أين هم الآن؟

01:03 PM January, 08 2020

سودانيز اون لاين
عمر التاج-KHT
مكتبتى
رابط مختصر

١- البروفسير صلاح علي احمد
٢- الدكتور محمد يوسف الدقير
٣-البروفسير مامون محمد علي
٤-العميد الركن مهندس دكتور خالد محمد محمد خير
٥-المهندس محمد الحسن الحضري
٦-العميد امن مهندس الطاهر الطيب محمد الحسن
٧-الدكتوره امل البكري محمد إسماعيل
٨- الاستاذ الهادي حسن عبد الجليل
٩-الدكتور جعفر احمد عبد الله
١٠-الدكتور عباس الشيخ محمد صالح
١١- الاستاذه اميره يوسف ابوطويله
١٢-الدكتور التجاني الشيخ حسن الاصم
١٣-الدكتوره مياده عبد الله ابراهيم .
١٤-الدكتور جابر إدريس عويشه
١٥-الاستاذ محمد عثمان الخليفه
١٦-الفريق شرطه محمد احمد علي
١٧-العميد شرطه دكتور ابوعبيده عبد العزيز محمد عثمان
١٨- اللواء شرطه عثمان كباشي جمعه
١٩-الاستاذ عبد اللطيف عبد الله عطا السيد
٢٠-الدكتور الناجي محمد علي منصور
٢١- الاستاذ بله يوسف احمد
٢٢-الاستاذ اليسع صديق التاج ابو كساوي

ديل منو؟
بس أوعى تقول كلام ما يدخل العقول

لحقت نسيتهم يا صديق..
سنة واحدة ما مرت عليهم
وحانمسكهم واحد واحد يا صديق؛
لانهم في النهاية كانوا فريق واحد

كشف الأسماء كما هو واضح؛
يعبر عن آخر حكومة في عهد البشير لولاية الخرطوم؛
ناقصة فقط اسم الوالي فريق اَول شرطه :
هاشم عثمان الحسين؛ لتكتمل حكومة أهم ولاية
هذا هو الرابط الأول الذي جمعهم؛
ولكن هناك رابط أقوى واعمق ربطهم
أو بالأصح ربط حوالي ٩٠٪ منهم
إذ لم يكن قدومهم لتلك الولاية صدفة..
هذا الرابط الثاني نذكره لاحقا؛
وقبل ذلك دعونا نتعرف على رابط ثالث أكثر دهشة
وهذا الرابط يقول ان من بين ٢٢ وزير ومعتمد للعاصمة
سقطوا عند سقوط الإنقاذ؛ وفيهم من عمل نصف عمره مع الانقاذ
لم نجد كوز واحد فاسد منهم..
فجميع هؤلاء طلقاء احرار الان..
وأغلبهم لم يذق طعم الاعتقال أو السجن حتى الان
والاغرب من كل ذلك؛
احتفاظ بعضهم بموقعه المهني اوالقيادي أو السياسي حتى الان
بقى ان نعود للرابط الثاني والاهم؛
ولكن بعد أن يخمن عزيزي القارى كنهه و وطبيعته.

ومالهم لا للاقصاء هههها
اها رايك شنو يا مولانا؟

عمر التاج ...
استغربت لمن قلت ما في اي كوز فاسد فيهم ...ولم يتم القبض على أي واحدة فيهم مع انهم أعضاء حكومة الخرطوم...
ولكن أظن انهم ام يكونوا من اللصوص والحرامية لانني ،أيضا مثل صديق، لم أسمع من قبل باسم أي واحد فيهم ، وأول مرة
اقرا أسماءهم في هذا البوست ...ربما لجأ كبير اللصوص ، هبل، إلى اختيار ناس نزيهين في آخر أيام عهده بعد أن كثر الحديث عن فساد الحكومة المركزية وفساد ولاية الخرطوم...وبدأ بولاية الخرطوم ولكن بعد أن بلغ السيل الزبى ،واشتعلت الثورة ضد اللصوص والحرامية...
فهل فعلا ما أوردت أسماءهم هنا كانوا شرفاء ولم يسرقوا مال الشعب ..اذا كانوا كذلك فمرحبا بهم ليواصلوا معنا مسيرة الثورة الخضراء، ثورة السلام والعدالة والحرية....

