صفحة منسوبة لهيئة عمليات ج الأمن تبدأ في نشر معلومات عن فض الاعتصام

04:07 PM January, 15 2020

سودانيز اون لاين
Elhadi-
مكتبتى
رابط مختصر

Stay tuned

This is interesting

So predictable

أنا أدعوهم من هذا المنبر وأشجعهم على المضي قدماً في إخراج كل ما لديهم من معلومات بهذا الشأن

هم طبعاً ما منتظرين دعوة مني.. لكن I’m just saying

مايكون جزء من مسرحيه صراع العسكر باتجاه الانتخابات المبكره
اقصر طريق بين نقطتين خط مستقيم
واذا هم جادين وعايزين يطهرو نفسهم ويفضحو من شارك معهم فى الجرائم يقدمو ادلتهم للجنه التحقيق بتاعت نبيل اديب
بدل شغل الاعلام والاتسهبال الاتعودنا عليهو من الكيزان ويشغلو الناس بضجه اعلاميه وتداول احاديث ومخططهم مستمر تنفيذ ماهو ابعد لاجهاض الانتقاليه

لما يتشاكلوا اللصوص يظهر المسروق،،
اظنهم حيطلعوا لينا معلومات كتيرة عن اسرارهم وعن اسرار القتلة ،،،،لكن ان شاء الله يسرعوا شوية قبل ما يغتالوهم عشان ما يتفوهوا باي كلمة ضدهم ،،،

ما تقول لي داير تجيب التسجيلات المضروبة بتاعة الممثل الفاشل العامل فيها كباشي

يا عاصم لجنة أديب ما أظن في زول مقتنع بمصداقيتها ووثوقيتا اللهم الا القحاتة

ده في الشيء الشايفو يعني

لذلك من الأفضل التوجه للرأي العام مباشرة

ده لو حقيقي عندهم النية في تقديم أي معلومات موثوقة ودقيقة

وأنا القدامك ده مواطن سوداني عادي وغير منتم لأي من الأحزاب السياسية

لكني غير مقتنع البتة إنو لجنة أديب ممكن تقدم لي إنصاف أو عدالة

أو حتى عندها المصداقية أو الوثوقية لحماية وصون أي إفادة ممكن أقدما ليهم في يوم من الأيام

فمن وين انت افترضت الإجماع حول لجنة أديب يا حبيب؟؟

تعرف يا الهادي يبدو إنه الكيزان أعلنوها صراحة إنهم قبلوا على حميدتي
لكن المشكلة دا حيفقدهم أهل بريمة وإسماعيل وكبر
بعد ما كانو سندهم الأول في كردفان ودارفور

ونحنا أي الشعب من مصلحتنا إشعال هذا الصراع وليس الانحياز لطرف

الكيزان ما أفتكر عندهم مستقبل تاني في حكم البلاد

وأظن أن أقصى ما يمكن ان يطمحوا اليه هو أن يظلوا جزءاً من الحياة والعملية السياسية في السودان

لكن عليهم في الأول تقديم كشف حساب كامل بكل ما وقع خلال فترة حكمهم خلال الثلاثين عاماً الماضية

وده هم اللي قاعدين يحاولوا يتفادوهو

لذلك فضلوا مشروع الهبوط الناعم الماثل الآن على ما عداه..

لأنو ده هو الخيار الوحيد الذي يمكنهم من الإفلات من العقاب ويجنبهم الحساب والمساءلة

Quote: فمن وين انت افترضت الإجماع حول لجنة أديب يا حبيب؟؟

زيك ماعندى انتماء حزبى
ما افترضت الاجماع حولها
لكن تعاملت على المتاح كوسيله قانونيه لانو خلاف كدا فى قناعتى الحل والحساب باسلوب ليس هنا مكان طرحو ونقاشو
.
م

Quote: تعرف يا الهادي يبدو إنه الكيزان أعلنوها صراحة إنهم قبلوا على حميدتي لكن المشكلة دا حيفقدهم أهل بريمة وإسماعيل وكبر بعد ما كانو سندهم الأول في كردفان ودارفور

يا زول شغل المديدة حرقتني .. وخباثة ناس المركز .. ما بتنفع معانا ..

