نحن في حاجة الي من يوقف هذا المعتوه الكذاب و يخضعه للعلاج النفسي
Post: #2 Title: Re: الكذاب علي بلدو Author: دينق عبد الله Date: 01-03-2020, 06:51 AM Parent: #1
الأخ دكتور أكرم وزير الصحة الاتحادي أرجو ان تتحمل وزارتكم تكاليف علاج الدكتور علي بلدو قد وصل حدا لا يمكن تحمله.
Post: #3 Title: Re: الكذاب علي بلدو Author: دينق عبد الله Date: 01-03-2020, 06:54 AM Parent: #2
كما أناشد السيد وزير الاعلام بتوجيه صارم لوسائل الاعلام بعدم اجراء اي حوار مع الدكتور علي بلدو و بعدم نقل اي شئ عنه
Post: #4 Title: Re: الكذاب علي بلدو Author: بشير حسـن بشـير Date: 01-03-2020, 07:34 AM Parent: #3
و
شكرا د. ياسر
Post: #5 Title: Re: الكذاب علي بلدو Author: Yasir Elsharif Date: 01-03-2020, 08:21 AM Parent: #4
أظن الأخ دينق يقصد هذا الموضوع
Post: #6 Title: Re: الكذاب علي بلدو Author: Abdullah Idrees Date: 01-03-2020, 12:54 PM Parent: #5
الزول ده بالمناسبة ورغم انو بيقول انو اخصائي نفسي محتاج علاج بالجد في رقبتو دي زول بحب لفت الانتباه بطريقة مرضية ودراستو العملا دي بالتاكيد مشكوك فيها مش في النسبة الاوردا او كون الظاهرة موجودة او لا ، نعم الشذوذ موجود ، الصعب والمستحيل انك تقدر تعمل عليهو دراسة علمية ، الصعب انك تصل للسيدات العندهم شذوذ ويقعدوا يتكلمو معاك ويجاوبوا ليك على اسألتك ، انت بتعتمد على عينة عشوائية من السيدات وبتطرح عليهم استبيانك عشان تصل لنتائج ، هل من المعقول تمشي تسأل سيدة عن ميولا الجنسية وتجاوبك بكل صراحة؟ ده اذا جاوبتك اصلا او ما فتحت فيك بلاغ تحرش ..او خلت الله وخلقو يتفرجو فيك الزول ده قايلنا عايشين وين؟
علي بلدو راجل دفعتنا هو خريج جامعة كردفان في الأبيض و انا خريج الجزيرة ، بعرفو من زمنو الكان برلوم ، لأنو كنا بنمشي جامعة كردفان نعمل اركان نقاش هناك و هو كان محسوب علي الكيزان و كانت لنا صولات و جولات معهم ، راجل غريب من الزمن داك و شخصيته مهزوزة و غريب الأطوار يحب الأضواء و الشو أوف !
لم التقيه لفترة طويلة و فجأة ظهر لينا بحكاية بروفسير دي ! إعلام الكيزان أتاح ليه الفرصة للتمدد و قام بتلميعه و تم إستخدامه لتمرير و تبرير الكثير من الأحداث ! .... بلدو يعتمد على الفرقعات الإعلامية و التصريحات المثيرة للجدل للفت الأنظار !! غالبية كلامه لا يستند على حقائق علمية ، بل اقرب للقناعات الخاصة و الإنطباعات الشخصية !!
سلام للجميع شاهدت الدكتور علي بلدو يتحدث في التلفزيون بطريقة تؤكد ما ذكره أمير بوب عنه.
Post: #9 Title: Re: الكذاب علي بلدو Author: Asim Ali Date: 01-03-2020, 02:44 PM Parent: #8
سلام عليكم بغض النظر عن طبيعه مثير القضيه -ليس دفاعا عنه فهو عندى من ظرفاء نظام سابق رغم درجته العلميه - عن احكام وضوابط بحثه عن الظاهره. -الشذوذ هو شذوذ عند الذكور او الاناث وانكارها لجنس دون الاخر دفن رؤوس فى الرمال فالظاهره موجوده ضمن اطار ظاهره الشذوذ بشكل عام وتزايدها . -هل اجرت جهه ما بحث بهذا الخصوص؟ -ان قامت جهه باجراء بحث وفق الضوابط العلميه هل سيتم مقاضاه هذه الجهه؟ -الافضل مواجهه الموضوع بالحجه ودراسات علميه بدل الارهاب بالمقاضاه.
