Kush

11:36 AM December, 27 2019

سودانيز اون لاين
sadig mirghani-joker
مكتبتى
رابط مختصر

منازل
بي ضبانتو
من الفيس
جاتني عدة طلبات من ناشطين ما متابعين الحِراك النوبي عن قُرب باني اكتب عن حركة كوش واديهم خلفية عن تكوينها :) ححاول إلخص اهم النقاط عن "حركة كوش" في سطور كشاهد ومراقب للعمل النوبي عن قرب وكزول بعرف الناس الورا الحركة :)

▪️ طيب ... في نهاية التسيعينيات د. محمد جلال هاشم قدم طرح لحركة نوبية تكون نواة لجسم سياسي اكبر يضم قوي الهامش يتبني قضاياهم بأسم المؤتمر الوطني السوداني الموحد "تقريبا" وكان اسمو النوبي" نوبيين كرييوس.

▪️ في احدي سفريات د. محمد جلال لاوربا في بداية الالفينيات التقي بنوبيين هناك وطرح الفكرة وتم تبنيها من نوبي مقيم في بريطانيا حاليا اسمه "عبد الوهاب المحسي" وهو البدا فعليا تاسيس حركة كوش وانضم ليهو صديق فضل من هولندا ومحمد داؤود من امريكا وظل عبد الوهاب بيدعو النوبيين للانضمام لحركة كوش وما لقي استجابة تذكر لانو كان بيدعو للكفاح المسلح والنوبيين ما كانوا ميالين للخيار دا.
وهنا لازم اوضح انه كوش الكانت ناشطه في الجامعات السودانية في اواخر التسعينيات ما عندها اي علاقة بكوش الانا بتكلم عنها الان مافي اي علاقة بينهم غير تطابق الاسماء :)

▪️ المحسي اتبني الكفاح المسلح او بالمعني الاصح اضاف للمنفستو محمد جلال مسالة الكفاح المسلح وبدا يروج انه حركة كوش عندها جيش وانهم عندهم قائد ميداني وابان "مجزرة كجبار" اعلنو انهم حيستهدفوا قيادات النظام باعتبار انهم اهداف مشروعه في كفاحهم المسلح ضد النظام. المشكله كانت انه هم ما كانو عندهم جيش وكانوا مصرين اصرار ما عادي انهم عندهم معسكرات تدريب وقائد ميداني في الخلا والمؤسف اكتر انهم ما اعتذرو عن الكذبة دي حتي الان لا صديق ولا محمد ولا المحسي .

▪️ بعد سنوات من مجزرة كجبار نشب خلاف عميق بين صديق ومحمد من جهة وعبد الوهاب من جهة تانية وبعد اتهامات ونبذ وشتائم بينهم علي الاسافير محمد وصديق اعلنو انهم فصلو المحسي وانهم حيواصلو مسيرة الحركة بعدها بدا الاستقطاب للنوبيين من الطرفين فالمحسي قدر يكسب السفير نور الدين منان لجانبه بينما صديق ومحمد فضلو براهم هم الحركة وبين الحين الاخر بينضمو ليهم افراد وسرعان ما يكتشفو انه مافي حركة غير الشخصين ديل ويفوتو ويخلوهم .

▪️ لمن اتاسست الجبهة الثورية محمد وصديق قدمو طلب انضمام بحكم انهم "حركة مسلحة" وناس الجبهة الثورية ما صدقو انهم لقو حركة من الشمال يكبرو بيها كومهم وطوالي رحبو بيهم وظلو صديق ومحمد بمثلو كوش في الثورية لمن التحق بيهم شاب مقيم في فرنسا اسمه عزام وما صدقو جاهم زول طوالي عينيهو المسؤول السياسي للحركة .
▪️ بمجرد ازاحة البشير عن الحكم ناس نداء السودان بقو يكثفو في اجتماعاتهم وبقو يتكلمو عن حصة نداء السودان حتتوزع كيف بالنسبه للمجلس التشريعي وباقي المناصب وحسب اجتماعات نداء السودان كان نصيب حركة كوش من كراسي المجلس التشريعي " عضوين " بحكم انهم حركة مسلحة وكدا يعني, ودي كانت نقطة البداية القدرو يصطادو بيها النوبيين الانتهازيين وبدو اتصالات بالناشطين لكن اغلب الاسماء المعروفة رفضو تماما انهم يقبلو بكرسي في التشريعي يجي عن طريق نفرين بمثلو حركة وهمية
.
▪️ بعد شهور مسؤولهم السياسي اكتشف انو الناس ديل انتهازيين وجارين علي المفاوضات عشان المناصب وقدم استقاله وفضحهم مؤخرا بي تسحيل مفصل وحينها الجبهة الثورية ما كانت راضية عنهم وطالبتهم بانهم يشتغلو في قواعدهم ومن ضمن المساعدات القدموها ليهم انه عضو في حركة العدل والمساواة بدا يتصل بنوبيين في اوربا ويطلب منهم تكوين مكاتب لحركة كوش في دولهم وايضا من ضمن الدعم انه ياسر عرمان ايام زيارتو المشبوهه للامارات اتصل "بصديق فضل" وقال ليه انتو بس اشتغلو ونحن جاهزين باي مبلغ محتاجين ليهو. فالجبهة الثورية كانت حريصة انو حركة كوش تعمل قاعدة جماهيرية عشان تقوي بيهم موقفها التفاوضي .

▪️ في عدد من النوبيين طبعا انضمو لكوش بعد ١١ ابريل وهنا ما محتاج اشرح اغراض الناس ديل او اسال شنو بخلي زول يكون سامع بالحركة من اكتر من ١٠ سنوات وما يفكر ينضم ليها الا بعد ما تكون في مفاوضات وتوزيع سلطة, ودا ما مهم المهم انو حركة كوش ما بتقدر تكشف للنوبيين لستة عضويتها مش لانها ما عندها اعضاء الان بل لانهم عارفين انو الانضمو ليها ما كانو جزء من الحراك النوبي ولا كانو مهممومين بالقضايا النوبية طوال معارك النوبيين مع النظام البائد, ليس كدا بس بل كمان ما بقدرو ينشرو خطهم التفاوضي للنوبيين في العلن, ليس كدا وبس بل كمان ما بيقدرو يطلعو مناظرة يواجهو فيها اي ناشط نوبي في العلن, ليس كدا وبس بل ما بيقدرو يعلنو للنوبيين عن الجبهة الممولة لسفرياتهم وفنادقهم وتحركاتهم داخل وخارج السودان ليس كدا وبس بل كمان ما بيقدرو يعملو ندوة معلنه في الخرطوم يلاقو فيها النوبيين في مكان مفتوح لانهم حيتفضحو.

▪️ خاصة كلامي
صديق فضل ومحمد داؤود اصدقاء في الفيسبوك وبقرو كلامي دا " لو ما بلكوني لسه " عليه لو هم شايفين اي نقطه من النقاط الانا ذكرتها ما حقيقية انا بطلب منهم اجراء مناظرة عبر اي قناة من القنوات السودانية الترتيب للمناظرة زي حجز القناة والبرنامج الخ الخ دا علي انا, هم بس يوافقو ويحددو الحيناظر باسم كوش منو حيكون منو ويخلو باقي الترتيبات علي . بس عشان نخت النقاط في الحروف ونملك النوبيين والسودانيين البحصل في مفاوضات جوبا ومنو بفاوض باسم منو؟ وحول شنو ؟ :)

زميلنا منان
هل وله ما هل