إعادة القبض علي تراجي وحظرها من مغادرة بورتسودان

05:57 AM January, 08 2020

سودانيز اون لاين
Hassan Farah-جمهورية استونيا
مكتبتى
رابط مختصر

ألقت السلطات بمدينة بورتسودان مساء أمس القبض على تراجي مصطفى، الناشطة المثيرة للجدل ضمن ستة أشخاص، منهم بينهم الوزيرة السابقة بنظام البشير آمنة ضرار وأربعة من قيادات الإدارة الأهلية، بتهم تتعلق بالتحريض والتستر وذلك علي خلفية جريمة مقتل مواطن بمدينة بورتسودان يوم أمس الأول، عقب اجتماع نظمه الموقوفون.

وكانت السلطات ألقت القبض على تراجي وآمنة ضرار قبل أن تطلق سراحهما وتعود لإلقاء القبض عليهما بمعية أربعه رجال، بعد الاشتباه فيهم عن طريق الكلب البوليسي.
يشار أن مدينة بورتسودان تعيش توتراً قبلياً بعد العثور علي بقايا جثة قتيل ملقية في أحد أحياء بورتسودان، بجوار الموقع الذي شهد تنظيم الندوة.
اليوم التالي
Alrakuba

الاخ ابوالريش رأيك مهم فى التطورات الاخيرة هذه

كلبهم البوليسي جن

Quote: بعد الاشتباه فيهم عن طريق الكلب البوليسي.

غريبة كلب بوليسي لي شنو؟ ...
مرتكبين جناية ..!! ...

مع التحية للاحباب
جواز السفر الكندي .. ليس له دور ؟

تحياتي الحبيب حسن

وقد استنجدت المذكورة بالسفارة الكندية بالقاهرة

انتو الخرطوم مافيها سفارة كندية ؟ ؟ ؟


تحياتي للجميع

Quote: وقد استنجدت المذكورة بالسفارة الكندية بالقاهرة

السفارات بتحترم قوانين البلد ، إذا في جريمة ، تاكل نارك

حتى الان لا توجد تفاصيل الإعتقال .. بكرة تظهر.. يجوز امنة عندها تفاصيل اكتر

سلام اخ حسن فرح

تراجي هي رأس الفتنة
و من سنوات ظلت تنعق كالبوم لخراب اي تجمع مهما كان
بعد مشاركتها في وفد النفايات ايقن النظام بأن هذه المراة يجب تهميشها
و رميها في مكب الزبالة هي و الطبالين الذين اتو معها من كندا
و الذين استخدمتهم كما يستخدم احدهم مناديل التواليت
و وفد النفايات الذي يسمى جزافاَ بوفد المنافي يتكون من
الطيب رحمة قريمان
حواء كباشي
منصور المفتاح
هاشم نوريت
عماد زودي
حسين شنقراي بصفته ( سوداني/كندي) وكان قد استقبل وفد تراجي في صالة كبار الزوار بمطار الخرطوم
و كل هذه الجوقة من المنبطحين اواهم النظام في الفنادق و صرف عليهم من قوت المواطن السوداني
من خزينة الدولة و لمدة سنة كاملة
و بعد كل ما بذلته تراجي من تطبيل و انبطاح للنظام لم تنال الوظيفة التي كانت تطمح اليها
كان تقييمهم لها ان مكانها البرلمان لاسكاتها و التخلص منها لاحقاَ
و بعدها أخطرها ضابط الأمن الذي كان مسئولاَ من تحركاتها داخل السودان
بمغادرة الفندق الذي استضافها فيه النظام و جن جنونها
و اصبحت مثل ديك العدة
او الثور في معرض الخزف
تباَ لك يا تراجي :)

سلام استاذنا علي عبد الوهاب

Quote: جواز السفر الكندي .. ليس له دور ؟

للاجابة على سؤالك
في حالة تعرضك للإعتقال من قبل سلطات بلادك كمعارض سياسي
و انت تحمل الجواز الغربي و جواز بلدك الأم بما يعرف بال Dual Nationality
فان الجواز الغربي لا يحميك و لا يمكنهم التدخل في هذه الحالة
فقط من يمكنهم التدخل هى منظمات حقوق الانسان و التي فقط تدين و تشجب
الشئ الثاني الجواز الغربي لا يحميك في اي بلد اذا قمت بارتكاب اي جريمة جنائية
اكثر ما يمكن ان تقدمه لك سفارة الدولة الغربية التي تحمل جوازها هي ان ترشح لك محامي
من الذين تثق فيهم السفارة للدفاع عنك و ستكون انت مسئول من دفع اتعاب المحامي
الشئ الثاني اذا تم الحكم عليك بالسجن يمكن للسفارة ان تطلب من وزارة خارجية البلد المعني
ان تكمل مدة محكوميتك في البلاد الغربية التي تحمل جوازها و للبلد التي ارتكبت فيها الجريمة
حق الرفض لطلب السفارة عبر وزارة خارجيتها

