Post: #1
Title: أخيراً .. ٢٥ ديسمبر عطلة رسمية في السودان بمناسبة الكريسماس
Author: يحي قباني
Date: 12-19-2019, 01:12 AM
00:12 AM December, 18 2019 سودانيز اون لاين
يحي قباني-فى الدنيا العجيبة
مكتبتى
رابط مختصر
بعد أن أوقفها النظام المخلوع في 2011 م ....عودة الكريسماس عطلة رسمية في السودان
أعلنت الأمانة العامة لمجلس الوزراء بالسودان الأربعاء 25 ديسمبر الجاري، عطلة رسمية في جميع أنحاء البلاد بمناسبة أعياد الكريسماس لجميع السودانيين.
وقال مجلس الوزراء السوداني – في بيان اليوم الثلاثاء – “عطلة عيد الميلاد المجيد للطوائف الغربية، ستكون خلال الفترة من الثلاثاء 24 ديسمبر إلى الخميس 26 ديسمبر، على أن يكون يوم الأربعاء الموافق 25 ديسمبر (عيد الميلاد عند الطوائف الغربية، ويُسمى الكريسماس)، عطلة رسمية في جميع أنحاء البلاد بهذه المناسبة”.
وظل السودان يحتفل بـ”الكريسماس”، ويمنح عطلة لمواطنيه في تلك المناسبة، حتى انفصال جنوب السودان في عام 2011، وبعدها ألغت حكومة الرئيس المخلوع عمر البشير تلك العطلة.
وطالما أكد وزير الأوقاف في الحكومة الانتقالية بالسودان نصر الدين مفرح اهتمامه بنشر التسامح بين أصحاب الديانات في بلاده، مشددا على ضرورة تمتع كل الطوائف بحرية العبادة.
واعتبر البعض القرار يمنح دفعة معنوية كبيرة لمسيحيي السودان، ويؤكد أن الحكومة ماضية في ترسيخ نهج احترام الأديان
|
Post: #2
Title: Re: أخيراً .. ٢٥ ديسمبر عطلة رسمية في السودان ب
Author: يحي قباني
Date: 12-19-2019, 01:14 AM
Parent: #1
الله أكبر ..
|
Post: #3
Title: Re: أخيراً .. ٢٥ ديسمبر عطلة رسمية في السودان ب
Author: abdalla elshaikh
Date: 12-19-2019, 03:07 AM
Parent: #2
قباني !
جان والكريسماس قصيده بازخه لأستاذنا هاشم صديق
ولمّا ترقص جان
ببقي زولن إسمو تاني
ورسمو تاني
عبرك تحياتي لأستاذنا هاشم صديق
|
Post: #4
Title: Re: أخيراً .. ٢٥ ديسمبر عطلة رسمية في السودان ب
Author: يحي قباني
Date: 12-19-2019, 04:36 AM
Parent: #3
ود الشيخ يا جميل ..
يصل ان شاء الله ...
جان و الكريسماس .. موقع الأستاذ هاشم صديق
كان كريسماس
في عوالم يُمّه لعيونِك جديده
النبيذ في عروقي بقَّ
ولهلبت روحي الموسيقى
والبنات يا يُمّه عينيهِن تودر
كلُ لوناً
كلُ رمشاً بي قصيدة
..........
وجَان بترقُص
ولمّا ترقُص جان بِتغرق
مره زي لهباً مجنّح
ومره زي أهل الطريقة.
الطبول جواي دقّت
الموسيقى اتفجّرت جوّه المكان
السقِف إتضارى بي غيم الدُخان
الرزيم تاه بالبِنَية
الوقَفَت قلب الزّمان
وفي السما اللوّن عيونها
جنحّت نغمَة كمان
.........
وإحترت يُمّه
طِرت يُمّه
للسمّا الوّن عُيونها
ونمت في الأفق المريح
دقّت أجراس الكريسماس
وغنّا للدنيا المسيح
وغِبت أسجد
للإله الصوَّر اللوحَه
وأصلي
مره أعرِض .. مره أرقُص
مره أشهق مره أبكي
الجمال يا الله قَدري
وروحي ساكناها الموسيقى
وفي العيون الحِلوه
بقرا المابَعَرْفو
وبلمَح الرّب والحقيقة
والطبول لامن تدُق جواي
بتمتد الجسور من (نُمُلي)
( للحِله الجديده)
والرزيم لامن يهوِّم بالبنيّه
الغايبه زي أهل الطريقَه
ببقى زولاً شكلو تاني
وحرفو تاني
ورسمو تاني
وروحو ريشتو
الجمال في الدُنيا عِيشتو
الجمال في الدُنيا عِيشتو .
