الأمير توفيق vs ود الباوقة

04:35 PM December, 16 2019

سودانيز اون لاين
Hamid Elsawi-Calgary, Alberta, Canada
مكتبتى
رابط مختصر

ده بوست للضحك فقط و اعتذر مقدماً
للغائب عنا ود الباوقة و للأمير توفيق
لأي خشونة لفظية قد تصيبهما

البوست ملك الجميع
لن التزم بالرد علي المداخلات كلها
و سوف اكون ضيفاً علي البوست فقط مثل كل المشاركين
فهو زي ما قلت بوست غير جاد و للفرفشة فقط

فكرة البوست جات من ونسة مع بعض
متابعي و قُراء المنبر و ليس عضو حيث
عَلق قائلاً (( ربنا حرمنا من ود الباوقة لكن
البركة في الامير توفيق بحاول يسد الفَرَقه

من أوجه الشبه الاتنين
دمهم خفيف جداً احياناً
و تقيل جداً احياناً أُخري ولا يوجد وسط
تاني مقدرة عالية في إثارة زملاء البورد
و رفع كثافتهم و ضغطهم خاصة دينق
و ايضاً ما تعرف الواحد منهم
جَادْ ولا بِهَظِرْ

زي ما قُلْتَ دي ملاحظات قُراء فقط وليس اعضاء
انقلها منهم هنا عشان يعرفوا راي الاعضاء شنو
في ملاحظاتهم.
الآن اترك الدركسون بتاع البوست لكم
و ح انقل أي تعليق منم بحيث لا يتعارض
مع لوائح و قوانين المنبر

لكن يا حامد في فرق كبير بين سمو الأمير توفيق وبين ود الباوقة ، لأن سمو الأمير لم يكن كوز ولم يكن يدافع عن نظام اللصوص والحرامية بينما ود الباوقة كان بيدافع بشراسة عن نظام اللصوص والحرامية وتجار الدين...

حريف لكن يا صاوي .... 😂😂😂😂
عايز تقول ليهم حاجة قولها طوالي شنو بتضارى بي وراء (قراء) ...
😂😂😂

سلام ليك و لي ضيوفك و لي الجوز اللي في عنوان البوست ...

تعرف يا أبو حسين
واحد من القراءال انا متضاري وراهم ديل
كان زمان بتاع مشاكل كلمتين التاتة بنية طوالي
كل يوم عندو شكلة و ضرب مع زول و مشهور
بالحماقة ... و زي ما قلت ليك متابع جيد للمنبر
اكتر مِني و بلفت نظري في كتير من الاحيان لي بوستات
مرة كنت بتكلم معاهو و قلت ليهو حقو تبقي عضو في المنبر
قال لي بجديه (( طيب لو واحد إتلاطع علي أدقو كيف
الله يصبركم انتو علي ناس فلان و عِلان ))

إمتثال طَلَتِك اسعدتنا

Quote: (( طيب لو واحد إتلاطع علي أدقو كيف الله يصبركم انتو علي ناس فلان و عِلان ))

عايز ياخد حقو في التو و اللحظة ....