32 ديسمبر ... تضحك وتبكي بس ..

10:48 AM January, 01 2020

سودانيز اون لاين
Salah Zubeir-UAE
مكتبتى
رابط مختصر

ههههههاي ...
ما قتو ثورة تغيير ...
وتيب ...

فوتوشوب يا حاج
تاني شاور ان شا الله بالواتس ياخ

حرام عليك ياخي ...
لا هنيتنا لا خليت أعداء التغيير يتهنو ...
ما كان ممكن تنتظر لي آخر اليوم ...
أها سبلناهو والعزاء بالمقابر ..
اللحق لحق والما لحق يدعي لينا ...

هههههههههههه
خلاص امشي اخربها على ود التاج بعد التراجع عن رفع الدعم ما لاقي ليه ملكة

كويس انك سبقتني
عارفك سباق للخير
ود البشرى عندي الفوتوشوب ده ساهل كده
ومراااقة جاهزة..
يلا جيب اثباتك
قبل ما نجيب الجواز صورة وصوت

انت جبتها وانتهيت وكويس انّك مكبرها
يلّا قارن بي رقم اتنين مع رقم تلاتة ووضعه لو كان اصل الختم كان ح يكون على سطر واحد وحجمه نفس الحجم
افا يا خبير انت كنت مايك تأمين البنوك تفوت عليك دي

Quote: خلاص امشي اخربها على ود التاج بعد التراجع عن رفع الدعم ما لاقي ليه ملكة

لا عندي كميات يا حبيب
بس في شوية حداد مع الشهداء الفارشين
ولحدي ما ننفك؛ كدي شوف لينا مخارجة من فضيحة بورتسودان زيك

الاثنين ياها الاثنين الموجودة في حقت السنة
الثلاثة هي العاملة الفارق..
ودي مشكلة مصمم الختم الزاد حلقة الايام

Quote: لاثنين ياها الاثنين الموجودة في حقت السنة الثلاثة هي العاملة الفارق.. ودي مشكلة مصمم الختم الزاد حلقة الايام

ح تتعبني معاك عارفك!



ديل خطين متوازيين يوضّحوا ليك فرق الطول بين الرقمين

Quote: كدي شوف لينا مخارجة من فضيحة بورتسودان زيك

كويّس ممتاز جبت السيرة
بعد اذن ود الزبير طالما البوست خستك

يا سيدي الثورة قامت ليس على الفاسدين الافراد فلان وعلان و فرتكان بل قامت على نظام يرسّخ ويحمي الفساد و بالتالي الفاسدين
ولم نقل ان الانتقالية - والمنتخبة بإذن الله بعدها - ستاتي بصحابة أو تابعين أو ملائكة, الفساد في عهد الرسول عليه افضل الصلاة و السلام حدث, نتوقع في عهد الانتقالية ان يتجرّأ البعض - حتى من رموز الثورة - على المال العام او على النظام الاداري و محسوبيات و وساطات وغيرها, هذه امور طبيعية ولاجل ذلك شرعت القوانين للمحاسبة و البرلمانات للتشريع و الصحافة و حريتها للرقابة و الفضح
هذا عصب النظام الديمقراطي القامت ثورتنا لأجله, سيحدث فساد و ستكشفه الرقابة الشعبية و الرسمية و ستجبر الحكومة على المحاسبة والا اللساتك قاعدة و حجب الثقة قاعد و النيابات مفتوحة و القضاء عادل و مستقل وكل لوسائل الديمقراطية المتعارف عليها
دا الفرق بين كل ما سقطت عمارة يأخذ الوزير استراحة محارب, كل ما اثبت فساد معتمد يتم اعفاؤه وترقيته لوالي كل ما تفجرت قضية يأتي الرقيب ويصادر الصحيفة ودا كلو تحت ظل هي لله.

