في حيثيات المحكمة: المجرم حميدتي و أخيه عبدالرحيم و سرقة أموال الشعب (فيديو)

11:08 AM December, 25 2019

سودانيز اون لاين
Kostawi-USA
مكتبتى
رابط مختصر

عيييك الشغلانة وسعت
الفيديو التاني برايفت يا كوستا

https://www.0zz0.com

Quote: من عشاري، يجب ألا ننسى الحدث الذي فيه تم التقاط هذه الصور، والتي لن يعترف بها نبيل أديب وسيقول إنه تم إجراء تعديلات فيها، فأرجو الحصول على الصورة الأصلية دون العلامات: وهذا هو النص الذي كتبته كلمة كلمة على مدى ساعات طويلة، من الفيديو (شهادة ناشط سوداني بشأن مجزرة فض اعتصام القيادة العامة بالخرطوم يونيو الماضي ) وفي النص توصيف ما حدث فعلا بشأن ربط الثوار بالطوب الأسمنتي وحملهم في سيرة مع تهليل الجنود من الجنجويد بالجلالات، من شهادة أحد الثوار الناجين الذي شهد الحدث مباشرة، وشهادته في الجزيرة لعلها أقوى الشهادات وأكثرها تفصيلا لهذه البشاعة التي خطط لها البرهان وحميدتي ونفذاها في معية عصابتهما الإجرامية: .......(جابوني رقدوني مع الناس التحت الكوبري هو كان في شارع النيل جاي اتجاهين أنا راقد ف يالرصيف البي جاي، في كمية من الناس الراقدين معاي هنا، هم كتار، الهم أغلبيتم ناس العمادة وناس صفرجت. قدامي طوالي كان في كمية من الناس راقدين أغلبيتم مضروبين رصاص، وفيهم المطقوق شديد، يعني الدم بكون ظاهر في كل جسمو وهدومو. الدم في جسموا وهدومو ونا بيقدر يرقد على بطنو كويس. أكتر عددهم ميتين ميتين وخمسين نفر. أنا راقد قدامهم راقد على بطني، وهم راقدين قدامي، فرقنا الفاصل بتاع الظلط. الناس ديل ناس الدعم السريع كانوا بيشيلوا الطوب بتاع الترس زاتو، الترس حق شارع النيل، الهوا كان تحت الكبرى، الإنتَرلوك كان مرصوص كمية، كان معمول ترس، وخاتين فيهو الشموع كان، والناس البتكون في شارع النيل. بعد الناس فكوا الترس، نحن راقدين في محل الترس دا، الطوب حق الترس زاتو، كانوا بشيلوا الإنتَرلوك وبيربِّطوا للناس في كرعينهم، حتى في ناس كانوا بربطوا ليهم الإنتَرلوك في رقابهم بالحبل، وبشيلوا خمسة خمسة، أو أربعة، بشيلوهم ونازلين بيهم تحت على اتجاه البحر. الناس دي كانت بتموت نفسيا أول حاجة، قبال ما إنو هم يرموهم في البحر، خلاف الضرب، خلاف الحاجات التاتية. وكان في ناس بكوركوا، أنو ما يا نزِّلونا، ونحن ما حَنَجي تاني، وكدة، حتى كان في ناس راقدين مع الناس المعانا مع الناس البرموهم في البحر ديل ما عندهم علاقة بالاعتصام، وجايين بس للعيادات مسكوهم دقوهم معانا. فالناس ديل كانوا بشيلو خمسة تنفار، بربطوهم بالطوب حق الترس دا، بشيلوهم خمسة تنفار، بيرنزلوا بيهم البحر، بي سيرة، وبي جلالات، وبجوا تاني بشيلوا خمسة تنفار. ........... الناس الحيين الشالوهم رموهم في البحر، نعم أنا الناس ديل ما كنت بعرفهم قبال القيادة، لقيتم في القيادة أكلنا فطرنا سوا، كنتَ بشوفهم واقفين في الترس. الناس ديل شالوهم حيين رموهم في البحر، برضو الموقف دا أنا ما حأنساه طيلة حياتي. بعد دا إنو هم شالوهم حيين يعني الناس ديل كتلوهم نفسيا أول حاجة، حتى رموهم في البحر ماتوا.). تجد النص الكامل في صفحتي في الفيسبوك

https://www.facebook.com/ushari.khalilhttps://www.facebook.com/ushari.khalil

Quote: الفيديو التاني برايفت يا كوستا

كلامك صاح....ناس اليوتيوب منعوني أختو علني (public) لأنو جارح جدا...الفيديو مستفذ جدا و فيه ناس الدعم السريع بضربوا في الثوار و بتكلموا معاهم بعبارات لا تتخيلها...و لقد أرسلت لهم رسالة شديدة اللهجة لتحريرة...و أنا في إنتظارهم

