Post: #1 Title: محمد ضياء الدين مدير شركة المواصلات العامة-أي زول عندو علاقة بجهاز الأمن يستف عفشو ويتخارج) Author: زهير عثمان حمد Date: 12-20-2019, 07:34 AM Parent: #0
الخرطوم: الانتباهة أون لاين قال المدير العام لشركة المواصلات العامة بولاية الخرطوم محمد ضياء الدين عقب توليه المنصب الجديد أنه أخبر والي الخرطوم بعدم قبوله لهذه المهمة إن لم تكن له صلاحيات محددة بإزالة التمكين من الشركة. وقال ضياء الدين مخاطباً مجموعة من العاملين بالشركة: (أي زول عندو علاقة بجهاز الأمن ما عندو مكان معاي هنا، ومن الليلة يستف عفشو ويتخارج، وأي زول جابو المؤتمر الوطني للتمكين فوق رؤوس الناس يجهز). وكان والي ولاية الخرطوم الفريق ركن أحمد عابدون حماد، أصدر الخميس قراراً بالرقم (108) لسنة 2019م كلف بموجبه القيادي في حزب البعث العربي الاشتراكي، والقيادي البارز في قوى إعلان الحرية والتغيير، محمد ضياء الدين محمد عبد الرحيم بمهام المدير العام لشركة المواصلات العامة بالولاية.
Post: #2 Title: Re: محمد ضياء الدين مدير شركة المواصلات العام Author: Yasir Elsharif Date: 12-20-2019, 07:41 AM Parent: #1
Post: #3 Title: Re: محمد ضياء الدين مدير شركة المواصلات العام Author: adil amin Date: 12-20-2019, 07:56 AM Parent: #2
Quote: كلف بموجبه القيادي في، حزب البعث العربي الاشتراكيوالقيادي البارز في قوى إعلان الحرية والتغيير، محمد ضياء الدين محمد عبد الرحيم بمهام المدير العام لشركة المواصلات العامة بالولاية.
جهاز الامن رئيسو دمبلاب وموجود بكل كوادره ولم يحدث حتي هذه اللحظة في السودان ومن بعد الاستقلال تاسيس قوات نظامية جيش وشرطة وامن علي اسس وطنية محترمة وفي خدمة الشعب السوداني عبر كل الانقلابات من 1958 و1969 و1989 و2019... وحاول فقط دستور 2005 ذلك وتم جدعه في المذبلة واستبدل بالشمولية الجديدة الاعلان الدستور 2019 وتم اسقاط برنامج الحركة الشعبية ((الوطني بالكامل وجونا ناس انقلاب 1969 في 2019 بي المحاصصة الشيوعيين والبعثيين والناصريين وهسة الكلام ده لا دستوري ولا علمي وحتجي النسنسة والشمولية وفلان ده كوز وفلان ده ما كوز وتجوط المواصلات وانتو مصرين تخلو الانقاذ في ال18 ولاية ...من راسا لي ساسا عليكم الله الزول ده العاجبو في البعث وصدام حسين شنو ولحدي هسة
اول حاجة يا ناس ق ح ت ترجع الاقاليم الخمسة وتعمربابتاهاوبؤسس ديمقراطية حاكم قاليم منتخب وبرلمان اقليم منتخب والانقاذ كدست الناس في الخرطوم ونهبت مواردهم في الهامش وقتلتهم ايض بقل سكان العاصمة بنسبة 80% ومشكلة السودان فدرالية حقيقية ابدو بالمشاكل الاكبر وتعالو للاصغر
Post: #4 Title: Re: محمد ضياء الدين مدير شركة المواصلات العام Author: Yasir Elsharif Date: 12-20-2019, 08:29 AM Parent: #3
سلام يا عزيزي عادل
بالرغم من أن جهاز الأمن موجود الآن، ومديره دمبلاب، إلا أن كلام محمد ضياء الدين بإبعاد عناصر الأمن عن شركة المواصلات العامة كلام كويس.
أفتكر الأستاذ محمد ضياء الدين مناضل مشهود له في منازلة نظام الإنقاذ. وهو رجل شجاع يستحق الاحترام، وهو حر في انتمائه السياسي للبعث.
دا كان سنة 2014
والحلقة كاملة تشهد له كما تشهد له سجون الإنقاذ.
Post: #5 Title: Re: محمد ضياء الدين مدير شركة المواصلات العام Author: جمال ود القوز Date: 12-20-2019, 09:06 AM Parent: #4
محمد ضياء أسمق قامة من هذا المنصب .. لكن ربما جايبنه مخصوص للامساك بقبضة ثورية .. حتى لايتلاعب بقايا فلول الكيزان بالمواصلات ويخلقوا لينا ازمة من الازمات التي تثير الشارع هي وازمة الخبز والوقود والموية ... للامام وخلينا نشوف تغيير على الارض .. يا محمد ضياء الدين - بالتوفيق
Post: #6 Title: Re: محمد ضياء الدين مدير شركة المواصلات العام Author: adil amin Date: 12-20-2019, 09:28 AM Parent: #5
Quote: فتكر الأستاذ محمد ضياء الدين مناضل مشهود له في منازلة نظام الإنقاذ. وهو رجل شجاع يستحق الاحترام،وهو حر في انتمائه السياسي للبعث .