Quote: ديل خطين متوازيين يوضّحوا ليك فرق الطول بين الرقمين

انا قصدي الرقم 2 ما فيهو اي مشكلة
لانه متطابق في كل شئ مع نفس الرقم في 2019
بقى نشوف مشكلة ال 3 والمسافة بيت 32
ممكن نلقالها مبرر

ما المسافة الفرق في الحجم, في الختم الحقيقي كل الارقام و الحروف حجمها واحد

المسافة بين ال2 و ال 3 هي الكنت شاكي فيها
لكن بعد ما رجعت لجوازي لقيت المسافة دي حاجة طبيعية عند ناس المطار
وكمان لقيت الأرقام بتاعة اليوم في التاريخ ما بتكون اصلا في حزية
والصورة أعلاه من جوازي مباشرة
يلا شوف لك مراقة تانية

Quote: المسافة بين ال2 و ال 3 هي الكنت شاكي فيها لكن بعد ما رجعت لجوازي لقيت المسافة دي حاجة طبيعية عند ناس المطار وكمان لقيت الأرقام بتاعة اليوم في التاريخ ما بتكون اصلا في حزية والصورة أعلاه من جوازي مباشرة يلا شوف لك مراقة تانية

ود البشرى دا لأنو حبيبنا حأعمل ليهو دعم سريع ومعاهو حميدتي ذاتو :)

أصل التاريخ في الختم هو يوم 2 فقط

عايز تتأكد من الحتة دي أعمل برنت للصورة وجيب ليك مسطرة وقيس الرقم 2 من الحافة السفلية للرقم حتى نهاية إطار الختم من الداخل في خط مستقيم طبعاً حتلقى المسافة تقريباً 1.5 أو 1.6

وأمشي قيس المسافة من الحافة السفلية للرقم 9 في 2019 حتى إطار الختم من الداخل في الناحية الأخرى في خط مستقيم طبعاً حتلقى المسافة تقريباً 1.5 أو 1.6


ولكما كل الود والتقدير ،،،

أووو حبيبنا صبري
يعني يا صبري لا ترجّعك الثورة ولا فض الاعتصام ولا عشرينية بكري ولا رشّة النجم الساحلي ولا مباركة السنة الجديدة يرجّعك الغلاط

Quote: يعني يا صبري لا ترجّعك الثورة ولا فض الاعتصام ولا عشرينية بكري ولا رشّة النجم الساحلي ولا مباركة السنة الجديدة يرجّعك الغلاط

لا ياخ .. رجعت هنا

Re: عُـدت إلى المنبر عشان عشرينية بكري .. وحاج�Re: عُـدت إلى المنبر عشان عشرينية بكري .. وحاج�


لو بكري كان حذف بوست ود الصايم كان شربت وما رويت

غايتو يا عمر التاج بتبالغ ..
هو سيد البوست في عضمو بلع بالصحة والعافية .. إتا بتخرخر مالكـ؟ ..

بالشفا يا ود الزبير

Quote: لو بكري كان حذف بوست ود الصايم كان شربت وما رويت

لا يجرؤ

يا ود التاج انت بقيت خبير ولاّ شنو؟
الله يهديك انا لا جبت سيرة المسافة لا سيرة الحذية كلامي في نقطة واحدة هي حجم الارقام, الخطين المتوازيين عشان يتضح لك الفرق بين حجم الرقمين لو حجمهن واحد ما كان بظهر قاب لامن ترسم خطين متوازيين احدهما يمس قاعدة الرقمين!

ثم اذا انت مقتنع انها حقيقية خلاص رجّع عنوان البوست بتاعك و ارعى بي راحتك :) قحت كعبة و الثورة منتهية وحليل البشير الماكان عسكري الجوازات في عهده بغلط خخخخخخ

لا كان كدا تمام مرحب بعودتك و عقبال كل الزملاء و نتمنى نشوفهم في 2020 دي

يا ود التاج هاك لاقتني في احد المجموعات

I don't know about the picture above

But I came yesterday from Sudan
The stamp on my passport shows Dec 32
I had to go back and get it cancelled

Quote: القامت ثورتنا لأجله

سبحان الله
العكلتة جابت ليها سلبطة كمان
بعد شوية ح تبقى حقّت سيدو
وطلعة الشباب تبقى بوخة مرقة

.
(التِرِك) دا كان قبل كدة اتعمل واتكتب (30) فبراير ...
بس المرة دي جابوها كبيرة شوي ...
.
.
.
sorry ليك يا ابو صلاح وكفارة لي عمر التاج ......
.
.
.
2020 دي وشها حلو عليكم الجوز ......
.
.
.