|
Post: #5
Title: Re: أخيراً .. ٢٥ ديسمبر عطلة رسمية في السودان ب
Author: بدر الدين الأمير
Date: 12-19-2019, 04:54 AM
Parent: #4
قبانى
لوكنت معى فى الكرسمس
بودمدنى
|
Post: #6
Title: Re: أخيراً .. ٢٥ ديسمبر عطلة رسمية في السودان ب
Author: muntasir
Date: 12-19-2019, 05:11 AM
Parent: #5
يا قبة وودالشيخ ذكرتوني ملصق كان الأستاذ محمد الأمين بقاعة الصداقة ورائعته جان والكريسماس وتاني ما سمعنا عنها
|
Post: #7
Title: Re: أخيراً .. ٢٥ ديسمبر عطلة رسمية في السودان ب
Author: أبوذر بابكر
Date: 12-19-2019, 07:11 AM
Parent: #1
يا خليل الكريسماس
تلقانا قبل أسبوع بنجهز فى الأصناف الجيدة من مستلزمات الإحتفال
ونطقس الخبارات
قالو القرين فيلدج جايبين ليهن فرقة اسيوبيه
اسيوبيه بى سا سخانه
ههههه
ينط واحد يقول ليك لا لا ياخ اخير نمش المكتبة القبطية
فيها منو ؟
والله ما عارف لكين جورج قال احتمال يكون فيها فرقة أوروبية
يا زول لا دى ولا دى
الجن التعرفو ولا الجن الما بتعرفو
نمش كازينو النيل اللزرق فيهو حنان بلوبلو
ياها شبهك يا معولق
والله جد
لا ده كلو هين
العضة كيف
شيه ولا حلة ؟
أجمل ما فى الكريسماس يا يحي هو الصقط
صقط الخرطوم الحنين
وحنان الخرطوم الدافى
|
Post: #8
Title: Re: أخيراً .. ٢٥ ديسمبر عطلة رسمية في السودان ب
Author: يحي قباني
Date: 12-19-2019, 07:47 AM
Parent: #7
Quote: قبانى
لوكنت معى فى الكرسمس
بودمدنى |
شكلك فهمتني غلت هههههه
|
Post: #9
Title: Re: أخيراً .. ٢٥ ديسمبر عطلة رسمية في السودان ب
Author: يحي قباني
Date: 12-19-2019, 07:52 AM
Parent: #8
| Quote: يا قبة وودالشيخ ذكرتوني ملصق كان الأستاذ محمد الأمين بقاعة الصداقة ورائعته جان والكريسماس وتاني ما سمعنا عنها |
الما سمعنا عنه تاني كتيييييير يا مونتا يا صديقي ...
المتخلفين ديل اجتهدوا كتير عشان ينسونا ...
لكن و حياتك كله محفوظ و كل شئ يرجع كما كان ...
حتى البيره الباااااااردة كان ما رجعت اضحك علي ...
الشعب عطشان ...
|
Post: #10
Title: Re: أخيراً .. ٢٥ ديسمبر عطلة رسمية في السودان ب
Author: يحي قباني
Date: 12-19-2019, 10:01 PM
Parent: #9
Quote: يا خليل الكريسماس
تلقانا قبل أسبوع بنجهز فى الأصناف الجيدة من مستلزمات الإحتفال
ونطقس الخبارات
قالو القرين فيلدج جايبين ليهن فرقة اسيوبيه
اسيوبيه بى سا سخانه
ههههه
ينط واحد يقول ليك لا لا ياخ اخير نمش المكتبة القبطية
فيها منو ؟
والله ما عارف لكين جورج قال احتمال يكون فيها فرقة أوروبية
يا زول لا دى ولا دى
الجن التعرفو ولا الجن الما بتعرفو
نمش كازينو النيل اللزرق فيهو حنان بلوبلو
ياها شبهك يا معولق
والله جد
لا ده كلو هين
العضة كيف
شيه ولا حلة ؟
أجمل ما فى الكريسماس يا يحي هو الصقط
صقط الخرطوم الحنين
وحنان الخرطوم الدافى |
اباذر يا صديقي ...
الخرطوم بالليل ...
تعرف قبل ساعة كنت بطمئن على صحة استاذنا الجميل كابلي ...
هو الايام دي في مشجان و راجع على فرجينيا ان شاء الله ...
فشاغلته قبل السلام و هو في ترحاله ده ... و قلت ليو
" قسمتك يا رقيق الحال .. مكتوب ليك تعيش رحال"
و كانت بداية لمكالمة وصلت لمدة 20 دقيقة حكى فيها ماحكى عن الاغنية و سبب تأليفها و ذكريات زمان و السودان الذي كان ...
لو تيسر الامر حتسمع حكاية عجيبة عن قصة ( غريب و الغربة أقصى نضال ) و تصنيف الكابلي للغربة ...
ادهشني الكابلي كما يدهشني في كل مره نتحدث ...
