Post: #2 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-16-2020, 08:56 PM Parent: #1
بالمناسبة ديل ناس الهيئة بكل الياتهم ومعداتهم وجبروتهم ما قادرين يبنوا ترس في الشارع!! بعدين هم عاوزين يترسوا لييه؟ هههههههههههههههه
Post: #3 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-16-2020, 09:03 PM Parent: #2
ح ننتظر واحد تاني يطلع بكرة ويقول كمان (المفقودين) كانوا معتقلين في مكاتب الهيئة دي. وطالما الهيئة تم حلها امس فاااا خلاص الموضوع خلص. التمثيلية دي كتب السيناريو بتاعها منو؟
Post: #4 Title: Re: ابراهيم الشيخ: هيئة عمليات الامن هي من فضت Author: منتصر عبد الباسط Date: 01-16-2020, 09:06 PM Parent: #2
Quote: بالمناسبة ديل ناس الهيئة بكل الياتهم ومعداتهم وجبروتهم ما قادرين يبنوا ترس في الشارع!! بعدين هم عاوزين يترسوا لييه؟ هههههههههههههههه
هؤلاء عساكر وليسوا مدنيين!!! المدنيين عندهم حق يقولو جلدونا بالعصي وارهبونا ووووك عوووك وفكوا فينا بنباااااان وفكوا فينا رصااااص حي ووووك وعوووووك وتوجد فرصة كبيرة للردحي والصراخ لكن العسكر ممكن يرشوهم كانو برشو في ذباب ببف باف ولا يرف لهم جفن ولا يخفق لهم قلب حين يرشوهم ويبيدوهم. فالفرق في الفعل مرهون بالفرق بردة الفعل المقرونة بطبيعة عمل الفاعل وفي أي جهة يعمل أي هل هو شخصاً عسكرياً أم مدنياً فهل عرفت الأن أن مقارنتك ليست في مكانها؟..
Post: #5 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-16-2020, 09:11 PM Parent: #4
قسما بالذي رفع السماء بلا عمد كلامك دا قرأته تلاتة مرات والله والله والله ما فهمت علاقته بالبوست شنو؟ قلت ليك الفهم قسمة ونصيب. وانا بليييد. فكني ياااخ! حولاااااا..
Quote: هؤلاء عساكر وليسوا مدنيين!!! المدنيين عدنهم حق يقولو جلدونا بالعصي وارهبونا وفكوا فينا بنبان وفكوا فينا رصاص ووووك وعوووووك وتوجد فرصة كبيرة للدرحي والصراخ لكن العسكر ممكن يرشوهم كانو برشو في ذباب ببف باف ولا يرف لهم جفن ولا يخفق لهم قلب حين يرشوهم ويبيدوهم. فالفرق في الفعل مرهون بالفرق بردة الفعل المقرونة بطبيعة عمل الفاعل وفي أي جهة يعمل فهل عرفت مقارنتك ليست في مكانها؟.
Post: #6 Title: Re: ابراهيم الشيخ: هيئة عمليات الامن هي من فضت Author: محمد مصطفى محمد Date: 01-16-2020, 09:12 PM Parent: #1
سلامات لكل الزملاء
سؤال: طيب يا إبراهيم الشيخ الاداهم تعليمات بفض الاعتصام منو؟
طالما قلت هيئة العمليات يبىقى بالمرة ورينا سيد القرار وما تنسى تعمل CC للجنة المستقلة بتاعة التحقيق
Post: #7 Title: Re: ابراهيم الشيخ: هيئة عمليات الامن هي من فضت Author: محمد البشرى الخضر Date: 01-16-2020, 09:21 PM Parent: #6
يا ود ادريس الصحفي صاغ الكلام بطريقة مغرضة, لم يقل ابراهيم الشيخ فض الاعتصام المعرف بالألف و اللام الواحد حقنا دا قال كلمة الاعتصامات في سياق الحديث عن المظاهرات و المواكب و اقتحام البيوت ابراهيم الشيخ لا يمكن يقع في خطأ زي دا وهو السياسي الحصيف, هناك لجنة تحقيق لا يمكن استباق اعلان نتيجة عملها و تبرئة أو ادانة اي جهة
Post: #8 Title: Re: ابراهيم الشيخ: هيئة عمليات الامن هي من فضت Author: محمد البشرى الخضر Date: 01-16-2020, 09:28 PM Parent: #7
أسمع العبارة من الدقيقة 5:50 تقريبا
Post: #9 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-16-2020, 09:42 PM Parent: #7
ودالبشري سلام.. اولا توقيت التصريح بعد الحصل من يومين. ليه كان ساكت وقت هو كان عااارف كل دا؟ ولة دا طلع في تحقيق تم امس؟ بعدين اتهم اعضاء من الهيئة ما كلهم تماشيا مع عدد ما تم تسريحه منهم باعتبار دا التفاح الفاسد!! فصّل القميص. ثانيا: ليه اساسا التطرق لموضوع معروف بعني للشارع شنو! وفي لجان تحقيق شغالة. مجرد التلميح بالاتهام ناهيك (اتهام كامل) لجهة أمنية تابعة للمكون العسكري القال جاء (شارك) من اجل (حماية) الثورة والثوار. ابراهيم الشيخ رمي دراب كبار كبار الليلة يا محمد.