ودالبشرى....شيك هانس..شيك هانس
ود التاج ..انت جادي يا دكتور؟
اللعبة واضحة في رقم (3) وبعدين سيبك من الطول والارتفاع
وتناسب الارقام مع الحروف الانجليزية...
اصلا خانة الارقام في اي ختم لا تتعدى الرقم (31)
ولا شنو يا دكتور
ودالبشرى علي الايمان لقيتك في المنبر دا ...رقم صعب

Quote: اصلا خانة الارقام في اي ختم لا تتعدى الرقم (31)

بتصل لحدي 39

Quote: بتصل لحدي 39

دي يا ودالصائم الا في الشهور الصينية
كان وصلتها 40

يا أحمد ركز براحة عشان ما نحولكـ لخبير الغُلاط

دقيقة يا جماعة
وبعد اذن صاحب البوست رد الله غربته،
و الذي ما أن يقتنع بامر -ياود الصايم- حتى يمكن عكس قناعته بالأمر الآخر
أولا ، الموضوع في الأساس ماعنده علاقة بالسياسة لا حمدوك ولا شكروك ولا الحكومة ولا النظام
ثانيا الختم عادي ممكن يتبرمج على الرقم 32 ديسمبر أو 99 /99/ 9999
لانه عبارة عن مجموعة من الحلقات الرقمية (حوالي 8 حلقات) تمثل خانات التاريخ
وكل حلقة تحتوي على الأرقام من صفر الى 9، لذا عادي ممكن يتبرمج التاريخ في الجواز أعلاه .
.أما موضوع حجم الأرقام فهو أيضا ليس حجة ، لان مثل هذه الأختام البدائية ينحتها بشر
والاختام السودانية عموما ضعيفة تقنيا ، بدليل وضع المسافة الكبيرة بين خانتي اليوم
وعدم وجودها في محازاة للأرقام داخل كل خانة
ولو كانت اختام ديجتال لما احتوت علي هذه الملاحظات ..
الختم أدناه برضو حقيقي ومن جوازي ، ويتضح فيه مشكلة حجم الارقام،
وبالطبع يمكن لزاوية التصوير أن تصنع بعض الفروقات

الخلاصة ان الختم يمكن أن يكون مزور وأيضا يمكن ان يكون حقيقي
ولا ننسى استصحاب مداخلة الأخ زكريا فوق ، وبعض الصور التعليقات عندي التي تقول:
ان صاحب الجواز حقيقي موجود في الكويت الان
أما موضوع الحقيقة والاشاعة فهي مجرد الاعيب بسيطة مغرضة ،
يمكن ان تجعل العكس صحيح كما في الصورة أدناه

عموما، أكان فشلت المحاولة دي ، أرجوا الجاية

..
التعديل لتصغير الصورتين

سلام وإعتذار كبير للمتداخلين لابتعادي عن المنبر
لظروف السفر ...
يا اخوانا البوست دا من تالت مداخلة سبلناهو ..
سبلناهو دي في لغة أهل العوض معناتا استعوضنا
فيهو الواحد الأحد وبي لغة شرامة المنبر زي
ما قال ود الصايم البلع بس ...
نخص بالذكر هنا أولاد التاج والبشرى الما قصرو
في العكلته وعملو من الفسيخ شربات ...
وختاما لكم خبر باج نيوز الجاب الأكيدة :-

