Post: #2
Title: Re: البنك المركزي دا؛ جاد ام جداد؟
Author: عمر التاج
Date: 01-09-2020, 04:31 PM
Parent: #1
اولا بالتبادي البنك المركزي يعلم باستحالة توفر ملفات ليها ٣٠ سنة في البنوك؛
البنوك بالكثير بتحتفظ بملفات خمسة سنوات؛ وبعد داك بتعمل إبادة قانونية للمستندات
ولو كانت بتحتفظ بكل الملفات والمستندات الورقية لامتلأت بيوت ومخازن الخرطوم بأوراق البنوك.
الحاجة الثانية البنك المركزي بتصله تقارير وراوجع شهرية مفصلة عن العمليات الاستثمارية؛
القائمة والمتعثرة والجديدة وحجم الضمانات ونوعها لكل عملية وعميل.
ولديه تقارير أسبوعية عن المخاطر، ويومية عن النقد الاجنبي..
وفرق متخصصة في التفتيش والمراجعة والالتزام الدوري والطارئ..
يقوم يترك ديل كلهم ويطلب المعلومات من البنوك ليه؟
الحاجة الثالثة؛ اذا البنوك كانت عندها مخالفات وتسويات غير قانونية أو غير مهنية مع العملاء؛
في الحالة دي هل الأفضل تصلهم انت بنفسك وتكتشف هذه المخالفات
ام ترسل ليهم وتقول ليهم رسلوا لي مخالفاتكم وتجاوزاتكم وسؤاتكم بالله؟
|
Post: #4
Title: Re: البنك المركزي دا؛ جاد ام جداد؟
Author: خضر الطيب
Date: 01-09-2020, 05:14 PM
Parent: #2
عمر يا فلة كيفنك يا حبيب
بدو في حرق البنوك
|
Post: #5
Title: Re: البنك المركزي دا؛ جاد ام جداد؟
Author: عمر التاج
Date: 01-09-2020, 05:39 PM
Parent: #4
ازيك يا خضر يا طيب
اخبارك
اعتقد الحرائق ممكن تكون ردة فعل مناسبة لخطاب بنك السودان
ولكن تبقى المسؤولية على البنك اذا ضاع اي مستند حديث (أقل من ٣ سنوات)
لأن الواجب والمسؤولية ان توضع كافة الملفات في كابينت ضد الحريق
بينما توضع النقود والشيكات والضمانات في الحفظ الأمن
(ويقصد به الخزينة المؤمنة بنسبة ١٠٠٪ ضد كافة الأخطار الخارجية )
لذا فالحرائق لن تكون حلا لادارات البنوك وموظفيها؛
ولكن من الممكن - في ظل غياب المتابعة المباشرة-
طمث وتزوير المستندات الورقية وتغيير البيانات الالكترونية
|
Post: #3
Title: Re: البنك المركزي دا؛ جاد ام جداد؟
Author: علاء سيداحمد
Date: 01-09-2020, 05:13 PM
Parent: #1
سلام يا عمر وسيد العارفين طبعاُ بنك السودان مخاطب من قبل المجلس السيادى والبنك فى المنشوريخاطب البنوك السودانية لمده بالمعلومات المطلوبة فى المنشور عن :- كافة العمليات الاستثمارية والتسهيلات والضمانات المقدمة مقابل تلك العمليات منذ تأسيس البنك ( وطبعاُ المراد طوال الثلاثين عاما الماضية اى : طوال حكم الكيزان ) لان تعثرات سداد القروض الشخصية و الاستثمارية والتجارية انما كانت خلال فترة حكم الكيزان وذلك لضعف الضمانات المقدمة مقابل تلك القروض ( وفى الغالب عدم وجود ضمان : ومذكرة من شخصية نافذة لتسهيل امره )
تعرف يا عمر انا اشتغلت فى احد البنوك الكبيرة فى السعودية فى فترة من الفترات وكنت فى قطاع القروض وخطابات الضمان والاعتمادات المستندية . تعرف اهم شئ مطلوب من العميل كان عند طلب القروض العقارية او التجارية تقديم رهن عقارى او ارض فضاء او مزرعة او اسهم على ان يكون سعره يساوى علىاقل تقدير 150% من قيمة القرض . السعوديين ماعندهم لعب فى القروض عشان كدا تلقى الديون المتعثرة بسيطة لا تذكر فى بنوكهم بالمقارنة مع الدولالاخرى مثل السودان .
|
Post: #6
Title: Re: البنك المركزي دا؛ جاد ام جداد؟
Author: محمد على طه الملك
Date: 01-09-2020, 06:53 PM
Parent: #3
غايتو شغل البنك المركزي دا ما عجبني طب ..
ظهر لي زي الزول البخلص روحه من تبعات ..
