Post: #2 Title: طبعا التعبير دا لو قالوا واحد تاني كانوا الكيزان قلبوا الدنيا و اكيد طالبوا بحل حزب البهجة . Author: بكرى ابوبكر Date: 12-14-2019, 11:22 PM Parent: #1
تحياتي قباني طبعا التعبير دا لو قالوا واحد تاني كانوا الكيزان قلبوا الدنيا و اكيد طالبوا بحل حزب البهجة .
Post: #3 Title: Re: طبعا التعبير دا لو قالوا واحد تاني كانوا Author: يحي قباني Date: 12-14-2019, 11:33 PM Parent: #2
شايف كيف حقيقتهم يا هندسة ...
مش حاجة تحير ...
Post: #4 Title: Re: طبعا التعبير دا لو قالوا واحد تاني كانوا Author: صديق مهدى على Date: 12-14-2019, 11:50 PM Parent: #3
حباب الاحباب حرية سلام وعدالة دا كان شعار المسيرة
Post: #5 Title: Re: طبعا التعبير دا لو قالوا واحد تاني كانوا Author: صباح حسين طه Date: 12-15-2019, 01:58 AM Parent: #4
لا حولاااااااااا تطور كبير بعد 30 سنة في السلطة دير لو استمروا 10 سنوات تاني كان لغتهم فاتت لغة الصعاليك والسكارى والحكاية دي ما حاجة منعزلة لو لاحظتوا للكلام القالوا الفاتح عزالدين والكلام القالوا حسين خوجلي وقبليهم أحمد هارون (ما تجيبو حيْ) وفضايحهم من أيام عثمان خالد لشيخ سنجة
Post: #6 Title: Re: اي كلب بلعب بالدين انحنا بنطلع دينو Author: حسن كجروس Date: 12-15-2019, 02:30 AM Parent: #1
والله نفس العنجهية بتاعة الكيزان دي في اي مكان تمشي ليه الكوز بيفترض نفسه وصي علي الإسلام بمجرد انه كوز ما مهم اخلاقه وما مهم ومؤهلاته بس يكون كوز ويركب وش الكلب بتاع نحن البلد دي حقت ابونا. الله يكون في عونك يا حمدوك
Post: #7 Title: Re: اي كلب بلعب بالدين انحنا بنطلع دينو Author: بدر الدين الأمير Date: 12-15-2019, 02:39 AM Parent: #6
نعم ياقبانى كلامهم صاح التجارة بالدين فلاح اللعب بالدين ترف وبعدين انت الدين دا بطلعو كيف
السلام عليكم الزواحف ما بختشو د حتي ابي عزالدين الشهير ب قميص ميسي ما اختشي واستلم قناة ال بي بي سي وحاضرنا في الدين
الكوز ما بختشي
Post: #9 Title: Re: اي كلب بلعب بالدين انحنا بنطلع دينو Author: muntasir Date: 12-15-2019, 04:05 AM Parent: #8
سلام إخلاص زميل المنبر أبي يو كي كان من كبار (صغار الحبرتجية) لكن عوده إشتد وأصبح من كبارهم عقبال ما نشوفه في إصلاحية الأحداث إسوة برئيسه في القصر ،أبي الفلوس عند السلطان والمفتاح عند النجار بعد قميص مسي السلطان ما وداك الغرفة وغمت ليك حق الفنلة
Post: #10 Title: Re: اي كلب بلعب بالدين انحنا بنطلع دينو Author: خضر الطيب Date: 12-15-2019, 04:17 AM Parent: #9
سلام يا قُبة حيجو الكيزان يقولو ليك دا ما مننا دا شيوعي مندس لكن اتمنى من اي محامي في السودان او اي شخص ان يقوم بفتح بلاغ ضد هذا السحلية المعتوه تنص المادة 125 اهانة العقائد الدينية على ان من يسب علنا أو يهين بأي طريقة أيا من الأديان أو شعائرها أو معتقداتها أو مقداساتها أو يعمل على إثارة شعور الاحتقار أو الزراية بمعتنقيها يعاقب بالسجن مدة لا تتجاوز ستة أشهر أو بالغرامة أو بالجلد بما لايجاوز 40 جلدة
Post: #11 Title: Re: اي كلب بلعب بالدين انحنا بنطلع دينو Author: خضر الطيب Date: 12-15-2019, 04:30 AM Parent: #10
منقول #منبرشات تحييكم معلومات عن الكوز الني السب الدين
الاسم :البشيري حميدان
اللقب:ابوجالوطة
السكن:غرب كردفان الفوله
الحي :الوحده جوار مدرسة جار النبي الثانويه بنين
المهنه: منسق الدفاع الشعبي لغرب كردفان
دموي جدا ومكروه في اوساط اهلو واسألوا عنو لجان مقاومه الفوله الجرائم الأخلاقية : محمل بنت قدر بنته لعنه الله عليك يا وسخان
Post: #12 Title: Re: اي كلب بلعب بالدين انحنا بنطلع دينو Author: Ali Alkanzi Date: 12-15-2019, 05:46 AM Parent: #11
الحق ُ يظهرُ في فلتات اللسان ....ولتعرفنهم في لَحْنِ القول ...