Quote: (باج نيوز) يكشف حقيقة جواز السفر المؤرخ بـ (32 ديسمبر). الخرطوم: باج نيوز كشف مصدر شرطي رفيع في تصريح خاص لـ (باج نيوز) حقيقة صورة جواز السفر السوداني المؤرخ بتاريخ (32 ديسمبر 2019م)، والذي تناقلته وسائط التواصل الإجتماعي بكثافة. وقال المصدر اليوم الأربعاء، إن الصورة لا تعدو أن تكون عملية تعديل جرت على صورة جواز آخر “فوتوشوب”، واعتبر أنها واضحة جداً. وأضاف بأنه لا علاقة للشرطة بالختم المصاحب للجواز المتداول، ولا بالإجراء المذكور، وأنه لم تجر معاملة على هذا النحو إطلاقاً. وحذر المصدر، من مثل هذه التصرفات التي تمس أجهزة قومية ووطنية لها سمعتها وإرثها ونظمها، ودعا لعدم تداول مثل هذه الأشياء ونشرها في مواقع التواصل الإجتماعي.

سلام صلاح
هذا البيان غير دقيق
جوازي به ختم بتاريخ ٣٢ ديسمبر
وقتها كنت مغادرا مطار الخرطوم إلى دبي الإماراتية
يوم ٣١ ديسمبر
وانا في صالة المغادرة قبل الإقلاع انتبهت للأمر
رجعت للضابط الذي قام بإلغاء تاريخ ٣٢
ثم وضع التاريخ الصحيح ٣١
والختمان الان بجوازي

يا ابو الزيك, حمدا لله ع السلامة
هل الصورة اعلاه من جوازك؟

صلاح الزبير
كل عام و انت و الاسرة بألف خير
و الله جيت اسلم عليك بس
قلت لي 32؟
ما بتجي ذاتا ياخ
هههههههههههه

نحن لو كنا بنصدق بيانات الشرطة
كنا صدقنا مدير شرطة كسلا لما قال الأستاذ الخير مات بتسمم غذائي
ناس الاختام الطاشين شبكة ديل بكون الواحد اتبرمج يجي الصباح كل يوم
ويدور الحلقة عشان يزيدها يوم؛ ويختم على طول
وأهو اخونا زكريا يحمل ختم من نفس اليوم الذي لم ينتهي فيه العام مع بقية البشر

Quote: سلام صلاح هذا البيان غير دقيق جوازي به ختم بتاريخ ٣٢ ديسمبر وقتها كنت مغادرا مطار الخرطوم إلى دبي الإماراتية يوم ٣١ ديسمبر وانا في صالة المغادرة قبل الإقلاع انتبهت للأمر رجعت للضابط الذي قام بإلغاء تاريخ ٣٢ ثم وضع التاريخ الصحيح ٣١ والختمان الان بجوازي

ولو صح ان هناك كم نفر أخذوا ختم ٣٢ ديسمبر
فهذا يعني ان بتوعين ( الحقيقة والاشاعة) القاديننا في الواتس ديك
طلعوا مجرد إشاعة؛ أو هم عبارة عن (جداد إلكتروني) متخصصين فوتوشوب
شغلهم هو نفي الأخبار البتكون مافي صالح جماعتهم؛
سواء أكانت مفبركة أو حقيقية..
يعني ياهم زاتهم جماعة (اسه كنت هناك ومافي حاجة)
بس قلبوا مع خضر الطيب (وجه باسم)
وأهو نحن ببرنامج رسام عادي رجعنا اشاعتهم للحقيقة في الصورة الفوق.

Quote: بس قلبوا مع خضر الطيب (وجه باسم)

ههههههههه
عمر يا فلة انت جميل ياخ
عينو في الوردِ ونفسو في التفاح

بارك الله فيك اخونا محمد
لا ليست من جوازي
عندما رجعت للضابط قام بكتابة لاغي على الختم بتاع ٣٢
وقام بختم الجواز بالتاريخ الصحيح

إذن يا ابو الزيك تصريح مصدر الشرطة صحيح جزئيا - على الأقل في جزئية فبركة الصورة المرفوعة
بالنسبة لنفيهم لإمكانية حدوث الإجراء فدا يمكنك تحديهم واثبات حدوثه بإبراز الختم الملغي

