يا سوداني ما تبقى زول أصنج اتجاهك one way بلادك حلوة اعمل ليها ما تبقى عاطل رمتالي ساي ..!!

06:53 AM December, 31 2019

سودانيز اون لاين
توفيق عيسى مكي-
مكتبتى
رابط مختصر

كلامي ده ما للشماشة لكن للمثقفاتية المتسيدين ناصية اعلام السوشال ميديا ....
ياخ ...
قديتونا قد .. عيد مايو اشرق من جديد عيد مايو اشرق من جديد بنكهة 2020
# هذا ضد كل المرجفين العاطلين الفاسدين
# ضد الكلام الماسخ بتاع ربايب الكفار منتفعي اعانات الكنائس في اوروبا وامريكا مخلوعين بيها عشان هم اساسا جوها من مراعي وحواشات وخلا
# ضد المحرشين علينا من اولادنا المقشوشين محاولة نرجع ليهم راسهم
دي رسالة مؤسسة الشفافية اليوم في الاخير من عام 2019

الرسالة :
كثيرون جدا لا يستوعبون سيكلوجية الشعب السوداني وطبيعة تفكيره وزوقه في ظل احدث تطورات علوم وتكنوجيات التقانة الحديثة التي تهتم وتعني بالزوق العام وتخاطب الخطاب السهل الذي يستطيع الجميع استيعابه باللغة الشائعة الاستخدام المنتشرة في وسط معني معين ولهذا يفشل الجميع عندما يأتونا كمستثمرين اجانب في سوداننا الحبيب بتفكير بلادهم لا بتفكيرنا ولا بأذواقنا التجارية ان امة وسط افريقيا هي ام حضارات العالم من البديهيات تمتلك ارث تجاري ضارب في عمق القدم ناجحا في كل المقاييس عدم التفهم لهذا لهو جهل بالتجارة والاقتصاد على وجه التخصيص

سوق امدرمان العتيق يعد من اهم الاسواق الافريقية واقدمها ويمثل تقريبا نصف التجارة السودانية بكافة انواعها فهو سوق الغرب والوسط الافريقي الذي يستمدون منه تجارتهم بدون منافس او منازع كذلك نحو شمال افريقيا المتمثل في مصر وليبيا وكذلك دول الحجاز والخليج الذين يعتمدون عليه حتى هذه اللحظة الا ان الشوام والاتراك لم يستوعبوا هذا برغم شطارتهم التجارية بالرغم من ان اليهود هم من رسخ هذا السوق فنجد ان اغلب المسالمة وهو الحي الذي يقبع شمال السوق للآن برغم محاربة الاسلاميين لهم الا انهم راسخون فيه لم يمسهم مس

سبعة عشر سوق رئيسي داخل العاصمة تمثل تجارة السودان الحالية لكل سوق مفرداته ولغته وقبائل وبيوتات تتحكم في كل سوق منها نحن في مؤسسة الشفافية للخدمات التجارية عملنا فيها جميعا على فترات في رحلة فاقت الثلاثون عاما نعرف لغتها ومفرداتها وشخوصها جميعا وعندما نقول نعرف يعني ذلك من خلال تعامل مباشر بكل مفردات اي سوق من اصغر عامل فيه حتى سر تجار كل سوق وده الذي جعلنا الاقرب لكل ثقافة وتفكير مجتمعاتنا التجارية وهذا الذي جعلنا دون اي عناء نغير من ثوابت راسخة فيه لما هو كل حديث يتوائم ويقبله الزوق السوداني كمثال تغير الزوق السوداني في التسليم باستخدام السيارات اليابانية والاوربية بسهولة غيرنا الزوق كليا للسيارات الكورية فغلبت على كل السوق وامتلكته فصارت رغبة الناس فيها الرقم الاول