Post: #14 Title: Re: اي كلب بلعب بالدين انحنا بنطلع دينو Author: عمر التاج Date: 12-15-2019, 05:53 AM Parent: #12
واحدين عايزين يطلعوا دين الناس وواحدين طلعوا ميتينا زاتو وواحدين طلعوا زيتنا وواحدين طلعونا من بلدنا دي وخلونا لاجئين في الخليج الكيزان ديل ماعندهم شغلة غير الطليع فيها شنو لو دخلوا فينا الدين والخير والجمال ورجعونا من غربتنا دي سالمين غانمين؟
Post: #13 Title: Re: اي كلب بلعب بالدين انحنا بنطلع دينو Author: دينق عبد الله Date: 12-15-2019, 05:51 AM Parent: #11
سبحان الله
لما تشوف كوز يدافع عن الدين يجيك الإحساس بإنك أمام واحدة( داعرة ) تتكلم عن حرمة الدعارة
------------ بعدين تعبير "نطلع دينه" لا يمكن ان يقوله شخص متدين
محنة الإسلام في السودان انه يتعرض للتشويه و الاستغلال من قبل الكيزان و حرب ممنهجة من قبل بعض مكونات ال قحت
Post: #15 Title: Re: اي كلب بلعب بالدين انحنا بنطلع دينو Author: يحي قباني Date: 12-15-2019, 06:20 AM Parent: #13
Quote: حباب الاحباب حرية سلام وعدالة دا كان شعار المسيرة
صديق كيفنك .. الصحة تمام ان شاء الله ...
شعار شنو و مسيرة شنو ياخي ... دي ناس فقدت بوصلتها زماااان .. الحرامية النهبو البلد لابتين ... و بطلعوا العطالى ديل ...
Post: #16 Title: Re: اي كلب بلعب بالدين انحنا بنطلع دينو Author: يحي قباني Date: 12-15-2019, 06:26 AM Parent: #15
Quote: لا حولاااااااااا تطور كبير بعد 30 سنة في السلطة دير لو استمروا 10 سنوات تاني كان لغتهم فاتت لغة الصعاليك والسكارى والحكاية دي ما حاجة منعزلة لو لاحظتوا للكلام القالوا الفاتح عزالدين والكلام القالوا حسين خوجلي وقبليهم أحمد هارون (ما تجيبو حيْ) وفضايحهم من أيام عثمان خالد لشيخ سنجة
يا صباح
ديل خطابهم بزيئ من يومهم ...
بس غشو الشعب الطيب باسم الدين ...
حسابهم عسير في محكمة الشعب ...
Post: #17 Title: Re: اي كلب بلعب بالدين انحنا بنطلع دينو Author: يحي قباني Date: 12-15-2019, 06:29 AM Parent: #16
Quote: والله نفس العنجهية بتاعة الكيزان دي في اي مكان تمشي ليه الكوز بيفترض نفسه وصي علي الإسلام بمجرد انه كوز ما مهم اخلاقه وما مهم ومؤهلاته بس يكون كوز ويركب وش الكلب بتاع نحن البلد دي حقت ابونا. الله يكون في عونك يا حمدوك
ديل يا حبيبنا زي ما قال اخونا د. عاصم بابو نمر " الكيزان بي عمائمهم و افعالهم دي الا يكونوا عرفوا انو مافي آخره و لا في حساب و ما كلمونا"
Post: #18 Title: Re: اي كلب بلعب بالدين انحنا بنطلع دينو Author: يحي قباني Date: 12-15-2019, 06:33 AM Parent: #17
Quote: نعم ياقبانى كلامهم صاح التجارة بالدين فلاح اللعب بالدين ترف وبعدين انت الدين دا بطلعو كيف
الدين عندهم زي اشارات المرور في السعودية... للاجانب فقط ...
Post: #19 Title: Re: اي كلب بلعب بالدين انحنا بنطلع دينو Author: يحي قباني Date: 12-15-2019, 06:36 AM Parent: #18
Quote: السلام عليكم الزواحف ما بختشو د حتي ابي عزالدين الشهير ب قميص ميسي ما اختشي واستلم قناة ال بي بي سي وحاضرنا في الدين
الكوز ما بختشي
هم اوصيا على الدين يا اخلاص يطلعوهو يدخلوهو على كيفهم ...