Post: #10 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-16-2020, 09:53 PM Parent: #9
فض المواكب قصده ما فض الاعتصامات. الاعتصام واحد. الناس كانت بتشوف العربات دي بتطلع من وين؟ معقولة! يعني حدد المواقع حقتها بالضبط زي ماقال البرهان امس بمعني انه دا البيض الفاسد عشان يعرج طوالي ويقول الجهاز ما كله فاسد فبالتالي الهيكلة ما الحل!! يعني يا ود البشري جاء مدفور من العسكر يقول لينا (تصورهم) ما الشايفنوا نحن من كل الجهاز كمنظومة عقيدتها اتبنت علي حماية نظام وافراد ما الشعب او الوطن. مليونية (حل) الجهاز طالعة مش لو قالو مافي تصاريح او قالوا هيكلة بس ما (حل).
Post: #11 Title: Re: ابراهيم الشيخ: هيئة عمليات الامن هي من فضت Author: منتصر عبد الباسط Date: 01-16-2020, 09:59 PM Parent: #10
Quote: فكني ياااخ!
جداً طالما ضقت بكلامي وأعلنت ذلك أبقى أنا غلاطان ومليان لوم لو كتب كلمة أو حرف في بوست أنت صاحبه أو علقت على كلام أنت كاتبه والعفو العافية ولو نسيت ذكرني بالله ..
Post: #12 Title: Re: ابراهيم الشيخ: هيئة عمليات الامن هي من فضت Author: علاء سيداحمد Date: 01-16-2020, 10:18 PM Parent: #11
Quote: قال كلمة الاعتصامات في سياق الحديث عن المظاهرات و المواكب و اقتحام البيوت
ياودو الاعتصامات تشمل من ضمن ما تشمل ( اعتصام القيادة العامة )ابراهيم الشيخ مسئول كبير فى قوى الحرية والتغيير وكلامو لازم يكون موزون بماء الذهب . الآن الصواريخ مصوبة ومنصبة على ابراهيم الشيخ ومعتبرنو عايز يبرئ حميدتى والدعم السريع ويدين هيئة العمليات فى جريمة فض الاعتصام . والظاهر ح يكون هناك توضيح بكره الصباح من ابراهيم فى المسألة والصباح رباح .
اقرأ الشريط الاخبارى فى الصورة ادناه :
Post: #13 Title: Re: ابراهيم الشيخ: هيئة عمليات الامن هي من فضت Author: امتثال عبدالله Date: 01-16-2020, 10:26 PM Parent: #12
طبعا يا علاء.. ما دام هو بيقول هيئة العمليات هي التي فضت الاعتصام فهذا معناه عاوز يبرئ الجنجويد وبرهان وكباشي .... مش كان ينتظر اللجنة المختصة الشغالة بتحقق في هذه المسألة....
Post: #14 Title: Re: ابراهيم الشيخ: هيئة عمليات الامن هي من فضت Author: محمد على طه الملك Date: 01-16-2020, 11:20 PM Parent: #13
ههه بقيتو حساسين شديد .. الناس ديل فضو محاولات لاعتصامات قبل الناس تصل للاعتصام الاخير سيد الاسم .. ميدان الأهلية أمدرمان .. ساحة ما متذكر اسمها في بحري .. غزوة بري.