الأن الفيديو عام يا خضر

زميل المنبر كوستاوي سلام
ايييه رأيك في كلام اللواء معاش كمال الرشيد محجوب أعلاه؟؟ إنت وصاحبك خضر الطيب عاوزين (تكيسوا) الجنرال حميدتي في موضوع القروش التي قام بسرقتها قريبكم المخلوع عمر البشير .. السارق الأصلي حكمتوا عليهو بقضاء سنتين في الإصلاحية. قريبكم المجرم القاتل بكري حسن صالح طلعتوا براءة وهو الذي كان خادما أمينا ومتسترا على عمايل وجرائم النظام البائد من قولة (تيت) ... مافي ليكم طريقة أبدا أبدا ..

إندهاشاتي

الأخ محمد هارون،

لو ممكن داير اعرف صلة القرابة بين كوستاوى و خضر و البشير و بكرى حسن صالح،

وينوبك ثواب

Quote: لو ممكن داير اعرف صلة القرابة بين كوستاوى و خضر و البشير و بكرى حسن صالح، وينوبك ثواب

يا سيد أبو الريش مساء الخيرات

يا أخي الناس ديل كلهم من دار صباح .. الواحد فيهم مما يلدوهو يتربى على كراهية وإزدراء ناس الغرب والمشاعر العدائية دي ستجر البلد إلى حروب طاحنة ودمار شامل. أنا والله مستغرب كيف المجرم بكري حسن صالح قاعد حر طليق يربي في البذورة حسب ما صرح في شريط فيديو!!!

إندهاشاتي

Quote: يا أخي الناس ديل كلهم من دار صباح .. الواحد فيهم مما يلدوهو يتربى على كراهية وإزدراء ناس الغرب والمشاعر العدائية دي ستجر البلد إلى حروب طاحنة ودمار شامل. أنا والله مستغرب كيف المجرم بكري حسن صالح قاعد حر طليق يربي في البذورة حسب ما صرح في شريط فيديو!!!

مشكور أخ محمد هارون.. طيب واحدة واحدة.. أولا قبل ما أصرف الزمن فى رد قد يكون طويل شوية، أحب أن أوكد لك أنى أحترم رأيك، بصرف النظر عن إتفاقى أو إختلافى معه.
لذلك أحتاج أعرف هل انت تمزح أم جاد.. زى ما يقول بدرالدين الأمير لصديقه دينق الوغد. بعد داك ننزل العفش، و أعتقد سيكون نقاش هادف و مفيد للغاية.

تحياتى

Quote: لذلك أحتاج أعرف هل انت تمزح أم جاد.. زى ما يقول بدرالدين الأمير لصديقه دينق الوغد. بعد داك ننزل العفش، و أعتقد سيكون نقاش هادف و مفيد للغاية.

I will give you the benefit of the doubt Mr Abureesh. I am serious go ahead and off load the affash. Best regards

Quote: يا أخي الناس ديل كلهم من دار صباح .. الواحد فيهم مما يلدوهو يتربى على كراهية وإزدراء ناس الغرب والمشاعر العدائية دي ستجر البلد إلى حروب طاحنة ودمار شامل. أنا والله مستغرب كيف المجرم بكري حسن صالح قاعد حر طليق يربي في البذورة حسب ما صرح في شريط فيديو!!!

مرحبا محمد

شكرا و معليش ما فهمت شئ محدد.. هل كوستاوى مما إتولد أهله ربوه على الكراهية و إزدراء ناس الغرب؟
و نحن فى بداية نقاش موضوعى فأرجو أن تعذرنى فى طلب التوضيح..

Quote: ايييه رأيك في كلام اللواء معاش كمال الرشيد محجوب أعلاه؟؟

اللواء بتاعك دا نصاب كايس ليهو ضل في ظل الحكومة دي
انت ذاتك يا ود هارون كايس ليك ضل
حميرتي بتاعك دا رغم انو امي و غبي لكن تاجر بعرف المسترزقين
انت يا ود هارون هسي بتاخد معاش من حكومتنا البريطانية
و داير كمان تلحس من حكومتنا السودانية ؟ هههههههه

سلام باشمهندس ابو الريش

Quote: لو ممكن داير اعرف صلة القرابة بين كوستاوى و خضر و البشير و بكرى حسن صالح،

ما عندي علاقة شخصية مع كوستاوي و لو اني اتشرف بعلاقة مع ملك التوثيق
العجبني في كوستاوي و من سنين طويلة حاجتين
الأولى انو من كوستي و انا من الدويم و كوستي دي عندي ليها معزة خاصة و فيها اهلي
الحاجة التانية إنو كوستاوي موثق لكل جرائم النظام و بتلقاهو موجود في كل وقفة و احتفالية في امريكا
رغم ظروف الغربة و الاسرة .. اها المابخليني احبو شنو؟
بالنسبة للمخلوع البشير دا من حوش بانقا
اما المسطول بكري من حفير مشو في اقصى الشمال
بعد ما انقسم السودان انا و كوستاوي بقينا من جنوب السودان الشمالي
بإعتبار الموقع الجغرافي الحالي بقت الدويم و كوستي في الجنوب
عندك سؤال تاني ؟

