|
|
|
 Re: وثائقيات:عملاء جهاز قوش بواشنطن و ميزانيت (Re: Kostawi)
|
سلام يا حلوين، بكري وخضر وهجام، أول مرة اسمع بمنظمة سلام سودان دي، وبرضو أول مرة أسمع بالدكتور هاشم التني دا، واظن يا هجام المنظمة دي بدأت سنة ٢٠٠٧ لو لاحظتوا التواريخ، بعد الهجوم الشرس من قبل د. محمد محمود وسام لعدم التطبيع مع الكيزان في منطقة دي سي، وشغل التني ومنظمته هو للتطبيع مع الكيزان في منطقة دي سي، الموضوع دا لو فيهو كشف مهام المنظمة ح يجر معاهو الجالية.
| |
  
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Abureesh)
|
https://www.0zz0.com
عشان يا بكوري ما تكون القصة فلان وعلان وتضيع الحقيقية عن ما هو جهاز الامن وما دوروه في الدولة الديمقراطية الحقيقية حتي يكون امن وطني
الامن في السودان بعد الاستقلال من الصاغ صلاح سالم المصري 1954 حتي دمبلاب الان مروروا بي صلاح قوش وعبر كل الانقلابات الرخيصة في السودان 1958 و1969 و1989 و2019 يخدم حهة واحدة فقط
المشروع الامبريالي الصهويني اشيطاني ولا يخدم السودان ولا السودانيين ويجهض اي مشروع وطني سوداني ويقتل اي سوداني شرف وحر وبطرق كثيرة ومخنلفة
يعني امن لاوطني مرتبط بالمخابرات الاقليمية العربية في المنطقة و من ثم المخابرات الامريكية .. وقطبي المهدي عايز يشيطن صلاح قوش ويربطو بي ايران وايران ايضا جزء من اللعبة الامريكية الصهيونية في المنطقة
***
ونحن نخلي الامن شنو والناس فيه منو
نتكلم عن دوروه الرخيص في القتل في الاقليم ونهب الموارد لصالح البنك الدولي وسفن سسترس عبر التاريخ بعد الاستقلال
واسال نفسم ليه ما كانت في ممارسات مشينة جدا جدا قبل الاستقلال 1938-1956
لان الانجليز وضعو السودان تحت وزارة الخارجية البرطانية وليس وزارة المستعمرات سيئة الذكر وبرطانيا تعاملت مع ارقى وانظف السودانيين في الادارة الاهلية في الهامش والقبائل ((السودانية ))) والزعامات الدينية الحقيقية الانصار والختمية
بعد الاستقلال دخلت المخابرات المصرية السودان بي صلاح سالم خليك من صلاح قوش الان وبدا هذا الرجل في تاسيس ماخور كبير في ام درمان عشان يفرخ القوميين العرب والاستلاب الذى واكب اقليات اجتماعية في المركز واصاب الشرطة والامن والجيش السوداني بجرثومة الانقلابات ودخلنا في مستنقع امريكا وسي اي ايه
انت اسال نفسك في نظام نميري الترابي وولايه السفيه كيف دولة ترفع شعار الاسلام وترحل الفلاشا وتجيب البنك الدولي والبنوك الطفيلية وتقوض العملة السودانية من المصالحة الوطنية
***
الامن ليس شخص شرير ينكل بي الناس في السجون وا يقتل بدم بارد اعلام الفكر السوداني ويجهض بكل وقاحة المشاريع الوطنية
الامن وعي وافد مشوه ومشاريع مشبوهة واصنام بروبقندا صنعوها في السودان والعالم العربي لنصل الحضيض النحن فيه ...تذكر الامن مشاريع ايضا منبتة ومشينة تفرض بالانقلابات او المحاصصة علي الملايين ومع اعلام رخيص وهذيل لا يستهدف الوعي بل الغرائز فقط وحتي الان الشباب شايليت علم اللاهوية بتاع بابكر عوض الله وايتام الترابي ينعقو بي الشريعة انقلاب 1969 وكلها مشاريع مصرية مشبوهة وناس عدم الشغلة علم القرد المشاط قاشرين لينا بالعلمانية وامريكا واسرائيل والاتحاد الاوروبي دول دينية