Post: #10 Title: Re: الكذاب علي بلدو Author: Asim Ali Date: 01-03-2020, 04:04 PM Parent: #9
مع العلم انو فى قروبات فى الفيس منها قوب اسمو قوس قزح سودانى ادارتو اتنين بنات وواحد شاب والنقاش فيهو بيوضح انو القصه ما اصبحت تابو بالدرجه المتصوراها الناس وممكن تكون فى دراسات علميه محكمه عن طريق مجموعات زى دى
Post: #11 Title: Re: الكذاب علي بلدو Author: Abdullah Idrees Date: 01-03-2020, 04:18 PM Parent: #10
Quote: والنقاش فيهو بيوضح انو القصه ما اصبحت تابو بالدرجه المتصوراها الناس وممكن تكون فى دراسات علميه محكمه عن طريق مجموعات زى دى
دي ما عينة عشوائية عشان تقدر تحدد بيها نسبة مئوية من جندر معين ده مجتمع متجانس انت ممكن تدرس المجموعات دي في ذاتها لكن ما ممكن تطلع منها بتعميمات علي بلدو مفروض ينشر دراستو دي ويوريها الناس يشوفوها ويشوفوها اتعملت كيف مش يقعد يرمي كلام ساي وفرقعات اعلامية ليظل في دائة الضوء انت عملت دراسة شنو المانعك من انك تنشرا؟ انشالله في السايفر دا ساي ولو انت فعلا حريص على المجتمع دراستك دي مفروض تملكا للمستفيدين المحتملين منها جامعات - مراكز ابحاث - منظمات مجتمع مدني - جهات رسمية
Post: #12 Title: Re: الكذاب علي بلدو Author: Asim Ali Date: 01-03-2020, 04:35 PM Parent: #11
Quote: دي ما عينة عشوائية عشان تقدر تحدد بيها نسبة مئوية من جندر معين ده مجتمع متجانس انت ممكن تدرس المجموعات دي في ذاتها لكن ما ممكن تطلع منها بتعميمات علي بلدو مفروض ينشر دراستو دي ويوريها الناس يشوفوها ويشوفوها اتعملت كيف مش يقعد يرمي كلام ساي وفرقعات اعلامية ليظل في دائة الضوء انت عملت دراسة شنو المانعك من انك تنشرا؟ انشالله في السايفر دا ساي ولو انت فعلا حريص على المجتمع دراستك دي مفروض تملكا للمستفيدين المحتملين منها جامعات - مراكز ابحاث - منظمات مجتمع مدني - جهات رسمية
متفق معاك وكلامى ف نفس الاتجااه
Post: #13 Title: Re: الكذاب علي بلدو Author: دينق عبد الله Date: 01-03-2020, 04:37 PM Parent: #11
الأفاضل شكرا على المرور و الإضافة
------------- الاخ Asim Ali انت تأتي بأغرب منطق عرفه الناس هل تريد منا أن نأتي بدليل على عدم وجود شيء ما؟؟ ؟؟ ام تسأل على بلدو ما يثبت ادعائه الكذوب.؟؟
المطلوب هو أن يثبت لنا الطبيب علي بلدو صحة ادعاءاته من اين له بتلك المعلومات ؟؟ ما هي الدراسة التي أجريت من أجرى الدراسة ؟؟
ارجو أن تفيدنا انت من اين للطبيب علي بلدو المعلومات التي ذكرها؟؟
إن لم يكن كذابا و مريضا هو نفسه .
Post: #14 Title: Re: الكذاب علي بلدو Author: Asim Ali Date: 01-03-2020, 04:41 PM
انا مامؤيد لى الزول دا وكلامو (ممكن يكون زى بت الياس) لكن شايف انو الموضوع دا بالذات حتى لو ظهرت دراسه محكمه ليهو ممكن تكون نفس رده الفعل فى مجتمعنا المزدوج بين مناصره المراه وحقوقها وبين كونو مجتمع محافظ عندو مناطق لايرغب فى ملامستها بالدراسه
Post: #15 Title: Re: الكذاب علي بلدو Author: دينق عبد الله Date: 01-03-2020, 05:02 PM Parent: #14
إطلاقا اخي Asim مجتمعنا مدرك بأنه في 2020 و لا يمكن له أن يدفن رأسه في الرمال
لكن ما يدعيه صاحب (مدرسة تعليم الرومانسية) خطير للغاية
اظنك مدرك لحجم الضرر الذي يتسبب فيه مثل هكذا الادعاء غير المسنود على صورة شعب ما دون أدنى وجه حق.