اليوم السودانيون تفكيرهم منحصر في ممشى واحد هو الانتصار على انفسهم وان يكونوا بحجم ما يمتلكون من امكانيات اقتصادية مهولة ان يتسيدوا المنطقة ويعودوا كما كانوا يمدون الناس عن عزة تجارة ونفوذ اقتصاد عن استحقاق لهذا يحاربون في السر والعلن من يحاربهم في ما يمتلكون ويظهرون للعالم الهدوء والسكينة والاستكانة للمخربين والفاسدين واصحاب المصالح والاجندات ولكن من لم يدرس التاريخ يكون من الغباء ان يظن هؤلاء بهذه السزاجة والبساطة صمدوا اكثر من ربع قرن يتفرجون فقط ويحتفظون برؤوس اموالهم في شكل اصول ثابتة وعقارات ويضاربوا مثل كل المضاربين ليسرعوا الى النهايات المرسومة منهم باسرع ما يكون

من كل ذلك يستخلص القارئ الحصيف فكرنا ويتبين له عمق الرسالة التي نحملها ونبلها وحبنا العظيم لوطننا السودان العظيم رسالتنا واضحة وقادرون ان نرسخ ما نريد لأننا نعلم ما نريد ونعلم وقت الارادة وزمن التكوين الجديد مستخدمين باقل سرعة ترسيخ احدث ما وصلته حضارات اليوم من تكنولوجيات العصر وتقاناته وثقافاته لننفجر لما حولنا لنعود كما كنا نتحكم في كثير من تجارة افريقيا والعرب نحو بقية العالم عمر الحصار الاقتصادي لم يؤثر فينا فجعلنا من كل الدول حولنا بسلعنا منصات اقتصادية عالمية لنا اكرر لنا اليوم نصنع السيارات والطائرات والعتاد الحربي كامل بصواريخ حتى بعيدة المدى وجيش متمرس شجاع يحرس كل ذلك بكل افرعه الرسمية والخفية يكفي لديه اسراب طائرات حربية لا يمتلكها احد افريقيا او عربيا وفوق ذلك يظنوننا اغبياء نبيع خيرات بلادنا ولكننا بالفعل في ذلك اشترينا في العالم المخفي علاقات اقتصادية لا حدود لها

مؤسسة الشفافية للخدمات التجارية تهنئكم جميعا بالعام الجديد وتؤكد لمواطنيننا الحب السودانيون بكافة اثنياتهم وافرعهم وانتماءاتهم وايدلوجيا تهم نحن بالف خير وما زلنا نمسك بناصية اقتصاد بلادنا يظنون انهم استقفلونا او اباحونا ولكن الحقيقة المفرحة نحن رددناها لهم كاسا مرا اوله مسحة عسل سوداني بنكهة افريقية محببة والوعد المقطوع مننا لأهلنا في السودان استمرار رسالتنا السامية حتى نسبق كل امم العالم والله على ما نقول شهيد
مجموعة الشفافية للخدمات التجارية
اخر يوم من العام 2019
الثلاثاء
31 ديسمبر

تحياتي سمو الأمير توفيق
بتعتبرني من الشماسة و لا المثقفاتية ؟
احب اهنيك بالسنة الجديدة و كل فريق مؤسسة الشفافية
هذه المؤسسة الرائدة في مجال الإستثمار و العديد من المجالات
ان شاء الله السنة دي نشوف الشغل كامل على ارض الواقع
و الفرصة مواتية

بعتبرك استاذي ..
وابشرك في مطلع هذا العام ان نهدي بلادنا عمل جميل باذن الله نعكف هذه الايام لاطلالته

Quote: بعتبرك استاذي .. وابشرك في مطلع هذا العام ان نهدي بلادنا عمل جميل باذن الله نعكف هذه الايام لاطلالته

العفو يا صديقي انحنا بنتعلم من بعض
و انا مؤمن بمشروعكم الهائل
انتو ماشين بخطى ثابتة
و بإذن الله حتصلوا
محبتي للفريق العامل

