براحة ما نجي ونواجه أنفسنا ونعترف الثورة فشلت والسبب 1- .. 2- .. 3- ... ونشوف الخطة البديلة شنو ..

02:47 PM January, 22 2020

سودانيز اون لاين
توفيق عيسى مكي-
مكتبتى
رابط مختصر

[/url]

بالمنطق كده ربائب الكفار ديل اكالين مال الكنائس بتاعت المواخير والدعارة البدوها تطهرا للمنظمات اتحللوا بيها ومتسكعي وناشطي البلدان ديك بالاضافة للموهومين هنا الما عارفين العالم ماشي كيف ومحتاجين فرصة لغف ولو تجي متأخرة والعملاء الليهم مصلحة شخصية البلد دي ما تمشي قدام حتى لو تتقسم حتة حتة والمحموقين من الكيزان وحاقدين عليهم بالاضافة للكيزان الفاتهم القطر وما قدروا يلغفوا وما قدروا يهربوا قروشهم بره يأمنوا بيها نفسهم زي الكيزان الصحي صحي اي المرتزقة بتاعين الكيزان ......
اها ديل كلهم الف مرة قلنا ديل سبب بلاوينا
ومستعد اكررها لامن تقد اضان اي واحد فيهم
ومصيرنا نعمل التغيير البنحلم بيه
ومصيرنا ننتفض ونعمل مشانقنا والحساب جديد وقديم
اصلو كلمة الدم قصادو الدم مصير يوم تتطبق لمصلحتنا نحن الاتكوينا من ديل كوووولهم

حرام عليكم يا قحاطة الاحباط والانكسار الدخلتوا في الناس الوثقت فيكم بغباء
لو بتعرفوا الحرام من اساسو

ادونا سبب واحد مقنع يخلينا ننتظر تاني 24 ساعة وعيننا في النهب بتاع خيرات بلدنا أكتر من أول بكتير ودايرين يفصلوا ليه قوانين كمان وكل حاجة راجعة لي ورا بسرعات خرافية
لو سكتنا واستكنا نبقى ما رجال
ونستاهل العملو فينا الكيزان والبيعملو فينا المقاطيع ديل هسي ...
انتو كان مافيا !!! نحن انتربول ...

الامير المضروب.

أنت من بقايا بني كوز، مالك ومال الثورة تنجح ولا تفشل؟؟

سبع سنوات نكورك ليكم سلموني البلد وتعالوا حاسبوني
لو كنت رئسا لهذا البلد لما تمرد أحد أو حمل سلاح ...لو كنت رئسا لهذا البلد لما تمرد أحد أو حمل سلاح ...

البديل الفدرالية الحقيقية والحكم الاقليمي اللامركزي
اتفاقية نيفاشا ودستور2005+ اتفاقية اديس ابابا ودستور 1973= سودان ديمقراطي فدرالي اشتراكي مكون من ستة اقاليم وبحراسة المحكمة الدستورية وليس الامن اللاوطني او السلطة التنفيذية
وقررط من محل الفشل
https://top4top.io/

ما تلزمنا 18 ولاية ابدا

https://sudaneseonline.com/board/420/msg/كرتوم-ده-وباقي-سودان-وتن-دي-....-خلاس-ده-طرفنا-منو--1358587632.html

والدليل اللغة المتداولة اليوم في الشارع السوداني
1- كجر عربي تنزانيا
2- طارة عربي تشاد
3- رندوك عربي جنوب افريقيا
وهكذا ....
والما متأكد يسمع غناء القونات عشان يعرف ثقافتنا وصلت وين واخلاقنا
او يسمع ونسة طلبة الجامعات باعتبارهم هم صفوة البلد

الثورة ما فشلت؛ لان هدفها الأساسي إزالة نظام التمكين الإنقاذي وقد كان..
الحكومة الإنتقالية ما فشلت لأنها حتى الآن حولت الدولة من عسكرية ٩٥٪ الي عسكرية ٥٥٪
هناك معوقات واخفاقات سببها عدم الكفاءة المهنية ويمكن إزالته بمزيد من الخبرات والتكنوقراط
وهناك انحراف عن أهداف الدولة المدنية ويمكن إصلاحه بالتفات حمدوك نحو القضايا الأساسية والتفاف الشعب حول قضايا الإصلاح والتنمية