وهسة شوف الوثيقة دي بتحرك بها ناس كتار حتي في البورد ده
عموما اي زول
يقبح
الختمية
الانصار
الامام المهدي
الجمهوريين
الدكتور جون قرنق
في البورد او في السودان
اتاكد انه من ناس الدفع المسبق والوثيقة قدامك
والتعامل مع مخازي السودان بطريقة سنو بول فلان وعلان لا تصنع مشروع جديد ونظيف في السودان اطلاقا
والمحاصصة تفاقم الاوضاع في السودان
والحل هي اخر رؤية محترمة للمفكر السوداني جون قرنق الذى قتلته المخابرات الامرايكية لانه وحدوي وضد مشروع تفكيك السودان المستمر حتي الان
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: بكرى ابوبكر)
|
أرجو أن لا تكون له علاقة بأسرة التنى
---------------------------------------------------
اخى ابوالريش سلام
هاشم التنى نعرفه من جامعة الخرطوم فعلا من عائلة التنى المعروفة
فى بداية عهد نميرى كان نشطا وتقلد وظيفة فى وزارة الشباب والرياضة التى كان وزيرها آنذاك الدكتور منصور خالد
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: أبوبكر عباس)
|
"لا نقبل "
أبوبكر عباس.
بأسم من تتحدث انت هنا ومن تمثل؟
قال لا نقبل قال!
بكري ابوبكر محل ثقة بالنسبة لي والمستندات التي تفضل بها كما ترى لم تكن مفاجئة بالنسبة لي وللأخوة كوستاوي والنذير وهم من العالمين بخبايا واشنطن ومن المتاببعين للعانصر الكيزانية والإنتهازية من أمثال التني.
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Deng)
|
وهنا يوجد لدي سؤال مهم جدا حول هذا الموضوع!
هل الدكتور هاشم التني سجل نفسه كعميل يعمل لصالح دولة أجنبية لدى وزارة العدل الامريكية؟
إذا كانت الإجابة لا فمن المحتمل ان يعرض نفسه لمسألة قانونية فيدرالية بالولايات المتحدة الامريكيةن وقد تؤد الى محاكمته وربما غرامته أو سجنه.
ما نشره الاخ بكري له تبعات قانونية متشعبة.
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: النذير حجازي)
|
السيد أبو بكر عباس
بكري يعرف تماما القوانين الامريكية فيما يخص منظمات المجتمع المدني.
لو ملاحظ بكري وضع (ختم) Sudaneseonline في كل الوثايق في هذا البوست و هو مسؤل أمام القانون لو في أي تزوير فيها.
و بعدين يا أبو بكر هذه الوثائق are public information
أمشي (قوقلها)
Best regards
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Kostawi)
|
Quote: في مداخلتك الأولى قلت:
"نحن نعرفهم"
لم تجيز لنفسك استخدام ضمير الجمع وتحجره علي؟! |
نعم أنا أستخدمتها، والناس مقامات. أنظر الى مداخلات الاخوة النذير حجازي والاخ كوستاوي وعبد الله عبد الله، وحتى الاخ بكري نفسه.
هذا هو الجزء البسيط الذي أنا قصدته" بنحن نعرفهم" وارجوا منك أن تراجع المنبر هذا وسوف تجدنا جميعا في نفس خندق مطاردة الكيزان واذنابهم من سنين بعيدة.
اها انت أستخدمتها كيف؟؟
ومن أنت تمثل هنا؟؟
ودعني أؤكد لك أن الاخ بكري تاكد من صحة المستندات التي يملكها جيدا وقبل ان يقوم بنشرها.
