دبابيس من صحف اليوم 13 ديسمبر 2019 م

02:41 PM December, 13 2019

سودانيز اون لاين
Abdulhaleem Osman-Sudan
مكتبتى
رابط مختصر

.
.
⚠ مجرد سؤال:
ما يعرف بالزحف الأخضر المزعوم انطلاقه غدا 14 ديسمبر هل هو حشد تلقائي أم مصنوع ؟
.
.
📰 خبر ليهو وزنو:
👈 حميدتي يبدأ في تسليم مناطق التعدين بجبل عامر لحكومة حمدوك
شرع نائب رئيس مجلس السيادة الفريق أول محمد حمدان دقلو “حميدتي” في ترتيبات لتسليم مناطق التعدين بجبل عامر للحكومة.
وقال مصدر مطلع لـ(الراكوبة) إن الخطوة تأتي في إطار دعم حميدتي لحكومة حمدوك.
وأكد المصدر أن حميدتي قدم عرضه بتسليم كل مناطق التعدين بجبل عامر منذ منتصف أكتوبر الماضي ولكن نسبة لإجراءات قانونية وعسكرية تأخر الإعلان عن الخطوة.
وأضاف أن عوائد التعدين بجبل عامر ستدخل ميزانية الدولة اعتباراً من بداية العام الجديد،
📌 دا اسمه الردم بالزانة لكل هماز لماز مشاء بنميم
.
.
📰 توقف مطاعم بالخرطوم:
👈 كشف رئيس غرفة المطاعم والكافتريات بولاية الخرطوم شهاب الدين الطيب عن توقف العديد من المطاعم أمس وأمس الأول بسبب الهجمة الشرسة التي تشنها إدارة مراقبة الأجانب، وذلك بتوجيه من وزارة الصناعة والتجارة للقبض والتحفظ على العمالة الأجنبية التي لا تملك إقامة وإذن عمل.
وقال شهاب بحسب آخر لحظة – إن هذه العمالة طوال السنوات الماضية كانت تعمل وفق الأعراف المسموح بها حسب وضع أغلبهم كلاجئين في المقام الأول بالسودان مثل العمالة الاثيوبية والسورية أو حسب قانون الحريات الأربعة بالنسبة للعمالة المصرية، مطالباً بوقف الحملات التي قال إنها لا تشبه واقعنا الجديد
📌 تقنين وضع الأجانب نظام معمول به في كل دول العالم... كفاية يظل بلدنا سداح مداح لكل من هب ودب.....
.ه.
.ه.
📰 الوطن:
👈 وداد في قبضة نيابة الثراء الحرام
📌 يا شماتة أبلة فاطمه فيها
.
📰 الوطن:
👈 لجان المقاومة تتأهب لحماية الأحياء واحباط تحركات “الزحف الأخضر”
📌 طالما بقوا زواحف حقو تسهلوا ليهم يزحفوا
.
📰 الوطن:
👈 اتفاق سوداني سعودي لتنظيم موسم الحج 1441هجري
📌 هسع تلقى (المطيع) يلطم
.
📰 الجريدة:
👈 مواكب تنطلق من الدمازين اليوم لإحياء ذكرى الثورة
📌 خليكم مكانكم لحدي بكرا عشان توروا سلاحف الننيجا الشغل كيف
.
📰 الجريدة:
👈 لجان مقاومة تفسد اجتماعات لفلول النظام البائد
📌 حرااااااام ، ياحليلهم والله
.
📰 الجريدة:
👈 الشعبي: لن نشارك في مليونية الزحف الأخضر لشيء في نفس يعقوب
📌 في نفس يعقوب والا في وداد يعقوب ما مشكلة كفاية انكم ما مشاركين ، الشريعة ليها بالظاهر
.
📰 الجريدة:
👈 قوى التغيير: فساد كبير في نقابات النظام البائد
📌 الجديد شنو ؟
.
