Post: #1
Title: في شركة إسمها أماندا للإستقدام بتعمل عقودات سكيورتي الأمارات صحي دي دعم سريع أماراتي
Author: عبد الصمد محمد
Date: 01-21-2020, 10:13 PM
09:13 PM January, 21 2020 سودانيز اون لاين
عبد الصمد محمد-السعودية
مكتبتى
رابط مختصر
نوجو أي زول عنده معلومة يساعدنا لأنه ولدنا خالد شاب متخرج من الجامعة من سنتين
وما لاقي شغل. أها جات الشركة دي وبتاخد ناس سكيورتي الأمارات تدفع 70 الف
ويعملوا ليك فيزا وتذكرة وتسافر تمضى العقد. للحوجة اسرته قررت يمشي بس لسة في
مرحلة الإجراءات. أمبارح قريت في السوشال ميديا إنه الشركة دي متعاقدة مع شركة
بلاك شيلد وبدربوا الشباب 3 شهور ويخيروهم يمشوا ليبيا ولا اليمن. أهل الولد سألوا
مدير الشركة السودانية (أماندا للإستقدام) فنفى الكلام دا.
الرجاء من له أي معلومة يفيدنا عاجلاً
|
Post: #2
Title: Re: في شركة إسمها أماندا للإستقدام بتعمل عقود
Author: ود محجوب
Date: 01-22-2020, 12:38 PM
Parent: #1
افيدونا يا اهل الامارات
التعاقد معهم من السودان كسكيورتى وبمرتبات متدنية
بعد تدريب 3 شهور جمعوا منهم جوالاتهم
للسفر خارج الامارات ؟؟اليمن ام ليبيا
هل صار شباب السودان مهنتهم الارتزاق
ما قامت به الشركة اهانة للوطن
الرجاء من الجهات الحكومية المختصة قفل هذه الشركة واعتقال موظفيها
وتقديهم للمحاكمة
استدعاء السفير الاماراتى والزامه بارجاع جميع الشباب الى السودان وتعويضهم
كفاية لعب بسمعة البلد
|
Post: #3
Title: Re: في شركة إسمها أماندا للإستقدام بتعمل عقود
Author: عبد الصمد محمد
Date: 01-22-2020, 02:27 PM
Parent: #2
الأخ ود محجوب لك الشكر على تأكيد المعلومة
الغريبة ولدنا لسة فغي بداية إجراءاته ولسة ما دفع ليهم ال70 الف
ولما أخبرت أهله بالمعلومات التي وصلتني عن شركة بلاك شيلد
توجهوا لمدير الوكالة الذي قال لهم دي إشاعة ساي ما تشتغلوا بيها
أنا ما عاوز أصبح في موضع مسئولية بحيث أخبرهم إني متأكد
إنه الكلام ما مجرد إشاعة ويطلع في النهاية إشاعة
المهم جداً إنه الحكومة تحقق في الموضوع دا فنحن في زمن
بنثق فيه في حكومتنا وضرورة حمايتها لمواطنيها
|
|