|
Re: ختان الصبيان زمان توجد سكسكانية وشعيرية ** (Re: حسن كجروس)
|
شريط من الاحداث الحقيقية استرجعته ذاكرتي بعد مكالمة من صديقة زاملتني في شعبة علم النفس جامعة الخرطوم. كانت تستعد لرسالة دكتوراة في تاثير الختان وطقوسه التقليدية في تشكيل شخصية الرجل و المرأة في السودان. بعد حديث مع كثيرممن مر بالتجربة اتضح لي فعلا الاثر الكبير لعملية الختان في شخصية انسان السودان.
| |
|
|
|
|
|
|
Re: ختان الصبيان زمان توجد سكسكانية وشعيرية ** (Re: حسن كجروس)
|
تحياتي اخي حسن
اولا مرحب بك في هذا الحوش الماهل
سافرت بي ذكرياتك لايام ذلك الزمان الجميل
ووقفت هنا طويلا
تلاتة شهور تمام ما شفت المضمر عوده وما متع عيوني بي ريلا تضوي خدوده كيفن الزول يجاري الدنيا ينسي ودوده يترك ساحته يخلي في الفريق مريوده تلاته شهور ونحن من جبل لي وادي مرات نشرق ومرات نغرب نقبل غادي باقيلك بتطرانا ام وضيب ام قرينا نادي؟
*******
دمتم
| |
|
|
|
|
|
|
Re: ختان الصبيان زمان توجد سكسكانية وشعيرية ** (Re: ابو جهينة)
|
يا الهي ابو جهينة مر من هنا!!!! ده كلام مفرح شديد أسعدني توقفك مهما. تلك كانت فعلا اسعد الأيام وكانت فيها المعرفة الأدبية والفنية تجري فينا مجري الماء في الزرع وكانت الاوقات والعقول تتسع للكثير ومنه مساجلات شعرية لفرسان ذاك الزمان أمثال ود حجاج والبخيت:
ودحجاج:
يوم الأحد حدي الحمارو مسدد
ولا بهجس ولا جاري الحدايا بيرقُد
ده الخلاني دايما في هواك مُتردد
البخيت :
يوم الإثنين هاج بي الغرام وشقاني
هاج بي الغرام وسوطو فوقي قلاني
جلدك قرمصيص يا خلقة الرماني
يجمعني بلماك السيد السماني
| |
|
|
|
|
|
|
Re: ختان الصبيان زمان توجد سكسكانية وشعيرية ** (Re: حسن كجروس)
|
حنيني العشتو في طابت يا حليلو دي الشمس غااابت ,,,, حنيني
كلام جميل ينساب على العقل كانسياب الماء على الجدول الوريف ,,, شاكر ومقدر لك اخي الأستاذ حسن كجروس هذا الالق وهذا الجمال الذي حلق بي في ذكريات أيضا عشناها في العيلفون في تلك الفترة الندية قبل ان تصبح العيلفون مدينة مترامية الأطراف ومتعالية في البنيان ...
شكرا جميلا اخي ...
تحياتي : ياسر العيلفون .....
| |
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
|
|