Post: #2 Title: Re: زول كافيه بحلته الجديدة على التلفزيون الع Author: خضر الطيب Date: 12-28-2019, 09:44 AM Parent: #1
شغل عجيب يا محمد عويضة شكراَ احمد عمر لاشراكنا و التحية عبركم لفريق العمل شغل باتقان يا ريت لو ينزل في تلفزيونات السودان
Post: #3 Title: Re: زول كافيه بحلته الجديدة على التلفزيون الع Author: أحمد محمد عمر Date: 12-28-2019, 09:55 AM Parent: #2
Quote: يا ريت لو ينزل في تلفزيونات السودان
لا لا يا خوي كفاية تجربة محمد فتحي (يا اخوانا) في النهاية قالوا ليه يا تحلق شعرك يا نوقف البرنامج وأبى يحلق
تلفزيوناتنا لسة بعيدة بالإضافة لي إنه التلفزيون العربي غني وأكثر احترافية هسة شوف اللمسة الاخراجية ظهرت كيف
نتمنى ذات النقلة اللقاها جو شو بعد انتقاله من اليوتيوب إلى العربي
Post: #4 Title: Re: زول كافيه بحلته الجديدة على التلفزيون الع Author: خضر الطيب Date: 12-28-2019, 10:01 AM Parent: #3
لا يا احمد ينزل ذي الترتيب الوضع اتغير تماماَ و يكون في الخطة البرامجية و يستمر البرنامج دا بجيهم جاهز فقط عليهم البث .. و بس
Post: #5 Title: Re: زول كافيه بحلته الجديدة على التلفزيون الع Author: محمد البشرى الخضر Date: 12-28-2019, 10:50 AM Parent: #4
رغم انو نبه للنقطة دي في بداية الحلقة وأن البرنامج سيظل كما هو. هل ستظل سياسته التحريرية و المواضيع التي يتناولها و كيفية النقد كما هي! وما موقفه من حرب المحاور الدائرة حاليا وفي البال تجربة جو تيوب و تجربة باسم يوسف التي أدت لتوقفه في النهاية في برضو الكوز اللئيم عبد الله الشريف ذكر انه تلقى عدة عروض لتحويل برنامجه لمنصة تلفزيونية لكن دائما كان هناك اشتراط ان يحلق لحيته و القناة الوحيدة التي وافقت على موضوع اللحية - وأظنها العربي دا زاتو - صدمته في اصرارها على التدخل في سياسته التحريرية.
Post: #6 Title: Re: زول كافيه بحلته الجديدة على التلفزيون الع Author: أحمد محمد عمر Date: 12-28-2019, 12:32 PM Parent: #5
هو شوف مافي قناة ما عندها سيد وقناة العربي رغم توجهها القطري الواضح إلا إنه هامش الحريات فيها مرتفع كتير بضربوا الجزيرة الإخبارية وكم مرة كدة عملوا مسكولات خفيفة للتطبيع القطري الاسرائيلي بصراحة نقلة كبيرة للإعلام السوداني كونه يظهر باللهجة السودانية في قناة مشاهدة زي العربي ويستفيد من امكانياتها المهولة
عبد الله الشريف ما كوز وإنما كان سلفي متعصب وهسة بقى سلفي معتدل شوية .. حنك إنه مستقل وشغال براهو وما مدعوم دة ما مشى فيني .. رقم الواتساب الناشرو وبستقبل فيه الفيديوهات قطري الشباب بتاعين السليط الاخباري مرة ختوها وااااضحة :) لمن مروة الحراجي قالت لي نيكولاس ما عاوز تتكلم عن حاجة كدة حاصلة في قطر قال ليها نحن في البرنامج دة ما بنتكلم في قطر :) طبعاً جابوها بطريقة ظريقة
باسم يوسف مشكلته ما كانت مع القناة وإنما مع الحكومة لمن قناة سي بي سي كسبت القضية الرفعتها عليه وتم تغريمه 100 مليون فاضطر هرب بليل كان ممكن يواصل برنامجه من خارج مصر عادي لكن خاف التخوين والاتهام بالعمالة وبعد خلى البرنامج برضو مخوننه
Post: #7 Title: Re: زول كافيه بحلته الجديدة على التلفزيون الع Author: أحمد محمد عمر Date: 12-28-2019, 12:40 PM Parent: #6
Quote: بجيهم جاهز فقط عليهم البث
حقوق النشر محتفظة بيها قناة العربي ما مسموح لقناة تانية بتداوله
Post: #8 Title: Re: زول كافيه بحلته الجديدة على التلفزيون الع Author: أحمد محمد عمر Date: 12-28-2019, 02:58 PM Parent: #7
محمد عويضة وزنه زاد شديد ماشي على حسين خجلي محتاج ريجيم عاجل بعد بقى وجه عالمي أو قص معدة
Post: #9 Title: Re: زول كافيه بحلته الجديدة على التلفزيون الع Author: Deng Date: 12-28-2019, 04:01 PM Parent: #8
زول كافيه ده مش مشى السودان ضيف للمجرم علاء الدين يوسف، هو ومعه الدكتورة داليا الكباشي؟ وسبب الزيارة كانت دعوة من الامنجي العنصري الوقح علاء الدين يوسف من أجل المساهمة في تحسين صورة النظام في الخارج.