لازم ما نهرب من مواجهة واقعنا ...
حقيقي نحن ناس طيبين جدا ومسالمين ومساكين ومتسامحين ولا مبالين ...
بنعشق الخيال جدا .... وننتشي قمة النشوة لما نكذب ونعيش الكذبة ...
.
هسي من ينتصر في الكذبة ويسرح بنا في الخيال الغير مهزب ونؤدب ... الحكومة ام الأمة والشعب ؟؟؟
https://sudaneseonline.com/board/499/msg/أأها-...-كلام-الأمير-ما-ترموه-واطة-...-الجالون-100-العيشة-5...-1545682535.html
بالمختصر المفيد
نكون عاقلين حبة ونجي نتكلم كلام خالي خيال واوهام وكذب على انفسنا وبي مسؤلية
نعم الثورة فشلت والدليل المعاناة البنعيشها اليوم والمستقبل المظلم الراجينا
انا بحاول نستدرك نفسنا
ونستقل الفرصة الما ممكن تتعوض تاني دي
ونقوم ننهض ببلدنا ونصنع مجدها البتستحقه
شماعة الكيزان وشماعة التركة وشماعة الدولة العميقة وشماعة العوقوبات الامريكية وشماعة خوفنا انفلات جنود الجنجويد فينا خصوصا بعد حميدتي قال لو اشتغلت الجبخانة الناس الفي العمارات ...
عملنا شماعة لاي حاجة من فشلنا
وختتها ليكم واحدة عديل بازمة فحولة والقصد البعيد انتو ما رجال
فشايف نخت الكورة واطة ونبدأ 1 2 3 ..
وننتقل كشعب للخطة ب

وانا اولكم اكون عملي وده رأيي الشخصي (بتكامل الاراء بنصنع رأي عام) :
1- تسقط بس من غير برنامج اقتصادي بديل قوي كان خطأ (ومع كده بنقول الحمد لله سقطت)
2- حمدوك ضعيف ما بي قامة السودان وشعبه (اله رمزي عند تلت السودانيين وابليس رمزي عند التلت التاني والتلت الاخير يقسم لستة اسداس براي عندي سدس)
3- الثورة ما دكت الورق ووزعت من اول وجديد (خلت القيم لسه شغال واعتمدت نتيجة التوزيعات القديمة)
.
.
.
صعب نصرح بحاجات زي دي
يلا صرحوا عشان كل واحد يورينا الخطة ب حا يكون شكلها كيف
انا الخطة ب حقتي لي سبعة سنة ببشر بيها
انتو خططكم شنو ؟؟؟
شكرا حمدوك دي ما خطة !!! دي مكاواة

عصمت صحيفة الثوار الاحرار : سؤال
عندما تتولون الحكم ما هو أول شيئ ستفعلونه ؟
الأمير :
يوجد اربعون ميدانا عاما داخل العاصمة سنقيم في كل ميدان صرح عالي للصلب والقطع من خلاف فمثلا في ميدان ابو جنزير سيكون هناك ثلاثة مصالب وخمسة مشانق وكذلك في كل مدينة رئيسية من مدن البلاد سيكون نفس الشيئ في الميدان الرئيس للمدينة ولكن قبل ذلك سنخطر الجميع بان يرجع كل من اكل اموال الناس بالباطل ان يسترجع ما اكله لبيت مال المسلمين ولا يعفيه هذا من محاكمة عادلة والا عندما نقوم بمراجعة كل اموال هذا الشعب المظلوم ويثبت لنا لاي شخص اخذ اموالنا بالباطل فلا سبيل لنا الا بمحاكمته بقانون الحرابة وسيصلب ويقطع من خلاف باحد هذه الميادين العامة ويعلق هكذا لمدة ثلاثة ايام هذا لعامة الناس من اللصوص الذين اكلوا اموال هذه الامة اما المشانق فهي لكل من تجبر واستخدم السلطة التي هي لله استخدمها لمصلحة هؤلاء اللصوص

عصمت :
ما هي المعايير في القبض على الناس الذين اثروا ثراءا فاحشا ....
ولربما كان هذا ميراثا ...
او من ربح التجارات الغير مشروعة مثل الدعارة والمخدرات والسحر
ما هو العيار لتقيمون حد الحرابة ؟؟؟