📰 الجريدة:
👈 الصناعة والتجارة تسن (5) قوانين جديدة لرفع الكفاءة الاقتصادية
📌 كان كدا انتو بعيديييييين من رفع الكفاءة الاقتصادية
.
📰 الجريدة:
👈 قوى الإجماع الوطني: مسيرة الزحف الأخضر تهدف لتخريب الحياة السياسية
📌 ان استطاعت الى ذلك سبيلا
.
📰 الجريدة:
👈 حريق بالورشة المركزية التابعة لجهاز المخابرات العامة
📌 الله يستر الورشة ما يكون تحتها هناي ؟
.
📰 الجريدة:
👈 وفد من الكوميسا يزور الخرطوم بغرض تقديم العون الفني والتجاري
📌 حقو تزوروهم كوبر عشان يشوفوا فريق الكوميشن
.
📰 الانتباهة:
👈 تجدد الاشتباكات ببورتسودان وإصابة34″ شخصًا
📌 جي حليلو هو
.
📰 الانتباهة:
👈 بيع (264) من بصات الخرطوم خردة
📌 هي اصلا جاءت من بلدها خردة
.
📰 الانتباهة:
👈 سرقة (11) مكيفًا من دار المايقوما للأطفال
📌 ياخي قول واحد قول اتنين قوووول تلاته لكن (11) دي تتسرق كيف بس ؟
.
📰 الانتباهة:
👈 الشعبي : صحة علي الحاج في خطر ولن نشارك في الزحف الأخضر
📌 سلامتو
.
📰 الانتباهة:
👈 الحلو يتقدم بمقترحٍ لاتفاق إطاري مع الحكومة
📌 حلو زيو والا مختلف ؟
.
📰 الانتباهة:
👈 طلبية بآلاف الدولارات تثير الريبة في سوق العملات
📌 أممممك لا يكون الزول المعرس قريبة هناي داك عاود نشاطه
.
📰 الانتباهة:
👈 بلاغ ضد عندور بنيابة الفساد
📌 بالراحة عليهو البروف دا من طينة تانية
.
📰 الانتباهة:
👈 استئناف صادر الفول السوداني
📌 طيب استيراد الدكوة كيف؟
.
📰 السوداني:
👈 حميدتي يشرع في تسليم مناطق التعدين بجبل عامر للحكومة
📌 والله الزول دا مصيرو يجيب قون
.
📰 السوداني:
👈 اجتماع استثنائي للحكومة بشأن الموازنة
📌 استثنائي دا شنو او هي عندها شغل تاني ؟
.
📰 السوداني:
👈 انخفاض أسعار الدولار بالسوق الموازي
📌 الله يستر ماتكون فجة موت
.
📰 السوداني:
👈 قوى الحرية: تسليم قائمة الولاة لرئيس الوزراء خلال أيام
📌 والله لو بي طريقة تعييناتكم دي العوض على الله
.
📰 السوداني:
👈 محمد عصمت: ما جبنا حمدوك عشان يدخلنا الجنة
📌 الجنة ما دخلونا ليها ناس (هي لله هي لله) معقول يدخلنا ليها حمدوك
.
📰 السوداني:
👈 أمريكا: إزالة السودان من قائمة الإرهاب تحتاج إلى وقتٍ
📌 يعني نقدر نقول من الانقاذ مع المسغبة طلعنا بي عاهة مستديمة
.
📰 السوداني:
👈 الإجماع الوطني: المواكب المشبوهة لن تعطل تقدم الثورة
📌 دي على قول نافع (اطال الله حبسه) سافوتة في اضان فيل
.
📰 آخر لحظة:
👈 احتجاجات بـ 3 ولايات ومواجهات مع الشرطة
📌 الشرطة لازالت تعاني من كوزنة
.
📰 آخر لحظة:
👈 رفض واسع لتعيين مسؤولة بالصحة يدفعها للاستقالة
📌 هارد لك (للاسباط) ، تعيش وتاخد غيرها
.