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Elhadi)
|
Quote:
هل الدكتور هاشم التني سجل نفسه كعميل يعمل لصالح دولة أجنبية لدى وزارة العدل الامريكية؟ |
تساؤلك فى محله أخى العزيز جورج مما يدفع إلى المزيد من المساعى لمعرفة الدوافع
من إنشاء المعهد العالمى للسلام والثقافات ( مركز سلام السودان ) فى أميركا وبموجب أىٍّ
من القوانين كان التصديق وما هى الأهداف ؟
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: ABDALLAH ABDALLAH)
|
Quote: المنظمة موجودة في سيرته الذاتية .. يعنى مسجلة رسمياً في واشنطن .. ولا شنو؟
https://www.linkedin.com/in/hashimeltinay21https://www.linkedin.com/in/hashimeltinay21
بريمة |
العبار بريمة بلل
أي زول من الممكن أن يقوم بتسجيل منظمة حسب القوانين المتبعة لتلك الولاية أو المدينة، ولكني أقصد التسجيل مع وزارة العدل الامريكية مكتب تسجيل العملاء الاجانب. (Foreign Agents Registration Act)
وده تسجيل مختلف تماما عن تسجيل المنظمات محليا.
ولو أنت متابع الاخبار يا عبار ح تعرف أن هنالك شخصيات كبيرة في حكومة الرئيس ترمب تمت محاكمتها وسجنها بواسطة مخالفة هذا القانون بالاضافة الى تهم أخرى لحقت بهم.
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: أبوبكر عباس)
|
ابوبكر عباس.
لو داير تطلع أطلع براكن ولكنك ما عندك أي سالفة في أن تجي تدافع لبعض الشخصيات الإنتهازية والتي كانت تدعم نظام الإنقاذ.
أنت شككت في المستنداتن وعليك أن تثبت للقراء من أين أتيت بهذا الشكك!
أما ان تفشل في ذلك وتصفنا بأننا "أصحاب المنبر انو ما دام الورق دا ختمو الرئيس بختمو يبقى وثائق وثائق"
دي إنهزامية منك وواضح جدا بأنك فشلت في مبتغاك تماما.
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Deng)
|
بكري ابو بكر
لو ما كان متأكد من الوثائق دا ما كان نزلا
و انا عارف انو بكري بكون عندو مصائب كتيرة ضد الكيزان ديل
مش في امريكا بس بل في اي مكان في الدنيا دي
دينق , وكوستاوي هم مصدر ثقة بالنسبة لي
هاك يا الكنزي شوف التني
https://www.0zz0.com
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: أبوبكر عباس)
|
لا لا يا أبو بكر...سودانيزأونلاين مملوكة 100% لبكري أبو بكر...مافي رئيس و مرؤسين هنا...أنا بتكلم عن القانون في أمريكا لو بكري مزور في الوثائق دي، صدقني هاشم التني عندو الحق يستعين بالقانون و أمريكا هي في كل أحوالها مقيدة (بالغانون) أو كما قال Brother حميدتي.
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: خضر الطيب)
|
اثق تماما فى الباشمهندس بكرى ابو بكر وهو من الذين تعرضوا لضغوطات واغراءات كبيرة من قبل النظام البائد وجهاز أمنه
بكرى لا يمكن يجى يعرض ليه وثيقة او ورقة فيها اسم زول ,عالبا أمريكى بدون ما يتاكد واكيد بكرى بكون استشار محامى قبل النشر.
الموضوع ما موضوع ورقة مروسة ولا ورقة بنية او خضراء .
الموضوع الكبير ,انو فى اموال تم صرفها من قبل هذه المنظمة التى هى زراع من ازرع قوش ,دون وجه حق وهى تفضح اناس مثل هذا الهاشم الذى تعامل فى الخفاء مع جهاز قاتل ومجرم ومدان فى احداث قتل فى كل ربوع السودان
المدعو ,هاشم التنى يجب محاصرته بالقانون و العزل الاجتماعى حتى يرعوى .ويجب إخطار السلطات المختصة فى الخارجية حتى تقف على حقيقة هذه المنظمات المشبوهة
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Kostawi)
|
بالاضافة ما ذكره أخواني الأكارم اعلاه، يا مستنير مراسلات المخابرات ما بتم بترويسة وورق مختوم، الاختام هي كلمات سرية متعارفة بينهما، حصل لاقتك ترويسة بتاعت موساد أو سي آي أيه؟
حاجة تانية مهمة، دائما الحصول على المستندات المسربة يتم بواسطة الحصول على النسخة الديجتال منها، تسريبات ويكيليكس كلها ديجتال ومافي فيها ترويسة، وما شفنا زول إحتج على عدم وجود الترويسة.