الأمير :
المسألة سهلة ايها السائل اذ لا يستقيم ان يكون موظفا مرتبه الف جنيه ويمتلك عمارات بمليارت الجنيهات
او واليا تولى الولاية قبلها كان يشحذ واليوم يمتلك نصف العاصمة
المسألة سهلة لدرجة ان احضرنا احد شماشة سوق امدرمان الذين يستنشقون البنزين ثم ينامون دائخين على الخيران عن لسطة باللصوص الذين نهبوا البلد لاعطوك مجلدات

اللقاء الذي اثار جدلا واسعا للأمير رئيس تنظيم الرايات الاربعة (السري) !!!اللقاء الذي اثار جدلا واسعا للأمير رئيس تنظيم الرايات الاربعة (السري) !!!

قلنا رأي شخصي
اي واحد عنده رأي بدون حجر يقولوا
مش قالوا حرية ...
ناس الدكتاتورية يزحوا بعيد ديمقراطية بسس ...

انتو يا جماعة ما تجربوا تمسكوني البلد دي ستة شهور قلناها ليكم الف مرة
وحات الله لو ما سلمتكم السودان الاول افريقيا وعربيا في كل شئ

اشنقوني في واحد من الخمسة مشانق في ميدان ابو جنزير
او اصلبوني في التلاتة مصالب المعاها

1-


2-


3-

Quote: أنت من بقايا بني كوز

بفتخر باني اسلامي للطيش المشكلة وين ؟؟؟
كرهتي في الدنيا الكيزان والشويعين والعلمانيين والعملاء المرتزقة الزيك وكمان ناس الخلا الاتسلبطوا في خرطومنا دي ودايرين يكرهونا ليها ويهجرونا منها تبا لكم جميعا

Quote: لبديل الفدرالية الحقيقية والحكم الاقليمي اللامركزي

نعم يا اخوي يا عادل امين لابد نرجع اقاليمنا فقط الخمسة بحكم كونفدرالي (اشبه بحكم امارة - موناكو مثلا عشان في ناس بليدين ما بيفهموها الا تضرب مثل بالكفار- او ولاية زي الولايات الامريكية - ده للناس الاله بتاعم امريكا- لكن أكيد ما امير جدة او المدينة) مافي زول جاب اخرنا ومؤخرنا اكتر من الكيزان والشويعيين واولادهم الفرخوهم
س سؤال يا عادل هل بتعتقد ونحن في عهد العولمة ده ممكن ينجح انقلاب وثورة شعبية ضد ارادة منظومة ماسون كفرا ونفاقا صراح بالديمقراطية ؟؟؟؟؟؟؟؟

Quote: الثورة ما فشلت؛ لان هدفها الأساسي إزالة نظام التمكين الإنقاذي وقد كان..

اوكي يا عمر التاج نمشيها معاك حته حته
فعلا نجحت بدرجة الف %

Quote: الحكومة الإنتقالية ما فشلت لأنها حتى الآن حولت الدولة من عسكرية ٩٥٪ الي عسكرية ٥٥٪

هنا انا ضدك الف %
الحكومة هسي ما مدنية بل عسكرية 100% ولا فيها حريات ولا يحزنون ولا سلام ولا يحزنون ولا عدالة ولا يحزنون واوريك كيف
زمان تنبز الحكومة والبشير زي ما داير الآن تنتقد حمدوك ولا حميتي اخير يودوك السجن عديل من الحا يحصل ليك من هجوم وموجات فضائح عنك لي حبوبة حبوبتك بايدلوجية اسمها الديكتاتورية الشعبية البغيضة الغذرة نفس شغل اليهود والصحف الصفراء في الغرب اذا رجعنا 60 سنة ضوئية للخلف الممنهج في مسألة الحريات الشعب بقى سكته واحدة كان يرضى وكان يابى شكرا حمدوك
اما من ناحية السلام فانعدم الامن حتى داخل بيوتنا ما تقول لي بهبل وجهل النقرز ديل عمايل شماعة الدولة العميقة ده كلام ما بيدخل الراس ضعف الاداء في الامن الداخلي خلق ده اما الخارجي خلى المتمردين علو سقوفات مطالبهم عشان هشاشة وضعف البيفاوضهم وما حا يقبلوا الا هم يحكموا بس ويفطسوا الباقين تفطيس
اما العدالة دي ياتو عدالة البتخلي حزب عضويته 50 جميعهم بقدرة قادر بقوا دستوريين ياتو عدالة البتخلي 400 شركة امنية لحدي بكرة متحكمة في اقتصاد البلد شغالة نهب ممنهج والكلام كتير كلنا عارفنه ومصهينيت شغالين بهبل شكرا حمدوك

