جمال الوالي وضياء الدين بلال يكشفان معلومات مثيرة بشأن (السوداني والشروق)

08:28 AM January, 10 2020

سودانيز اون لاين
زهير عثمان حمد-السودان الخرطوم
مكتبتى
رابط مختصر

الخرطوم: الانتباهة أون لاين
كشف ناشر صحيفة السوداني ومالك قناة الشروق جمال الوالي ورئيس تحرير صحيفة السوداني الأستاذ ضياء الدين بلال معلومات جديدة بشأن الإجراءات التي تمت مؤخراً وقضت بحجز أصول الصحيفة والقناة. وقال جمال الوالي في حلقة تلفزيونية تحت عنوان: (مثيرون للجدل) التي يقدمها الأستاذ بكري المدني على قناة أمدرمان الفضائية أنه قدم عرضاً إلى وزارة الإعلام بأن تعمل القناة لصالح البلد وأضاف: (أنا عرضت عليهم الشروق إذا هي بتهمهم من غير مصادرة وقلت لهم خلو الشروق موجودة و لو دايرين تغيروا في العاملين غيروا وخلوها تشتغل للبلد في المرحلة القادمة). وأوضح الوالى أنه ذكر من خلال تواصله مع وزير الثقافة والإعلام ووكيل الوزارة بأن القناة لن تعمل ضد البلد قائلاً: (قبل ما يظهر القرار أنا تواصلت مع وكيل وزارة الثقافة والإعلام ومع وزير الثقافة والإعلام وقلت ليهم نحن ما حنعمل ضد البلد وما حنعمل ضد رؤية الناس في الفترة القادمة بل هو منبر مفتوح ليكم ومفتوح لكل السودانيين إذا حبيتو من غير مصادرة).
من جانبه قال رئيس تحرير السوداني ضياء الدين بلال أن جهات ما زجت بالسوداني ضمن الصحف التي طالتها الإجراءات، مؤكداً أنه وجه نقداً لوكيل وزارة الإعلام الرشيد سعيد عندما تم تعيينه في المنصب. وقال ضياء إن غالبية العاملين في الصحيفة لا ينتمون للمؤتمر الوطني المحلول ولا للحركة الإسلامية بل بهم مجموعة قادت إعلام الثورة وتعرضوا لمضايقات عديدة من النظام السابق.

السيد جمال الوالي يعلم أن قناته مديونة وعليها متأخرات مفروض تدفع بالعملة الصعبة ..
اقتراحه للسيد وزير الثقافة اقتراح ذكي يريد أن يرفع به مسؤوليته عن الديون وحقوق العاملين ..
الدولة الآن تعاني من أزمة مالية ولديها أولويات ملحة .

Quote: (أنا عرضت عليهم الشروق إذا هي بتهمهم من غير مصادرة وقلت لهم خلو الشروق موجودة و لو دايرين تغيروا في العاملين غيروا وخلوها تشتغل للبلد في المرحلة القادمة). وأوضح الوالى أنه ذكر من خلال تواصله مع وزير الثقافة والإعلام ووكيل الوزارة بأن القناة لن تعمل ضد البلد قائلاً: (قبل ما يظهر القرار أنا تواصلت مع وكيل وزارة الثقافة والإعلام ومع وزير الثقافة والإعلام وقلت ليهم نحن ما حنعمل ضد البلد وما حنعمل ضد رؤية الناس في الفترة القادمة بل هو منبر مفتوح ليكم ومفتوح لكل السودانيين إذا حبيتو من غير مصادرة).

