Post: #1
Title: يابكرى بمناسبة مرور عشرين سنة على التأسيس فى طريقة ترجع عزام فرح الرجل تغير
Author: بدر الدين الأمير
Date: 12-20-2019, 06:02 AM
05:02 AM December, 19 2019 سودانيز اون لاين
بدر الدين الأمير-دولة قطر
مكتبتى
رابط مختصر
زى ماقال الشهيد محمود محمد طه
الاحزان العميقة بتعدل المسارات
|
Post: #2
Title: Re: يابكرى بمناسبة مرور عشرين سنة على التأسيس
Author: بدر الدين الأمير
Date: 12-20-2019, 06:09 AM
Parent: #1
هذا الرطانى المتعورب
بعد مشاهدته ومعايشته
للثورة والثوار وتلاحم شعوب السودان
والشهداء والدماء السالت فداء الوطن
غير مساراته وبقى مسيكين وعمل سبحة
للاستغفار حتى انا بقى مابتكلم معى وبعتبرنى
اصدقاء سوء
|
Post: #3
Title: Re: يابكرى بمناسبة مرور عشرين سنة على التأسيس
Author: بدر الدين الأمير
Date: 12-20-2019, 06:12 AM
Parent: #2
وكمان بقى حارس احفاده الاتنين
اكان بكو ببكى معاهم وكان ضحكو
بضحك معهم
يابكرى ساعده على حسن الخاتمة
|
Post: #4
Title: Re: يابكرى بمناسبة مرور عشرين سنة على التأسيس
Author: بدر الدين الأمير
Date: 12-20-2019, 06:24 AM
Parent: #3
امس بعث لى رسالة
بداها بمربعين يهجو
فيها ايام جاهيليته
ثم طلب ان اشرح له
كيف يتم خلط الصبغة والحناء مع الكركدى
وصفت له كوفير فى منطقة السد
رسل لى رسالة صوتية بالرطانة
حولتها للمترجمة الرطانية احلام وهبى
قالت شتمك ومسح بيك الارض
|
Post: #5
Title: Re: يابكرى بمناسبة مرور عشرين سنة على التأسيس
Author: بدر الدين الأمير
Date: 12-20-2019, 06:29 AM
Parent: #4
قمت رديت عليهو
قلت له مسامحك ياجدو عشان بت ابراهيم وعلى عبدالوهاب
رسل لى صورة زول معضى اصبعو من الغيظ
|
Post: #6
Title: Re: يابكرى بمناسبة مرور عشرين سنة على التأسيس
Author: بدر الدين الأمير
Date: 12-20-2019, 07:05 AM
Parent: #5
بكرى
ياخى استعجل فى رفع الحظر
دينق مشغول بعزل ترامب هو يعزل
ترامب ونحن نرجع عزام
|
Post: #7
Title: Re: يابكرى بمناسبة مرور عشرين سنة على التأسيس
Author: بدر الدين الأمير
Date: 12-20-2019, 07:07 AM
Parent: #6
على فكرة
عزام وعد بان يقدم اعتذار
افضل من اعتذار ود الصادق المهدى
|
Post: #8
Title: Re: يابكرى بمناسبة مرور عشرين سنة على التأسيس
Author: بدر الدين الأمير
Date: 12-20-2019, 10:40 AM
Parent: #7
عزام ماغادر ضلاله القديم بشكل نهاى
بس فى هذه المرحلة يحتاج منا لمساعدته
|
Post: #9
Title: Re: يابكرى بمناسبة مرور عشرين سنة على التأسيس
Author: جمال ود القوز
Date: 12-20-2019, 11:04 AM
Parent: #8
Quote: عزام ماغادر ضلاله القديم بشكل نهاى
|
هههه .
مالك بتفلق وبتداوي يابدر ..
اركز وأملا يدك ..
ثم المنبر مليان عنصريين ..
اليجي يملا شبكتو ..
العنصرية ذات اتجاهين ..
فيجي يمثل الاتجاه المضاد ..
كحفظ للتوازن وكده ..
