7 قتلى في انفجار قنبلة بالخرطوم

09:25 PM January, 20 2020

سودانيز اون لاين
يوسف الطيب احمد إدريس-
مكتبتى
رابط مختصر

7 قتلى في انفجار قنبلة بالخرطوم من بينهم حامل القنبلة نفسه.
لهم الرحمة والمغفرة

المصدر: قناة الجزيرة

دي ظاهرة جديدة
و متوقع حدوثها
الحل في البل

تفاصيل اكتر لو سمحت
القنوات الاخرى ماجايبه خبر

الآن ٩ قتلي و ٢٦ مصاب

Quote: ارتفع عدد ضحايا انفجار قنبلة يدوية في حفل زفاف بالعاصمة السودانية الخرطوم إلى 7 قتلى و 25 جريحا. وأقيم الحفل في ضاحية الشقلة في منطقة الحاج يوسف (شرق الخرطوم) كان يحضره العشرات من الضيوف، عندما انفجرت القنبلة الذي لم يعرف حتى الآن سبب انفجارها، فيما قالت بعض المصادر إن أحد الأشخاص ألقاها على الحضور. وبدأ نقل المصابين إلى مستشفيات قريبة، وسارعت لجان أحياء المقاومة في المنطقة إلى استنفار السودانيين، في نداء استغاثة معلنة حاجتها عاجلا إلى كميات من المتبرعين بالدم والمواد الطبية اللازمة لمستشفى البان جديد، لتقديم يد العون والدعم للضحايا. وبينت المصادر أن الشرطة بدأت تحقيقاتها وطوقت موقع الحادثة.

صور الضحايا من الاطفال ومايبدو انو استمرار لحوادث سايقه الاطفال يجدو القنابل ومن قبل اطفال وجدوا واحده حسبوه مجرد قطعه حديد كانو بطريق بيعها لبتاع خرده عندما انفجرت بهم ولا اظن البعد الارهابى موجود
الكيزان ارهابهم فى السودان غالبا حيكون فى سلوك زى احداث راس السنه والحرايق المفتعله او قتل قنص او مجزره زى القياده او الجنينه الاخيره اما سلوك التفجيرات دا اعتقد حيكون اخر كرت ليهم

الجزيرة قالت ان الشخص الذي القى القنبلة نظامي، اي رجل عسكري، وان التحقيقات لم تنته من قبل الشرطة
لتحديد اذا ما كان هناك ارهاب او مشكلة عائلية بحتة او الشخص فجر القنبلة عن طريق الخطا ، وان الشرطة
اعلنت ان من بين القتلى الخمسة ثلاثة اطفال وان هناك ٢٥ جريحا من بينهم حالات خطرة..

دي البداية بس وقلنا احسن ترجع الاقاليم الخمسة والخدمات الوفرها الانجليز وما سبق من حكومات الي مستوها الطبعي وتلغى الولايات ال18 دي الليلة قبل بكره
يراجع قانون الجنسية ونرجع لي ما قبل 30 يونيو 1989ونشوف الجرائم الداعشية المشينة دي وراها منو والاداهم قنابل منو وكمان
عشان ال10 مليون سوداني المكدسين في الخرطوم علي قاعدة ذهب المضطر نحاس ديل يرجعو اماكنهم الطبيعية ويلقو فيها نفس خدمات زمان المحترمة من تعليم وصحة وزراعة وغيرها
و لو نقلو العاصمة كوستي + 5 الاقاليم بتكون انتهت مشكلة السودان الفدرالية ما قبل 30 يونيو 1989 مهمة في هذه المرحلة
هناك من ي دفع السودان نحو الانفجار الكبير اذا ما رجعت الاقاليم الخمسة القوية وانهار المركز في فراغ
انتظرو الفصل السابع ودي وظيفة الاخوان المسلمين والازرقية المستكعين في كل الدول الحوالكم
نا شافينها ولي شنو
نرجع بس للمشاريع الوطنية والوضع الكان قبل 30 يونيو 1989 الحكم الاقليمي اللامركزي ودستور 1973 ياسس جديدة
المحاصصة دي وصلت طريق مسدود

شباب حبابكم عشرة
وربنا يحفظ السودان ويستر على أهله

يا عادل أمين
شفت القصة بتاعة والجمل هو سفينة الصحراء الخ ....
بس دي يا ها قصة حديثك المكرور المصر تجيبه في كل بوست غض الطرف عن فحواه ..
عذبتنا

رابط حادث التفجير فى الشقلة-الحاج يوسف
نرجو المساعدة فى فتحه

https://www.facebook.com/alzooltv/videos/1014688062239600/UzpfSTYyNTk2OTg5MTpWSzoyNzgxMzE0NjU4NTc0MjU3/؟multi_permalinks=2781314658574257andno...tif_t=group_activity

قرات رسالة فى احدى الوسائط من شخص ذكر انه كان احد شهود الحادثة ...قال ان المرحوم كان يتباهى بحمله للقنبلة ويستعرض بها ويقذفها للاعلى ثم يمسك بها وهكذا

وحاول احد اصدقائه الامساك بها او به او تم نزع الفتيل اثناء المحاولة او التدافع وسقطت القنبلة و انفجرت وسط الجميع ...ليسقط هؤلاء الابرياء..

فوضى السلاح وصلت مراحل خطيرة جدا ...