Post: #15 Title: Re: ابراهيم الشيخ: هيئة عمليات الامن هي من فضت Author: كمال عباس Date: 01-16-2020, 11:29 PM Parent: #14
جهاز الأمن .+ الدعم السريع + مليشيات الكيزان تقع عليهم مسؤلية قتل الثوار وقمع المظاهرات وفض الاعتصامات وموقف حميدتي وبرهان من تمرد جهاز الأمن لا يمنحهم صك براءة او حصانة من مجزرة القيادة وما تلاها
Post: #16 Title: Re: ابراهيم الشيخ: هيئة عمليات الامن هي من فضت Author: اخلاص عبدالرحمن المشرف Date: 01-16-2020, 11:45 PM Parent: #15
السلام عليكم ابراهيم الشيخ ده مش ال قدم برهان للثوار في القيادة؟
Post: #18 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-17-2020, 00:49 AM Parent: #16
بالحيل يا دكتورة اخلاص.. والصورة دي الايام الجاية ح تتحرف هههههههه. ابراهيم الشيخ دخل نفسه في مكان المرقة منه صعبة خلااااس يرخي جسمه بس.
Post: #23 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-17-2020, 05:43 AM Parent: #15
استاذي كمال.. سلامات.
Quote: جهاز الأمن .+ الدعم السريع + مليشيات الكيزان تقع عليهم مسؤلية قتل الثوار وقمع المظاهرات وفض الاعتصامات وموقف حميدتي وبرهان من تمرد جهاز الأمن لا يمنحهم صك براءة او حصانة من مجزرة القيادة وما تلاه
اعترف الكباشي بمن فض الاعتصام. لكن السيد كبير الحرية والتغيير اعلم منهم وكمان مشي بعيد وورانا العربات من وين كانت بتطلع.. غاااايتو.
Post: #17 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-17-2020, 00:39 AM Parent: #6
الاخ محمد مصطفي سلامات.. ابراهيم الشيخ شكلو مدفوع يقول الكلام دا وبس. يعني الترتيبات كوولها تمت بعد عملية امس الواضح انه كان مخطط ليها تتم بصورتها ديك. كلامه دا اتهام للمجلس العسكري الكان حاكم وبيورطهم اكتر مما يبراهم من فض الاعتصام. سؤالك تعسفي ههههههه.
Quote: سؤال: طيب يا إبراهيم الشيخ الاداهم تعليمات بفض الاعتصام منو؟
طالما قلت هيئة العمليات يبىقى بالمرة ورينا سيد القرار وما تنسى تعمل CC للجنة المستقلة بتاعة التحقيق
Post: #19 Title: Re: ابراهيم الشيخ: هيئة عمليات الامن هي من فضت Author: elsharief Date: 01-17-2020, 02:20 AM Parent: #17
مكرر
Post: #20 Title: Re: ابراهيم الشيخ: هيئة عمليات الامن هي من فضت Author: elsharief Date: 01-17-2020, 02:20 AM Parent: #17
ستظل مجزرة فض الأعتصام وصمة عار في جبين لكل من يوجد تبرير للقتلة وايضا ستظل امتحان اخلاقي لان كل الادلة يعلمها الجميع مثلا منذ 11 ابريل وحتى 17 اغسطس كل الكتائب والمليشيات والاجهزة الأمنية والنظامية تحت قيادة اللجنة الامنية للنظام السابق أي المجلس العسكري ثانيا والكل شاهد وسمع تصريح الناطق الرسمي للمجلس العسكري لاصدار الاوامر لفض الأعتصام وثالثا الكل شاهد توثيق المجزرة وظهور القوات النظامية اضافة للمليشيات في فض المجزرة الوجوه والاشكال ولوحات ونمر العربات , الله اعلم يوجد قائد سياسي سوداني مثل صديق يوسف وتصريحه الواضح حول المجزرة
