Post: #2
Title: Re: بيان هام عن موقف السودان من الضربة الإيرا�
Author: خضر الطيب
Date: 01-09-2020, 06:13 PM
Parent: #1
هههههههههههههههههههه
عمر انت فعلاَ فلة
بجد دي بالغتا فيها
ياخ انحنا مالنا و مال ايران و فيران
لا هم اهل و لا جيران
|
Post: #3
Title: Re: بيان هام عن موقف السودان من الضربة الإيرا�
Author: عمر التاج
Date: 01-09-2020, 06:27 PM
Parent: #2
بالغت انت يا راجل يا طيب
اكان إيران ماعندنا بيها شغلة
امريكا برضو ماعندنا بيها شغلة؟
على الأقل عندنا فيها امتثال؛
يا اخ السعودية استنكرت
والامارات نددت
والواق واق علقت؛
ونحن وكأننا ما عايشين في العالم ده
والخوفة الدخلت فينا من موقفنا من غزو صدام للكويت؛ لسه ما طلعت مننا..
وبعدين يا حبيب؛ عنوان البوست استفساري وليس استسخاري هههه
|
Post: #4
Title: Re: بيان هام عن موقف السودان من الضربة الإيرا�
Author: عمر التاج
Date: 01-09-2020, 06:36 PM
Parent: #3
وبعدين عايز أضيف حاقة؛
فبالاضافة لكون منبرنا ده مستضاف في امريكا
وكان عندنا كتاب وجنود سودانيين في الجيش الامريكي
فحمدوك برضو زار امريكا مرتين في شهر واحد؛
مرة مع حاجة اسماء؛ ومرة بدونها
ومن ديك وعيك تاني ماسمعنا صوت السيدة الوزيرة
السلماني مات؛ وما سمعنا صوتها
و ليبيا فتحت وما شفنا بيانها
وحمدوك مشي كاودا والسيدة الوزيرة كاضمة
وامريكا انضربت وما عرفنا موقفنا كسودانيبن شنو
عشان كده قلنا نفتح البوست ده وننتظر بيان السادة وزارة الخارجية.
|
Post: #5
Title: Re: بيان هام عن موقف السودان من الضربة الإيرا�
Author: خضر الطيب
Date: 01-09-2020, 06:48 PM
Parent: #4
Quote: ومن ديك وعيك تاني ماسمعنا صوت السيدة الوزيرة
السلماني مات؛ وما سمعنا صوتها
و ليبيا فتحت وما شفنا بيانها
وحمدوك مشي كاودا والسيدة الوزيرة كاضمة
وامريكا انضربت وما عرفنا موقفنا كسودانيبن شنو
عشان كده قلنا نفتح البوست ده وننتظر بيان السادة وزارة الخارجية. |
و إن تأخروا فانهم حتماَ سيأتون
ابرد انت بس و خليهم يكملو نومهم هههههههه
|
Post: #6
Title: Re: بيان هام عن موقف السودان من الضربة الإيرا�
Author: خضر الطيب
Date: 01-09-2020, 07:16 PM
Parent: #5
يا عمر
مالك عاوز حكومتنا الرشيدة تكون ذي المثل بتاع اهل الميت صبرو والجيران كفرو
لما حصلت الضربة الوكت كان صباح بدري في الشرق الاوسط انا الكان مفروض اشجب و ادين عملتا غمران
العراق الحصلت فيها الضربة ما قالو بغم الا تاني يوم رغم انو بلادهم اتردمت ب 12 صاروخ صحت العراق كلها
و ترامب زاتو قال انا هسي ما بصرح بجيكم بكرة Stay tuned for more details
تقول لي ناسنا يقومو يتشالقو ذي ما كان بتشالق المخلوع
انت بتدور تودرما يا فلة ؟ هههههه
|
Post: #7
Title: Re: بيان هام عن موقف السودان من الضربة الإيرا�
Author: منتصر عبد الباسط
Date: 01-09-2020, 07:29 PM
Parent: #6
| Quote: ونحن وكأننا ما عايشين في العالم ده |
الحمد لله
أنا حالتي خفت يكونو طلعوا بيان
يا زول مالك بتتمنى لينا الهبالات واللقافة؟!