شوفو حتى فهمو للاعلام كيف؟
ده زول ما مفروض يكون عندو تلفزيون وجريدة ذاتو
فهمو كلو انو النافذة الاعلامية يا تشتغل مع الحكومة يا ضد الحكومة !
انشالله يصفوها ويريحونا منها اذا كان حتشتغل للحكومة
نحن عايزين اعلام مهني مسئول مش مخرب او تابع ذليل للحكومة

Quote: ده زول ما مفروض يكون عندو تلفزيون وجريدة ذاتو

دا زول ما مفروض يكون عندو شاشة تلفزيون في بيتو ذاتو
لسه ما دخلوهو في فتيل ؟ و لا دخلو الفتيل فيهو ؟
بالغوا معانا

جمال الوالى بمطالبته بعدم مصادرة قناة الشروق ينظر لبعيد الى مابعد انتهاء الفترة الانتقالية !
واصلاً انتا طالما متأكد ان القناة ليست من اموال الشعب السودانى عليك ان تطالب بحقوقك فيها عبر القضاء ..
وانت ادنت نفسك بكلامك فى اللقاء فى قناة امدرمان مع ضياء بلال وعبر اتصالك بخصوص مصدر ثروتك
وقلت بأن مصدر الثروة تتعلق بالعمل مع صلاح ادريس و :

{ بالتجارة في البترول ومشتقاته وإشرافه على تنفيذ كثير من المشروعات السودانية الضخمة مثل سوداتل وموبيتل وساريا وجياد وغيرها. }

- التجارة فى البترول ومشتقاته .
- تنفيذ مشروعات ضخمة مثل سوداتل-موبيتل
- ساريا
- جياد
- غيرها

وانتا اصلا لو مامنهم وفيهم بالله عليك كانوا خلوك تاخد المشاريع دى كلها ..
انتا مفروض يحطوك فى البلاك ليست ويمنعوك من السفر خارج البلد لغاية ما يشوفو البلاوى المتلتلة دى .

دا لو ما فساد يا جمال الوالى هو الفساد شنو ؟

من مشاركة للاخ دينق فى بوست مجاور :

Quote: كتب مصطفى البطل من قبل عن جمال الوالي: الجمعة 8 مايو 2015: اقتباس : .......توجهت اليه بسؤال مباشر لا يمكن ان يخطر ببالك. قلت له: “حدثني عن ثروتك. كيف كونت هذه الثروة”! لم يبد عليه الارتباك او الانزعاج من هذا السؤال العجيب، بل مد يده فملأ كوباً إضافيا من القهوة. ثم قدم لي في المبتدأ حصراً دقيقاً بمجالات ومفردات استثماراته، واحدة واحدة. حدثني عن حوافز ومعوقات الاستثمار في السودان. ثم شرع يحكي عن علاقته بعديله الاستاذ صلاح ادريس، وعن مسيرته مع المال والاستثمار من الألف الى الياء. أصغيت باهتمام شديد. وقد بدا لي الرجل وكأنه يسرد وقائع فيلم آكشن أمريكي. سألته ان كان صحيحاً ما سمعته عن انه شارك ضمن المجموعة المدنية العسكرية التي نفذت انقلاب يونيو 1989. فنفي ذلك وقال لي انه كان وقتها خارج السودان. ولكنه أنبأني عن جذوره (الاخوانية) وعلاقته بالحركة الإسلامية. ثم أعلمني انه عمل مديراً لمكتب الفريق عبد الرحمن سوار الدهب عندما كان رئيساً لمنظمة الدعوة الاسلامية.

مصدر الاقتباس :

اعفص هنا

ولكنه أنبأني عن جذوره (الاخوانية) وعلاقته بالحركة الإسلامية. ثم أعلمني انه عمل مديراً لمكتب الفريق عبد الرحمن سوار الدهب عندما كان رئيساً لمنظمة الدعوة الاسلامية.

ولكنه أنبأني عن جذوره (الاخوانية) وعلاقته بالحركة الإسلامية. ثم أعلمني انه عمل مديراً لمكتب الفريق عبد الرحمن سوار الدهب عندما كان رئيساً لمنظمة الدعوة الاسلامية.

ولكنه أنبأني عن جذوره (الاخوانية) وعلاقته بالحركة الإسلامية. ثم أعلمني انه عمل مديراً لمكتب الفريق عبد الرحمن سوار الدهب عندما كان رئيساً لمنظمة الدعوة الاسلامية.

واكرر هنا مثنى وثلاث ورباع ما سبق وان قلته فى مشاركة سابقة :

Quote: وانتا اصلا لو مامنهم وفيهم بالله عليك كانوا خلوك تاخد المشاريع دى كلها ..