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Deng)
|
الاجهزة الامنية في السودان
كانو بخلو دستور2005 يعمل ليها سمكرة بس لي الجيش والامن والشرطة ويلزمهم بالدستور الموجود كراعم في راسهم
لكنهم انتهازيين في كل شي ق ح ت بعاعيت مايو 1969 وايتام الترابي 1989 حاجة واحدة كلهم عايزين دولة بوليسية علي مقاسهم ويرفس وينطح ذى ما حصل في 25 مايو 1969 والنتيجة واحدة
https://top4top.io/
ترويسة ذى دي
في حاجة اسمها tumor markers
اي زول برفس في حاجات السودان الاصلية لي صالح مصر المهمينة ومشاريع الصرف الصحي عبر العصور من 1يناير 1956 لحدي 2020 ومن اول انقلاب لي اخر انقلاب ده بخدم الامن اللاوطني السوداني والامن المصري
زمان ممكن نصفو مغفل نافع او ما واعي
اما الان فهو ساقط ورخيص وفاشل وقليل الاصل كمان
وانتظرو بس
بعد شوية كل شيء بنهار وبتطلع كل حاجة للناس وبالتفاصيل المملة
في البورد ولي في السودان
و في فضيات العرب والعربان والاحنحة الاقليمية المتصارعة
شنو عملاء في امريكا ...امريكا ذاتا جزء من اللعبة القادمة في السودان واثاراها في العالم العربي والاسلامي واضح من الشمس
مش هرولتو للبنك الدولي يا حكامات حمدوك خلاص انتو لا تخدمو السودان ولا شعب السودان
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Deng)
|
السودانيين في واشنطن ناقشين الزول دا (هاشم)، و بنعرفو كويس!
و قوش حبيب ال CIA و FBI و مهمتو انتهت،
عشان كدا منع من دخول USA
.اعوان النظام في الخارج اذاقونا الأمرين... صحة المستندات من عدمها لاينفي تورطهم... وين يعيش هذا التني سوف نجد شهود عدل يثبتو تورطه في دعم النظام
احتمالية الظلم ليست أقرب للصفر.. بل صفر
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: عمر نملة)
|
Quote: ا حبيب الوثائق من مكتب صلاح قوش و من ادراجه
و المكاتبات بين العملاء و قوش لا تحتاج ورق رسمي بل معظمها بتكون مشفرة و تحتاج لبرنامج مثل Word Password Recovery Master لفك شفرتها
|
خطيرررررر ابو صلعة وكلة موثق بالغانون جبت دقلعا يكركب
دا دمر اسم اسم الاسرة العظيم الله لابارك فيه
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: أبوبكر عباس)
|
النقاش في هذا البوست ضعيف بشكل مخجل
لا أدري لماذا أستمر بالكتابة في هذا المكان؟
لعاب. انت يا د. بس ليقاتك تعبانة.. لاستعادتها أوصيك ب قدوقدو بالروب والشطة....القضية المطروحة أمام قضاء المنبر... انت كسبت واقتنعت القاضي بعدم الاخذ بالمستندات كاثبات لادنتة المتهم... لكن شهادة الشهود... والصور.. والفيديوهات... واحتمال كبير اعتراف المتهم بدون خجلة.. عشان كد تتقبل حكم القاضي...
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: مرتضي عبد الجليل)
|
Quote: لا أدري إلى أي مدى أنت محترف في المجال الصحفي ولديك مصادر ثقة حقيقية،
لكن وجب أن تعرف أن مداخلاتي هنا غرضها الأساسي منع ظلم قد يحصل من جانبك في حق هذا الرجل، |
الأخ أبوبكر عباس
ليتنى أعرف دوافع تشككك فى مصداقية ما أورده الأخ بكرى أبوبكر دون
أن تصفنا بالمصفقاتيه .
عموما لهاشم التنى الحق لنفى الخبر أو اللجوء للقضاء فى أميركا إن لم تكن
له أى علاقه أو رباطات بجهاز أمن السفاح المخلوع عمر البشير .