هذه حلقة مع الدكتور علي بلدو بتاريخ فبراير 2019 في أيام ثورة الشعب السوداني وقبل سقوط نظام الإنقاذ.
Quote: التغييرات السالبة في المجتمع السوداني .. رفع الستار مع مستشار الطب النفسي د. علي بلدو بمعية #أم_وضاح 3.434 Aufrufe •19.02.2019 39 3 Teilen Speichern Khartoum TV لا تنسى الإشتراك في القناة وتفعيل زر أو جرس التنبيهات حتى يصلك كل جديد
هسه يا ياسر الزول ده في كلامه القاله في الفيديو ده مش منطقي وكلام واقعي !!؟مالكم مهاجمينه الهجوم ده كله !! ولا هو قال كلام تاني غير السمعناه هنا في الفيديو ده...
بصراحة ما شاهدت الفيديو للنهاية ..لكن لمن وجدت كلامه منطقي ،غيرت لعنوان ثاني ...لكن برجع مرة ثانية واشوف الفيديو للنهاية .. يا دينق.. هنا في نيويورك الانترنت مجانا في كل شوارع نيويورك وحتى داخل محطات قطارات الإنفاق تحت الأرض الانترنت بسرعة جنونية.....ما عندنا حاجة هنا اسمها انترنت بطئ.....كل الانترنت في سرعة الضوء....زي سرعة الضوء في بوست النصري ههههه
Post: #21 Title: Re: الكذاب علي بلدو Author: Ahmed Yassin Date: 01-03-2020, 10:30 PM Parent: #20
طبعا الدكتور علي استاذ في كليات الطب. .ظل عام كامل يجي الجلمعة بى بنطلون جنز وقميص نص كم قصير ورابط شعره لى فوق بى ( باندة) ما علينا....لكن مرة في برنامج تلفزيوني كان في ضيف اجنبي( خواجة) وبلدو طبعا متصدر القعدة وقاعد يترجم كلام الخواجة من الانحليزي للعربي حقنا قال ( الخواجة دا قال اذا الزول في اي مجتمع ما خلى بالو كويس ممكن يتلحس، وفي الاخر يطلع ملوص) وملوص دي ادخل اصابع يده اليمين في اليد الشمال وسحب يده لتحت) وقام صفَر
Post: #22 Title: Re: الكذاب علي بلدو Author: امتثال عبدالله Date: 01-04-2020, 01:22 AM Parent: #21
يا ياسر انا شاهدت الفيديو لغاية النهاية ووجدت أن الزول ده كلامه كله كلام منطقي وكلام عقل ومن النقاط التي ذكرها وهي حقيقة أن الخطاب الديني في المساجد لا يتلمس الواقع المعاش عند الناس، وأنك تلقى زول متدين ويتلو كتاب الله وعامل نفسه شيخ وتلقاه في نفس الوقت يغتصب ليه ٢٠ طفلة ...وتلقى صحفيين انتهازيين وسياسيين مرتشين وفاسدين ....الخ..الخ..كده اكتبوا لينا الحاجات السلبية القالها علي بلدو عشان نعرف سبب الهجوم عليه ...احتمال انا اكون ما فهمت الحقيقة
Post: #23 Title: Re: الكذاب علي بلدو Author: Kabar Date: 01-04-2020, 03:23 AM Parent: #22
ياترى: كم دكتور سوداني اسمو (علي) خربش الوجدان السوداني؟
هههههه..
دينق عبد الله..امشي الضل..!!!!!!!
(حكاية امشي الضل دي حقارة ساكت ، وهو شن طعم الحقارة لو ما حقرت اخوك..!!)..
المافي شنو يا دينق عبد الله..!..برضو عندنا كم دكتور اسمو (علي) قبال (علي بلدو)..!!
دكتور علي الكوباني..!
استاذنا دكتور علي الكوباني ، لا اعرف تخصصه بالضبط ، ولكني قرأت له اجمل واغرب الخواطر في التجربة الإنسانية ، تجربة (المشرحة) وتلك اخر نقطة في عمر الإنسان مجهول الهوية ، يعني زي ما تقول تكون ماشي في الشارع ، تشتري ليك كيس فول مدمس من صفية (بطلة راوية التعاريج)..ويقوم يدهسك بوكس 78 منطلق بسرعة جنونية ، فتموت ، وتكون الدولة والمجتمع ما عارفين هويتك شنو..ويجيبوك لدكتور علي الكوباني(سيد المشرحة)..عشان يقرر مصيرك..انت منو ، اتكتلت كيف..الكتلك منو..!!