يا ود التاج لا تأخذ الأمر شخصي, ماسورة وركبتها خلاص خلّي روحك رياضيّة و فوّتها زي ود الزبير ههههههبس تاني يا خبير البنوك ركّز شوية و خت دائما إحتمالات الفبركة قبل تنشر!التعديل العملتو على صورة الحقيقة و الإشاعة بالعكس يثبت إمكانية التلاعب بالصور, بالتالي يفتح باب الشك واسع على حقيقة الصور, هنا عليك افتراض التلاعب و البحث بدقة واكيد ح تلقى تفصيل غير منطقي يرجح فرضية التلاعبفي حالتنا دي كان التفصيل هو اختلاف حجم الرقمين ودا لايمكن يحدث في ختم طبيعيحتى صورتك الجبتها من جوازك حجم الرفمين واحد إنت ما رسمت الخطوط المتوازية بشكل سليم لتثبت اختلاف الحجم, لازم احد الخطين يكون ملامس لقاعدتي أو قمتي الرقمين معا و التاني يكون موازي ليه حتى تستطيع ان تثبت شيئ

____________________________________

التعديل لتصحيح نقطة خاطئة عن بيان / تصريح الشرطة

نعم هو قد يكون صحيح في بعضه
ولكنه لم يكون دقيقا عندما ينفي حدوث الإجراء
فقد حدث أن هناك جوازا واحدا على الأقل تم ختمه بتاريخ ٣٢ ديسمبر
وهو بحوزتي الان

ليس لدي اي نية في أيديهم اخي محمد
انا اعتبرت الامر خطأ بسيطا لا يستحق كل هذه الضجة
خاصة و أن الجواز يمر بعدة محطات قبل السفر يمكن عبرها تصحيح هذه الهفوة

اسف
تحديهم كتبها التلفون ايديهم

هو كذلك كما تفضّلت الموضوع كله - حال صحته- خطأ فردي و لا يستحق الضجة
لكن تقول شنو بس في من يريد صنع قبّة من الحبّة بل من لاشيئ فيقوم بفبركة بليدة ولا يكتفي بذلك بل كمان يرفقها بتعليقات "ثورية"

زمن عصابة الكيزان كان أفدح.

ياخ جني وجن الناس الجنها غلات ما سمعتوا بال Y2K بسبب 01/01/2020 قام البتاع ضرب في الهناي غايتو الدولة العميقة دي لعوزتنا

.
.

.
.

Quote: إذن يا ابو الزيك تصريح مصدر الشرطة صحيح جزئيا - على الأقل في جزئية فبركة الصورة المرفوعة

بيان الشرطة لم يكن صحيحا على الاطلاق
بل هو مجرد محاولة لتبرئة من أخطأ من عناصره
ومحاولة فاشلة لإثبات مهنيتهم
صورة الختم الخاطي تم إثبات صحتها بالمقاسات والنظائر
ومن ثم جاء شاهد اثبتها في نفس اليوم من وقائع جوازه الشخصي
إذن فإن حادثة ختم عدة جوازات بختم ٣٢ ديسمبر ٢٠١٩ هي واقعة حقيقية
ولا شك أن موظف المطار فعلها في عدة جوازات قبل أن ينبهه أحدهم للخطأ فيتداركه
ومؤكد ان صاحب الجواز أعلاه لم ينتبه للأمر حتى وصل المطار الخليجي ونبهه الموظف هناك
ومن ثم تداول الصورة بين العرب على نطاق واسع من السخرية والتندر...
بيان الشرطة كان الأجدر ان يثبت الخطأ ويعتذر عنه؛ ولكنهم لم يفعلوا الا مافعل قائدهم بكسلا حين أصدر بيانا أعلن فيه وفاة الشهيد الخير نتيجة تسمم غذائي؛
اما الفرقة الفنية التي تسمى نفسها (بالحقيقة والاشاعة) فقد اثبتت الحادثة كذبها وتزويرها
عندما فبركت صورة الجواز بختم مزور مكتوب عليه ٢٢ /١٢
وهذا كذب وافتراء نجروه من راسهم المبرمج ذاك.