الحبيب خصر
شكرا على التوضيح
كنا فاهمين العكس

تحياتي

يبدو انو تراجي راحت فيها

https://www.0zz0.com

أطلقوا سراح الجميع بالضمان.. و لكن ما زالت الامور غامضة (بالنسبة لى).. الموضوع شنو؟ لا أعرف.

خضر الطيب
شكرا والله على هذه المعلومات الهامة ...ونحن كنا بنفتكر أن الجواز الأمريكي يحمينا حتى ولو قتلنا زول في السودان أو في أي بلد ...هههههههههه....يعني نعمل حسابنا ما نمشي نتفاصح على الفاضي في السودان...على اساس اننا أمريكيات ....

مرحب الراكزة امتثال

Quote: خضر الطيب شكرا والله على هذه المعلومات الهامة ...ونحن كنا بنفتكر أن الجواز الأمريكي يحمينا حتى ولو قتلنا زول في السودان أو في أي بلد ...هههههههههه....يعني نعمل حسابنا ما نمشي نتفاصح على الفاضي في السودان...على اساس اننا أمريكيات ....

عاوزة تمشي تكتلي و تبقي مارقة ..هههههههه
الجوازات الغربية عندها مميزات كتيرة
لكن كمان ما فيها اكتل و ابقى مارق دي

♧خدوري يا فلتة إتا كمان ما تصعبا شديد
تطمم لينا بطن ناسنا الهناك في بلادي برة ديل.
و نحن زاتنا هسي راميين سنارتنا اللوتري و عشمانين
عشم إبليس في الكرت اللخدر . ما خلاس بلدنا دي
كتمتشديد .. و لمّا ايتحكت حلقاتُها تاني كتمت..
و كنت أظنها لا تكتمُ.
● لكن برضو بعد كلامك، هدي جيتي من حولة بحت
في عمك فكي غوغل؛ لقيت حقايق مثيرة للجدل عن
جواز بلاد العمة ( ريكة ) بالجد تخلي الواحد فينا يرضى
بي همو هنا و ينكتم قبلو. تخيل بس عمل وشم على الوجه
أو إجراء عملية جراحية في الوجه ، أو فقدان الكثير من الوزن،
أمر يجعل المواطن الأمريكي بحاجة ماسة لاستخراج جواز سفر
جديد. يعني مسلن لو أنت راجع هناك و وقفت لبصمة العين و مدنكل
ليك سفة دقار مجروص ، و لا بناتنا الهناك ديل ربنا يحفظ غربتن
لو الواحدة جات هنا عملت ليها شلوخ و لا دق شلوفة، و لا حتى
ربنا ساعدا عرست و رجعت محننة ساي ، كلنا أسباب تخليهم يكرشو
الزول(ة) من مطار جورج واشنطون و لا الهناك دا ياتو ناني عارفو.
● ياخي مالا بلدنا دي ، عيبا لي. ناسا أنيقين جدن في بساطتم و
ضارببن الهم بالفرح. ياخ أقول ليك حاجة: في سوق تمبول حدانا هنا
لقيت لي زول عامل خُدرجي فارش لبه تبشتين (الدردقوه الواحد دا)
و معاهن شقتين قرعة ( كارجل ) و كاجر ليه خيشة شوال كِبِس
و كاتب عليها بفحمة《مول/ العالميةمارت للخُضَر و الفواكه》

1. تراجي مصطفى من سودانيز أون لاينز
2. تراجي مصطفى من اسرائيل
3. تراجي مصطفى من مؤتمر الحوار الوطني الوثبجي
4. تراجي مصطفى من الــرج

يا مرحبا بكل الاخوة المتداخلين والشابة امتثال
غايتو تراجى بى هبيشا دا قطع شك يوما ما بتقع ليها فى حفرة
الزولة دى ذى الدايشة تلفح من جنب وتشوت فى كل الاتجاهات مرة مع حركات دارفور مرة مع اهلنا فى الشرق مرة مع ناس زيرو فساد مرة مع الكيزان مرة مع اسرائيل كملتى القرض كلو يا .....