Post: #10 Title: Re: زول كافيه بحلته الجديدة على التلفزيون الع Author: أحمد محمد عمر Date: 12-28-2019, 04:39 PM Parent: #9
كان ملتقى لليوتيوبرز السودانيين لكن ما كان فيه تلميع للنظام عويضة من بداية برنامجه بضرب الحكومة وبعد نهاية الملتقى برضو استمر ضرب في الانقاذ ومن الناس الانحازوا للثورة من أول يوم
Post: #11 Title: Re: زول كافيه بحلته الجديدة على التلفزيون الع Author: محمد البشرى الخضر Date: 12-28-2019, 08:50 PM Parent: #10
أنا قصدت تجربة باسم يوسف في الانتقال من اليوتيوب للتلفزيون, بقى يخدم - بقصد أو بدون - أجندة القنوات الاتنقل بيناتها أوو بالأصح أجندة النظام المالك للقنوات, وفعلا اول ما انتقد السيسي حلقتين ما تماهن في الـ CBC أما MBC فا اشتغل فترة لغاية ما في النهاية غلبه يستمر من الضغوط عليه ما عرفت قصة التعويض المليوني دا للسي بي سي؟ الحصل شنو؟ اذكر حلقته التوضيحية الاوقف بعدها البرنامج ما وضح الاسباب لكن لمّح بخوفه على حياته و اهله وكذا!
عبد الله الشريف كوز ولو نطّط - ما بمعنى كوز حقتنا طبعا لكنه من مؤيدي مرسي, وعنده خلقات لخ في حزب النور و السلفيين و رسلان ياخي ناس مزمل فقيري هاجموه ولخوه!
شايفك متابع اليوتيوبرز في اتنين معلمين واحد اسمه احمد بحيري و التاي صحفي معلم قناته اسمها نعرف تابع و ادعي لي
Post: #12 Title: Re: زول كافيه بحلته الجديدة على التلفزيون الع Author: أحمد محمد عمر Date: 12-29-2019, 01:05 AM Parent: #11
يا عمك احمد بحيري زولي من زمن العبيطة ف اسبوع :) لكن نعرف دي بنشوفها .. في الحقيقة أنا مركز على برامج السخرية السياسية أكتر عبد الله الشريف ميوله اسلامية يعني بحترم أي صاحب لحية وتأييده لمرسي جاء من باب المظلومية الاتعرض ليها لكن الأكيد إنه كان عضو في حزب النور واشتغل دعايته الانتخابية وكان معاهم لحدي ما طلع وما قلب عليهم إلا بعد أيدوا السيسي باسم بي سخريته من مرسي والإخوان ما كان بخدم خط القناة وإنما بجرب في الحركة الجديدة بتاعة السخرية من الحاكم ودي حركة جديدة على المجتمع المصري بالكامل .. كان اوفر شديد لأنه دي بدايته ولقى العالم كلو معاهو في كراهية الاسلاميين .. وحتى بعد استلام السيسي كان من المصرين على كلمة انقلاب ورفض الانصياع لتعليمات القناة مما تسبب في وقف البرنامج بالنسبة لي موضوع المية مليون ذكرها في الفيلم بتاعه