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: ABDALLAH ABDALLAH)
|
سلام يا مولانا عبد الله،
ليس لي دوافع غير العدل،
ما تفضل به المدعو بكري أبوبكر لا يرقى في نظري لوثيقة ادانة، هي أوراق يستطيع أي زول عندو كمبيوتر عمل مثلها،
نعم قد تكون حقيقية وفي نفس الوقت قد تكون مزورة
أنتم تحاولون التأكد من صحتها بردة فعل المتهم، وأنا لا أرى في ذلك عدلاً.
سؤال:
لقب مولانا جاي من فروة ولّ من العمل في السلك القضائي؟
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: أبوبكر عباس)
|
المستنير ابوبكر
اخر رسالة عملت راو كبير فى الاسافير
كانت رسالة الجنرال الامريكي بخصوص الانسحاب من العراق
و ممكن اى زول يعمل الف زيهّا
مع ذلك الحكومة الامريكية لم تنكر صحتها
و استنكرت خطأ تسريبها فالاشياء البتقول عليها فى جنس هذه المكاتبات لايعول
عليها كثيرا و لا يعتذ بها كدليل على صحة المستند او عدم صحته
الشى التانى يا مستنير
لامن تعاين لى حاجات محددة مثل
هل المنظمة فعلا موجوده
تاريخ انشاء المنظمة
ظروف انشاء المنظمة
الغرض و الدور المطلوب من قيام المنظمة
موقع المشار اليه فى ادارة المنظمة
الداعم المالى للمنظمة
بتلقى نفسك دون شك مع صحة المستند
___
التحية للاخ بكري و واضح انو الشغلة فيها مخزن اسرار
من درج صلاح قوش شخصيا
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: أبوبكر عباس)
|
Quote: ياخى ات زول موهوم بشكل ،اوع تكون مصدق قصة مستنير دى !و
ما تعصر على روحك شديد ،وارخى جسمك
Sit back
Relax |
موهوم الساكت دي؟!
ياخي دا الوهم زاتو سموهو عليهو، تعرف يا د. مرتضى الحمبرة دا جاء بعد غياب حبيبنا عمر علي، لو كان عمر علي قاعد كان قعدو في علبو
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: أبوبكر عباس)
|
Quote: يبدو يا جلال، وصلنا طريق مسدود
أنا لا أثق في حرفية بكري
لو قعدت في السودان فترة، تعرف انو أي كلام يتقال ليك ممكن يكون كضب
|
كيب يا مستنير
خلينا نجلّى حرفية بكري و نمسك فى يبدو مع الاخذ فى الاعتبار السطر الاخير من مداخلتك
شنو هى الطريقة المثلى عندك لفحص صحة المستند من عدمها
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: جلالدونا)
|
صحّة المستند في الحالات بتعتمد على الجهة التي إعتمدت التسريب ومدى حرفيتها وتجربتها،
يعني لمان صحيفة أمريكية أو جهة إعلامية كبيرة تطلع وثيقة وتقول مسربة، بتكون خضعت لتدقيق وفحص ومتابعة من تيم متخصص،
لكن في حالة بكري دي لا يعدو الأمر انو زول معرفة رسّل ليهو الورق دا باعتبار من مكتب قوش
بكري ما عندو طريقة للتأكد غير ثقتو في مصدرو
دا بالنسبة لي ما كافي
وعادي ممكن يكون كضب ساكت
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: جلالدونا)
|
بعد أن نزل الاخ بكري مستندات البوست دخلت أنا والاخ كوستاوي وأكدنا على عمالة هذا الرجل لنظام الإنقاذ الفاشي المجرم.
بمعنى أخر الامر بالنسبة لا يحتاج الى مستندات رسمية لأنني والاخ كوستاوي نعرف هذا الرجل جيدا.
يعني هنا يوجد ثلاثة أشخاص على الاقل يعرفون هاشم التني هذا جيدا، وكل ذلك لم يقنع أبو لمبة، وبيعمل بكل جهد من أجل أعطاء هذا المتملق حسن نية!
وطبعا أبو لمبة ليس براهب أو جمهوري أو متصوف يتعامل مع الناس بحسن نية، ولكنه رجل خسيس وخبيث جدا، وواضح جدا بأن له غرض دنئ في هذا البوست.
