خلاص يا زول

07:57 PM January, 04 2020

سودانيز اون لاين
ابو جهينة-السعودية _ الرياض
مكتبتى
رابط مختصر

خلاص يا زول ..
وصلْتَ ( المِيس ) ..
أنْفُض عنَّكْ غبار الْهَمْ
خُدْلَك تَكْيَة و إنْجَمَّ ..
أهْجِد
وَ أْغْمِضْ طَرْفَك المُرْهَق ..
مَبْهول قلبك إتلمَّ ...
راقتْ شِيمة هواجسك ..
مجهول حِلْمَكْ إتْسَــمَّ ...
درْبَك عديل ..
حتى القَشَّة ما تْعَتِّرْ ...
صِفَتْ عَكْرة سَمَاكْ ..
و إنزاحتْ الغُمَّة ..
منك أمان يا زول
سَمْح القول من تالاك
مضمون وعود
زمن بيع الضمير و الذمة
هازم جيوش الفر
قايد جحافل الكر
رافع بيارْق الهِمة
أقْدِل
فوق متاريس النخوة
هِز سيوف مجدك المعروف
جُرْ فوق دروب عزك النّمَّة
خلاص يا زول

رائع يا ابو جهينة
محبتي يا ملك

تحايا سامقة اخي خضر
تشكر على المرور