بعيدا عن عنصرية وبطيخ ..
عزام يستاهل زول مليان وفاهم ..
ـــــــــــــــــــــــــــــــــــــــــــــــــــــــــ
مسكافيشو هكر فجلو ..
سرن بيكومندو ..
قريبنا النوبي عزام حسن فرح ..
تنورنا يأخ ..
ويابكري استجيب لدعوات الأمير ده ..
ماتسفه طلبو عليك الله ..
|
Post: #10
Title: Re: يابكرى بمناسبة مرور عشرين سنة على التأسيس
Author: جمال ود القوز
Date: 12-20-2019, 11:10 AM
Parent: #9
| Quote: يابكرى بمناسبة مرور عشرين سنة على التأسيس |
جايب عزام فرح تحتفل بيهو ..
اصلو هو طورطه ..  ..
قلت لي عزام بقى حبوبة خلاص ..
عقبال إنت كمان تبقى حبوية تلولي العيال ..
على الاقل تتلخم شوية من سودانيز ..
ماتكون كمان بقيت حبوبة قبلو .. هههههههه ..
ديناصورات انتو ..
|
Post: #11
Title: Re: يابكرى بمناسبة مرور عشرين سنة على التأسيس
Author: خضر الطيب
Date: 12-20-2019, 11:21 AM
Parent: #8
Quote: حتى انا بقى مابتكلم معى وبعتبرنى
اصدقاء سوء |
انتو الاتنين من اصدقاء السوء
الجد عزام دا وغد يجب ان ينضم
لزمرة الاوغاد في سودانيزاونلاين يا بكري
لكن دينق رايو شنووووو !!
|
Post: #12
Title: Re: يابكرى بمناسبة مرور عشرين سنة على التأسيس
Author: Abureesh
Date: 12-20-2019, 11:37 AM
Parent: #11
ما اظنه عنصرى.. و لا أتذكر سبب إيقافه
ما عنصرى لانه رغم انه محسى و لكنه يلبس الصديرى و يتكلم بلهجة البطانة.. و حتى هو متبنى ثقافتهم و اسلوب حياتهم. طبعا لا اعرف عزام شخصيا و لكن طابع الكتابة
|
Post: #13
Title: Re: يابكرى بمناسبة مرور عشرين سنة على التأسيس
Author: بدر الدين الأمير
Date: 12-20-2019, 11:45 AM
Parent: #11
جمال ياود القوز
وخضر ياود الطيب
عزام فرح
يرجى منه ولايرجى منه
|
Post: #14
Title: Re: يابكرى بمناسبة مرور عشرين سنة على التأسيس
Author: امتثال عبدالله
Date: 12-20-2019, 12:47 PM
Parent: #13
والله يا ود الأمير شفقتنا نقرأ ل عزام ده ما دام بتشكر فيه وتشتمه في نفس الوقت ...وزميلة محسية كانت عضوة في المنبر بتقول مستحيل واحد يكون نوبي وعنصري في نفس الوقت ، لأنهما فكرتان متضادتان ...وأضافت أن عزام هذا كتاب ، بتشديد التاء ، ولكنها استدركت وقالت ربما ان الحلفاويين لديهم بعض العنصرية في حكاية الزواج فهم لا يرغبون في تزويج بناتهم من خارج الأسرة.... والمهم نحن نضم صوتنا الى صوتك ونقول لصاحب الحوش الكبير الذي يسع الجميع ان لا يرد مناشدة ود الأمير ويخلي عزام يرجع بكتب تاني ....وهي تقول في ناس في المنبر هنا مفروض ما بخلوهم حتى يتاوقوا ويقراوا دعك من الكتابة..بس بقت على عزام....
|
Post: #15
Title: Re: يابكرى بمناسبة مرور عشرين سنة على التأسيس
Author: علي عبدالوهاب عثمان
Date: 12-20-2019, 02:08 PM
Parent: #14
الامير حبيبنا .. ده أجمل خبر ..