ألعب غيرها ..

بريمة

Quote: واذا هم جادين وعايزين يطهرو نفسهم ويفضحو من شارك معهم فى الجرائم يقدمو ادلتهم للجنه التحقيق بتاعت نبيل اديب

سلامات يالهادي ..
عارف التصريحات المنسوبة لقوش بيضت في عبك ..
في كل الأحوال أسمعها مني ..
أنا كقانوني ما بقبل شهادتهم وأدلتهم حتى لو قدموها للجنة التحقيق للأسباب التالية ..
أولا : هم نفسهم عندهم لبس وتسليح الدعم السريع وهم من أوجدوهم وكانوا سوا لحد ما حميتي فصل عيشتو والحق نفسه برئاسة الجمهورية..
ثانيا : الآن بعد ضرب قوتهم في مقتل أصبحوا خصوم ومن ثم شهادتهم عدائية ..
ثالثا : هم ذاتهم أياديهم ما نظيفة وملوثة بدماء الأبرياء ..
عموما ممكن يقنعوا الرؤوس الخفيفة وأصحاب الغرض يهللوا ليهم .

جيب عنوان الصفحة يا الهادى قبل ما نفقدك بعد عمر مديد ان شاء الله.
عنوان الصفحة لا يحتاج لكتابة مداخلة.

غايتو اخونا الكنزى ما سن سنة حسنة فى المنبر دا.

فليكن سنتعامل معهم من باب إذا إختلف اللصان - ظهر المسروق - وأشغل أعدائي بأنفسهم!هئية العمليات بجهاز الأمن الذي كان يغتال الثوار في وضح النهار والمسؤول الأول عن مجزرة سبتمبر 2013 تسعي لكشف من قتل ثوار إعتصام القيادة -!
مرحي مرحي!
!ولكن لماذا صمتت طيلة هذه الشهور ؟ وهل تفعل ذلك اليوم حرصا علي الدم المسفوك والأرواح ا لمهدرة وحرصا علي الحقيقة وسلطة القانون أم يأتي ذلك في إطارتصفية الحسابات بين أطراف القوات المشتركة التي قامت بفض الإعتصام؟ أهي مزائدة وإبتزاز للخصوم الجدد أم حرص علي الدم المُراق؟
قلنا : ماحدث اليوم لايجب ان ينسينا دم شهداء القيادة وضرورة ملاحقة كل من تورط فيهاحتي وان كان له موقفا إيجابيا في احداث اليوم .

Quote: سلامات يالهادي .. عارف التصريحات المنسوبة لقوش بيضت في عبك .. في كل الأحوال أسمعها مني .. أنا كقانوني ما بقبل شهادتهم وأدلتهم حتى لو قدموها للجنة التحقيق للأسباب التالية .. أولا : هم نفسهم عندهم لبس وتسليح الدعم السريع وهم من أوجدوهم وكانوا سوا لحد ما حميتي فصل عيشتو والحق نفسه برئاسة الجمهورية.. ثانيا : الآن بعد ضرب قوتهم في مقتل أصبحوا خصوم ومن ثم شهادتهم عدائية .. ثالثا : هم ذاتهم أياديهم ما نظيفة وملوثة بدماء الأبرياء .. عموما ممكن يقنعوا الرؤوس الخفيفة وأصحاب الغرض يهللوا ليهم .

الأخ محمد علي طه الملك ـ تحياتي لك

أتفق معك في الكثير مما ذكرت إجمالاً..

لكن أنا بعتقد انهم لن يلجأوا للذهاب للقانون بمعلوماتهم هذه ( إن كان ثمة معلومات )

وبظن انهم على الأرجح حا يستهدفوا الرأي العام بالنشر إذا قرروا المضي في هذا الطريق يعني