امتثال ازيك يا خية؛
وحقو نعرف في البداية؛
انت معانا ولا مع ترامب هههه

Quote: ولكن أظن انهم ام يكونوا من اللصوص والحرامية

بالعكس يا امتثال؛ ديل اكثرهم حرامية؛
وما حاتصدقي لو قلت ليك المعتمدين عن بكرة ابيهم فاسدين
وفيهم من اتفصل من وظيفة حكومية أكثر من مرة بتهمة السرقة والاختلاس
وفي النهاية اترقوا لهذا المنصب الدستوري..
المشكلة إذن وين؟
المشكلة ان الحكومة الحالية اعتقلت جزء يسير من الصف الأول فقط
وغضت الطرف عن الجزء الأكبر من القيادات الشبابية التي كانت تمثل اس الفساد في عهد المخلوع..

طبعا انا مع ترامب.....هههههههههه.. مش انا أمريكية....
او بدوية قروية أمريكية زي ما بيقول بدر الدين الأمير...

Quote: بعا انا مع ترامب.....هههههههههه.. مش انا أمريكية

اتارينا مغشوشين ساكت لما افتكرنا ان طابورنا الخامس شغال كويس في امريكا
غايتو أملنا لسه في النوبية بت السيد والجلابية بت عطبرة؛
وللخواجات نقول :
اشتروك بي كم عشان تقلبيها ترامب ههههه
نرجع لضباطنا الفوق؛ اقصد ناسنا الفوق ديك
والذين أصبحوا فجأة مواطنين خرتوميين؛
ثم صاروا هم الحكومة الرسمية والشعبية زاتها
بعد أن جمعت شملهم قطاعات أخرى من قبل؛
ولم يتخلف منهم احد في حكومة الولاية
الا من تقدمهم في الحكومة المركزية
او حرامي قبضوهو بالثابتة وعوضوه بالمال

Quote: ١٣-الدكتوره مياده عبد الله ابراهيم .

دى ميادة كمال, زميلتنا في البورد؟

مالك عليها, دى زولة مسكينة و داير الخير للبلد بس الكيزان ممسكينها القرون.

دي ميادة سوار الدهب يا محجوب
كان من المفترض أن زوجها (دفعة الجماعة ديلاك)
في التشكيل الوزاري للولاية
الا ان المخلوع اختاره للاتحادية؛
فحلت زوجته المستقطبة حديثا محل الفاعل..
بقي ان نقول عن هذه المجموعة؛ وباستثناء المعتمدين والمستقطبين
كانوا حكومة عسكر وأمن؛
والشى الثاني هم حكومة اولاد أسامة عبد الله..
وإليكم التفاصيل؛ وما يفعلونه هذه الأيام

كلامك مظبوط ، انا ذاتي مستغرب في الحتة دي
القيادات الوسيطة والشابة دي فيها ناس اجرموا اجرام ما حصل
وفيها ناس اثروا ثراء فاحش في سنوات بسيطة جدا وفيها ناس تقلدوا مناصب مهمة
في الدولة او في شركات الدولة بتعيين مباشر وبدون مؤهلات وطبعا ساطوها سواطة
تقريبا كل الكيزان الكانوا ماسكين حتات زي منظمة الشهيد ، الاتحاد العام للطلاب السودانيين
الخدمة الالزامية ، وكلها عندها شركات كتيرة جدا ، ديل كلهم تقريبا من شباب التسعينات
اولاد جيلنا وبنعرفهم كويس وبنعرف حتى خلفياتهم الاسرية ، وهم البخططو وبخربو حاليا
مع غياب القيادات المهيمنة وهم اكتر المتضررين من قيام الثورة بحساب انو القيادات الكبيرة
دي حتى لو ما قامت الثورة اغلبهم وصل سن السبعين وما باقي ليهو كتير في العمل العام.
والشباب المفترض يمسكوا منهم الان في وش المدفع بدل ما كانوا بجهزوا في نفسهم للمناصب
فــديل حاليا بكونوا ما بنوموا ، شغالين فتن وبدسوا في جرائمهم ومصايبهم وقروشهم ..
اتمنى انو موضوع تحقيقات البنوك الاصدروا بنك السودان ده يطلع ناس كتار منهم.

