Post: #1
Title: رحيل الشاعرالسوداني عبدالرحمن مكاوي-له الرحمة
Author: زهير عثمان حمد
Date: 12-18-2019, 11:02 AM
Parent: #0
10:02 AM December, 18 2019 سودانيز اون لاين
زهير عثمان حمد-السودان الخرطوم
مكتبتى
رابط مختصر
لاحول ولاقوة الا بالله:
توفي فجأة صباح اليوم الاديب والشاعر الغنائي الكبير عبدالرحمن مكاوي والذي اشتهر بثنائيته المعروفة مع الفنان حمد الريح
العزاء بمنزله بالحاج يوسف خلف مستشفي البان جديد .
رحمه الله.
من روائع الراحل
كلمات الشاعر عبدالرحمن مكاوي
الحان الفنان عبدالتواب عبدالله
الاستاذ مصطفى سيد احمد
تقول لى الفراق مكتوب
وزى اول جمعنا قدر
وترحل يا حبيب العين
تخلى صباحى ليل وسهر
اقاسمك فى السفر بالروح
سعيد انت وشقانى سفر
لما كتمت دمع الشوق
بكيت من غير دموع اكتر
طريتك فى عيون الناس
لما لقيتة محتارة
وفي دروبا مشيتها معاك
وراك فترني مشوارها
وما تخيلت جناتك
تصبح للعيون نارها
نار فرقتنا يا حنين
مجبور قلبي يختارها
زمان ما كنت قايلك انا
عبيرك منو تحرمنى
والاقى الليل طويل عمرو
وعمرى الباقى يظلمنى
طريتك قلبى علمتو
عشان انساك علمنى
لا كان الفراق منك
ولا يا روحي كان مني
من كلمات الشاعر عبدالرحمن مكاوى وغناء البلابل
اسالمك فى عيون الناس ....
واشوف كل العيون عينيك ....
لانك انت كل الناس .. بعيد و العين تسالم فيك
اسافر فى العيون و ارحل بعيد يا قلبى وامشى هناك ....
وفى المشوار اجيب سيرتك وما قادر شوية انساك .....
اعيش دنياي مع طيفك ...
واقول يا ريتنى فى دنياك ....
ده حالك وانت عنى بعيد وكيف الحال وكت القاك ...
.... اسالمك فى عيون الناس ....
صباحك بالفرح نعسان ... عيون طفلة وصباح عيدين
حلاتك فايتة كل الناس ...
وفاتت طيبتك الطيبين ....
بحبك وانت عنى بعيد ....
لانك ما بتفارق العين ....
كفاية يحس بيك قلبى ....
ويطراك فى خطى العايدين
واسالمك فى عيون الناس ....
واشوف كل العيون عينيك ....
لانك انت كل الناس .. بعيد و العين تسالم فيك
|
Post: #2
Title: Re: رحيل الشاعرالسوداني عبدالرحمن مكاوي-له ا�
Author: ياسر السر
Date: 12-18-2019, 03:51 PM
Parent: #1
لا حول ولا قوة الا بالله العلي العظيم ،،، اللهم ارحمه واغفر له وتوفه مع الابرار ،،، فقد جلل ... نسال الله ان يتقبله قبولا حسنا بقدر ما قدم لنا من كلمات شكلت وجدان عدد كبير من أبناء الشعب السوداني ... التعازي لاسرته وأهله واصدقاءه ومعارفه ومحبيه وجيرانه وزملاءه والتعازي لكل قبيلة شعراء السودان عامة ... الدوام لله
ياسر العيلفون .....
|
Post: #3
Title: Re: رحيل الشاعرالسوداني عبدالرحمن مكاوي-له ا�
Author: احمد حمودى
Date: 12-18-2019, 10:01 PM
Parent: #2
له الرحمة والمغفرة وصادق العزاء لاسرته
|
Post: #4
Title: Re: رحيل الشاعرالسوداني عبدالرحمن مكاوي-له ا�
Author: Osman Musa
Date: 12-20-2019, 09:09 AM
Parent: #1
رحم الله شاعرنا الكبير عبدالرحمن مكاوي
ولاحول ولاقوة الا بالله .
|
Post: #5
Title: Re: رحيل الشاعرالسوداني عبدالرحمن مكاوي-له ا�
Author: Emad Ahmed
Date: 12-20-2019, 08:52 PM
Parent: #4
https://up.top4top.net/
الشاعر الراحل عبد الرحمن مكاوي اتحف مكتبة الغناء السوداني من شعره بالأغنيات التالية :
انس العاقب : يابلدينا
مصطفى سيد أحمد : الفراق مكتوب
البلابل :عمر الهناء, أسالمك
حمد الريح : اصبحت كيف, أحلى منك, شقى الايام, الليلة جيت شايل الفرح
محمد الامين : الا الغربة
النور الجيلاني : القدامنا ما انت
التاج مكي : التينة
جمال فرفور : ياعصافير
اللهم أرحم شاعرنا عبد الرحمن مكاوي وانزله منزلة صدق واعطيه ماوعدت به عبادك الأبرار
|
Post: #6
Title: Re: رحيل الشاعرالسوداني عبدالرحمن مكاوي-له ا�
Author: Emad Ahmed
Date: 12-20-2019, 08:54 PM
Parent: #5
https://up.top4top.net/
الشاعر الراحل عبد الرحمن مكاوي تغشاهو الرحمة والمغفرة
|
Post: #7
Title: Re: رحيل الشاعرالسوداني عبدالرحمن مكاوي-له ا�
Author: Ahmed Yassin
Date: 12-20-2019, 09:56 PM
انا لله وانا اليه راجعون
له الرحمة والمغفرة وان يجعل قبره روضة من الجنة
ونساله ان يدخله الجنة من غير حساب او عقاب يا ارحم الراحمين
|
|