نفس الدكتور ، دكتور علي الكوباني ، سيد المشرحة..بعد ينفض يديه من جراحك والدم والشاش والديتول والوساخة ، سبحان الله ، في لحظة التنفس..يكتب علي الكوباني:
اهـ يا قلب..!!
سلامات يازول يا طيب..واخترتك مخصوص عشان تكون اول من اطايبه في المنبر بحضور السنة الجديدة ، اريتها سنة بخيتة وسعيدة على قول حبوباتك البقاريات ، عليك يا دينق عبد الله والأسرة الكريمة..!
في البداية يا دينق عبد الله (عبد الله دي ضروري ، تمييزا ليك من الجماعة واحدين)..قلت دينق عبد الله محق..! بعد شوية دخل ول ابا عبد الله ادريس..فقلت دينق عبد الله محق للمرة الثانية.. بعد شوية دخل امير بوب (الكاونتربوينت المضروب) ، وقلت دينق عبد الله محق..! وبعد شوية دخل ياسر الشريف..وقلت : دينق عبد الله محق..! وبعد شوية دخل ول ابا احمد ياسين..وقلت دينق عبد الله محق..!
عارف يا دينق عبد الله ، شاهدت ، لماما ، بعض كلامات وونسات اخونا دكتور(البروف على قول امير بوب) علي بلدو..وكلما اشوفو بسأل روحي: يا ربي ديل نحن البلد البيفتخر بيها الأفارقة والعالم بمناسبة البروف (الحقيقي يا امير) التجاني الماحي ، رأئد الطب النفسي في افريقيا وما جاورها من ناس الشرق الأوسط واسيا وجنوب اسيا واستراليا؟.. دي البلد الأنجبت دكتور محمود الشعراني ، دكتور طه بعشر ، دكتور منو منو..الخ..؟
اقول بهذا الكلام يا دينق عبدالله يا اخوي ، وانا اراجع محاولتي البائسة على الإحتفال بمرور عشرين سنة على تأسيس سودانيز اونلاين ، اراجع محاضرة جاك دريدا عن فلسفة الإرشيف واعتماده على فكرة فرويد..واخرين كثر يا دينق عبد الله..! عارف مشكلة السوداني شنو يا دينق عبدالله؟ مشكلة السوداني هي حتة ميكرفون..وعينك ما تشوف الإ النور ..! الدعي الإسلامي ، الخطيب الإسلامي..يلقى ليهو ميكرفون ويظن انه الرب الأصغر.. السياسي السوداني..يلقى ليهو ميكرفون..ويظن انه الرب الأصغر.. المثقف ، المغني ، المتكلم ساكت..!!..يلقى حتة ميكرفون..ويظن انه الرب الأصغر..!! السوداني ، ياقريبي ، عندو عقدة كبيرة خلاص مع المايكرفون (مسرح حرية التعبير)..!! عموما يا دينق عبد الله ، وصيتي ليك: عشان مرارتك ما تنفقع ساكت سمبلا.. المرة الجاية ، بدل مصاقرة (على الكنزي) و(علي بلدو)..شوف خيارات تانية..! ما الساحة برضك فيها يا دينق عبد الله ..امثال دكتور علي شبيكة ، ودكتور علي الكوباني..!!..ولا انا غلطان يا حبيب..!!!!
دكتور علي شبيكة..!!
دكتور علي شبيكة ، يخلع الجونتات..يسكت..ثم يكتب حكاية (احلى غرام)..فاين علي بلدو؟
هكذا يا صديقي امير بوب: فرق كبير شديد بين عمنا واستاذنا الجميل دكتور سليمان بلدو (اختلفنا معه كثيرا ، ولكن يظل الرجل الذي علمنا الكثير الكثير يا امير بوب..) وصاحبنا ، صاحبك يا امير ، البروف علي بلدو..!!
He is so fake
يا امير..!!
شكرا يا دينق عبد الله ،
كل سنة انت ، والأسرة الكريمة ، طيب يا دينق عبد الله..!!
علي بلدو بتاع فنلليتك يا دينق عبد الله..!!