Post: #21 Title: Re: ابراهيم الشيخ: هيئة عمليات الامن هي من فضت Author: محمد البشرى الخضر Date: 01-17-2020, 04:13 AM Parent: #20
يا ود إدريس الفكرة بصفة عامة عدم النسرع في تخوين ناسنا و قادة الحرية و التغيير, واصح ان الحديث عادي و اخره من صاغ المقال من سياقه لخدمة اغراض و اجندة خاصة به التصريح بعد يومين لأنه دا التوقيت العقد فيه المؤتمر الصحفي, هو لم بصرح لصحيفة او قناة بل تحدث في سياق مؤتمر صحفي رسمي وعلني, توقيت المؤتمر مفهوم باعتبار ان الحدث انتهى في الصباح الباكر اليوم السابق. بالنسبة للتطرق لموصوع الاعتصام (المعرف بالالف و اللام و المفرد) تاني بقول ليك هو لا يعني هذا الاعتصام
يا علاء شريط اخباري شنو وانا جبت ليك الكلام من حشم سيدو زاتو
ياخوانا ذهنية عز ولو طارت و التخوين المجاني دا خقو نخليه, كلنا على نفس الضفة ونفس المعسكر والعدو الحقيقي واحد ومشترك لا معنى لاضاعة الوقت و الجهد في محاربة بعضنا البعض
Post: #22 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-17-2020, 05:36 AM Parent: #21
Quote: ياخوانا ذهنية عز ولو طارت و التخوين المجاني دا خقو نخليه, كلنا على نفس الضفة ونفس المعسكر والعدو الحقيقي واحد ومشترك لا معنى لاضاعة الوقت و الجهد في محاربة بعضنا البعض
ودالبشري سلام.. في البداية انا سالت عن توقيت المؤتمر الصحفي من قوي التغيير بعد يوم من حركة (وحدة) في جهاز كاااااامل من منظومة امنية (عسكر شرطة امن وجنجويد) سميت مطالب تمرد واخيرا انقلاب؟؟ هل قوي التغيير ملزمة قدام (الشارع) انها توضح الحقائق؟ مش عندنا حكومة كاااملة برئيسها ممثلة للشارع ؟ لو الاجابة نعم يبقي كان ينبغي علي قوي الحرية والتغيير وابراهيم الشيخ يطلع في مؤتمراات للحصل من انفلات امني حصل في الشرق في الغرب في مدني القضارف كسلا ومناطق كثيرة تانية. ما حصل! الاهم , شنو علاقة فض الاعتصام بتمرد او انقلاب وحدة عشان يتم اتهامها؟ ومش في لجنة شكلها السيد الوزير الكبير مختصة بتقصي الحقائق وتقديم الاتهام في جريمة هزت العالم قدام بوابات القوات المشلعة؟ هل دا قانونيا صح؟ مش دا يعتبر تدخل في سير عدالة وتحقيقات؟؟؟؟؟؟. مؤتمر السيد ابراهيم الشيخ واااضح انه ما ح نحل جهاز الامن بس ح نهيكله والوحدة دي هي القامت بفض الاعتصام في الخرطوم. بس فات عليه وعلي فطنته انه في اعتصامات تاااني اتفضت تزامن مع فض الاعتصام الام. هل نفس الوحدة دي هي من قامت بالفض؟ اخيرا.. قصة التخوين يا ودالبشري بقت ما جايبها تمنها ونحن شايفين تخبط وعمالة وبيع وسط انفلات امني وغلاء طااحن وزواحف بتتربص بالثورة. --- انا عندي بوست عن (فض الاعتصام) وح اجيب اقوالهم صورة وصوت وتصريحات ونفخ من اي عسكري في المجلس او مدني في الحكومة و كمان من كبارات قوي الاعلان.
