كاونتر بوينت !

01:23 PM December, 31 2019

سودانيز اون لاين
امير بوب-
مكتبتى
رابط مختصر

أها !
😉

Quote: كاونتر بوينت !

البوست دا عدم موضوع بس 🙄 و شغل المديدة حرقتني !

كفاية المرة الفاتت ضقٌلنا بالمستنير و باقي الشلٌة
و طلعوا قاعدين ام فكٌو ساي !

....
الما عاجبو الكلام دا فليخرج لنا قرنه 😂
....
ربما لن اعود قريباً ، تحياتي للجميع !

2- كونتربوينت يا دكتور

غايتو البوست دا انا عاملو شرك لي زول 😊
....
بنطلون شندي في مواجهة ال بو إس إس إيزانهاور 😂
كان السنارة غمزت ، بجي راجع
و نطبق الحصار من جديد !

...
تحياتي

ويييينك يا دكتور
ليك مدة
تغيب لغاية الزناطير يكتلو عنتر !

يا حليلك يا اسمر
البوستات ام 11 صفحة ديلاك تاني الا تزيدها موية
تحياتي

انت اخصائي النساء والتوليد والا الزول التاني :)

(( أَلَمْ تَرَ كَيْفَ فَعَلَ رَبُّكَ بِأَصْحَابِ الْفِيلِ (١) أَلَمْ يَجْعَلْ كَيْدَهُمْ فِي تَضْلِيلٍ (٢) وَأَرْسَلَ عَلَيْهِمْ طَيْرًا أَبَابِيلَ (٣) تَرْمِيهِمْ بِحِجَارَةٍ مِنْ سِجِّيلٍ (٤) فَجَعَلَهُمْ كَعَصْفٍ مَأْكُولٍ (٥) ))
كعصف مأكول ....
كلو عام وانتا وأسرتك بخير يا دوك ..
ااااي يا ود الزين ياهو دكتور القاينا ظااااتو ...

يعني ما صيدلي؟

Quote: ربما لن اعود قريباً

ههههههه
حركات شيخو زاااااتا ...
بختك شيخك هد فيك ...

سلامات صلاح الزبير

Quote: ااااي يا ود الزين ياهو دكتور القاينا ظااااتو ...

دكتور ( القاينا ) اول مرة اسمع بيهو ..
يعني دكتور غضروف والا شنو

سلامات يا بوب

Quote: يعني دكتور غضروف والا شنو

حبابك حيدر ...
لا لا ياخي دكتور القاينا هو أخصائي الولادة
او ما قبل الولادة او الاتنين معا ...
دكتور الغضروف دا أخصائي عظام وغضاريف
أما دكتور غضروف عووضه فهو أخصائي جراحة
أصابعينو بكونو غلاد لزوم التسليك ...

يا عاطل لندن، أقول لك كما قال حافظ بشير يوم بدر:
إخرجوا إلينا أكفاءنا من قومنا للمبارزة
دحين جيب حاتم وأتحداهو وانت شايل ليهو الأبريق
أثبت ليكم بالفيديو وكلام متخصصين انو كلام الموصلي حول الكاونتربوينت في عصافير الخريف صحيح

بختكم بعد خروج بريطانيا من الاتحاد الأوربي ح يطردوا عتالة شرق أوربا
سوق العتالة بقى فاضي ليكم يا عاطل الوست

امير بوب وشركاه
دي ماتقول جاية من الشرك بتاعك
اها
نبدأ ولا نستني شركك .. وندخل في مضادات اللحن السوداني واللزمات الموسيقية او حتى التبادل الصوتي

تحايا و سلام للجميع
...
الناس البتسأل عن شغال شنو ، بقول ليهم باشمهندس زي محمد الشيخ
بس هو في القسم التاني بتاع توليد الكهربا!
...
المستنير المرة الفاتت إتطقطق زي الترتيب
كانت محاضرة موسيقية متكاملة بقيادة المايسترو حاتم.
المستنير حاول يفرفر شوية في البداية رغم إني حذٌرتو و قلت ليه يا زول انت بتاع ( بُنقز) ساي
مالك و مال الكاونتر بوينت ، خلٌي الموصلي ياكل نارو براهو ،
كيشتي ما سمع النصيحة ، و قد حاول رويعي الغنم دا ان يرقى مرتقاً صعباً ، بس في النهاية لبٌس صاحبو في الحيطة 😂
ولاذ بالفرار لا يلوي على شيء 😂
...
بعدين يا كيشة نظراء شنو البتتكلم عنهم ، في البوست داك أخرج اللورد أثقاله و ثقلاءه في محاولة لإحتواء الموقف و تقليل ال collateral damage
لكن بدون فائدة ، ظل الحصار مُطبقاً حتى النهاية 😇
انا غايتو كنت متفرجخ في بنبري بمزاج ، أقزقز في التسالي و اتابع متعة البوست
و زمان قالوا ليكم لو الخواجة الكافر دا لو ختٌا حاجة في راسو ، صدٌقني بتتعبوا معاهو !
...
عشان كدا بقول للمستنير و باقي ( الخساير) 😂 أمنعوا الفوضى
أي مجمجة ، بجيب ليكم حاتم راجع و نتلاقى في النقعة 😂
....