وبرضو شكرا للتنبيه يا حبيب..وهذى واحدة من جماليات سودانيز اونلاين..عشرين سنة عمر الجمال ، وعقبال مليون سنة يا سودانيز اونلاين..!!
كبر
Post: #25 Title: Re: الكذاب علي بلدو Author: دينق عبد الله Date: 01-04-2020, 03:45 AM Parent: #23
اخي أستاذ كبر
كل سنة انت و جميع الأحبة بكل خير و بركة ياخي شكرا على المرور الأنيق و الخفيف.
كان تقيم لينا إفادات علي بلدو من الناحية القانونية البحتة .
تحياتي
Post: #24 Title: Re: الكذاب علي بلدو Author: دينق عبد الله Date: 01-04-2020, 03:34 AM Parent: #20
ههههه يا إمتثال لأنك عملتي رايحة قلت أشوف ليك عذر خلاص شاهدي و ورينا رأيك!!
Post: #26 Title: Re: الكذاب علي بلدو Author: دينق عبد الله Date: 01-04-2020, 03:51 AM Parent: #24
كتبت أختنا الصغرى إمتثال ((( اكتبوا لينا الحاجات السلبية القالها علي بلدو عشان نعرف سبب الهجوم عليه ...احتمال انا اكون ما فهمت الحقيقة)))
نحنا نتكفل بالسماعات و انت عليك النضارات في خوة اكتر من كده ؟؟
Post: #27 Title: Re: الكذاب علي بلدو Author: حمد إبراهيم محمد Date: 01-04-2020, 04:17 PM Parent: #26
صاحب البوست الاخوة الكرام – سلام واحترام .. مداخلتي تصب في الاتي : 1/ معلوم ان كل دارس وباحث لحالة مجتمعية، خاصة اساتذة الجامعات ليس بالضرورة ان يقوموا هم بالمقابلات والاستقصاءات، بل لهم ان يستعينوا بطلبة/ت لجمع معلومات في الحالة المراد بحثها للوصول الى نتائج تقتضي التحذير والاصلاح. 2/ نحن بشر ليس معقمين من البثور الانحرافية .. راح زمن التابو بعد الانفتاح الذي ولده الانفتاح السيبيري على القرية العالمية الصغيرة، شاملا كل الحيوات. 3/ المجتمعات الاوروبية كانت اكثر تزمتا في دواعي المثل والاخلاق، لكننا نؤمن على مرتكزاتنا الدينية. 4/ هل مثل هذه المقابلات والحوارات والدراسات الموضوعة، ان كان فاعلها وقائلها؛ البروف بلدو او غيره من الذين تناولوا ويتنالوا بالبحث والدراسة في شان المجتمع السوداني، تراثو – عاداتو - تقاليدو – اعرافو – بدويهو وحضرو.. سلبياتو وايجابياتو؛ وان عظم علينا وقعها.. أليس من اجل تنمية ما يصلح الحال والمآل، وحسن الخلق؛ فحكمة الله ان جعلنا بشرا نمشي على ساقين، وهو قادر ان يجعلنا ملائكة عابدين مسبحين باسمه تعالى. 5/ ليس من الحكمة ان ننتقد البروف بلدو، لان هذا الفيديو لا يوصلنا الى مجمل الدراسة والوسائل التي اتبعها حتى توصل الى نتائجها والخطوات التي ينبغي اتباعها للمحافظة على مجتمع معافى.
* ألا يتبادر الى الذهن ان دراسة البروف بلدو، تتزامن وتتسق مع ارهاصات تدور حول (الحرية المثلية) في السودان وهي من ضمن ما تطرحه علينا وتنادي به امريكا واوروبا للتطبيع مع السودان..؟
* وفوق ذلك اخشى ان يتحفنا وزيرنا نصر الدين مفرح، بعد زيارته لامريكا، ودفاع بعض رؤسائها عن – المثليين – ان يتبنى قضيتهم، مثل ما اهتم بالوثنيين ومتبعي الاعراف والديانات الاخرى، غير الاسلام.؟ّ!
تحية وود كبير ..