Post: #24 Title: Re: ابراهيم الشيخ: هيئة عمليات الامن هي من فضت Author: محمد البشرى الخضر Date: 01-17-2020, 11:36 AM Parent: #22
هلا ود ادريس المؤتمر لو حضرت بدايته بتكلموا عن دورهم كحاضنة للحكومة في تنوير الاعلام و قواعدهم بالمستجدات و المؤتمر لم يكن فقط عن موضوع هيئة العمليات بل تناول عدد من المواضي الساخنة مثل لجتة تفكيك النظام و موضوع الصحف و ابراهيم الشيخ تحدث مطولا عن مفاوضات السلام وتفاصيل ما جرى في موضوع مسار الشرق. تاني شي ودي النقطة مهمة في الموضوع الرجل لم يقل فض الاعتصام وسكت كدا كان لا مفر من الحديث عن الاعتصام المعلوم, لكن لامن يسرد سرد تاريخي بدأ من 13 ديسمبر و مرورا بفض الإعتصامات ثم يقول حتى الجريمة التي هزت الضمير و يقصد مقتل الشهيد - بإذن الله - احمد الخير بعد ذكره لفض الاعتصامات هنا بتضح اكثر ان المسالة لا تتعلق بالاعتصام سيد الاسم الفكرة لم الاصرار على تجريم ابراهيم الشيخ و مسح بجرة قلم كل تاريخه ومساهماته في النضال ضد الانقاذ دي الحتة الساقكم ليها الصحفي بعنوانه المغرض و الواضح انه يخدم اجندة ما بالنسبة للتخبط بقول ليك اوكي وجهة نظر يؤخذ منها ويرد لكن البيع و العمالة دي اتهامات لا وجهات نظر يجب ان تدعمها بالتفاصيل و الحجة و الدليل ما تطلقها سمبلا ساي كدا منو الباع ولمنو ومنو العميل ولمنو
Post: #25 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-17-2020, 05:54 PM Parent: #24
Quote: دي الحتة الساقكم ليها الصحفي بعنوانه المغرض و الواضح انه يخدم اجندة ما بالنسبة للتخبط بقول ليك اوكي وجهة نظر يؤخذ منها ويرد لكن البيع و العمالة دي اتهامات لا وجهات نظر يجب ان تدعمها بالتفاصيل و الحجة و الدليل ما تطلقها سمبلا ساي كدا منو الباع ولمنو ومنو العميل ولمنو
سلام يا ودالبشري.. ابراهيم الشيخ قصد فض (المواكب) لانه الاعتصامات ما كانت اكتر من اتنين تلاتة ولا (تصنف) كأعتصام قياسا بالاعتصام الام في القيادة العامة واعتصامات الاقاليم. اشهر الاعتصامات دي كان اعتصام رويال كير. السؤال هنا يا محمد من فض اعتصامات الاقاليم؟؟؟ برضو الوحدة دي؟ اذا الاجابة بنعم عاوزين برضو نشوف ادلة (عرباتهم برضو بتطلع من كافوري و الصحافة ووو) زي ما وصف استرسل ممثل الحرية والتغيير في منو وكيفية فض (الاعتصامات) هنا. طالبنا بادلة مش من حقنا؟ ولة نحن دا برضو تخوين!!؟ ومش في لجنة بتحقق في الحاجات دي ولة لا؟؟ كلامه عن حاضنة يا ودالبشري للحكومة في تنوير (الاعلام) دا (الطلس) بعينه. اولا ليييه ما تم قبل كدا في احداث كثيرة حصلن واهم من الوقفة وتمرد وحدة في الامن. اما تنوير (قواعدهم) مقصودة بيها الشارع ولة قواعد قوي الحرية والتغيير ككتلة وجسم؟ لانه يفرق. تاريخ ابراهيم الشيخ ونضاله ضد النظام ما صك غفران وجواز مرور زي زرارة مدني عباس للوزراة وطاقم التفاوض للمناصب. تاريخ ابراهيم الشيخ لا يعني شئ قصاد الارواح التي قدمت عشان ابراهيم الشيخ والشيوخ يقعدوا في كراسيهم دي. ح يساومنا بتاريخه؟ يجيب علي اسئلتنا من موقع مسئوليته و(بشفافية) اتفقدت من يوم ما (شاركو) العسكر. انا ما خونت انا جبت حقائق. ولما يكون دم الشهيد يا ود البشري يروح مبني للمجهول اكيد في تمن اندفع. ولما التطبيل يبقي علي عينك يا تاجر من رموز للثورة للدعم السريع (كلام الامس يمحوه المنصب) يبقي ح نقول ربنا عرفناه بالعقل ما شوف عين. سؤال اخير.. هل ابراهيم الشيخ ممثل قوي الاعلان حسموا مسالة (حل) جهاز الامن واختاروا (الهيكلة)؟ تزامننا مع التصاديق للمواكب في مؤتمر البرهان؟ دا صدف مش؟ لانه الشارع ببساطة بطالب بحل الجهاز دا وبجهز في مليونية قريبة.
Post: #26 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-17-2020, 06:20 PM Parent: #25
وزيادة كمان يا ودالبشري.. الخبر جبته ليك من وكالة السودان للانباء (سونا) يعني ما من صحفي فول. اللهم الا الوكالة دي شغالة بوكالة كمان. بعدين في وصف الاستاذ ابراهيم الشيخ للوحدة دي (بس) بانها صماء بكماء طرشاء (عقائدية) يفهم منه باقي الجهاز شغال باحترافية يحسد عليها في حماية (امن) الوطن والمواطن. الدعم السريع برضو اصم ابكم اطرش (اميري ملكي) لفريق الخلا يسبح ويكبر ويحمد سيده. ولة خلاص بعد (الانحياز) بقوا كويسين زي ما كتاااااار رقدوا. غااايتو..
