مشكوور خدوورى والله تعبناك معانا فى تنزيل التسجيل والله ابت ما تركب معانا حكاية رفع التسجيلمن الواتس الى الجهاز ياخى ما تعلمنا ليها كيف عشان كل مرة ما نزعجك
احمد حمودي اظنك بتحلم ، معقولة عاوز تتعلم تنقل فيديوهات من الواتساب للمنبر العام !! دي الا تتدخل في معهد كمبيوتر يكون مديره بيل غيتس،، خايفة بعد شوية تقول داير تعرف كيف تنقل فيديوهات صورتها بكاميرتك الى المنبر العام هنا !!!!هههههه اما دي الا تمشي تقعد مع بيل غيتس في بيته شهر وكل يوم يديك درس لمدة ساعتين عشان يعلمك التكنلوجيا دي،، وانت شوف براك حياخد منك كم دولار في الساعة،،،ولازم تعرف ان دخله في الثانية الواحدة ١٠٠ الف دولار ... لكن بصراحة اختيارك للاغنية الجميلة دي اوسكار،،،
Quote: انا يا دوب اتعلمت النقل من اليوتيوب بالمذاكرة والمساعدة من بت عطبرة ...
لما تفتحي الفيديو في الواتس اعملي ليهو داونلود و احفظيهو في الديسكتوب لازم يكون عندك حساب في اليوتيوب تنزلي الفيديو من الواتس كدا https://www.0zz0.com و ترفعيهو في حسابك لليوتيوب كدا https://www.0zz0.com يا ريت تطبقي الخطوات دي و توريني النتيجة براكتي كلي :)
Quote: شكرا يا ملك على الشرح .. لكن.... انا بعرف ممكن تكون عندك حساب في الفيس بوك ، وفي تويتر، وفي الواتساب، ،،لكن كيف تكون عندك حساب في اليوتيوب....!!؟
اعملي حساب في الجي ميل Gmail.com ذي دا [email protected] و بعدها بتجيك رسالة من قوقل و امورك طيبة
بالمناسبة في برنامج أغاني وأغاني العام 2018 السر قدور كبّر منها اللفة ومكتوب تحتها (تراث) وغناها الواد مهاب عثمان واحتمال كبير تكون تراث زي بعض الأغاني اللي رددها أحمد المصطفى وحسن عطية وأصبحت تردد من بعدهم (أغاني خفيفة) تشبه أغاني البنات ممكن خبراء المنبر في الأغاني دي يفتونا
يا سلام يا خضر واحمد حمودي ومشكورين على التعويقة الطربانة. الأغنية غالباً تكون أغنية بنات وأتوقع تكون في ثلاثينيات او أربعينات القرن الماضي. ست الأغنية تم نقلها للملكية بعربية وغالباً المقصود بالملكية هو مستشفى الخرطوم الملكي. ومستشفى الخرطوم الملكي تأسس سنة 1904 وحسب تقديراتي تم تغيير أسمه لمستشفى الخرطوم في بداية الأربعينيات ولكن ربما ظل أسم مستشفى الملكية مستخدم لفترة من الزمن ولكنه الأسم لم اسمعه من الذين عملوا في مستشفى الخرطوم في فترة الخمسينات وما بعدها. والعربات لم تكن متوفرة وسهلة في ما قبل الثلاثينيات. لذلك ارجح أن الأغنية ترجع للثلاثينيات او الأربعينيات.