حبيبنا الأمير .. تحياتي
كلامك واقعي جداً وفي الصميم

تحياتي

حياك يا توفيق
وحتي تتحقق الاغلبية الواعية في السودان البتفهم كويس ما هو السودان ومن هم السودانيين
انت تقوم باماطة الاذى عن الشعب السوداني في المركز ان شاء الله تعملو ام درمان دي موتر سوززكي
بس عليك الله فكو لينا اقالمينا الخمسة وزحو من راسنا نحن عجبنا جون قرنق ومحمود محمد طه بس لا بعثي لا شيوعي لا ناصري لا كوز ولا سلفي ما بنفع معانا عشان نحصل اكسوم والحبشة
شوف مليس زيناوي الراحل ودا الحبشة وين وسلما منو
وشوف عمر البشير انتهي وين(شوف كارتكير حبيبنا عمر ) وسلم البلد منو ؟؟
قارن بس بين ابي احمد وحمدوك وشوف الفرق
الصين عملت سكة حديد في الحبشة من 2014-2018 ومترو في اديس ابابا و وده الفرق
وحمدوك يجري ورا مصر والسعودية والامارات وقطر وتركيا والبنك الدولي وامريكا
يجري عديل عشان يلحق السودان سوريا واليمن وليبيا وبنفس الادوات ,,,تخيل بالله
https://up.top4top.net/

شوف مليس زيناوي الراحل ودا الحبشة وين وسلما منو
وشوف عمر البشير انتهي وين(شوف كارتكير حبيبنا عمر ) وسلم البلد منو ؟؟

=========================
شكراً حبيبنا عادل أمين ..
يا سلام عليك نموذج من الواقع ومن اقرب الدول للسودان
إنت رائع يا عادل .. مليس زيناوي أخرج اثيوبيا من تحت الأرض
وترك البلد معافى عند وفاته ..
البشير استلم البلد وسلمنا دمار ..
شكراً الحبيب عادل

تحياتي للامير توفيق على البوست الصريح والرائع بعيداً عن الحماس
بل وواقعي ووضعت يدك على المشكلة ..

تحياتى ابن صافيناز وHappy New Year والمعاك وبنياتك

الاخ توفيق
والمتداخلون
كل عام وانتم بخير
حقيقة ما زلنا نغفل عنها
وهي تحريك الطاقة الكامنة في امة السودان
وخاصة الشباب
وخمسة سنوات قادمات سنكون امه يستهدى بها
خاصة بعد ثورة ديسمبر ابريل ثورة الشباب

مالك
يا توفيق
الما معروف
اخ ولا رفيق
مرة تفرح
ومرة ضيق
الدنيا ما بتستحق
يا اجمل صديق
بس عليك بفك
الريق

Quote: حبيبنا الأمير .. تحياتي كلامك واقعي جداً وفي الصميم

هلا بيك الحبيب علي عبد الوهاب ود منطقتي البعشقها ومسقط راسي
واهلها تاج راسي
قالوا في المثل اسمع كلام الببكيك ما تسمع كلام البضحكك

Quote: وحمدوك يجري ورا مصر والسعودية والامارات وقطر وتركيا والبنك الدولي وامريكا يجري عديل عشان يلحق السودان سوريا واليمن وليبيا وبنفس الادوات ,,,تخيل بالله

اخوي عادل امين ....
يجري عشان يلحقنا ....
ده ما لحقنا خلاس بقطر نيالا
شكرا حمدوك ...
قطر نيالا ده في كل رحلة كانت بتلدي فيه كم واحدة
قطر يولد ... هههه
5 اقاليم قلناها زمااااان نحن من بدري

قطر نيالا
دي محتاجة مسطول يحلل الجملة دي

Quote: تحياتى ابن صافيناز وHappy New Year والمعاك وبنياتك

وانت بخير الحبيب احمد حمودي
وحبوبتي بتسلم عليك

Quote: وهي تحريك الطاقة الكامنة في امة السودان وخاصة الشباب وخمسة سنوات قادمات سنكون امه يستهدى بها خاصة بعد ثورة ديسمبر ابريل ثورة الشباب