تحياتي للجميع

نسيت أقول ليكم كل سنة و انتو طيبين

...
يا صلاح الزبير ، العصف المأكول دا ، نحن الكدّيناهو 😊
....

تحياتي

ظهور حاتم متخفياً قبلانين بيهو
البوست القديم بتاع الكاونتربوينت في السمفونية انتهى بنصر واضح لنا والموصلي.
نحن حالياً في دا؛
دايرين كلام واضح من الإبريق وشبح حاتم الشبح
قولوا الطير المهاجر ما فيها كاونتربوينت

ممكن نبدأ معاكم لو سمعنا الجملة دي من غير لولوة

يكفي انو البوست السابق كان فضيحة لكن بكل المقاييس
سواقة جد و طقطقة من أمها رغم انو لم يتم إستخدام القوة المفرطة
مراعاة لعدة عوامل !
...
انا يكفيني أنكم أخدتو سيك في قبولكم فيما يخص السيمفونية و طلعتوا قاعدين شباب !
حاتم هو العندو رأي حول الطير المهاجر و لو داخل تخوض في التفاصيل معاهو
ماعندك مشكلة ، بجيب ليك حاتم يطقطقك تاني ، بس اعمل ليك كركاسة و تعال 😎
انا غايتو ما بقصّر تب ، بجهّز الملعب و بجيب السيطان و بقوم بالدعم اللوجستي !

الراجل مشى يهابش العقرب في جُحرا ، لمن لدغتو ، قعد يكورك ( أُمممممك كسر عودو فيني) !!

😂😂

البسمع امير بوب وادعاءاته المفرطة بالنصر المبين..حيظن انه قام
بتأليف الدانوب الازرق
بعدين خليك من السيمفوني بتاع بتهوفن
( ماضي الذكريات) حقت استاذنا د.عثمان مصطفى وموسى محمد ابراهيم
فيها كونتربوينت ولا مافيها؟

يا بوب ناس الموسيقى قالوا كونتر وليس كاونتر فالتزم وإلا قوم
اقيف على حيلك وما أظنك تقوم 😁..، كل عام وأنتم بخير.

Quote: البسمع امير بوب وادعاءاته المفرطة بالنصر المبين..حيظن انه قام بتأليف الدانوب الازرق

😂😂
و انت يا احمد ياسين البشوفك شايل زمبارتك و عايز تنظّر في الميوزك يقول ( ياني)
غايتو بالشيء الشايفو دا ، لو كنت كمان مع الناس الدرسوا الموسيقي و كانوا جايين يدافعوا عن أستاذهم ، فأضرّوه اكثر !
قلت ليهم لو انا كنت استاذكم ، كان أمرت بجلد كل منكم عشرة سيطان على عجيزته !😂😂
...
نحن ناس جربندية ساي ، لاكين كان تجي تتفاصح في البوست داك عشان كنا نختها ليك بالبيضة 😀
...
تحياتي

Quote: يا بوب ناس الموسيقى قالوا كونتر وليس كاونتر فالتزم وإلا قوم اقيف على حيلك وما أظنك تقوم 😁..، كل عام وأنتم بخير.

حبيبنا سيف النصر ، ازيك يا عصبجي 😂
كل عام و انت بخير

يا زول ديل عطالة و لافّين صينية ساي
والله صحي ! ما عندهم موضوع ، سيبك من حكاية كونتر او كاونتر ، انا داير لي عاطل منهم يكون دخل البوست دا بالغلط
يرفع لي إيدو !
و الله العيّنهم ما يرفعا 😉
شفاتة ياخ ربنا إبتلانا بيهم 😂😂

....
تحياتي

بكرة في زول بقول واي !
والله صحي 😂

أمير الشين
مالا لغتك كلها بقت لغة فتونة وقطاع طرق إسفيرية
كأنه يا الدنيا ما فيك إلا أنا
يا زول هوي أهبد
هبد فيك البهد الهدوم
وخلي زولك الرايح داك يرجع
أصلنا راجنه
بس اليركز الدورة دي
قول ليه راجنك كما

Quote: Published or perish

عبد الصمد الحليو كيف حالك

لا حولااااااا
بالله انت لسه الحتة ديك بتاعت
Publish or perish ماكلة معاك جمبة ؟😉
.....
بعدين ياخ والله لا فتونة و لا شيء
بس بغيب عن المنبر كتير و لمن ارجع بحب اشاغل واشاكس الوهم ديل !
بندحّك معاهم ساي كما قالت فضّة المعدّاوي !
بعدين ياخ حتى لو قليت أدبي برضو بي حقي
مطقطقهم كلهم قبل كدا ، و انت زاتك طقطقتك قبل كدا 😀
....
صاحبي خليه ، ما بتقدر عليه و كان جاك بعدين بتقوم تجقلب !

أها ...

