Post: #2 Title: Re: وزير الشئون الدينية والأوقاف ده مضحك أكتر Author: Elhadi Date: 01-20-2020, 11:55 PM Parent: #1
يعني ما أفتكر في كوميديا أكتر من كده في السياسة السودانية
Post: #3 Title: Re: وزير الشئون الدينية والأوقاف ده مضحك أكتر Author: Elhadi Date: 01-20-2020, 11:58 PM Parent: #2
وزير يخاطب نائب رئيس المجلس السيادي وعلى الملأ وفي خطبة منقولة على تلفزيون جمهورية السودان
بلفظة ( الخال )
Post: #4 Title: Re: وزير الشئون الدينية والأوقاف ده مضحك أكتر Author: Elhadi Date: 01-21-2020, 02:02 AM Parent: #3
لحدي اسي انا متحير في لفظة الخال حميدتي دي.. وقدر ما لايقتها جاي لايقتها جاي أبت تقع لي كلو كلو..
ترك الوزير كل الألقاب أو المسميات الوظيفية الرسمية ليخاطبه بلفظة الخال
وما دام الشيء بالشيء يذكر : فكيف يخاطب هذا الوزير حمدوك ؟؟ أو الصادق المهدي ؟؟
عمو حمدوك ؟؟؟؟
Post: #5 Title: Re: وزير الشئون الدينية والأوقاف ده مضحك أكتر Author: Elhadi Date: 01-21-2020, 02:03 AM Parent: #4
غايتو السودان ده وصل درك غير مسبوق أبداً أبداً
Post: #6 Title: Re: وزير الشئون الدينية والأوقاف ده مضحك أكتر Author: خضر الطيب Date: 01-21-2020, 02:18 AM Parent: #5
وين المشكلة ؟ ممكن يكون حميدتي خالو و رئيس الوزراء عمو الناس ديل اهل
Post: #7 Title: Re: وزير الشئون الدينية والأوقاف ده مضحك أكتر Author: امتثال عبدالله Date: 01-21-2020, 02:20 AM Parent: #5
وبعدين يا الهادي اساسا ما كان ضروري يناديه الخال لان حميدتي ذاته ما اكبر منه بكثير ، واحتمال يكون اصغر منه اذا ما كان قدره في العمر ،،،،
Post: #8 Title: Re: وزير الشئون الدينية والأوقاف ده مضحك أكتر Author: Elhadi Date: 01-21-2020, 02:43 AM Parent: #7
حتى ولو كان خالو لزم خضر..
الخال دي مكانها هناك في البيت وليس المنابر العامة أو الوظيفة العامة..
فهل الوزير ما مدرك للأبجديات دي ؟؟
Post: #9 Title: Re: وزير الشئون الدينية والأوقاف ده مضحك أكتر Author: Elhadi Date: 01-21-2020, 02:49 AM Parent: #8
Quote: وبعدين يا الهادي اساسا ما كان ضروري يناديه الخال لان حميدتي ذاته ما اكبر منه بكثير ، واحتمال يكون اصغر منه اذا ما كان قدره في العمر ،،،،
مرحب أختنا أمتثال.. الله أعلم بالنوايا يا امتثال
لكن في تقديري الشخصي الموضوع لا يخرج عن كونه نفاق وتملق..
مع حبة رواشة وشتارة :)
الوزير ده بالذات يبدو إنو كهربتو زايدة حبتين
Post: #10 Title: Re: وزير الشئون الدينية والأوقاف ده مضحك أكتر Author: Asim Ali Date: 01-21-2020, 02:52 AM Parent: #8
قيادات ق ح ت اغلبهمواحد قريب قوش والتانى جمال الوالى و....... ماغريبه واحد يطلع قريب حميدتى من الدرجه الاولى ويقول خالى الظاهر كلها فى الاخر ختكلع اهل فى اهل والترابه فى خشم الشعب الراجى ازاله تمكين الكيزان وعوده العسكر لثكناتهم
Post: #11 Title: Re: وزير الشئون الدينية والأوقاف ده مضحك أكتر Author: النذير حجازي Date: 01-21-2020, 02:55 AM Parent: #10
.
Post: #12 Title: Re: وزير الشئون الدينية والأوقاف ده مضحك أكتر Author: النذير حجازي Date: 01-21-2020, 10:06 AM Parent: #11
التسجيل دا قالوا قديم يا الهادي أيام الإعتصام وقبل فض الإعتصام
Post: #13 Title: Re: وزير الشئون الدينية والأوقاف ده مضحك أكتر Author: Hafiz Bashir Date: 01-21-2020, 11:35 AM Parent: #12
Quote: التسجيل دا قالوا قديم يا الهادي أيام الإعتصام وقبل فض الإعتصام
طيب قاصد ياتو تفلتات الحصلت أيام الإعتصام بغرض زرع الفتنة؟
Post: #14 Title: Re: وزير الشئون الدينية والأوقاف ده مضحك أكتر Author: محمد البشرى الخضر Date: 01-22-2020, 07:01 AM Parent: #12
دا فيديو الخطبة كاملة يوم 17 مايو امام القيادة العامة و قبل مجزرة الفض الجزء المقتطع من الدقيقة 6:30