Post: #27 Title: Re: ابراهيم الشيخ: هيئة عمليات الامن هي من فضت Author: محمد البشرى الخضر Date: 01-17-2020, 07:44 PM Parent: #26
أنا يا ود ادريس لا ادافع عن ابراهيم الشيخ, أنا فقط اطالب وبصفة عامة بقراءة الاحداث كما هي لا بعيون و انطباعات الآخرين هذا بالاضافة لما بح صوتي - تقرأ كيبوردي - به منذ بداية التفاوض أن لا نتبرع لأعدائنا مجانا بتخوين أخوتنا المهم ح اعلق فقط على نقطة أن الخبر من سونا عايز اذكرك بمؤتمر استضافته سونا لحاجة عـــرصة كدا اسمها شباب حول حميدتي! تخيل عند فتح باب السئلة أو سائل كان أحد موظفي سونا قال بلا خجل انتو سرقتوا الاسم دا مني أنا اول من اطلق هذه التسمية و عايزين نقابل حميدتي و شنو ما عارف! موظف سونا و محرر صحيفة الجريدة ما شرط يكونوا كيزان لكن ياهم بشر و عندهم اجندات, ودي ما مشكلتهم هم أو كل من يحرّف و يدلّس و يعكس الحقائق بطريقة تخدمه المشكلة في من ينساق وراءه
Post: #28 Title: Re: ابراهيم الشيخ: هيئة عمليات الامن هي من فضت Author: محمد الأمين موسى Date: 01-18-2020, 10:31 AM Parent: #27
Quote: أنا فقط اطالب وبصفة عامة بقراءة الاحداث كما هي لا بعيون و انطباعات الآخرين
شكرا يا هندسة على التربية الإعلامية المجانية.
Post: #29 Title: Re: ابراهيم الشيخ: هيئة عمليات الامن هي من فضت Author: jini Date: 01-18-2020, 10:37 AM Parent: #28
اعتقد ان ابراهيم الشيخ اوضح ببيان إضافي جني
Post: #30 Title: Re: ابراهيم الشيخ: هيئة عمليات الامن هي من فضت Author: Gafar Bashir Date: 01-18-2020, 02:18 PM Parent: #29
الموضوع حساس جدا ولا يقبل الالتباس موضوع الاعتضام الماتوا فيهو اولادنا وبناتنا ضربا وقتلاً وحرقاً واغتصاباً وتم رميهم في النيل احياء واموات بالجملة والجثث الطلعت ما معروفة لمنو والقصاص واجب طال الزمن او قصر
اظن اي مقاربة او تقاطع مع الموضوع لازم يكون علي درجة عالية من الحساسية
اما موضوع التخوين المجاني والتوزيع علي الصف الوطني افضل نتوقف عندو شويتين
لنفرض ان ابراهيم الشيخ قدم البرهان بالصورة المرفقة اصلا من الاساس مش الشعب السوداني كلو طلع مشي القيادة وقدم لنفسو وللشعب السوداني قيادة القوات المسلحة اللي علي راسها البرهان وبقية المجلس ...( ما فرقت الصورة فيها برهان ولا ياسر العطا ولا حميدتي ) محاولة تحميل ابراهيم الشيخ او اي من قيادات قحت مسئولية زي دي بغض النظر عن مواقفهم التاريخية طوال 30 عام مرفوض الثورة ما بدت من سندوتش الطعمية
لنفرض ان ابراهيم الشيخ لا قابل ولا لاقي البرهان شنو النتيجة المختلفة المحتملة
اذا كان ابراهيم الشيخ مرجعية للشعب السوداني ( يرتضي الشعب ما يقدمه ابراهيم الشيخ) الاتغير شنو؟ نحن احوج ما نكون لتوجيه اسلحتنا نحو العدو الحقيقي ( لسة قاعد ومتقاسم مقاعد السلطة)
ونعم اي موضوع حساس يجب التعامل معه علي مستوي الحساسية الخاصة به
Post: #31 Title: Re: ابراهيم الشيخ: هيئة عمليات الامن هي من فضت Author: علاء سيداحمد Date: 01-18-2020, 05:40 PM
Quote: يا علاء شريط اخباري شنو وانا جبت ليك الكلام من حشم سيدو زاتو
يا ودو كلام ابراهيم الشيخ واضح وصريح فى الصاق تهمة فض الاعتصامات لهيئة العمليات فقط دون غيرها من القطاعات الامنية الاخرى يقول فى مقطع الفيديو فووووووووق مابين الدقيقتين ( 7.27 و 7.33 )
{ وهذه المجموعة هى التى مارســـت فـض الاعـتـصـــامــات وهى التى كانت تخرج من المواقع ال 3 دى بالتحــديد } اهـ
ومن نافلة القول فـض الاعتصــامات تشمل من ضمن ما تشمل فض اعتصام القيادة العامة .
