الخذينة باقى فيها كم .. السودان للبيع

06:53 AM January, 04 2020

سودانيز اون لاين
أيمن نواى على-USA
مكتبتى
رابط مختصر

بعد ثلاث اشهر .. الخذينة خاوية على عروشها .. الذى يحكم السودان بعد ثلاث اشهر لابد ان يكون عميل .. يحكم السودان بالانابة

الذى يشترى السودان .. هل يشترى ارضا و شعبا .. ام يتخلص من الشعب المزعج الكسول .

الشئ المحيرنى .. اذا مافى زول اشترى السودان .. و الخذينة كملت ما فيها. التكتح ولا مليم احمر .. نشحد الناس يشتروا السودان .

حرام نترك الاطفال و العجزة و النساء و نعجز عن مشترى ليسد الرمق .

لو لقينا مشترى من الراسمالين الوطنيين .. افضل من الراسمالين الجانب .. على الاقل الرسمالى الوطنى عارف عداتنا و تقاليدنا امكن يكون ارحم من الاجنبى .

بعد ثلاث اشهر .. بعد ما الخذينة تعدم نفاخ النار و تنشف تب تشحد المولى .. نجتمع لنقرر ماذا نفعل .. بعد ما حال البلد تقيف ..

وصلت حد الرمق و عندنا لسع ناس بتلعب سياسة ِ

افضل للشعب ان يحارب الان و البطون شبعانة .. من ان تحارب و البطون جعانة .. قرروا قبل ان يفرض عليكم .. ود البدرى سمين .

زمان كان يقرروا الحكام .. بعد ما الجوع يدخل العضم .. يجب على كل فرد ان يقرر .

مرحب بيك حبيبنا ود نواي
( الخذينة) دي منو ؟؟

سلام حبيبنا خضر
( الخذينة) دي منو ؟؟
............
بت بنك السودان ... هههههه
معركة مؤجلة بعد ثلاث شهور .. بعد ان تصفر الخزينة .. يكون المؤتمر الاقتصادى فى شهر مارس .. المؤتمر عبارة عن لؤى زراع الحكومة الانتقالية لتمرير أجندة اخرى .

تسلم حبيبنا ود نواي
اطمئن يا حبيب الخزينة بخير
و الميزانية طلعت و الامور طيبة

كت آوت :
عملتا لينا شنو انت و خالك في موضوع انفصالكم ؟
عندي ليكم رصة
خالك يكون رئيس جمهورية الجبال
و انت تكون الوالي
بعدها انا بجيكم زيارة

كل عام و انت واسرتك الكريمة و السودان بالف خير يا نواى..
يا زول وحد اللة و قول يا رب..بالطريقة دى ينفجر فيك شريان لا قدر الله،
و السودان قاااااعد الى قيام الساعة..
الحل الوحيد هو انه نبلع الظلط ونديها جكة تانى..

شفتا يا ايمونلا
كلام الكنداكة بت تاور دا ما ترميهو الواطة
بندق بيكم الواطة انت و خالك هههههه

حباب الملكة نور
الراسية ست الناس.
...........
كلام الكنداكة بت تاور دا ما ترميهو الواطة
..........
يا خضر .. الكلام عند ملكاتنا .. كلامهم فوق راسنا .. افضل شئ ربنا و هبوا لينا بنات النوبة الملكات ..
فى كل صلاة نشكر ربنا .. من ملكة سبا لى يوم القيامة .. ما فى واحد يجى ناطى يقول مملكة سبا فى اليمن و لا ايثوبيا ..
المنطقة الوحيدة فيها ملكات هى تاريخيا الممالك النوبية .