تحياتي

البوست دا حيكون تكية للفلول
والعطالى
كل شوية واحد يدخل الميس
بختك يا بوب
بيضت ليك في قفص ووقعت ليك في مربوطتك
جيب بسطونتك وتعال

ههههه
يا عبد العظيم ما قلت ليك البوست دا انا عاملو شرٓك !!
كنت عارف انو مجرد العنوان ح يجيب الفلول ديل و كل اصحاب المواجع و الخساير 😉
...
غايتو بس باقي لينا الزول القال بموت في الجغرافيا داك
و طلع ما عارف خط الإستواء واقع وين 😂
راجل أنتيكة خالص !

Quote: .... صاحبي خليه ، ما بتقدر عليه و كان جاك بعدين بتقوم تجقلب ! أها ...

أولاً حشيشة Published or perish
دي حأظل ألوكا ليه ما دام متكبراً مغروراً
لأنها غلطة من العيار التقيل
لزول بدعي السيوبرمانية في الترجمة
وقاعد بالمرصاد للبغلط مجرد غلطة إملائية
مش غلطة مركبة زي دي
يعني إملائية نحوية مفهومية كله
فما تطمئن يا حبيب
أما بخصوص صاحبك ما بتقدر عليه
فاولاً هو على الدوام كان بتجنبني بحجج واهية
ولما بدا يرد
فما عليك إلا أن ترجع للكبع البينا في مداخلاته قبل الكمون الشتوي
وهاك دا واحد من اليوستات

Re: أحمد الجار الله.. andquot;بريعصيandquot;* الصحافة الRe: أحمد الجار الله.. andquot;بريعصيandquot;* الصحافة ال

غايتو الواحد بس يبقى الفا هاشم ويقعد يكتب في المهرجلين بس
زي المستنير دا بكون عاصي

بعدين يابوب انت قلت بتاع "توليد"

ما تنسى عندنا حاجة اسمها " الحمل"



الحمل الأقصى

امير بوب يا . ح.. بوب

Quote: لاكين كان تجي تتفاصح في البوست داك عشان كنا نختها ليك بالبيضة ...

بالله شوفوا دا.....
البوست داك انا كنت بعرض في نصو

يا امير لا الطير المهاجر ولا زاد الشجون
المرة دي بنجيب ليك غناء حكامات عديل فيهو كاونتر بوينت

أمير بوب حبابك
والجابك يجيب عقابك
(قصدي الياي طبعا ههههه)
موسيقتكم دي انت عوسوها زي ما دايرين
أن شاء الله تحملوها وولدوها يا بتوعين الحمل والنفاس؛
نحن بنسمع الفن الاصيل والموسيقى على اصولها
الموصلي ومن حذا حذوه؛
كدي واحد يضمن دي وخلو المايشتريش يتفرج؛
https://www.youtube.com/channel/UCiSNwXOfHtWk3heJHKCSvYwhttps://www.youtube.com/channel/UCiSNwXOfHtWk3heJHKCSvYw

Quote: بالله شوفوا دا..... البوست داك انا كنت بعرض في نصو

ههههه
يا احمد ياسين عارفك كنت بتعرض ، لاكين برّه الحلبة
ياخ انتو جيتو جارين في محاولة لإنقاذ ما يمكن إنقاذه و لكن عوّقتوا الراجل ساي
في النهاية ما كان قدامكم حل غير تركزوا للبطان و تنجلدوا بس 😂

....

باشمهندس محمد الشيخ ، والله انا كنت قايلكم بتولّدوا الكهرباء بس ، طلعتوا بتحمّلوها كمان 🙄
البوست دا فعلاً ح يلم كل المهرجلين ، المستنير ممكن يُكتب عاصي و احمد ياسين دا برضو قاعد يفرفر
و لمن تجي لحظة الجلد تلقاهم شالوا دفتر العيادة ويعملوا فيها متمارضين !

.....

أوووووو
اخونا عمر التاج !
بتاع الجغرافيا و صاحب نظرية خط الإستواء اطول من الباقين 😎
دردقناك برضو و الشرك جابك 😊
حبابك يا زول

.....
لسّه عندي كم نفر قاصّي ليهم
طبعاً بالإضافة ل (ود باندية) و بتاع المراحيم داك
رجل الكهف و إنسان النياندرتال 😂😂

عوافى يا أمير و كيفنك

لو سمحت عليك الله
سؤال بس بره الزمن

غالبا ح يتشاف ليك سؤال غريب

انت عمرك كم سنة ؟

مع التقدير

Quote: عوافى يا أمير و كيفنك لو سمحت عليك الله سؤال بس بره الزمن غالبا ح يتشاف ليك سؤال غريب انت عمرك كم سنة ؟ مع التقدير

سلام اخونا أبوذر ، ما عارف علاقة السؤال شنو لاكين بجاوب ليك :
انا في عمر النبوّة !!
....
حمد عبد الغفار ، قلت لي تجيب لي غنا حكامات فيه كاونتربوينت ؟🙄
انت الظاهر عليك بتاع دلاليك ساي !😂 زي ما قبل كدا طلٌعنا المستنير بتاع بنقز و دربكٌة !!
يا خينا الناس ديل في الجولة الفاتت مشوا يقابضوا فتمت تعريتهم و شهد على ذلك الخواجة أب عويناتاً خُدُر !