حياك الله يا دكتور ياسر مشكلتنا في السودان الدولة المركزية والانقلابات والمشاريع بتاعة البيئة العربية بعد الاستقلال وانا ما بتعامل مع هذه الامور كشخص بل كوعي ورؤية هل بقدر يدافع عن صدام حسين وتجربته المشينة في العراق ؟؟ هل يؤمن بالدولة الفدرالية ؟ وهل المحاصصة تخدم الديمقراطية طيب ان كمان عاجبني جون قرنق بس وعايز اجي اعمل حزب حركة شعبية اسميه حزب الجنوبيين واعمل اذاعة واروج لي فكر الدكتور جون قرنق واملا الخرطوم بي صورو هل بيقبل امن دمبلاب او ق رح ت دي نفسها ؟؟ انا عاجبني علم الاستقلال فقط وعايز ارجعو وافرضو علي كل الناس في كل السودان مش القصة مدنياوو وسلام حرية عدالة يا د ياسر ثلاثة اشياء لا يمكن حجبها لوقت طويل الشمس والقمر والحقيقة البعثيين كانو جزء من انقلاب مايو 1969 وليهم مخازي تزول منها الشمس في مايو وهم نفس الناس وتجربة العراق وسوريا كافية لمعرفة هذا الفكر العاطل وهذه الايدولجيات الخمسة مشكلة السودان عديل من بعد الاستقلال الصراع صراع رؤى وليس اشخاص وانت نفسك كجمهوري ناس علماينو ديل بعد ينتهو من الكيزان والسلفيين والختمية والانصار حسب وهمهم الكبير بجوك وجلهم ما بعرف ولا 1% عن الفكرة الجمهورية
Post: #8 Title: Re: محمد ضياء الدين مدير شركة المواصلات العام Author: Yasir Elsharif Date: 12-20-2019, 09:56 AM Parent: #6
تسلم يا عزيزي عادل وحياك الله
أنا أتعامل مع الناس كأفراد وكأشخاص. محمد ضياء الدين لم يكن جزءا من انقلاب مايو. هذا ما يهمنا الآن. لا أحد يستطيع أن يقنعني بأي خير في تجربة صدام حسين في العراق، وهذا ما سوف نرفعه في وجه البعثيين، ولكن هذا موضوع آخر غير موضوع تولي محمد ضياء الدين هذا المنصب.
أما قولك:
Quote: وانت نفسك كجمهوري ناس علماينو ديل بعد ينتهو من الكيزان والسلفيين والختمية والانصار حسب وهمهم الكبير بجوك وجلهم ما بعرف ولا 1% عن الفكرة الجمهورية
أنا أحترم كل أصحاب التوجهات السياسية المشاركة في قوى الحرية والتغيير. طريقتي، كما قلت لك في مرة سابقة، تختلف عن طريقتك. قوة الشعب السوداني تكمن في وحدته التي تحققت في هذه الثورة العظيمة.
Post: #7 Title: Re: محمد ضياء الدين مدير شركة المواصلات العام Author: kamal omer Date: 12-20-2019, 09:31 AM Parent: #5
Quote: لكن ربما جايبنه مخصوص للامساك بقبضة ثورية .. حتى لايتلاعب بقايا فلول الكيزان بالمواصلات
محمد ضياء إبن هذه المؤسسة العريقة و من عشرات السنين السواقين والميكانيكية والكماسرة بيعرفوهو كويس وكان مناضل ضد إداراتها الفاسدة في عهد الإنقاذ الكريه من خلال موقعه بالنقابة الشرعية ومن أوائل الناس التم تشريدهم منها
Post: #9 Title: Re: محمد ضياء الدين مدير شركة المواصلات العام Author: Abureesh Date: 12-20-2019, 10:14 AM Parent: #7
شفت الفيديو يا اخى ياسر.. و لكن ما علاقة شعار حزب البعث العربى ؟
Post: #10 Title: Re: محمد ضياء الدين مدير شركة المواصلات العام Author: kamal omer Date: 12-20-2019, 10:18 AM Parent: #7
Quote: البعثيين كانو جزء من انقلاب مايو 1969 وليهم مخازي تزول منها الشمس في مايو
يا عادل للتاريخ كدي نورنا بالله منو البعثيين ديل الكانو جزء من انقلاب مايو ؟ ومخازيهم دي شنو؟
Post: #11 Title: Re: محمد ضياء الدين مدير شركة المواصلات العام Author: Asim Ali Date: 12-20-2019, 10:36 AM Parent: #10
Quote: وقال ضياء الدين مخاطباً مجموعة من العاملين بالشركة: (أي زول عندو علاقة بجهاز الأمن ما عندو مكان معاي هنا، ومن الليلة يستف عفشو ويتخارج، وأي زول جابو المؤتمر الوطني للتمكين فوق رؤوس الناس يجهز).