نور تاور زولة راكزة
و ملكة و كنداكة
ربنا يديها الصحة و العافية
نور واعية و متفهمة الوضع
مفروض تكون وزيرة في وزارة مهمة
نور لو كانت استغلالية ذي تراجي كان زمان
دخلت مع الخونة ديل
لكن نور غير
اسمها ذاتو جميل
محبتي ليها و ليك
لكن لازم يكون ليها دور كبير لعلمها بمشاكل الجبال
و لي فهمها و وعيها المتقدم

تشكر خضر الطيب
نور تاور زولة راكزة
و ملكة و كنداكة
ربنا يديها الصحة و العافية
نور واعية و متفهمة الوضع
مفروض تكون وزيرة في وزارة مهمة
نور لو كانت استغلالية ذي تراجي كان زمان
دخلت مع الخونة ديل
لكن نور غير
اسمها ذاتو جميل
محبتي ليها
...............
نشكر مرة تانية .. و الف مرة .. هذا من اصلك و فصلك الكريم .. ترباية اسرة محترمة .. شفت خيلانا يصاحبو اولاد الناس .. التحية لى والدك و والدتك و الاسرة المحترمة .

توقف الدعم الخارجى .. على قلة الانتاج بسبب الفوضى الحاصلة .. الخزينة بقت على الحديدة .. لذلك الحكومة حاولت ان ترفع يدها من دعم الوقود .. عشان الخزينة تنتعش بى شوية فكة تصرفها على التعليم و الصحة .. محاولة ذكية جدا لمساعدة المواطن المغلوب على امره .. لكن هل تنجح المحاولة .

اخوي ايمن مالك بتردح براك ، البركه في خدر و نور الجو عزوك و رفعوا معاك الفاتحه ، و الله العظيم زمني ده كله فاكرك كوز

يا ود نواي ... تحياتي..

بعد المؤتمر الاقتصادي في مارس القادم سوف يتم رفع الدعم عن الوقود + القمح + غاز الطبخ + الكهرباء..

قول ربنا يستر

تسلم يا ود نواي
و ليك التحية و التقدير
انا اتشرفتا بمعرفة خالك من سنين طويلة و بعدها ظهرتا لي انت يا وغد :)
ما في اي فرق بينك و بين خالك و بقولو الولد خال
حباَ لكم يا نوبة الجبال و موصول الحب لنوبة الشمال و كل المكون السوداني
ما عندنا فرق في زول الا يفارق هو براهو بعد داك الله معاهو
لا بنعاديهو و لا بنراضيهو

الزبير بشير
اخوي ايمن مالك بتردح براك ، البركه في خدر و نور الجو عزوك و رفعوا معاك الفاتحه ، و الله العظيم زمني ده كله فاكرك كوز
...................
حبابك الزبير .. الصوفية نقبلا .. تسبح فى ملكوت الحضرة الإلهية .. تغسل اردان النفوس .. علا السياسة تدق القيد فى رجلك تحميك النوم و تاكل حق الناس وتحز الرقاب و تدخل فى حق الله .

احمدونا
المؤتمر الاقتصادي في مارس القادم سوف يتم رفع الدعم عن الوقود + القمح + غاز الطبخ + الكهرباء..

قول ربنا يستر
....................
الجاى شيتا صعب بالحيل .. القادر الله فى سماهو .. مع عدم وجود قنوات تنظيمية و الفوضى الحاصلة .. المتربصين يندهسوا الفرصة .. ترفع الدعم و ترفع اليدين و حاجات تانية حاميانى .. المنظر يكون صعب و قاسى .

خضر الطيب
حباَ لكم يا نوبة الجبال و موصول الحب لنوبة الشمال و كل المكون السوداني
.................
نوبة الشمال كاسرين فينا ضلع .. لو ما نوبة الشمال بدرى كان فارقناكم .. نتقول شنو قسمتنا كدة .

المنوط بيهو اصلاح الاقتصاد .. قالوا ليكم ما عندوا سلطة .. الاقتصاد إلا يصلح من تلقاء نفسه .. انتظروا لمن الاقتصاد يصلح براهو .. اجتماع شهر مارس دا لى حجات تانية مغلفة باسم المؤتمر الاقتصادى .. انتو يغشوكم كيف .. بعد ما تجوعوا تعرفوا النؤتمر كان لى شنو .. شهر مارس ما بعيد شيلوا الصبر .