حمد
Post: #28 Title: Re: الكذاب علي بلدو Author: mohmmed said ahmed Date: 01-05-2020, 06:45 AM Parent: #27
استمعت لدكتور على بلدو كثيرا فى القنوات السودانية موضوعاته النفسية التى يتناولها يتحدث فيها بطريقة غير علمية ويصدر الكثير من الاحكام القيمية القاطعة دون حيثيات علمية يطلق احاديث مثيرة للخلاف والجدل بشكل عشوائى
شخصية باحثة عن الشهرة والاضواء بامكانيات علمية ضعيفة
مثله مثل تراجى وكسباوى فقاعة صابون
Post: #29 Title: Re: الكذاب علي بلدو Author: mohmmed said ahmed Date: 01-05-2020, 07:57 AM Parent: #28
ارقام د كتور بلدو 97 % من مترددى المستشفيات فى السودان هم مرضى نفسانين 57 % من طلاب المدارس فى السودان يعانون امراضا نفسية وعصبية 72 % من الرجال السودانين يخونون زوجاتهم %90 من السياسين السودانين عندهم حالات نفسية
ودكتور بلدو ياصاح خريج جامعة كردفان ومنتشر جدا فى القنوات الفضائية زول مجلط شعرو كدا ويلطخ ليك الارقام ولا يهتزله طرف زول شديع شداعة يخمش الرقم زى خمشة حجة الفول
واخر تصريح ليهو قال ارتفاع نسبة الشذوذ الجنسى بين النساء فى السودان وخاصة بين الصحفيات وسيدات الاعمال ونساء الخلاوى
Post: #30 Title: Re: الكذاب علي بلدو Author: خضر الطيب Date: 01-05-2020, 08:41 AM Parent: #29
Quote: نحنا نتكفل بالسماعات و انت عليك النضارات في خوة اكتر من كده ؟؟
هههههههههه تعرف يا دينق انت كده عملتا ذي طيرة المسطول الدخلت ليهو في الاوضة بالشباك و طلعت بالباب قال ليها يعني عملتي شنو ياخ انت متعة مجانية قلتا لي 300 بقرة؟ انا عاوز اعرف الحكمة شنو في انكم بتتزوجو بالبقر و ليه ما با لخرفان او العمبلوقات او حتى بالقروش ذينا انحنا مندكورو ديل ؟ هههههه طالبك بوست بهذا الخصوص
Post: #31 Title: Re: الكذاب علي بلدو Author: Yasir Elsharif Date: 01-05-2020, 09:10 AM Parent: #30
إلى الإبنة امتثال
عندما سألتك هل شاهدت الحلقة إلى نهايتها كنت أقصد أن تلاحظي ما جاء من تعليق في مداخلتي الأخ الأستاذ محمد سيد أحمد . فأرجو التأمل فيها وفي أرقام الدكتور علي بلدو.
ياسر
Post: #32 Title: Re: الكذاب علي بلدو Author: MOHAMMED ELSHEIKH Date: 01-05-2020, 09:57 AM Parent: #31
Quote: قلتا لي 300 بقرة؟ انا عاوز اعرف الحكمة شنو في انكم بتتزوجو بالبقر
خسمتك بي حبوبتك ما تكلموا يا دينق دا جايي يحرف البوست ههههه قبل مولانا كبر يوصلنا " علي عصمان"
Post: #33 Title: Re: الكذاب علي بلدو Author: دينق عبد الله Date: 01-05-2020, 12:03 PM Parent: #32
يا باشمهندس خضر ده واحد مغرض و بتاع مقالب زي بوريس جونسون هههه تحياتي
Post: #34 Title: Re: الكذاب علي بلدو Author: دفع الله ود الأصيل Date: 01-05-2020, 12:37 PM Parent: #32
سلام لأخوي دينق ، أبو ناصر ، إذا لم أخطئ بالكنية. طبعن ، جيت أهنيك و أصافحك .. و جيت أقول : مبروك عليك و بصراحة كدا عجبني هنا كلام سعادة مستشارنا / كبر، على حسب ما فهمت داير يقول لينا: إنو حضرات السادة المستشارين النفسانيين و حتى دكارتنا في مجال الطب الشرعي ديل إنما هم (بشَرٌ أمثالنا ) و لكن بحكم ما يعانونه من مواقف صادمة من قسوة حالات مرضاهم بتخلي عندهم قدرة شاطحة على (تشريح) الظواهر ربما على مزاجهم.
● و لكن أليس من الأحرى بنا النظر في موضوعية الظاهرة ذاتها أعني الشذوذ ؟! باعتبار ان العود لو ما فيه شق ما قال طق. دا بدل ما نشغل أنفسنا بشخصنة( نابشها) كائناً من كان ؛ فلا يعدو كونه أحداً من سواد الناس.و لنأخذ الحكمة و لو من أفواه الحصين.