Post: #20 Title: Re: اي كلب بلعب بالدين انحنا بنطلع دينو Author: يحي قباني Date: 12-15-2019, 06:41 AM Parent: #19
Quote: سلام إخلاص زميل المنبر أبي يو كي كان من كبار (صغار الحبرتجية) لكن عوده إشتد وأصبح من كبارهم عقبال ما نشوفه في إصلاحية الأحداث إسوة برئيسه في القصر ،أبي الفلوس عند السلطان والمفتاح عند النجار بعد قميص مسي السلطان ما وداك الغرفة وغمت ليك حق الفنلة
يا مونتا ... الفلوس عند السلطان و السلطان داير عروس
و الباسطة ما بتكتل .. بكتل ملاح الروب ..
Post: #21 Title: Re: اي كلب بلعب بالدين انحنا بنطلع دينو Author: عمر أبوعاقلة Date: 12-15-2019, 06:53 AM Parent: #20
عارف يا قبة .. دا لو زنقته بسؤال : في أي مرحلة خلال الثلاثين سنة اللي فاتت تم تطبيق الشريعة في السودان ؟ حيقعد يتلفت ساي
عموما مودتي وياها المحرية فيهم
Post: #22 Title: Re: اي كلب بلعب بالدين انحنا بنطلع دينو Author: يحي قباني Date: 12-15-2019, 07:49 AM Parent: #21
Quote: سلام يا قُبة حيجو الكيزان يقولو ليك دا ما مننا دا شيوعي مندس لكن اتمنى من اي محامي في السودان او اي شخص ان يقوم بفتح بلاغ ضد هذا السحلية المعتوه تنص المادة 125 اهانة العقائد الدينية على ان من يسب علنا أو يهين بأي طريقة أيا من الأديان أو شعائرها أو معتقداتها أو مقداساتها أو يعمل على إثارة شعور الاحتقار أو الزراية بمعتنقيها يعاقب بالسجن مدة لا تتجاوز ستة أشهر أو بالغرامة أو بالجلد بما لايجاوز 40 جلدة
بالله يا خدر ديل كانوا حاكمين الشعب السوداني ؟
الناس انغشت كيف ٣٠ سنة ؟
Post: #23 Title: Re: اي كلب بلعب بالدين انحنا بنطلع دينو Author: محمد مجيدو Date: 12-15-2019, 08:59 AM Parent: #1
يا هندسة .. سلام
انا سمعت مقطع لواحد يقال له ( عمك دين مان ) يااخ دا بسب دين وبكسيم لاي زول في الحكومة وبالفاظ نابية جداً .. زوول زعلان شديد من حميدتي والمهدي ..
اكيد بتكون سمعتو ...
عاالم بطاالـــــــــــــــــــــة ,,
Post: #24 Title: Re: اي كلب بلعب بالدين انحنا بنطلع دينو Author: Ahmed Yassin Date: 12-15-2019, 12:59 PM Parent: #23
كبيرهم الترابي مرة بخطب وامامه عدة مايكات وجمع غفير من كيزانه وجمع غير غفير من اخرين ..وكان بتكلم في السياسة وفي الدين قال: الدين دا يا جماعة ما حقنا نحنا بس " وتلفت ينتة ويسرة وهو يأشر بيديه الاثنتين ثم ابتسم ابتسامة ماكرة صفراء فاقع لونها ..واردف: الدين دا يا جماعة ( دينكم ،،، كلكم) لغاية يوم الليلة كان قاصد شنو ما فهمت
Post: #34 Title: Re: اي كلب بلعب بالدين انحنا بنطلع دينو Author: Osman Musa Date: 12-20-2019, 08:50 AM Parent: #33
سلامات اخونا قباني واضح شكلو من النوع الماعندو رحمة في تعذيب المعتقلين . ده النوع البيصرف حبوب الخرشة علي حساب حكومة السجم . و اكيد بي مناسبة المسيرة دي الزول ده استلم حق الخرشة عشان يشارك . يا قباني خلاف قلة الادب المرسومة في جبهتو . برضك لاحظ عيون وجضوم الحمبرة ده . الزول هاي . هاي
يا يحيى قباني أنت من الناس المفيدين جداً للكيزان! ويكفي أنك ممن يتوافق مع الكيزان في منع أي فرصة لعمل تجمع وحدوي حقيقي يتسامى عن الخلافات والاسفاف ويتوحد ويلتحم ضد الكيزان ومشاريعهم ومخططاتهم
هناك أناس يظنون أن الكيزان انتهوا باعلان بيان المجلس العسكري الأول والثاني وطوالي بدو يرجعوا بذاكرتهم ولخلافاتهم التاريخية مع قيادات الأحزاب الأخرى جاهلين من هم الكيزان ! وسيظلون جاهلون بحقيقة الكيزان لأن حدود تفكيرهم هاهنا في القضايا العامة . لا يوجد بريق أمل لحل مشاكل السودان لأن أعلى الأصوات هي أنكرها وأكثر الكلام يحظى سماعاً واصغاءً هو أكذب الكلام وأكثر الناس تبعاً هم دعاة الفتنة والفرقة وأشد الناس حظوة بإنكار الناس ونفورهم عنهم هم من يتحرون الصدق وقول الحق والإخلاص للوطن.