دا الكلام العجزو عنو كتير من القيادات الجديدهفى مؤسسات تانيهومازال بقايا وحثالات الكيزان موجودين فى مفاصل مهمه وكانو المؤسسات دى عقرت عن اى كفاءه. . من واقع الازمه مهمه محمد ضياء الدين عسيره فى جهات تانيه ليها دور زى غرفه النقل العام والبترول والنقابه والمحليات وناس المرور والاخيرين مسئولين عن تفريغ المواقف من الفريشه. فالباعه الفريشه احتلو مواقف المواصلات وربما بتصديقمن الحليات واصبحت المواصلات (المنضبطه) مشرده ماعندها مواقف والمواطن يبحث عنها فى الشارع العام .
Post: #12 Title: Re: محمد ضياء الدين مدير شركة المواصلات العام Author: خضر الطيب Date: 12-20-2019, 10:36 AM Parent: #7
التحية للراكز محمد ضياء الدين و هو الشخص المناسب لهذا المنصب الهام المواصلات الآن هي الهاجس الذي يؤرق الجميع و الفساد الذي ضرب باطنابه هذه المؤسسة افقدها الكثير و ما بصات الوالي الزاحف عبد الرحمن الخضر الا دليل دامغ على هذا الفساد محمد ضياء بحكم عمله السابق في هذه المؤسسة يؤهله للنهوض بها و معالجة كل الاخطاء و التجاوزات و كشف صفقات البصات منتهية الصلاحية بكلمته الواضحة الآن قطع الطريق امام الزواحف و الامنجية عليه كنس كل نفايات الزواحف و من لف لفهم من حرامية البنزين و الجازولين
Post: #13 Title: Re: محمد ضياء الدين مدير شركة المواصلات العام Author: منتصر عبد الباسط Date: 12-20-2019, 11:03 AM Parent: #12
بداية منه تعكس افلاسه وخواء عقله عن أي رؤية تحل الأزمة لأنه لو كان يحمل فكرة ورؤية تحل جذور أزمة المواصلات لما احتاج لهذا التهريج ولكانت رؤيته التي سيعدها ويعد لتنفيذها وينفذها ستحل مشكلة المواصلات بشكل مثالي وجذري وفي ذات الوقت تقصم ظهر منسوبي جهاز الأمن السابق وتفسد كل مخططات الكيزان لافساد وافشال المرحلة هذا من جانب ومن الجانب الآخر المهنية التي يفتقدها هاهنا لو كانت متوفرة كانت ستمنعه عن أن يكون المبدأ الأساسي في عمله هو اقصاء وابعاد عناصر لا على أساس الكفاءة من عدمها أو على أساس تحقيقات ومخالفات واخفاقات لهؤلاء أو أولائك بل على أساس الإنتماء لكذا وكذا! وبعدين هؤلاء الذين يعلن عداوتهم ومحاولة ابعادهم بهذه الأسلوب الساذج سيسعون لافشاله وافشال مساعيه الرجل لو كان هذا هو موقفه وفهمه لتسيير الأمور فهو أظهر عدم صلاحيته لهذه الوظيفة ولأي وظيفة تنفيذية عامة.
Post: #14 Title: Re: محمد ضياء الدين مدير شركة المواصلات العام Author: Yasir Elsharif Date: 12-20-2019, 12:54 PM
سلام يا عزيزي أبو الريش
Quote: شفت الفيديو يا اخى ياسر.. و لكن ما علاقة شعار حزب البعث العربى ؟
تقصد ياتو في الفيديوهات التلاتة الفوق ديل؟ وما هو شعار حزب البعث؟؟ ليس هناك علاقة بين حزب البعث وبين منح محمد ضياء الدين هذه الوظيفة.
Post: #15 Title: Re: محمد ضياء الدين مدير شركة المواصلات العام Author: منتصر عبد الباسط Date: 12-20-2019, 01:15 PM Parent: #14
Quote: خلينا نشوف تغيير على الارض
Post: #16 Title: Re: محمد ضياء الدين مدير شركة المواصلات العام Author: منتصر عبد الباسط Date: 12-20-2019, 01:24 PM Parent: #15
المطلوب بصات كبيرة تعمل كلها الخاصة والحكومية بتعاقد داخل مؤسسة خاصة أو حكومية تكون مرقمة بارقام محددة ولها مسارات محددة وفترةساعات دوام محدد من ستة صباحا إلى 11 م أو 12ص ولها محطات محددة بمسافات محددة حوالي 200 متر أو 300 متر لا تقف إلا في المحطة فقط و أن يكون عدد البصات توزيعه على كل المسارات بالعاصمة بالكثافة المطلوبة