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Deng)
|
فليسامحك الرب على السب،
المشكلة انو شهادتك أضعفت شهادة كوستاوي وشككت في الأمر!!!
لسبب بسيط؛
أنت معروف بتصفية حساباتك مع الناس بإلصاق تهمة كوز وبتاع أمن،
فلا يمكن لعاقل أن يأخذ بشهادتك
عشرات الناس بالمنبر اتهمتهم بالكوزنة والانتماء لجهاز الأمر
وكل هذه الاتهامات كانت هراء ساكت
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: أبوبكر عباس)
|
هههههههه
قلت لي محمد عبد القادر سبيل!
أنت فعلا مضحكة في هذا المنبر.
أرجع للأرشيف وسوف تجد هذا الرجل كوز وكان من أشد المدافعين على نظام الإنقاذ، وهو في فترة من الفترات أساء الى أخت عزيزة في هذا المنبر وكل ذلك بسبب مواقفها المعادية للإنقاذ.
محمد عبد القادر سبيل ليس كوز فقط ولكنه رجل عنصري من الطراز الاول، والمضحك هنا هو أنه فتح بوست من قبل كان يشتكي ويقول أنه قد تعرض الى موقف عنصري لأنه من غرب السودان.
أنت بتحتاج ترجع للأرشيف قبل أن تأتي وتتناقش معنا. كون أن الاخ بكري رحب به فذلك لا يعني بأنه ليس بكوز. ما تبقى زول بسيط ساكت يا ابو لمبة.
الظاهر أنت ما بنفع معاك إلا معاوية عبيد.
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Deng)
|
طيب حجتك بكوزنة التني انو انت وكوستاوي دعمتو بكري بمعرفتكم بكوزنة التني.
سبيل مع انتصار الثورة جاء المنبر بقصيدة لدعم الثورة،
بكري تداخل معه وقال له:
مرحب بطلتك البهية
وبكري هو مرجعكم وراعي من رعاة الثورة مما يعني أن سبيل ليس بكوز
الآن لو بكري وكوستاوي الآن وافقوا بكوزنة سبيل
أنا سوف أقتنع بمعيارك وأعتبر التني كوز بتاع أمن
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Deng)
|
من كتابات الكوز العنصري محمد عبد القادر سبيل:
Quote: ما السر في حرص المانيا مثلا؟ وفرنسا ؟ ما الذي يصرف نظر منظمة ( هيومان رايتس ووتش ) عن فجور سجن ابي غريب وآخرها أخبار اغتصاب الاطفال موثقة بالصور لتركز جهودها على اثبات أن تلك النساء البائسات الباعثات على الشفقة اللائي تناقلت وسائل الاعلام صورهن من معسكرات لاجئي دافور مازلن قادرات على أن يسلن لعاب عرب الهبانية والحمر والرزيقات حتى يغتصبوهن داخل المعسكرات؟!! اللهم لك الحمد ، لا على الاغتصاب ولكن على هذه الدرجة من اغراء نسائنا الهزيلات جوعا وعلى هذا القدر من رجولة فرساننا المتوحشين !! ترى هل كان الاغتصاب من الجنجويد فغلاً؟،
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Deng)
|
لو نظرنا، إلي كتابات الأستاذ فتحي الضو في بيت العنكبوت .. والذي أشار مؤخراً أن من قدم له المعلومات هو صلاح قوش .. لماذا لم نعتبر فتحي بأنه من أعوان صلاح قوش؟!
أنا أفتكر بدل الناس تمشي وتنكش في أرشيف جهاز الأمن، الذي تصعب قراءته بحيادية، يجب الأستفادة من خبرة الدكتور التني في التعامل مع جهاز الأمن و المخابرات ليكشف أسرار الحكومة كما فعل فتحي الضحو ..
الفارق بين الأثنين دكتور التني أخذ حقه من جهاز الأمن .. في حين فتحي الضو أخذ حقه من قراءه .. مقابل نفس الخدمة في نشر ما يريده جهاز الأمن من أسرار تخدم غرضه ..