الله يطول في عمره و اديهو الصحة و العافية ان شاء الله ...
|
Post: #11
Title: Re: أخيراً .. ٢٥ ديسمبر عطلة رسمية في السودان ب
Author: Kostawi
Date: 12-20-2019, 05:00 PM
Parent: #10
Quote:
بدو أنك من جيل بصات أبورجيلة الصفراء والطراحة من المحطة الوسطى ام درمان للخرطوم بخمسة قروش والطرادة تلكم الورقة العجيبة التى تفعل الأعاجيب وبيت الأزهرى الشاهق المزركش ومحطة مكى والشهداء وام درمان الثانوية بنات حيث الدلال والغنج والمسرح القومى شباك الدنيا فى ام درمان والانجيلية ودلع الملازمين وزقاقات ودنوباوى وأبروف وأصالة فول أحمد سعد والسوق الجديد وعجلات جامسكا وخيرات واستوديو الوادى والبيرة ام جمل وقمرنا وسمك الموردة وقعدات النيل فى الجندول والدور التانى فى سينما ام درمان والعدنى ولحمة عثمان كايرو وحفلات العرس ونحن نرتدى الشارلستون فى خنفسة مايكل جاكسون ونسمع بوب مارلى وبونى ام يا لذاك الجمال والبساطة والأريحية ، حتى طعم الطعام كان مختلفا ، لماذا ذهب كل ذلك؟؟؟؟؟ |
يازولyazoalيازول
2007
|
Post: #12
Title: Re: أخيراً .. ٢٥ ديسمبر عطلة رسمية في السودان ب
Author: Kostawi
Date: 12-20-2019, 05:02 PM
Parent: #11
|
Post: #13
Title: Re: أخيراً .. ٢٥ ديسمبر عطلة رسمية في السودان ب
Author: محمد أبوالعزائم أبوالريش
Date: 12-20-2019, 09:33 PM
Parent: #12
إزيك يا دفعة ...
كويس إنو رجعوا إجازة الكريسماس ...
لكن في حاجات راحت عليكم وما بترجع ...
البيرجع لينا حاجات إحتفالات الكريسماس تاني شنو؟ (ناس جاز العقارب ووليم أندريه وكمال كيله .... إلخ.)
طبعاً الأهم من الفوق ديل كلهم، قول للزمان ارجع يا زمان وأمور ليها علاقة بالـــــ state of mind
|
Post: #14
Title: Re: أخيراً .. ٢٥ ديسمبر عطلة رسمية في السودان ب
Author: خضر الطيب
Date: 12-20-2019, 09:49 PM
Parent: #13
Quote: لكن في حاجات راحت عليكم وما بترجع ...
البيرجع لينا حاجات إحتفالات الكريسماس تاني شنو؟ (ناس جاز العقارب ووليم أندريه وكمال كيله .... إلخ.) |
ذكرتني قصيدة لدرويش يقول فيها
إن اعادوا لك المقاهي القديمة من يعيدُ لكَ الرفاق .. ؟؟
مات الذين تحبُّهُم
واللوزُ يُزهر كلَّ عامٍ بانتظامْ
ماتوا ولكنَّ الصخور تبيضُ لي حجلاً
وتسحب ظلَّها البُني عني
طُرق بلا طُرق هناكَ,
وههنا أفقٌ، وأغنية تمنَّتني ولكن حطمتني
وحدي أُجدِّد صرختي:
عودوا لأسمع صرختي .
عودوا إلىَّ الآن مني.
شكراَ ابو العزائم
و على قدر اهل العزم تأتي العزائم
و تأتي على قدر الكرام المكارم
|
Post: #15
Title: Re: أخيراً .. ٢٥ ديسمبر عطلة رسمية في السودان ب
Author: يحي قباني
Date: 12-20-2019, 10:22 PM
Parent: #14
هجام يا جميل ...
فابريقة النيل الأزرق ...
ايام كان ده برا و ده برا ...