تحياتي يا عبد الله؛
جيل الشباب الكيزانى ديل أفسد من مشى على وجه الارض
َولو اراكهم الله لهم في حكومة المستقبل لمات الناس كمدا وحسرة
ولكن بحمد الله عجل الله بقطع دابر حكومتهم وهم شبابا وطلابا
حكومة ولاية الخرطوم تلك كانت أول حكومة خالصة من هؤلاء الشباب
بعد تطعيمها ببعض الشياب والمستقطبين من الأحزاب..
كل من في تلك الحكومة عملوا في قطاع الطلاب ضمن طاقم أسامة عبد الله
ولم يكن صدفة ان اخرجهم التنظيم دفعة واحدة للعلن ليجدد بهم دماء الحكومة الكسيحة
الا ان فضيحتهم كانت بجلاجل وسقطت في عهدهم الحكومة؛
والغريبة كما قلنا ان ملفاتهم ظلت نظيفة؛
ومواقعهم التي غادروها لم تخضع للمراجعة والتدقيق
ويقيني ان المراجع لو اعمل قلمه ومنظاره بصورة صحيحة
لتم إعدام نصف هؤلاء على الملأ قبل محاكمة رئيسهم وأمنهم العام..
نبدأ بجرد الحساب ولكن البداية برجل الأمن القوى؛ الطاهر الطيب
وزير الزراعة السابق..
عمل سعادة العقيد في جهاز الأمن فور تخرجه من الجامعة
تم تفريغه من قبل أسامة عبد الله للتنظيم الطلابي فور تجنيده
قاد مفاصلة الطلاب ضد قائده صلاغ صاغة (مسؤول الطلاب)
وتولى بعدها رئاسة أمن الطلاب..
غادر (متفرغا) لإدارة مجموعة من شركات الأمن الاقتصادي
وخلفه المعتمدين قبل الأخيرين في كشف الولاية أعلاه..
ظل متفرغا من عمل الجهاز حتى وصل رتبة عميد أمن
وهو يقود وحدة التنظيم الاسلامي داخل الجهاز حاليا..

Quote: العميد امن الطاهر الطيب برانكو .. اها جاااهز؟؟ انا جيتك .. سعادة العميد الفاسد الكان مسؤول من استثمارات جهاز الامن وعمل امبراطوريه ضخمه من المال عبر هذا المدخل بتاع (المال السايب) والبعقد اجتماعات الايام دي في بيتو بحلفاية الملوك الحي الاول او في واحد من بيتو في منطقة برانكو بالتنسيق مع بعض الضباط في الامن وخاصة الرشيد فقيري والمجرم انس عمر واخرين هو طبعا شغال بي يدينو وكرعينو ضدحكومة الثوره والاجتماعات والقصص دي كلها ما عشان خاطر عيون الحركة الاسلاميه بس لالا القصه كمان فيها حمايه بمصالحو الخاصه ماهو طبعا اتسلق عبر نسابتو لي صلاح قوش ماهو متزوج بت اخت قوش طوالي وعبر المدخل الظريف ده وفر لي نفسو حمايه وبني امبراطوريتو العظيمه الامبراطوريه المستحيل تتبني بي مرتب عميد في جهاز الامن امبراطوريه قواما عدد ضخم من العمارات ( وواحده من عماراتو في شمبات مسكن فيها الزوجه التانيه .. بالمناسبه انت قوش ناقش حنك زوجتك التانيه دي يا سعادتك؟) والفلل في الخرطوم وفي برانكو ومزارع في براكو وفي مشاريع زراعيه اخري ده بالاضافه لمصنع الاسفنج بتاعو الاسمو (مماس) ومجموعة صيدليات الهلالي .. وما خفي كان اعظم فهل بيقدر سعادة العميد والوزير السابق للزراعه بولاية الخرطوم يورينا من اين له هذا؟؟ .. ودي رساله برضو في صندوك اللجنه بتاعة تفكيك دولة النظام السابق ونيابة الثراء الحرام .. .. اخيرا طبعا كمان الزول ده عشان يكسب ود اهلو شغال يبني ليهم في مشاريع ضخمه جدا جدا وبيقول انها من حر مالو فمن اين له المال عشان يبني ده كلو؟؟

المداخلة القادمة عن نائب رئيس الوحدة التنظيمية في الجيش؛
وهو أيضا احد ال٢٢ وزيرا في حكومة الخرطوم السابقة