أم أنا غلطان؟
بريمة
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Biraima M Adam)
|
حملة العبار دينق ضد المستنير لا تقف علي جادة .. دينق متحامل وغير موضوعي ضد مخالفيه في الرأي .. أو في أحسن الأحوال متقلب ..
ونادر ما ينصف دينق خصومه .. وأنا شاكر للعبار دينق مرة أنصفي أمام تنظيم الهامش بتاع ناس تراجي وبشاشا والسونامي محمد سليمان وغيرهم ..
وأنظروا .. دينق وقف معنا بقوة ضد العنصرية في أغلب تأريخه في المنبر .. لكن لما جاءت حفيدة "الفايكنج" المليارديرية وقالت بريمة بتاع درويل لا ينفع أي يخدم في بيتنا .. ضحك العبار وصعّر خده ثم سكت.
المستنير مواقفه مشهودة .. الخطأ خطأ والصاح صاح .. أما العبار دينق يلوي عنق الحقيقة من أجل كسب سياسي ..
قنطرت نفسي .. لكن الله غالب دي الشفافية تحكمنا ..!!
بريمة
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: Biraima M Adam)
|
تعرف يا بريمة،
أخوك ما عندو علاقة بالفيسبوك وعلاقتي بالواتساب علاقة عمل،
علاقتي بما يخص السودان هي سودانيز دي،
أها الناس بتطرح الحاجات باعتبارها مسلمات،
بقوم الشك يأكلني وبطبعي أشك في أي شيء،
وأحاول أصل الحقيقة بطريقتي،
هسّ البوست دا لو انت كتبت مداخلتك بتاعت المقارنة بين فتحي الضو والتني دي بدري،
ما كنت دخلت البوست وسلمت بكلام بكري،
لكن معظم المتداخلين بالنسبة لي شهادتم مجروحة بشكل أو بآخر
المهم إرضاءً لضميري راسلت التني بالاي ميل وقلت ليهو في رسائل منك لقوش متداولة بالأسافير (لم أقل له سودانيز)، هل هذه الرسائل صحيحة أم أنها تلفيق؟
ما رد لي!!
لكن مداخلتك دي بتخليني أفرمل
وأعتذر لبكري مؤقتاً
يا أخي، لو بينك وكبر اتصال
قول ليهو أبو الاستنارة يهديك السلام
| |
|
|
|
|
|
|
|
|
|
Re: وثائقيات:عملاء جهاز قوش بواشنطن و ميزانيت (Re: أبوبكر عباس)
|
ول أبا أبو بكر
سلام ..
Quote: لكن مداخلتك دي بتخليني أفرمل
وأعتذر لبكري مؤقتاً |
أبداً مداخلتي لا تقدح في طرحك .. بقدر ما تؤكد ربما نحن أكلنا الطعم حتى من ناس نثق فيهم ثقة عمياء ..
الأستاذ فتحي الضحو .. نحت علي الصخر من أجل التغيير .. لكن بعد ما أظهر مصدره .. وجدت أني أضعت مالاً في شراء الكتاب وقراءته .. وزمني الضائع .. رغم أني لا يخالجني أدني شك في الأخ فتحي ..
فتحي قوة دفع هائلة .. وما زال .. ولكنني أشعر بشيئ من ألم الضمير حيال ما بلعت من طعم .. مثل أكل الأنجيرة التي أأكلها المدعو العقيد سليمان رجل الأمن لسودانيين شرفاء في منطقة واشنطن ..
وأحس أن دكتور التني سره في بطنه .. وواصل أستفساراتك معه ..
بريمة
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
بكرى ابوبكر
خضر الطيب
Kostawi
النذير حجازي
Deng
صديق مهدى على
بدر الدين الأمير
بكري الخير
Abureesh
adil amin
Hassan Farah
wadalzain
ABDALLAH ABDALLAH
أبوبكر عباس
Biraima M Adam
Elhadi
Ali Alkanzi
حمد عبد الغفار عمر
عمر نملة
Yousif A Abusinina
نعمات عماد
قلقو
جلالدونا
فيس بوك
تويتر
انستقرام
يوتيوب
بنتيريست