Quote: هناك معوقات واخفاقات سببها عدم الكفاءة المهنية ويمكن إزالته بمزيد من الخبرات والتكنوقراط وهناك انحراف عن أهداف الدولة المدنية ويمكن إصلاحه بالتفات حمدوك نحو القضايا الأساسية والتفاف الشعب حول قضايا الإصلاح والتنمية

اهو ده الكلام المبهم ياخ نحن محتاجين ثورة معالجات ثورية
يشترك الشعب كله في صنعها
اديك مثل واحد بسيط انا اتوسمت فيك بعض العقلانية لو تفهمني زي ما ناس عادل امين فاهمني
كيف بتقبل يكون مرتب معلم او محاسب او كاتب 10 و20 دولار في الشهر كيف تقبل بواقع الحرمنة الحكومية دي ولصلحة من بيتسرق الشعب المغلوب على امره ده (يدي محرقاني اكتب في الموضوع ده انصر بيه السواد الاعظم من اهل بلدي)

[/url]

دي الناس البتقرأ في كلام الأمير ومافاهمة حاجة
او بتشاهد افلام آكشن الأمير ومن الخلعة مندهشين
او ..... لو جبنا اسمهم بكون غلطتة في حقهم وانا حالف تاني نهي غلط في حقهم البهظار ده

[/url]


الأمير ده مدرسة سودانية ...
آسف جامعة سودانية ...
آسف حاجة اكبر من الجامعة ...

Quote: يا عادل هل بتعتقد ونحن في عهد العولمة ده ممكن ينجح انقلاب وثورة شعبية ضد ارادة منظومة ماسون كفرا ونفاقا صراح بالديمقراطية ؟؟؟؟؟

ممكن يا توفيق وعي الشعب بي برنامج مضاد بسيط جدا موجود في البورد وده مشروح جيدا
فيتنام والصين هزمت المشروع الامبريالي القديم ده زمان بس ناسنا ديل وعيهم الاقليمي والدولي حتي الكوني ضعيف جدا
وشايفين انقلاب بن عوف وثم برهان حمديتي المدعوم من المخابرات المصرية والسعودية والامارتية ثورة
ولمن تدور تحلو ليهم لي ثورة يصرو علي الاستمرار في فشلهم
الثورة الحقيقية
نزحنا من العالم الامبريالي الدولي والاقليمي الي عالم بركس وطريق الحرير ومشروح كويس في بوستات هنا بي الوثائق
الثورة ثورة وعي وبصيرة
وناس ق ح ت ديل استهدفو و استغلو غضب الشباب ولم يستهدفو وعيهم اطلاقا وحتي هذه اللحظة 2020 وعلم مايو 1969 في راسنا ومايو دي انقلاب قامت به المخابرات المصرية وايضا 2019 نفس الشي
نمبري وبن عوف حاجة واحدة
اذا نهض الشعب يا توفي انتهت اللعبة

نبارك للحلو وناس الكفاح المسلح بعد تفكيك هيئة العمليات اولى بشريات نجاهاتهم باحتلال ابيي ...
ارموا قدام ...
بلادكم سكتها فاتحة لو شديتو حيلكم حبه شهر بتكونوا كرتوم جوة

الناس البتروج للهلاك لو شلنا الدعم من المحروقات والدقيق قصدهم واضح
لو شلتوه بيتنا بتتخرب
نحن بنكسب في الشوال ابو 600 حنيه 3000 الف جنيه
وفي جالون الجاز ربح 900%
وحات الله تفكو الدعم نبقى مع الحلو متمردين زاتو

انتو يا جماعة ما تمسكوني البلد دي ستة شهور استعدلها ليكم وارجعها ليكم استاندر
بس ستة شهور
اقسم بالله العظيم

لو في منطق وكان عندنا ذرة فهم زي حمدوك ده ما بنجيبو رئيس وزراء ما قدرها
المنطق وزير زراعة ده مجاله وتخصصه وافيد للسودان اقتصاديا
نحن وحات الله في كل العالم مافي اغبى وابلد مننا