دا تاني برفايل لزميل في البورد أعلق عليه وانتقد برفائله الأول كان البرفايل العنصري لكمال فرانكلي الذي ظل برفائله قرابة الثمانية من السنوات دون أن يتعرض للازالة وأنا برفايلي الفيهو بس (حرية سلام وعدالة) سيد الحوش حظرو والبرفائل العنصري لفرانكلي لا زال لم يحظر حتى توقف صاحبه عن البورد باختياره.. والبرفائل الثاني الذي ها أنا انتقدته الأن هو برفائل صاحب هذا البوست
Quote: دا تاني برفايل لزميل في البورد أعلق عليه وانتقد برفائله الأول كان البرفايل العنصري لكمال فرانكلي الذي ظل برفائله قرابة الثمانية من السنوات
منتصر طالما بديت تعلق علي البرفايلات بتاعت زملاء المنبر رايك شنو في البرفايل بتاعي بعدين لو عملت لينا لائحة عشان الناس تلتزم بيها في عمل البرفايلات موضحاً ما يجوز و ما لا يجوز او البرفايل الحلال و البرفايل الحرام تكون ما قصرت علي الأقل ينوبك ثواب ... (( اي عضو يلعب بالبروفايل طَلِع عينو)) و لك الشكر
Post: #40 Title: Re: اي كلب بلعب بالدين انحنا بنطلع دينو Author: يحي قباني Date: 12-21-2019, 04:42 AM Parent: #39
Quote: يكون قبض فيما قبض حافز إجادة .. غايتو العاوز ييشوف بيان بالعمل يعنى شنو (كل إناء بما فيه ينضح) فعليه بمشاهدة مسيرة الخزلان .. البزعل زى دا محسوب مواطن زيو وزى شباب الثورة الأطهار! غايتو شعار مساواة عاوز مراجعة
Quote: طالما بديت تعلق علي البرفايلات بتاعت زملاء المنبر رايك شنو في البرفايل بتاعي بعدين لو عملت لينا لائحة عشان الناس تلتزم بيها في عمل البرفايلات موضحاً ما يجوز و ما لا يجوز او البرفايل الحلال و البرفايل الحرام تكون ما قصرت علي الأقل ينوبك ثواب ... (( اي عضو يلعب بالبروفايل طَلِع عينو)) و لك الشكر
لا بطلع عينو ولا بشتمو ولا بسبو ومن حقك يا الصاوي تعتقد أنني ضد الثورة بحسب مفهومك للثورة الذي ربما يختلف عن مفهومي أنا لها لكن الذي أعطى نفسه الحق لينتقد الناس وسلوكهم من حق الآخرين أن ينتقدوه وهاهنا كلامي مبذول في هذا المنبر لو أراد أي واحد يفتح بوستات معنونة باسمي وينتقدني لا مانع عندي المنبر مهمته الحوار والنقد كل منا بما يراه أنا برفايلي اتحظر عديل موش بس انتقد رغم أنو كان يحتوي فقط على عبارة(حرية ، سلام ، عدالة) أها رايك شنو في المسألة دي ؟
Post: #42 Title: Re: اي كلب بلعب بالدين انحنا بنطلع دينو Author: يحي قباني Date: 12-22-2019, 04:53 AM Parent: #41
Quote: تحياتي قباني هم ما طلعوا دين الشعب لسه. ياخي الشعب كفر بيهم عديل كده شوف الهتاف الراقي ده الزاحفين الكضابين أول موكب سبو الدين فعلاً شعب معلم
الشعب مش كفر يا صاوي ...
الشعب ده تاني الكيزان لو وقعت ليهم في الكرتله ما بشموهو تاني ...
Post: #43 Title: Re: اي كلب بلعب بالدين انحنا بنطلع دينو Author: يحي قباني Date: 12-24-2019, 04:49 AM Parent: #42