ماذا قال العطبراوي عن اخوان الشياطين ووساطة قطر وتركيا لمنع إعدام المجرمين

11:48 AM January, 07 2020 سودانيز اون لاين
امتثال عبدالله-NYC - USA
مكتبتى
رابط مختصر

(adsbygoogle = window.adsbygoogle || []).push({});سمعت لايف من زول اسمه العطبراوي قال كلام يشرح القلب الحزين عن وساطة البعض لعدم إعدام قتلة الشهيد احمد خير...وقال كلام واقعي ومنطقي عن ضرورة إعدام هؤلاء القتلة المجرمين واستدل بآيات قرآنية لعدم العفو عنهم ...وقال كلام عن عدم وطنية إخوان الشياطين، ليس في السودان فحسب ،بل في العالم كله ...نرجو من الذي سمع كلام العطبراوي ينزله لينا هنا ....ويكون معلق فوق عشان كل الناس تسمع هذا الكلام الذي يشرح القلب الحزين..وفعلا زي ما قال ، اولياء دم الشهيد احمد خير هو الشعب السوداني كله ، وليس فقط اهله لأنه قتل من أجل الشعب السوداني كله...

تحياتي امتثال
في تسجيل لسعد الخير شقيق الشهيد بإذن الله أحمد الخير
نفى ان يكون هناك اي اتصالات جرت معهم بخصوص العفو, وعلّق على ما اثير عن امير قطر ونفى ان تكون هناك اي اتصالات منه بل و استبعدها ايضا
وهذا امر منطقي فلا زالت هناك مراجل استئناف و درجات تقاضي اعلى بعد خوضها يمكن الحديث عن عفو اولياء الدم

من ناحية أخرى و بالنسبة لحديث العطبراوي
رغم كل ما قيل و سيقال لكن تبقى حقيقة أنه قانونيا العفو شأن أولياء الدم فقط.

شكرا للمرور والتعليق محمد
بس اول حاجة فتش لينا كلام العطبراوي واسمعه ونزله لينا هنا ..وورينا رايك في كلامه ..
وبعدين احتمال الوساطات بدأت مع البرهان وحميدتي وحمدوك ، يعني الحكومة ....عشان تلغي قرار الإعدام...وأن الوساطات لسع ما لحقت أهل الشهيد ....

سمعته يا امتثال بحاول انزله لو لقيته يوتيوب وكذلك تسجيل سعد الخير
الحكومة ما بتقدر تلغي قرار محكمة ساي كدا, هناك درجات تقاضي و اجراءات معروفة من استئناف و محكمة عليا ودائرة المراجعة ودائرة دستورية وغيرها
الخطوة الوحيدة البتدخل فيها رئيس الدولة ح تكون للمصادقة على التنفيذ في آخر مرحلة و احتمال مع الخط الزمني المعتاد لتنفيذ أحكام السودان تكون الانتقالية كملت وجات حكومة منتخبة

محمد البشرى
عندي ليك وصية من بسمات بت الشيخ عبد الرحيم...بتقول ليك ما دام الكلام ده قاله عطبراوي فكلامه ما بقع الواطة ...وهسه هي بتفتش في ود المدير وأبو جهينة يساعدونا ينزلوا لينا لايف العطبراوي...بل قالت حتطلب وساطة كوستاوي ودينق، بوصفهم أقرب الأصدقاء للباشمهندس بكري ، صاحب الحوش الكبير ، عشان يعلق كلام العطبراوي في العناوين الرئيسية المنبر العام ......وبعدين يا محمد عندي سؤال مهم :هل اذا أيدت محكمة الاستئناف قرار المحكمة الابتدائية، ورفع الأمر إلى برهان للتصديق ، بوصفه رئيس الدولة ، هل في سلطته وقف تنفيذ الإعدام ام لا يستطيع...

سلام امتثال والحضور الكريم:
نتمني اعدام القتلة طالما المحكمة قررت ذلك، من ناحية اخري اولياء الدم في راي المتواضع لن يعفو عن القتلة، لان طريقة القتل كان سافلة جدا، ولان الشارع العام تضامن معهم وجاء الي المحكمة، فما ممكن يعفوا عن القتلة حتي لا يصاب الشارع
باحباط تجاه اهل الشهيد باذن ربه.

لكن جهاز الامن او بعض المتنفذين فيه سيحاولون باي شكل الغاء، تاجيل، تسويف، تعليق... الخ امر التنفيذ في مراحله الاخيرة، لانو اعدام هؤلاء المجرمين سوف يفتح الباب لالاف الاسر التي فقدت ابناءها ان يتقدموا ببلاغات ضد عناصر في الجهاز والشرطة
ودا حيكون ضربة قاضية للجهاز، عشان كدا الجهاز اصدر بيان بخصوص الدفاع عن منسوبيه، ام الشرطة فاستبقت قرار وزير العدل عن رفع الحصانة عن منسوبيها وقالت انهم محصنين.