دفتي ليه 33 سنة في وزارة المالية مرتبه يادوب 3 الف وعنده ماجستير
بالمعنى 33 دولار في الشهر
وكيل الوزارة اربعة الف ونص بمعنى 45 دولار في الشهر
وزير المالية الواحد ده وكل الوزراء مرتبهم زي 14 الف اي والله كلهم بيستفيدوا بس من السفريات والنثريات بتاعت مكاتبهم وبعض المخصصات حسب الوزارة لكن نحن علينا بالثابت اي 140 دولار في الشهر
كأعلى مرتبات حكومية
السؤال هل في منطق في ده ؟؟؟؟؟
والسؤال التاني القاعدين يتفاصحوا وهم في الخليج او الغرب لي ما اثاروا الحتة دي (حسادة بس ما دايرين الناس في الداخل تتحسن اوضاعهم يستفيدوا من ميزة هم بياخدوا دخول عالية اكتر من الفي الداخل ودي بتميزهم يعني انانيين وتافهين جدا)
.
.
في اغبياء حا يقولوا هي المرتبات دي الحكومة ما قادرة تدفعها وشايلة 70% من الميزانية اي البند الاول
ده منطق العاجزين في مليون طريقة ممكن تخلينا نتستعدل الخلل ده والآن
وفي فائض عمالة فايت الحد لابد ان يتقنن واكيد بالمرتب العالي ممكن يشتغل 48 ساعة في اليوم
وبسهولة نشيل الدعم نغطي بيه الفرق ده
وبسهولة اي دولة بميزانية محسوبة صاح ممكن تغطي المسألة دي

جيبوني وزير مالية 3 شهور
وتلقوا الشعب عمل لي تمثال في ميدان ابو جنزير

لو رفعنا سعر البنزين ل 150 جنيه
شوفوا الوفورات الممكن نحققها
الشوارع حا تكون فااااضية
حا يذدهر النقل الجماعي ويتطور وما بعيد يكون في عدة انواع من المترو
التاكسي الاصفر حا يرجع يشتغل
السلع حا تزيد اسعارها شديد وده بيخلي الفريشة في الاسواق مستحيل تواجدهم داخل العاصمة فمؤكد عشان يعيشو لابد يرجعوا يزرعوا ويربوا ماشيتهم ويطوروها عشان تحقق ليهم الدرجة البتخليهم عايشين زي الناس
التمرد حا ينتهي الناس بتكون ما فاضية ليهم وامكن هم زاتهم يدافعوا عن نفسهم مؤكد مافي زمن حا يكون لتمرد وكلام فارغ لان الاقاليم مؤكد بتكون افضل من المركز بالف مرة

الاسباب دي كفاية تبرهن فشل الثورة
ولا اعيد الكلام بلغة تانية
وحات الله 24 ساعة وما القى تفاعل
الا ابدأ من جديد بي لغة تخلي الكل يتململ ويآمن
في لغة اجيدها تخلي الكل يتجنن
تخصصي ....

أمير خطير
وافضل اعلامي في السودان من غير منافس
ورئيس اكبر مؤسسة معلوماتية اقتصادية سودانية
وبيها امتلك اكبر قوة ثورة حا تنشل السودان
وفق برنامجها الاقتصادي الشغال اليوم في كل مجال
وقاعد يحقق نجاحات غير مسبوقة

.

أب قبل أن يموت قال لابنه: هذه ساعة جد جد جدك عمرها أكتر من 200 سنه ، لكن قبل أن أعطيك إياها اذهب لمحل الساعات في أول الشارع، وقل له أريد بيعها، وانظر كم سعرها ..ذهب ثم عاد لأبيه، وقال :الساعاتي دفع فيها 5 دولارات لأنها قديمه ، قال له اذهب إلى محل الأنتيكه... ذهب ثم عاد، وقال : دفع فيها 5 ألاف دولار .. قال الأب : اذهب إلى المتحف واعرض الساعه للبيع ، ذهب ثم عاد، وقال لأبيه : أحضروا خبيراً وقيّمها، وعرضوا عليّ مليون دولار مقابل هذه القطعه، قال الأب : أردت أن أعلمك إنّ المكان الصحيح يقدّر قيمتك بشكل صحيح، فلا تضع نفسك بالمكان الخاطئ وتغضب إذا لم يقدروك.
"من يعرف قيمتك هو من يقدّرك، فلا تبقَ بمكان لا يليق بك"....