إن شاء الله نكون هبالات الكيزان وحشر أنوفهم في الما بيعنيهم ولا يعنينا ودعناهو
مع سجم رماد الكيزان الغابر .
|
Post: #8
Title: Re: بيان هام عن موقف السودان من الضربة الإيرا�
Author: منتصر عبد الباسط
Date: 01-09-2020, 07:36 PM
Parent: #7
| Quote: يا اخ السعودية استنكرتوالامارات نددتوالواق واق علقت؛ |
المشكلة الأصلية أصلاً بين السعودية وإيران وأمريكا في عهود اليمينيين الجمهوريين
بتنفذ قدر ما من الحروب الصليبية والمشروع الكنسي ضد الدول الاسلامية بالتعاون مع السعودية وحلفائها
والإمارات مجرد تابع للسعودبة ..
أما ناس الواق الواق هم حلفاء لأمريكا أو حلفاء لإيران
ونحن في عهودنا الديمقراطية دائما نتخذ موقف الحياد وعدم الإنحياز
|
Post: #9
Title: Re: بيان هام عن موقف السودان من الضربة الإيرا�
Author: Abureesh
Date: 01-09-2020, 07:45 PM
Parent: #8
قرية أم ضريوة تحذر أمريكا للمرة الاخيرة
|
Post: #10
Title: Re: بيان هام عن موقف السودان من الضربة الإيرا�
Author: عمر التاج
Date: 01-09-2020, 07:45 PM
Parent: #8
البيان ما شرط يميل لجهة أو يدين جهة يا منتصر
ممكن تعبر عن قلقك وتنادي بضبط النفس وبس
اسه دي داير ليها تحالف ولا هبالة ولا امم متحدة؟
|
Post: #11
Title: Re: بيان هام عن موقف السودان من الضربة الإيرا�
Author: منتصر عبد الباسط
Date: 01-09-2020, 10:34 PM
Parent: #10
| Quote: مكن تعبر عن قلقك وتنادي بضبط النفس وبس |
قلق شنو كمان يا ود التاج؟!
والله بالغت عديل كدا؟!
هههههههه
هم ما قلقوا لحالة المواطن السوداني الذي فيه الراتب الشهري
بتاع صاحب الوظيفة المرموغة لايكفي لثلاثة أيام
ولا قلقوا لحالة السودان المتردية
ولا قلقوا من الفتن والحروب القبيلة في السودان
ولا قلقوا لبلد لا زالت تنحدر للهاوية
يقلقوا لعراك في بلدين آخريين ؟!
اللقلقوا ويتعلموا القلق في بني جلدتهم أولاً ولمن تولوا أمرهم ثم يقلقوا للغير
|
Post: #12
Title: Re: بيان هام عن موقف السودان من الضربة الإيرا�
Author: منتصر عبد الباسط
Date: 01-09-2020, 10:51 PM
Parent: #11
بعدين شكلك كاتلك الشمار
إنت عارف مافي حياد ولا بطيخ
المجلس السيادي في جانبه العسكري متعاطف أو مظهر الانحياز لمحور حلفاء أمريكا
وحكومة حمدوك ربما تميل للحياد أو على الأقل قحت ووزيرة خارجيتها
فالصمت أسلم هاهنا حتى لا يحدث النزاع بين اقطاب السلطة
فأي بيان يظهر الحياد سيوقعهم في مشكلة مع السعودية والإمارات
وأي بيان يظهر الانحياز لطرف سيوقعهم في مشكلة مع معارضي
السلطة الانتقالية أو يحدث نزاع بين السلطتين السيادية والتنفيذية
ويضع وزارة الخارجية في ورطة خارجية أو داخلية.