Quote: كسرة: الأغنية دي سمعتها عند البكاسي الجداد ديل .. قدر ما فتشت لي أصلها ما لقيته أها جاني في محلي .. شكيت محنك
الاغنية دي غناها الفنان حسن عطية بلحن مختلف و هي من اغاني التم تم و اغاني التم تم كانت بعد اغاني الدُهلة حصل سمعتا بأغاني الدُهلة دي دي كانت قبل اغاني الحقيبة يعنى الف و تسعمية و خشبة ههههههه عشان كده السر قدور عمل رايح منها لانها كانت حتدخلو في حتة ضيقة و زمن الحلقة ما بسمح لكن هو عارف تفاصيلا
Quote: خايفة بعد شوية تقول داير تعرف كيف تنقل فيديوهات صورتها بكاميرتك الى المنبر العام هنا
دي كمان بسيطة بي كيبل الموبايل بتاع الشحن يتوصل في اللابتوب او الديسكتوب او عن طريق البلوتوث لو كان في اللاب او الديسك امكانية البلوتوث و تعملي ليهو داونلود و ترفعيهو لليوتيوب في حسابك بتاع الجي ميل
Quote: يا سلام يا خضر واحمد حمودي ومشكورين على التعويقة الطربانة. الأغنية غالباً تكون أغنية بنات وأتوقع تكون في ثلاثينيات او أربعينات القرن الماضي. ست الأغنية تم نقلها للملكية بعربية وغالباً المقصود بالملكية هو مستشفى الخرطوم الملكي. ومستشفى الخرطوم الملكي تأسس سنة 1904 وحسب تقديراتي تم تغيير أسمه لمستشفى الخرطوم في بداية الأربعينيات ولكن ربما ظل أسم مستشفى الملكية مستخدم لفترة من الزمن ولكنه الأسم لم اسمعه من الذين عملوا في مستشفى الخرطوم في فترة الخمسينات وما بعدها. والعربات لم تكن متوفرة وسهلة في ما قبل الثلاثينيات. لذلك ارجح أن الأغنية ترجع للثلاثينيات او الأربعينيات.
اسمعني انت و قُبة و الكافر رافت ميلاد تعتبرو اعمامي انا ما قدركم انا مولود في التمنينات هههههههه شنو العرفني بمستشفى الملكية ؟ الوكت داك حبوبتي ما اتولدت عيني انا قالت حلفتا بالذمة شفتك بدون عمة ودوني للمستشفي كشف هنا و هنا و هنا لقى قلبي مافي
Quote: اسمعني انت و قُبة و الكافر رافت ميلاد تعتبرو اعمامي انا ما قدركم انا مولود في التمنينات هههههههه
😂😂😂😂😂 يا عمك في فرق بين المعايشة والبحث التأريخي أنا باحث في التأريخ وإنت وأعمامك ناس قبة ورأفت ديل من مواضيع البحوث التاريخية بتاعتي اما موضوع التمانينات دا فحدثني واحد من الأعمام إنك في التمنينات كنت مغترب في الرياض بعد ما نزلوك معاش من تلفزيون السودان بعد أن أكملت سن المعاش الإجباري😂.
Quote: 😂😂😂😂😂 يا عمك في فرق بين المعايشة والبحث التأريخي أنا باحث في التأريخ وإنت وأعمامك ناس قبة ورأفت ديل من مواضيع البحوث التاريخية بتاعتي اما موضوع التمانينات دا فحدثني واحد من الأعمام إنك في التمنينات كنت مغترب في الرياض بعد ما نزلوك معاش من تلفزيون السودان بعد أن أكملت سن المعاش الإجباري
ههههههههههه انتهيت مني رسمي معاش اجباري في التمنينات ؟ انت اكيد قاصد قٌبة او رافت او بدر الدين الامير الاخير دا قاعد في الدوحة ليهو 39 سنة الامير تميم عمرو ما حصل ال 39 دي برضو انا كبير ؟ ديل اذن يكونو من كبائر الذنوب هههههههه قالو لي عياك الحب المابتنفعو العملية
تسلم و سعيد بمرورك يا جلال رجعتا بيك كم سنة ؟ اعترف قبل ما اختك انت و مولانا حافظ و الملك في كرسي الاعترافات سيبك من الاوغاد قُبة و الكافر رأفت ميلاد و الشلة دي ههههههههه