الحبيب الزول الواعي الفاهم علي الكنزي وجودك في البوست ده بيعطيه دفعة كبيره انو الناس تشغل حاجة جواها اسمها الهمة
الهمة دي بيعرفوها اهل الباطن
هي في اعلى مراتبها مرتبة قبل ان يرتد اليك طرفك
وما من امة استخدمتها مهما مانت مسلمة او غير مسلمة الاستخدام المعرفي بتتحقق
ونحن اولى باستخدامها
لاننا اصحاب علم ومعرفة
زينا وزي بني اسرائيل واحد
الخيط الفتحتو يا استاذنا كبير جدا
وده البيخلينا على ثقة اننا حا نصل بدري

Quote: مالك يا توفيق الما معروف اخ ولا رفيق

معروف سوداني طريق
تنمية وتعمير للاعداء حريق
محب لخير ورفعة بلدنا الغريق
باذن المولى نرفعه فوق بلاد الفرنجة والاغريق

https://www.facebook.com/1813090512285752/posts/2488947178033412/؟app=fblhttps://www.facebook.com/1813090512285752/posts/2488947178033412/؟app=fbl

هكذا نعمل ولا نبالي ....
عسى ان يأتي يوم جميعنا يعمل مثلما نعمل او افضل ما نعمل ..
والمؤكد ان كان افضل مما نعمل سنترك ما نعمل وندعم الافضل ...
فالقصد ليس عملنا بل العمل الجاد الحقيقي لمصلحة السودان ...

Quote: ببنشد من خلال قناتنا في يوتيوب المتخصصة في الانتاج السوداني عبر برنامج اقتصادي واضح شغال اليوم ان نخلق جمهور يمكننا من الانتقال لمرحلة قادمة متقدمة حتى الوصول للنهايات الطبيعية (قناتنا الرقمية الانتاجية التلفزيونية) وهو عمل ضخم استنهكنا تماما ومع ذلك باصرار عنيف نستمر برغم بامكانيات المادية التي رفضنا ان تخذلنا وها نحن اليوم ايضا ننزل فيديو جديد وسنستمر ... https://youtu.be/Sk4wMT0MNIEhttps://youtu.be/Sk4wMT0MNIE ان مسألة الاشتراك في القناة مهمة لدينا جدا بها فقط يمكننا الاستمرار وكذلك التفاعل باللايك والشير والتعليق لو كنت سوداني وحابي تدعم الذين من القاع يقاتلون قتال عنيف لك ولمصلحتك ومصلحة كل مجتمعنا الاقتصادي السوداني لا تبخل علينا بذلك بل على نفسك لو حسبتها صاح

20 عاما من العطاء و الصمود

Quote: كلامي ده ما للشماشة لكن للمثقفاتية المتسيدين ناصية اعلام السوشال ميديا .... ياخ ... قديتونا قد .. عيد مايو اشرق من جديد عيد مايو اشرق من جديد بنكهة 2020 # هذا ضد كل المرجفين العاطلين الفاسدين # ضد الكلام الماسخ بتاع ربايب الكفار منتفعي اعانات الكنائس في اوروبا وامريكا مخلوعين بيها عشان هم اساسا جوها من مراعي وحواشات وخلا # ضد المحرشين علينا من اولادنا المقشوشين محاولة نرجع ليهم راسهم دي رسالة مؤسسة الشفافية اليوم في الاخير من عام 2019

بداية عدائية غير موفقة.

وذلك يعكس حجم الازمة التي يعيشها الامير المضروب.

20 عاما من العطاء و الصمود

Quote: كلامي ده ما للشماشة لكن للمثقفاتية المتسيدين ناصية اعلام السوشال ميديا .... ياخ ... قديتونا قد .. عيد مايو اشرق من جديد عيد مايو اشرق من جديد بنكهة 2020 # هذا ضد كل المرجفين العاطلين الفاسدين # ضد الكلام الماسخ بتاع ربايب الكفار منتفعي اعانات الكنائس في اوروبا وامريكا مخلوعين بيها عشان هم اساسا جوها من مراعي وحواشات وخلا # ضد المحرشين علينا من اولادنا المقشوشين محاولة نرجع ليهم راسهم دي رسالة مؤسسة الشفافية اليوم في الاخير من عام 2019

بداية عدائية غير موفقة.

وذلك يعكس حجم الازمة التي يعيشها الامير المضروب.