرة ( لأن هاتفي و اللابتوب كانا بطرفها لحوالي خمس أيام متتالية ,قبل ان تتوسط المدام نفسها للافراج عنهما بشروط أفضل منها المصادرة الكاملة ).

أخيرا تم اطلاق سراحي بدون كفالة .
-----------------------------------------





ذلكم كان سبب غيابي

لا تبتعدوا عن أسركم

إنما الحياة ساعات و لحظات



أحبكم جميعاً

ياخى حمدلله بالشوفة وزى ما قال خدورى يعتقلوك انت قايل نفسك رياك مشار
هزلت والله

احمد حمودي
تحياتي و معزتي

د. رياك مشار
صديق عزيز

لو اعطي الفرصة سيكون خيرا على منطقة شرق افريقيا بأكملها - ناهيك عن السودان و جنوب السودان.

يا خضر
انت طبعا عاوزني اقول ليك كنت في دوامة

الدوامة دي بفهموها الناس ال درسوا في روسيا

Quote: يا خضر انت طبعا عاوزني اقول ليك كنت في دوامة الدوامة دي بفهموها الناس ال درسوا في روسيا

كمان طلعتا بلشفي
يعني هي كانت ناقصة
انا ما درستا في روسيا و لا بعرف الدوامة
لكن واضح انك في خطر
قلتا لي صادروا منك الترسانة بعد ما اكتشفوا انو في مبادئ خيانة
انا على يقين انت غير مضمون حتى لو صادروا منك الهواء
حتتزوج مثنى و ثلاث و رباع
مش انت شواف و النظرة الواحده عندك نور طويل لمن تحوص
صدقني حتعملا .. الناس ديل تعبانين ساي ههههههه

تتعدد الوسائل و الاستهداف واحد
وحدين يحتجزوك على حسابك و اخرين يسألوا عنك "بغرض التشفي "
لما تخبرهم
يسخروا منك و يمسحوا بيك الأرض

كتب خضر الطيب
((حتتزوج مثنى و ثلاث و رباع))
أها
عرفنا السودانيات ال 2 و التنزانية , طيب الرابعة جبتها من وين لو ما زول فتنة؟؟

Quote: طيب الرابعة جبتها من وين لو ما زول فتنة؟؟

من روسيا
بعدين دي ما فتنة بسموها بلغة الرندوك طعمجة
اللهم لا شماتة
هههههههه

انا عرفت حبوبة الشول داخلة في الموضوع

عودا حميدا ياخ

مرحبا أخي الباشمهندس محمد الشيخ

بس واجعني شخيط الكرت ال كان يتم قدامي "بدون رأفة"

كتب Mohammed El sheikh
((انا عرفت حبوبة الشول داخلة في الموضوع))
هههه
حبوبتك دي زولة لذيذة
أيام التجمع الوطني الديمقراطى ،ولدها قال ليها يا امي خلاص بعد ده النضال ضد البشير اتغير الي الأحسن لأنه الامام الصادق المهدي اتفق مع د. جون قرنق و السيد الميرغني(هي طبعا لا تقبل في المراغنة).

قالت : "كويس بس الصادق ما عندو صبر"

يعني ح يرجع يخليهم .
و بالفعل !!

هههههه

Quote: حبوبتك دي زولة لذيذة

دي مراة مبروكة
ومقامها عندنا كبير
انما وخالك الزبير الختمي