الجماعة لخبتوا الكيمان ..:)
|
Post: #16
Title: Re: أخيراً .. ٢٥ ديسمبر عطلة رسمية في السودان ب
Author: أبوذر بابكر
Date: 12-21-2019, 02:57 PM
Parent: #10
أعتقد يا قبانى قصة اغنية زمان الناس
كانت فى الرياض فى السعودية
أو حاجه زى كده
نرجع لل Xmas
قبل 83 وقوانينها المشؤمة والمشينة
والشريعة بريئة منها طبعا وعلى الرغم حضور حديقة ال رويال و الجي بى و البيون و كوبا كوبانا وغيرها فى الخرطوم
و الريفيرا ومرسي ميامى والجندول والعين الخضراء وغيرها فى أمدرمان
إلا أنه كان المشوار المفضل والطاعم فى او قبل ليلة الاحتفال كان لما تشد الرحال صوب الديم وما أدراك ما الديم حيث عشه ووكر الاسم طبعا مقتبس من
Johnnie Walker
الجنتل مان آب عصاية داك
صاحب المشية الانيقة بدون اى تفاصيل
ههههههه
لو فى ناس هنا معانا من محاذيب عشه ووكر
ممكن يدوك التفاصيل
|
Post: #17
Title: Re: أخيراً .. ٢٥ ديسمبر عطلة رسمية في السودان ب
Author: أبوذر بابكر
Date: 12-21-2019, 03:07 PM
Parent: #1
تلحيقة:
ناس أم درمان الحرفا كانو بمشو لى أمين فى حى البوستة
أمين فى أمدرمان و عشه ووكر فى الخرطوم
لا يقلو باى شكل من الأشكال من ناس اسكتلندا أو فرنسا
|
Post: #18
Title: Re: أخيراً .. ٢٥ ديسمبر عطلة رسمية في السودان ب
Author: يحي قباني
Date: 12-22-2019, 04:50 AM
Parent: #17
Quote: أعتقد يا قبانى قصة اغنية زمان الناس
كانت فى الرياض فى السعودية
أو حاجه زى كده |
ابدا يا اباذر ... كتير مننا كنا نفتكر كده ...
بس في و نستنا يوم داك ذكر لي انه كتبها قبل سنة و نص من سفره للسعودية ...
و انه الغربه كانت داخل الوطن حتى ذكر لي انه استاذنا ابراهيم احمد عبد الكريم استضافه في لقاء و ساله كيف كتب قصيدة عن الغربه و قساوتها و هو لم يبرح السودان ...
و هناك تجلى كابلي في تصنيف الغربه ... و وصف الفروق بين غربة الجسد و غربة النفوس ...
و ذكر كابلي ان اقسى انواع الغربه هي التي تخطت مرحلة الغربة داخل الوطن الى الغربة داخل المنزل ... و اعطى مثالا الراحل ادريس جماع .. في كفره في كل من حوله حتى زهد الدنيا ...
|
Post: #19
Title: Re: أخيراً .. ٢٥ ديسمبر عطلة رسمية في السودان ب
Author: Deng
Date: 12-23-2019, 01:08 PM
Parent: #18
قرار عقلاني جدا
|
Post: #20
Title: Re: أخيراً .. ٢٥ ديسمبر عطلة رسمية في السودان ب
Author: يحي قباني
Date: 12-24-2019, 04:47 AM
Parent: #19
| Quote: طبعاً الأهم من الفوق ديل كلهم، قول للزمان ارجع يا زمان وأمور ليها علاقة بالـــــ state of mind |
اغرب شئ يا دفعه ... امس كنت مساهر مع جماعه
و طبعا آلكلام سياسة و السودان...
و جات سيرة الناس و حالها .. الطلع فوق و النزل حاله
فواحد منهم قال لي لو مشيت السودان اصلك ما تسآل من ناسك الزمان
الا تلقاهم صدفه .. لانك حتلقى الحال اتبدل ..
|
Post: #21
Title: Re: أخيراً .. ٢٥ ديسمبر عطلة رسمية في السودان ب
Author: نادر الفضلى
Date: 12-24-2019, 03:19 PM
Parent: #20
Merry Christmas
مفروض يومين
عيد الفطر يوم الوقفة + 3 يوم (بيقولوا وقفة على وقفة عرفة فى الحج ـ عيد الأضحى)
عيد ألأضحى يوم وقفة + 4 يوم
عيد الكريسماس يوم وقفة + 1 يوم (يومى 24 و25 ديسمبر)
عيد الكريسماس للشرقيين يوم وقفة + يوم عيد (يومى 7 و 8 يناير)
عيد شم النسيم يوم واحد يقرن مع يومى عطلة الإسبوع (جمعة وسبت)
(إجمالى 3 يوم إجازة)
أما عيد الإستقلال عشان بصادف رأس السنة يكون 2 يوم (1 و 2 يناير)
دا غير السماح للمسيحين إختيارى أخذ عطلة يوم الأحد
ويكون أفضل تكون عطلة الأسبوع ثلاثة أيام (جمعة، سبت وأحد)
على أن تضاف ساعات للعمل فى 4 ايام العمل (بين 9 ل 10 ساعات فى اليوم)
فوائدها منها توفير الوقود وصرف الكهرباء
المجموع ما بين 18 ل 19 أيام إجازات رسمية خلال السنة.
لو طلع فيه يهود نختار ليهم عيد الغفران يوم واحد لو كالبوا بالمساواة
وعاوزين وقفة مافى مانع الإجازة طبعا لليهود وغيرهم
.دا كما قالوا ليكم مالكم ومالنا بنأجز برانا وبدون عطلة رسمية!
وربنا يكتر الأفراح وألإبتهاج.
|
|