Quote: انت يا ود هارون هسي بتاخد معاش من حكومتنا البريطانيةو داير كمان تلحس من حكومتنا السودانية ؟ هههههههه

كضبا كاضب يا خضر الطيب .. أنا لسه (سغنتوتي) ما لحقت سن المعاش .. والله أخوك ودهارون كادح بشتغل ستة يوم في الإسبوع على الأقل .. رجاءا ما تطلع بي كلام الكضابين السرير ولا أعتقد أننا ألتقينا في يوم من ألايام ولكنني أتطلع إلى لقائك ما دام أنت في بريطانيا.

وازيدك من الشعر بيت لا توجد معرفة شخصية بيني وبين حميدتي ولا أسعى للتواصل معه .. كل ما يهمني معرفة الحقيقة ومعاقبة الجناة الحقيقيين.

إطمئن بالا أخوك ودهارون لا يستطيع (بيل قيتس) نفسه شراء ذمته.

تحياتي

مرحبا استاذ خضر،

شكرا و السؤال كان موجه لمحمد هارون.. و لو لاحظت أجاب عليه إجابة غير مفصلة.. ثم طلبت منه شوية توضيح و لم يفعل حتى الان.

Quote: و لو لاحظت أجاب عليه إجابة غير مفصلة.. ثم طلبت منه شوية توضيح و لم يفعل حتى الان

أهلنا البقارة يا سيد أبو الريش يطلقون وصف دار صباح على أي بلد شمال أبوقبة فحل الديوم.. أتمنى أن تكون الإجابة واضحة الآن.

تحياتي

Quote: أهلنا البقارة يا سيد أبو الريش يطلقون وصف دار صباح على أي بلد شمال أبوقبة فحل الديوم.. أتمنى أن تكون الإجابة واضحة الآن.

محمد و اللاى عفيتك من الإجابة على السؤال فى موضوع كوستاوى و هل من ولدوه ربوه على الكراهية.. عفيتك لله و الرسول..

Quote: كضبا كاضب يا خضر الطيب .. أنا لسه (سغنتوتي) ما لحقت سن المعاش .. والله أخوك ودهارون كادح بشتغل ستة يوم في الإسبوع على الأقل .. رجاءا ما تطلع بي كلام الكضابين السرير ولا أعتقد أننا ألتقينا في يوم من ألايام ولكنني أتطلع إلى لقائك ما دام أنت في بريطانيا. وازيدك من الشعر بيت لا توجد معرفة شخصية بيني وبين حميدتي ولا أسعى للتواصل معه .. كل ما يهمني معرفة الحقيقة ومعاقبة الجناة الحقيقيين. إطمئن بالا أخوك ودهارون لا يستطيع (بيل قيتس) نفسه شراء ذمته. تحياتي

ود هارون انت متعة مجانية
قلت لي لسه سغنتوتي ؟هههههه
يا حليلك يا حبوبتي الماتت و هي اصغر من ود هارون
خلاص لما تاخد المعاش تمشي تستلم الكبة من البوستة و تشتري الجرايد
و تربي ليك كلب تمشيهو في البارك الجنبكم و تجي تفطر
تقرا جرايدك و تنوم و تصحا بعدها تمعطنا ههههههه
لاقيتك يا محمد كان عندنا وقفة في سفارة الكيزان في لندن و انحنا كنا جايين من غرب يوركشاير
انت كنت واقف جنب الحرس بتاع قصر باكنقهام و بتتاوق شمشرة ساي كان معاك كم وغد كدا
ياخ ربنا يديك طولة العمر مع الصحة و العافية
لكن ما تراهن على حميرتي دا عشان ما تفقع مرارتنا
و بعدين دار صباح دي يكفي انو اسمها دار صباح
و الصباح ان لاح لا فايده في المصباح
فهمتني و لا اعيدو ليك ؟