لذلك انا كتبت فى المشاركة الاولى لى بأن ابراهيم الشيخ مسئول كبير وسياسى ضليع وكان عليه ان يختار الكلمات بعناية كبيرة
Post: #32 Title: Re: ابراهيم الشيخ: هيئة عمليات الامن هي من فضت Author: علاء سيداحمد Date: 01-18-2020, 05:47 PM Parent: #31
والكلام المذكور اعلاه قاله بعد ان تحدث عن :
{ حجم التعديات الكبيرة جدا والعنف المفرط فى فض المواكب والاعتصامات والتظاهرات المختلفة وحجم الضحايا الذين تساقطوا عبر هذه المسيرة } اهـ
Post: #33 Title: Re: ابراهيم الشيخ: هيئة عمليات الامن هي من فضت Author: Mutasim Idris Date: 01-18-2020, 10:27 PM Parent: #32
Quote: الموضوع حساس جدا ولا يقبل الالتباس موضوع الاعتضام الماتوا فيهو اولادنا وبناتنا ضربا وقتلاً وحرقاً واغتصاباً وتم رميهم في النيل احياء واموات بالجملة والجثث الطلعت ما معروفة لمنو والقصاص واجب طال الزمن او قصر
اظن اي مقاربة او تقاطع مع الموضوع لازم يكون علي درجة عالية من الحساسية
الحبيب جعفر سلامات.. ولانه الموضوع دا مش موضوع (راي عام) بسقوط (ثوار) ضحايا حرقا واغتصابا وقتلا ودفن في النيل واسر مفقودين بس لا دا حدث اهم في تاريخ السودان الحديث. تم امااام عتبات قوات الشعب المسلحة في اول ايام عيد (الصوم) و ما اتصدت ليه خلال كووووول اليوم (لهيئة العمليات بجهاز الامن المتهمة) دي حسب وصف السيد ابراهيم الشيخ في مؤتمر توضيح الحقائق وتمليكها للشعب السوداني المكلوم. لكن الجنجويد والجيش اتصدوا بجدارة واقتدار (لتمرد) القوة دي وحسموها في سويعات برضو حسب قول السيد ابراهيم الشيخ في نفس مؤتمر تمليك الحقائق. موضوع البوست يا جعفر هو اتهام قادة الحرية والتغيير للوحدة دي وبالادلة (خروج العربات) مع علمهم انه في لجنة تحقيق شغالة في جمع ادلة وشهود. هل نفهم من قادتنا انه الموضوع دا اتحسم؟. ونبيل اديب لجنته مفروض تتحل وخلاص , ولة كمان مفروض نطالب قادة قوي الحرية والتغيير بالشهادة اما لجنة اديب دي زاااتها عشان الموضوع يخلص يااخ وامهات الشهداء ديل ينومو بدل الجرجرة والمليونيات الطالعة تطالب بالقصاص كل فترة دي. وبرضو اتسألت هل دا يعتبر تدخل في تحقيقات اللجنة دي الكونها رئيس وزراء الثورة ولة ام لا؟ قصة التخوين لقادتنا اللي تاريخهم يشهد ليهم دا ما مكانه هنا. لكن احب اقول تاريخهم لن يشفع ليهم مواقفهم لو بدأوا متخاذلين. التاريخ الشخصي والنضال السياسي ممكن يقدمك لاول الصفوف ولكنها ليست بصكوك غفران وحصانات تمنعك من التساؤل.