📰 آخر لحظة:
👈 القبض على قيادات لجان مقاومة بالنيل الأبيض
📌 دا مساعدة للزحف الاخضر والا شنو ؟؟
.
📰 آخر لحظة:
👈 الحكومة لـ المضاربين في الأسعار: خافوا الله في أهاليكم
📌 سؤال للحكومة بالنيابة عن المضاربين: خافوا الله يعني شنو؟
.
📰 آخر لحظة:
👈 الكوميسا تحذر من امتلاء السوق بالسلعة المتدنية الجودة
📌 ياخي نحن عندنا ناس كانوا يسافروا الصين مخصوص عشان يطلبوا سلع متدنية الجودة
.
📰 آخر لحظة:
👈 حمدوك يشكل لجنة طوارئ لنجاح الموسم الشتوي بمشروع الجزيرة
📌 بالتوفيق
.
📰 آخر لحظة:
👈 إصابة متظاهرين في أبي حمد بمواجهات مع الشرطة
📌 وللعلم لازال الثوار صامدون وشعارهم يا غرق يا جيت حازمها
.
📰 الصيحة:
👈 وفد الحكومة بجوبا يؤكد عدم وجود خلافات ويتوقع تفاهمات كبيرة
📌 نشيف
.
📰 الحداثة:
👈 سليمان حامد : لن نكف عن السعى لاسترداد الأموال المنهوبة
📌 دي حجرها غطس أقرعوا الواقفات
.
📰 الحداثة:
👈 (7) مستشفيات تنفذ إضرابًا شاملاً عن العمل
📌 قبيل شغلها ماهو قاطع فرقة
.
📰 الحداثة:
👈 وزير المالية يؤكد الاهتمام بتفعيل الدفع الإلكتروني لإغلاق أبواب الفساد
📌 دا هقيقة
.
📰 الحداثة:
👈 بدء جلسات التفاوض المباشر وإرجاء مسار شرق السودان
📌 يا سااااارية الشرق
.
📰 الحداثة:
👈 الصحة العالمية: رصد نحو مليوني حالة إصابة بالملاريا في السودان
📌 بس ؟
.
📰 الحداثة:
👈 صديق يوسف: تفكيك المؤتمر الوطني وحله ضمان لاستقرار السودان
📌 التار ولا العار
.
📰 الحداثة:
👈 الحرية والتغيير: مواكب إحياء ذكرى الثورة ستدخل كادوا وتصلي فيها
📌 النبي فوقكم كان ماسوقتوا المخلوع معاكم
.
📰 الحداثة:
👈 المئات يتظاهرون بجامعة الفاشر للمطالبة بحل صندوق دعم الطلاب
📌 هو لي هسع ما بلوهو اقصد ما حلوهو ؟
.
📰 أخبار اليوم:
👈 قيادي شيوعي : ثورة ديسمبر المجيدة لم تكتمل بعد.
📌 زحوا منو شوية خلوهو يكتمل
.
📰 أخبار اليوم:
👈 الإعدام شنقا لتاجر مخدرات والسجن عشر سنوات لنجل برلماني وآخرين.
📌 بطلوا الدسديس والغتغتة دي ، عاوزين نعرف نجل البرلماني دا اسمه منوووو
.
📰 أخبار اليوم:
👈 واشنطن تتعهد باستضافة مؤتمر المانحين للسودان أبريل القادم.
📌 متشكرين عاوزين نوديهو برلين والا باريس
.
📰 أخبار اليوم:
👈 وكالات العمرة تطالب الحكومة بحزمة إجراءات للاستفادة من الاستثناء السعودي للإيداع الإلكتروني.
📌 حصلوا المولد
.
...
📌ابووضاح 📌

عبد الحليم
بالله قول لأبي وضاح أن الدبابيس اوسكار في اوسكار، وتعكس تماما واقع السودان ...وتعبر عن تمنياتنا جميعا..
مع تحياتنا النواضر ..