فالصمت أسلم .
|
Post: #13
Title: Re: بيان هام عن موقف السودان من الضربة الإيرا�
Author: عمر التاج
Date: 01-10-2020, 01:49 PM
Parent: #12
| Quote: هم ما قلقوا لحالة المواطن السوداني الذي فيه الراتب الشهري |
ابداء القلق شئ
والقلق شئ اخر يا منتصر؛
ده موضوع اشبه ب(إن لم تبكوا فتباكوا)
وبعدين انت قايل وزيرة الخارجية دي؛
بتاخد مرتب مقابل شنو؟
ما مقابل ابداء الفرح أو القلق تجاه القضايا الدولية
| Quote: بعدين شكلك كاتلك الشمار |
الشمار بكون كاتل العالم كله عشان يعرف موقف السودان شنو
لكن انا كاتلاني الحيرة الوطنية
لاني ماعارف موقفي الرسمي شنو من القضية دي؛
يعني اسه لو كفيلي قال لي ايش رايك كزول في الضربات الإيرانية دي
اقول ليهو والله حكومتنا لسه ما شكلت رأي حولها..
يا اخ انا عايز بس حقي
وفتحت البوست ده عشان أعرف مرقفي شنو من الصواريخ الإيرانية ضد امريكا..
طبعا تحت تحت ممكن اقول رأي الشخصي
ولكن خايف الكفيل يحجب الموقع ده؛
أو كمان يقوم الأحمق داك ويقفلوا لينا بالمرة هههه.
|
Post: #14
Title: Re: بيان هام عن موقف السودان من الضربة الإيرا�
Author: ابو جهينة
Date: 01-11-2020, 04:16 PM
Parent: #13
تحياتي اخي عمر
انا عندي قناعة تامة بأن كل ما حدث هو متفق عليه ما عدا شيء واحد ، وهو اسقاط الطائرة المدنية المنكوبة
ترامب الذي لا يشبع رغم ثراءه الفاحش، اعتقد جازما ابرم صفقة مع ايران بقتل السليماني مقابل هجوم يبدو في ظاهره انتقاما بينما هو هجوم على ثكنات تم تفريغها مسبقا ، ثم نشر خبر عقوبات امريكية اضافية على ايران
الايام القادمة حبلى بالكثير، بما فيها الاتفاق النووي الذي ستخضع له ايران وتعود العلاقات سمن على عسل
|
Post: #15
Title: Re: بيان هام عن موقف السودان من الضربة الإيرا�
Author: عمر التاج
Date: 01-11-2020, 05:03 PM
Parent: #14
حبابك عزيزي ابو جهينة؛
| Quote: انا عندي قناعة تامة بأن كل ما حدث هو متفق عليه ما عدا شيء واحد ، وهو اسقاط الطائرة المدنية المنكوبة |
في بوست آخر قلت ان سلوك ترامب سلوك كيزاني بحت
الا انه ليس من تجار الدين؛ بل تجار السياسة
وكل شئ عنده بمقدار الربح والتكسب..
ولقد فضح اسلوبه هذا بمواقفه في الخليج خاصة تجاه السعودية والإمارات وقطر
وقلت فيما قلت ان مايجري بين ترامب وايران هي مسرحيات واسعة
اشبه بمسرحية اذهب الى القصر رئيسا وساذهب الي السجن حبيسا
الثورة الايرانية كانت فاصل من هذه المسرحية؛ والمفاعل النووي كان مشهد كبير
والآن مقتل السلماني والضربات على قاعدة عين الأسد تبدو مشاهد جديدة؛
الان وقد سررت جدا عندما جاءت مداخلتك لتدعم هذا الزعم
واظن ان صمت السودان- رغم تشابك العلاقات بين طرفي النزاع-
له ما يبرره في إطار المشاهدة والتعلم من المشاهد الشيقة
|
|
