و الله زي ما قال ليها واحد اصبروا بس و الله بكره نغني صيني
ما قصرت و ممكن تبيع غنية زي دي في عالم العرب الجرب ... ههههخ
Post: #6 Title: Re: لينا قاسم .. يا حبيبي انا عيان .. فيديو مدهش Author: عبد الصمد محمد Date: 12-25-2019, 06:11 PM Parent: #5
البت غناية شديد ياقبة بس يا ريت لو تلقى رعاية جيدة
هاك دي واحدة تانية من اليوتيوب وقبل كدا لا يفوتني الإشادة بجهدك انت والكتيبة الرائعة في حفظ تراثنا الغنائي
Post: #11 Title: Re: لينا قاسم .. يا حبيبي انا عيان .. فيديو مدهش Author: Osman Musa Date: 12-25-2019, 06:28 PM
اخونا قباني سلامات ياخ انا زاتو عياااااان .
عليك الله يا قباني خليها تنطق الجيم زي ما هى تحب. ياخ هسع الاكسنت حق ناس هنوفر والبرتا واحد ؟ البنية بنية بنادر وخليها تعذب الجيم قدر ما تقدر . وزي ما قال واحد من اصحابنا ناس الضهاري لما لمح واحدة من بنات العمارات . وزولك كان حديث عهد بي امات اسكيرت وبلوزة . قام قال : . ده النوع اليدو في الشعيرية لي الكوع .
Post: #7 Title: Re: لينا قاسم .. يا حبيبي انا عيان .. فيديو مدهش Author: عمر أبوعاقلة Date: 12-25-2019, 06:14 PM Parent: #3
والله يا قبة ياخ الصوت نقي ما عندنا فيه كلام لكن صدقني حسيت ببرود شديد في الأداء ما عارف يمكن أنا ما فهمت اللونية دي من الأداء لكن صدقنى أثق في أذني جداً أتوقع يمكن تشغلها MP3 وتعيش بعيد عن الكليب
Quote: والله يا قبة ياخ الصوت نقي ما عندنا فيه كلام لكن صدقني حسيت ببرود شديد في الأداء ما عارف يمكن أنا ما فهمت اللونية دي من الأداء لكن صدقنى أثق في أذني جداً أتوقع يمكن تشغلها MP3 وتعيش بعيد عن الكليب
محبة دائمة
بالفعل انصحك تسمعها صوت بس يا عمر حتجدها ممتعة حد الجمال ...
مشكلة البرود دايما بيحصل من عدم اجادة ال Lip Syncing تكون خايفه و هي بتحرك خشمها عشان تجاري التسجيل ...
Quote: وزي ما قال واحد من اصحابنا ناس الضهاري لما لمح واحدة من بنات العمارات . وزولك كان حديث عهد بي امات اسكيرت وبلوزة . قام قال : . ده النوع اليدو في الشعيرية لي الكوع .
Quote: اخرجت الكلمات كما انزلها عمنا عمر البنا ...
يا يحي.... لا عمر البنا ولا أولاد شمبات ولا حنان النيل ولا البلابل ما قالوا ..."بالغرام سيان" ...و كمان كلهم ماعدا البلابل ما قالوا "يا الفريد في حسنك"...
وصاتت المقاطع دي...
ديمة أساهر لي صيحة الأذان...اناجي خيال اشعاري و النجم و الاوزان" "انا ساهر و نوم عيني حرمان....و انت بين اترابك في نعيم و امان"
اغنية فيها تطريب عالي سوتها بس مناحة 😂
Post: #16 Title: Re: لينا قاسم .. يا حبيبي انا عيان .. فيديو مدهش Author: عبد الصمد محمد Date: 12-25-2019, 11:23 PM Parent: #15
خالد بشير قالوا لولا إختلاف الآراء لبارت السلع قد تكون حفظت من نسخة هي اللقتها من بين النسخ لكن بتطلع الحروف واضحة زي ما الله خلقها ودا ما عنده علاقة بإنها بدلت في بيت ولا ما بدلت أما الصوت ففيه تطريب لا يمكن إنكاره مصحوب بحنين مبالغ ليه تسميه مناحة الكلمات نفسها بتتطلب الحنين يا أخ خالد البتن يا دابا في بداية مشوارها والعملته حقيقة يستوجب الثناء والتشجيع ياخ أنا مشيت فتشت في اليوتيوب لقيت العرب من كل أقطارهم بيثنوا على صوتها وهي تأدي أغنيات عربية فمعقول الإجماع دا يجي لزولة ما عندها تطريب
Post: #18 Title: Re: لينا قاسم .. يا حبيبي انا عيان .. فيديو مدهش Author: خضر الطيب Date: 12-26-2019, 01:13 AM Parent: #17