اخونا محمد هارون
كدي خلنا من بيل غيتس
دفاعك عن السفاح حميدي رغم الفيديوهات دي كلها
دي مكابرة منك
و كلام اخونا خضر فيك صحيح
يا اخي الدنيا دي كلها عارفة منو الفض الاعتصام
و قتل و سحل و اغتصب
و السفاح بي نفسو اعترف قال:
لو ما نحنا فضينا الاعتصام كان حصل و حصل
زولك دا راكوبة ساي
و دفاعك عنو ما بمسح الحقيقة
شغلك دا شغل ورنيش مدفوع القيمة
و اتمنى ما يجي ومن تقدم تبرر في وقفتك المخجلة دي
او تعمل كما عمل ود الباقة
تحياتي يا كوستا
سلام يا حبيبنا خضر

Quote: دفاعك عنو ما بمسح الحقيقة شغلك دا شغل ورنيش مدفوع القيمة و اتمنى ما يجي ومن تقدم تبرر في وقفتك المخجلة دي او تعمل كما عمل ود الباقة

أخونا عماد الدين حبابك
هيييييع أنا خال السمحات..علي النعمة أنا زول ركزة بتصبح الجواد.. انشاء الله تكون فهمت لغة الضاد دي 🤑🤑

انتو محتاجين لي مستشار قانوني ضليع يفسر ليكم الكلام القالوا الأستاذ نبيل أديب.

إندهاشاتي

على قول الشاعر العراقى بدر شاكر السياب
إنهم التتار اقبلو من جديد
ففى المدى رعاف

Quote: إنهم التتار اقبلو من جديد ففى المدى رعاف

ونشرب إن وردنا الماء صفوا ويشرب غيرنا كدرا وطينا

هووووووي يا ود الأمير إنقرع

إندهاشاتي

Quote: ونشرب إن وردنا الماء صفوا ويشرب غيرنا كدرا وطينا

هذا أنتم (رغم إنى لا أعمم كما تعمم أنت، ولكن من أجل بيت الشعر فقط)

أما (نحن) فنقول:
و نعطى غيرنا صفواً ليشرب .... و نشرب بعده ماءً ربوبا (تأليف الفقير الى الله)

واجه الجيش السوداني إدانة دولية متزايدة بسبب هجومه العنيف على المتظاهرين في فض الاعتصام على القيادة العامة في الخرطوم، والذي أسفر عن مقتل عدد كبيرمن المتظاهرين .لكن الكثيرين يوجهون أصابع الاتهام إلى قوات الدعم السريع، التي كانت تعرف بمليشيات الجنجويد التي تتهمها منظمات دولية بارتكاب جرائم حرب في حق المدنيين في دارفور.فما قصة هذه القوات؟

الفيديو القنبلة...

القنبلة...القنبلة

شعب عظيم انجز ثورة عظيمة يتحدثون بها علي لسان كل الشعوب شعاراتها ومطالبها واضحة لا بالدس شهدائها في المتاريس حتى اخر لحظة من حياتهم يهتفون مجلس برهان مجلس وسخان لا للجنجويد لا لكتائب الظل المؤسف والمحزن هنالك تيار الهبوط الناعم وفق مؤامرات اقليمية ودولية ووفق المصالح لا مصالح الوطن اتفقوا وراء ظهر الثوار على وثيقة اعطت شرعية لمليشيات اغتصبت وقتلت انسان دارفور وارتكبت جرم مجزرة القيادة ة العامة اعطتهم الشرعية في الحكم وبل نائب للرئيس الحكومة وياتوا مدنية نتحدث عنها وفي قمة هرمها زعيم مليشيات الجنجويد , لكن ثقتنا في شعبنا وشبابه من الجنسين مفجر الثورات ومعلم الشعوب وهاهي مسيرتي ديسمبر 19 و25 لتؤكد ان الثورة تولد من جديد فاليعلم الجميع ان اي حكومة علي رأسها مليشيات مصيرها الفشل فالنتوحد من اجل بناء دولة مدنية ديمقراطية كتبت شعاراتها ومطالبها باغلي ثمن من دماء انبل واشرف بنات وابناء الشعب السوداني , اولوية المطالب القصاص لازال الشعار عاليا الدم قصاد الدم لانقبل الدية حل كل المليشيات بمافيها مليشيات الجنجويد وحتما النصر حليف شعبنا طالما الثوار يهتفون بأسم شهداء الثورة السودانية

يا كوستاوى البنت (زينب البدوى؟) ما كانت أمينة فى الترجمة.. هو أكد و قال كانت هناك إنتهاكات.. لم تترجمها.

I agree ya Abureesh

Quote: يا كوستاوى البنت (زينب البدوى؟) ما كانت أمينة فى الترجمة.. هو أكد و قال كانت هناك إنتهاكات.. لم تترجمها.

أخونا

سلام يا أبو الريش.. الصحفية اسمها نعمة الباقر وليست زينب بدوي. هذا الشريط ما فيهو أية إدانة لحميدتي. انت وصحبك كوستاوي تلفقون الإتهامات بدون أدلة لا يتطرق إليها الشك (beyond doubt evidences).