عزام الحبيب ده زول موهوب من طينة خليل فرح
يحيد النوبية بكل تراثها والعربية بلغة أهل البطانة
الامير صدقني انت رائع اخو اخوان .. بثقافة العرب شيخ قبيلة
|
Post: #16
Title: Re: يابكرى بمناسبة مرور عشرين سنة على التأسيس
Author: علي عبدالوهاب عثمان
Date: 12-20-2019, 02:08 PM
Parent: #14
الامير حبيبنا .. ده أجمل خبر ..
عزام الحبيب ده زول موهوب من طينة خليل فرح
يحيد النوبية بكل تراثها والعربية بلغة أهل البطانة
الامير صدقني انت رائع اخو اخوان .. بثقافة العرب شيخ قبيلة
|
Post: #17
Title: Re: يابكرى بمناسبة مرور عشرين سنة على التأسيس
Author: دينق عبد الله
Date: 12-20-2019, 02:59 PM
Parent: #16
إصابة الزميل عزام حسن بوهم العنصرية ليس أبلغ من الاخرين فقط أنه واضح الي حد الجلافة.
اقول وهم لأنه لا هو و لا غيره من الذين يتوهمون بأنهم عنصريون مؤهلين للدور التمثيلي الذي يقومون به .
عند العاقل لا يوجد اي سبب به يتعنصر السوداني على الاخر
لأن كل السمات الجسدية و الوراثية تكاد تكون متطابقة. فقط هنالك غبشة في عيون البعض.
اذا الفارق الوحيد الذي ربما يبرر التمييز هو الفارق في الوضع المادي .
معروف ان جل السودانيين فقراء. و معظم اعضاء المنبر مثلا هم و اهليهم فقراء يسكنون الاحياء الشعبية البسيطة حتى في الخرطوم. او يعملون ليل نهار في خارج السودان لتوفير العيش المناسب ( ولا اقول الكريم)
لا شيء يحفز بعض السودانيين على العنصرية غير المرض.
من المهم ان يدرك بعض اعضاء المنبر مثلا انهم غير مؤهلين للعنصرية ضد اخوانهم السودانيين.
------------------------
بعدين يا جماعة اكتبوا عن Deng ابن عمي بالاحرف اللاتينية
عشان الواحد ما يختلط عليه الأمر
|
Post: #18
Title: Re: يابكرى بمناسبة مرور عشرين سنة على التأسيس
Author: بدر الدين الأمير
Date: 12-21-2019, 04:40 AM
Parent: #17
امتثال القروية البدوية الأمريكية
على عبدالوهاب الاستاذ المعلم وكاد المعلم ان يكون رسول
دينق بالعربى المسلم الما اسلمجى
حبابكم ألف
مشاكلى وختلافاتى مع عزام ومحبتى له عويصة شديد
جمعتنى به الغربة الكدرومية على قول حميد والكدرومية
هى النخلة الطويلة العصية فى الوصول لثمارها
والده ووالدى لهما الرحمة كانو مغتربين بدولة قطر وكلانا
نشاة هنا وجمعنا دكان بكرى وبقينا نلتقى ونتناكف وانت
دفعة فلان ان بتعرف علان ولقيتو سايط السودان ومتزوج
من قريبتى من سهل البطانة بت ابراهيم ومن يومها لا بريده
ولا بحمل بلاويهو حتى ابنى امير ذو الاربعة سنوات يسالنى عنه
عمو الرطانى جاى ودى عندها قصة
كنت على موعد مع عزام حايمرنى البيت وامير داير ويدو الألعاب
قلت لامير حانمش الالعاب بعد مايجى عمو الرطانى
عزام وصل ودق الباب قام امير مشى فتح له الباب.
وقال له تفضل ياعمو الرطانى
عزام شتمنى انا وولدى بالعربى بالرطانة بالانجليزى
المهم امير بالو فى انمشى الالعاب جا قال لعزام عمو
الرطانى يلا مع سلامة عزام بقى يضحك بشكل هستيرى
وطلع وتانى ماشفتو ولاجانا حتى كتابة هذا البوست
|
|