شكراَ يا قًبة يا مهشتكنا ويا مبشتكنا عارف فرق الزمن بينا و بينكم دا رحمة بتجينا في وكت سمح و البنية تريانة و صوتا رويان تحياتي يا ملك
Post: #19 Title: Re: لينا قاسم .. يا حبيبي انا عيان .. فيديو مدهش Author: ترهاقا Date: 12-26-2019, 03:25 AM Parent: #18
الاستاذ قباني والضيوف الكران الشابة دي مؤدية من الطراز الأول وبتعرف تعزل الغنا المناسب لادائها ، في أدائها لاغنية المرحومة منى الخير اتقطعت عديل كدة ، أداء قمة ، شكلها مقيمة في مصر وحتى مشاركة في موسيقى تصويرية لمسلسلات ، وحيكون عندها صراع بين هنا وهناك وبالتأكيد حتلقى نفسها في الاغنية السودانية أصلها وعيد كريسماس مجيد
Post: #20 Title: Re: لينا قاسم .. يا حبيبي انا عيان .. فيديو مدهش Author: حسن كجروس Date: 12-26-2019, 04:00 AM Parent: #19
اخيرا لقيت زول منتبه للزولة المبدعة دي. أكثر شئ لفت انتباهي وضوح وسلامة المخارج وده دليل علي دراسة اللغة العربية منذ الطفولة في دولة غير السودان لاحظ لظهور نطق التنوين في صحواَ في السودان نحن بننطقها صحوّن . شكرا قباني وكل المعجبين بلينا قاسم
Post: #21 Title: Re: لينا قاسم .. يا حبيبي انا عيان .. فيديو مدهش Author: ياسر السر Date: 12-26-2019, 10:44 AM Parent: #20
لا يفتى وقباني في البوست ,,,, فما بالك لما يكون هو صاحب البوست ,, البت غناية ما ف شك ومتمكنة في أدائها وفي توزيع درجات صوتها وتطريبه وأناته وسكناته ,,,, ويا ريت تلاقى من يأخذ بيدها على الرغم من انني أرى انها فنانة مكتملة لا تحتاج لاي عون بس تحتاج للواسطات البتوصلها للاعلام السوداني الذي لا يعترف بك الا بعد ان يقدمك احد الواسطات القديرة .... وما يعجبني فيها اكتر انها محتفظه بسمارها السوداني الجميل الذي تحاول كل فناناتنا ومغنياتنا ان تهرب منه وتتحايل عليه بالمساحيق والميك اب .. شكرا يا باش مهندس وزيدنا من دلك شوية ,,,,
تحياتي : ياسر العيلفون ....
Post: #22 Title: Re: لينا قاسم .. يا حبيبي انا عيان .. فيديو مدهش Author: يحي قباني Date: 12-27-2019, 03:30 AM Parent: #21
كوستاوي سلامات ...
Quote: ا يحي.... لا عمر البنا ولا أولاد شمبات ولا حنان النيل ولا البلابل ما قالوا ..."بالغرام سيان" ...و كمان كلهم ماعدا البلابل ما قالوا "يا الفريد في حسنك"...
وصاتت المقاطع دي...
ديمة أساهر لي صيحة الأذان...اناجي خيال اشعاري و النجم و الاوزان" "انا ساهر و نوم عيني حرمان....و انت بين اترابك في نعيم و امان"
اغنية فيها تطريب عالي سوتها بس مناحة 😂
معليش يا خالد ياخي ... البنية مخارجها ممتازة ...
نغفر الكم بيت الجاطوا ديل ...
و انا حقيقة لما قلت كما انزلها ... فعلا قصدت الكلمات لكن الاداء اكتر ...
Post: #23 Title: Re: لينا قاسم .. يا حبيبي انا عيان .. فيديو مدهش Author: يحي قباني Date: 12-27-2019, 03:32 AM Parent: #22
Quote: خالد بشير قالوا لولا إختلاف الآراء لبارت السلع قد تكون حفظت من نسخة هي اللقتها من بين النسخ لكن بتطلع الحروف واضحة زي ما الله خلقها ودا ما عنده علاقة بإنها بدلت في بيت ولا ما بدلت أما الصوت ففيه تطريب لا يمكن إنكاره مصحوب بحنين مبالغ ليه تسميه مناحة الكلمات نفسها بتتطلب الحنين يا أخ خالد البتن يا دابا في بداية مشوارها والعملته حقيقة يستوجب الثناء والتشجيع ياخ أنا مشيت فتشت في اليوتيوب لقيت العرب من كل أقطارهم بيثنوا على صوتها وهي تأدي أغنيات عربية فمعقول الإجماع دا يجي لزولة ما عندها تطريب