Post: #1
Title: ++ انطباعات عائد من الوطن ++
Author: Mutasim Idris
Date: 12-20-2019, 06:02 AM
05:02 AM December, 19 2019 سودانيز اون لاين
Mutasim Idris-Sacramento
مكتبتى
رابط مختصر
زرت الخرطوم بعد انقطاع اربعة سنوات.
غلاء المعيشة الطاحن والاصطفاف خلف حمدوك ولسة الشارع
في ثورته ابرز ما طلعت بيه.
|
Post: #2
Title: Re: ++ انطباعات عائد من الوطن ++
Author: Mutasim Idris
Date: 12-20-2019, 06:05 AM
Parent: #1
اغلب الشعب السوداني (يصلي) خلف حمدوك..
ثقة عمياء في حكومة الانتقالية وكراهية للكيزان والعسكر.
قابلت عدد من افراد لجان الاحياء والثورة لسة مدورة.
|
Post: #3
Title: Re: ++ انطباعات عائد من الوطن ++
Author: النصرى أمين
Date: 12-20-2019, 07:28 AM
Parent: #2
حمدلله على السلامة معتصم.
ان شآء الله السودان موعود بمستقبل زاهر
|
Post: #4
Title: Re: ++ انطباعات عائد من الوطن ++
Author: Yasir Elsharif
Date: 12-20-2019, 08:35 AM
Parent: #3
سلامات يا معتصم والحمد لله على سلامة الوصول من ربوع الوطن
على أجنحة الفجر ترفرف فوق أعلامك
ومن بينات أكمامك تطلع شمس أعراسك
يا شعبا لهبك ثوريتك إنت تلقى مرادك والفي نيتك
وعمق احساسك بحريتك يبقى ملامح في ذريتك
شكرا على البوست المطمئن على وضع السودان
|
Post: #5
Title: Re: ++ انطباعات عائد من الوطن ++
Author: احمد حمودى
Date: 12-20-2019, 06:40 PM
Parent: #4
جبيبنا ’Mustfa Idriss حمدلله على السلامة والناس خلف حمدووك خشنك فوقه اللبن
|
Post: #6
Title: Re: ++ انطباعات عائد من الوطن ++
Author: Mutasim Idris
Date: 12-21-2019, 00:25 AM
Parent: #5
Quote:
حمدلله على السلامة معتصم.
ان شآء الله السودان موعود بمستقبل زاهر |
الله يسلمك يا النصري..
ليس من راي كمن سمع.. الثورة دي جذورها ضربت بعيد.
الشباب ديل الوطن في حدقات عيونهم فعلا لا قول والله.
Quote:
سلامات يا معتصم والحمد لله على سلامة الوصول من ربوع الوطن
على أجنحة الفجر ترفرف فوق أعلامك
ومن بينات أكمامك تطلع شمس أعراسك
يا شعبا لهبك ثوريتك إنت تلقى مرادك والفي نيتك
وعمق احساسك بحريتك يبقى ملامح في ذريتك
شكرا على البوست المطمئن على وضع السودان
|
دكتورنا المليح ياسر..
الله يسلمك والوطن والله ما بتفات..
البلد محروسة والله ومتروسة بشبابها.. حضرت
مسيرة الشهداء للقصر وانتهت في القيادة الحاجة
الاهم الطلعت بيها كل الثوار مشاريع شهداء وحق الفاتوا
ما ح يضيع او يضيع معاه الضيعوهوا.
وطن خالي كيزان احساس عجيييب ياااخ.
Quote:
جبيبنا ’Mustfa Idriss حمدلله على السلامة والناس خلف حمدووك خشنك فوقه اللبن |
استاذي احمد حمودي..
الشارع بعرف (بس) حمدوك يصلي وراءه يشكُر فيه ويحمد سيدنا.
كراهية الكيزان لا توصف مع الجنجويد.
آسف علي الردود المتاخرة للمشاغل.
|
Post: #7
Title: Re: ++ انطباعات عائد من الوطن ++
Author: Mutasim Idris
Date: 12-21-2019, 01:11 AM
Parent: #6
من الحاجات الملفتة جدا الاهتمام الكبير لكل ما ينشر في
الميديا والتدقيق الشديد والتمحيص في صدق الخبر.
الوعي الكبير بدور حكومة الانتقالية والاصطفاف بشكل
متناهي وراء حمدوك لانجاح مهمته قد تبدو مزعجة لما
تحاول تناقش اسقاطات تمت وهفوات مرت من الحكومة.