ليه ما يشكل لجان أو يفوض المراجع العام ؟؟
|
Post: #7
Title: Re: البنك المركزي دا؛ جاد ام جداد؟
Author: Abdullah Idrees
Date: 01-09-2020, 07:00 PM
Parent: #3
كلامك سليم بالنسبة للارشيف الورقي ، بالتأكيد بالكتير حيحتفظوا ب7 سنة
لكن بالنسبة للديون المتعثرة دي بكون في تقارير تفصيلية مرفقة بالتقارير المالية السنوية
وبتشمل المتعثرين وبتشمل حالات اعدام الديون الهالكة او التي اعتبرت هالكة ودي حتة بتاعة فساد عجيب
طبعا ، في ديون كتيرة اعدمت بواسطة توصيات حزبية ، دي برضو تفاصيلا بتكون موجودة
لكن بالنسبة للانظمة الالكترونية دي ما بعرف ، يفترض لمن يغيرو السيستم يكون في باك-أب محفوظ
وعموما خلال ال30 سنة الفاتت تغيير الانظمة ما بكون حصل كتير ..
|
Post: #8
Title: Re: البنك المركزي دا؛ جاد ام جداد؟
Author: منتصر عبد الباسط
Date: 01-09-2020, 07:14 PM
Parent: #7
هم كان جداد خبارن بدويكو ليهم؟!
|
Post: #9
Title: Re: البنك المركزي دا؛ جاد ام جداد؟
Author: منتصر عبد الباسط
Date: 01-09-2020, 07:22 PM
Parent: #8
أنا البنكالمركزي دا عارفو طبيعي يكون كيزان كلو
وبنوك أخرى
لكن تأكدت من إنو كلو كيزان منظمين مما كانوا بنفذوا العصيان المدني
والإضراب البتدعو ليهو قحت بنسبة 100%
وشكلهم الهبل صدقو إنو موظفي البنك المركزي ليسو كيزان منظمين!!!
|
Post: #10
Title: Re: البنك المركزي دا؛ جاد ام جداد؟
Author: عمر التاج
Date: 01-09-2020, 07:29 PM
Parent: #3
تحياتي اخ علاء؛
| Quote: طبعاُ بنك السودان مخاطب من قبل المجلس السيادى والبنك فى المنشوريخاطب البنوك السودانية لمده بالمعلومات المطلوبة فى المنشور |
الشغل لما يجي من فوق ني
تراهو بيتدحرج ني كده لمن يصل القاع
ويمكنك ان تلقي نظرة على تعليق مدير البنك
الذي زحلق الكرة لمن هم تحته من غير أن يوضح الإجراء المطلوب من كل منهم
يعني نظام اتصرفوا وخارجونا من المصيبة دي باي طريقة..
وفي النهاية حايتفرق دم المنشور بين الادارات..
المنشور زاتو تشعر به ما جادي؛
لانه بدا أقرب لشغل تعجيزي
وما حدد اماد واجال للتنفيذ
أو حتى فورمة للمعلومات المطلوبة..
وكان الأولى والاجدي ان يوكل المحافظ الأمر لإدارة التقنية
لتقوم بسحب المعلومات من قاعدة معلومات البنوك
دون حتى اخطارهم أو استئذان منهم؛ وفي أقل وقت ممكن.
| Quote: تعرف اهم شئ مطلوب من العميل كان عند طلب القروض العقارية او التجارية تقديم رهن عقارى او ارض فضاء او مزرعة او اسهم على ان يكون سعره يساوى علىاقل تقدير 150% من قيمة القرض |
النظام المصرفي السوداني أيضا نظام قوى ومتمرس (نظريا)
وحسب التخطيط و النظم فلكل نوع من الضمانات وزن ترجيجي ومعدل حسم
والصافي يجب أن يغطي مابين ١٠٠٪ و ٢٠٠٪..
ولكن في دنيا الواقع نجد ان القرارات السياسية تلعب دورها
واشد انواع السياسات خللا ما يمر الي البنوك عبر البنك المركزي نفسه
وفي الغالب يتنزل في شكل خطاب ضمان من البنك المركزي أو وزارة المالية
أو الحكومات الاتحادية والولائية..
اذن البنك المركزي نفسه قد يجد نفسه في موقع المسؤولية
والدولة العميقة هناك ستعمل على زحلقة مثل هذه القرارات بالكيفية التي تجعلها
تنفذ التعليمات ولا تنفذها في نفس الوقت.
|
Post: #11
Title: Re: البنك المركزي دا؛ جاد ام جداد؟
Author: عمر التاج
Date: 01-09-2020, 07:42 PM
Parent: #10
حبابك مولاي الملك؛
Quote: غايتو شغل البنك المركزي دا ما عجبني طب ..
ظهر لي زي الزول البخلص روحه من تبعات ..
ليه ما يشكل لجان أو يفوض المراجع العام ؟؟ |
البنك المركزي تعامل مع القرار بنظام (زح مني)
ونظام (زح مني) ده نظام معروف في الدافوري
عن الزول الكيشة لما تجيه الكورة فجأة
بقوم يشوتها (مهما اتفق) عشان يبعدها منه وبس..
اسه لو دققت في صياغة الخطاب حاتجد أغلبها تعميمات وتهويمات
يعني مثلا عبارة (توفير معلومات متكاملة) دي عبارة مبهمة
لانه اي بنك حايفسرها بطريقته
والعجب العجاب لو دققت في الفقرة الأولى والتي تحدد فترة التمويل..
قال ليك منذ تأسيس البنك أو قبل قيام الانقلاب اذا كان الانقلاب شنو كده ماعارف)
|
|