مثلا.. زيارة حمدوك الاخيرة مع منتخبه لامريكا تعد انجاز
وحاجز كبيير اتكسر وبمثابة عودة حقيقة للسودان للمجتمع
الدولي , لما حاولت اقلل منها قابلوني بهجوم لمن سكت.
كلام حمدوك عن صفقة تعويض اسر ضحايا وحكم
المحكمة رغم عدم وضوحه لكن عند الشارع (اذا قال فقد صدق).
دا فسر لي انضباط الشارع المدهش ايام المواكب (توقيت الثورة)
وفي الاعتصام والاهم كان المحافظة الكاملة والمسئولة علي سلميتها.
|
Post: #8
Title: Re: ++ انطباعات عائد من الوطن ++
Author: Mutasim Idris
Date: 12-21-2019, 01:24 AM
Parent: #7
شكرا حمدوك.. في معناها لا تقل مكانة من تسقط بس.!
مهما كان حجم الانجاز صغير الا انه يقابل بشكر وتقدير!
الكيزان لن يعودوا الا علي جماجم الرضع. والامام الصادق
فقد اراضي كبيرة عند محمد احمد الواعي خاصة تلويحه
بالانتخابات في اي خطاب.
ما لاحظت اااي تواجد للجنجويد في اي مكان رغم اني
لفيت الخرطوم في اوقات مختلفة ومناطق متفرقة.
|
Post: #9
Title: Re: ++ انطباعات عائد من الوطن ++
Author: Mutasim Idris
Date: 12-21-2019, 01:40 AM
Parent: #8
الغلاء طاحن والاسعار غير ثابته للسلعة الواحدة في نفس
مربع التسوق. عايشين كيف دا سؤال الالف مليون دولار!
وبمناسبة الدولار البيع والشراء في الشارع وعلي عينك يا
مواطن في استفزاز غير عادي للحكومة والمواطن وظاهرة
شكلها (متلازمة) وابداااا ما ح تنتهي. برندات السوق العربي
ومجمع البركة ووسط الخرطوم يقابلوك التجار يهزوا قروشهم
في الشارع تبيع!.
عندك واسطة سريع تنجز مهامك ولو ما عندك برضو في
طرق تانية.. العافية درجات والتوقع بالتغيير الكبير في
المفاهيم حتما ح يتم.
الغاء قانون النظام العام الكيزاني ما غير كتير في سلوك
الشارع رغم الشائعات الكيزانية وبكائياتهم علي الدين.
|
Post: #10
Title: Re: ++ انطباعات عائد من الوطن ++
Author: Gafar Bashir
Date: 12-21-2019, 09:41 AM
Parent: #9
Quote: الوعي الكبير بدور حكومة الانتقالية والاصطفاف بشكل
متناهي وراء حمدوك لانجاح مهمته قد تبدو مزعجة لما
تحاول تناقش اسقاطات تمت وهفوات مرت من الحكومة. |
حمدا لله علي السلامة يا معتصم
الحكومة اقصر من قامة الشعب .. او سقف طموحاتنا عالي جدا
لكن نقول دي حكومة بداية
علي ان تنجز ما يمكن انجازه والبقية تتكمل
المهم في الامر هذي لجان الاحيان صمام الامان للثورة
حمدوك البعدو
|
Post: #11
Title: Re: ++ انطباعات عائد من الوطن ++
Author: Mutasim Idris
Date: 12-21-2019, 05:31 PM
Parent: #10
Quote:
الحكومة اقصر من قامة الشعب .. او سقف طموحاتنا عالي جدا
لكن نقول دي حكومة بداية
علي ان تنجز ما يمكن انجازه والبقية تتكمل
المهم في الامر هذي لجان الاحيان صمام الامان للثورة
حمدوك البعدو |
العزيز جعفر بشير..
قصر قامة الحكومة معروف للجوة والبرة بس هم عندهم فشل حمدوك
فشل للثورة وح يفتح باب للعسكر ينطو فيها وتقوم انتخابات تجيب
ليهم اشباه كيزان واحزاب فكة.
لجان المقاومة ورجالها اوعي بالثورة ومكاسبها من الحكومة نفسها.
+++
كنت بقول في شوط تاني من الثورة بس طلعت بانه قطار الثورة
مستمر في مسيرته.
|
|