عاااااجل تبرئة السودان من الضلوع في تفجير الباخرة كول ...

12:10 PM December, 12 2019

سودانيز اون لاين
Mohd Ibrahim-مغترب by default
مكتبتى
رابط مختصر

تبرئة السودان من مزاعم التورط بتفجير المدمرة كول
للذين يلومون حمدوك بحجة رفض الدعوي مسبقا من المحاكم الامريكيه

قضت المحكمة الأميركية العليا لصالح السودان في قضية تفجير المدمرة “يو أس أس كول” عام 2000 . ومنعت المحكمة الأمريكية العليا البحارة الأمريكيين الذين أصيبوا في تفجير المدمرة الأمريكية كول على يد تنظيم القاعدة في عام 2000 من الحصول على 314.7 مليون دولار تعويضات من حكومة السودان لدورها المزعوم في الهجوم.

المحكمة تلغي قراراً لمحكمة أدنى درجة كان يتيح للبحارة الحصول على التعويضات من بنوك تضم أرصدة سودانية



بغالبية ثمانية قضاة مقابل واحد ألغت المحكمة قراراً لمحكمة أدنى درجة كان يتيح للبحارة الحصول على التعويضات من بنوك تضم أرصدة سودانية. ويمثل القرار الجديد انتصاراً كبيراً للسودان الذي نفى تقديم أي دعم لتنظيم القاعدة لتنفيذ الهجوم على المدمرة قبالة سواحل اليمن. وكان الخلاف حول ما إذا كان إرسال الدعوى إلى السفارة السودانية ينتهك قانون الحصانات السيادية الأجنبية، وهو قانون أمريكي يحكم عندما يجوز مقاضاة الحكومات الأجنبية في المحاكم الأمريكية.



وقال مقربون من المحكمة أنه عندما وصلت الاستئنافات القانونية إلى المحكمة العليا، تضامن المحامي الأميركي العام، في وزارة العدل الأميركية، نويل فرنسيسكو، مع رأي حكومة السودان. وكذلك تضامن محامون يمثلون سفارتي السعودية وليبيا، وكتب فرنسيسكو في تقريره للمحكمة العليا: «تتعاطف الولايات المتحدة بشدة مع الأضرار غير العادية التي تعاني منها (عائلات ضحايا المدمرة)، وتدين بأشد العبارات الممكنة الأعمال الإرهابية التي تسببت في تلك الأضرار» لكن «التقاضي ضد الدول الأجنبية في المحاكم الأميركية يمكن أن تكون له انعكاسات كبيرة على الشؤون الخارجية بالنسبة للولايات المتحدة، ويمكن أن يؤثر على المعاملة المتبادلة للولايات المتحدة في محاكم الدول الأخرى».

ووفقاً “لرويترز”، فإنّ البحّارة انتقدوا بشدة موقف الإدارة، وقالوا في بيانٍ لهم آنذاك، إنّ وقوف الإدارة الأمريكية مع دولة ترعى الإرهاب ضد الرجال والنساء الذين يسعون إلى التعافي من إصابات جسيمة لحقت بهم في خدمة بلدنا، أمرٌ لا يٌمكن تفسيره.

الحمدلله رب العالمين

ما عارفين نبارك و لا نكفر للزميل Ali Alkanzi
مش لأنه مؤيد لإدانة السودان
بس لأنه ما ح يلقى موضوع لفتح بوست جديد ضد حمدوك


ههههه

تاريخ الحكم دا متين يا محمد ؟

اوع يكون حكم قديم يا محمد

الحكم منذ مارس الماضى، وهو ليس تبرأة للسودان، ولكن بسبب إجرائى أن السودان لم يجد فرصة فى المحاكم الأقل درجة للدفاع. وأن السودان لم يخطر بالقضية بإجراء صحيح حيث الإخطار كان للسفارة السودانية بواشنطون، فى حين الإجراءات المعمولة بها تحتم إخطار مباشر (بالبريد) لوزارة الخارجية السودانية بالخرطوم.

وأحد قضاة المحكمة العليا نصح عائلات الضحايا بأنه ليس نهاية المطاف، ويمكنهم إعادة التقاضى ولكن هذه المرة بإرسال الإخطار للخارجية السودانية بالخرطوم وإن تعذر عليهم فيمكنهم الإستعانة بالدبلوماسية الأمريكية لإيصال الإخطار

(أعتقد يعنى ينسقوا مع الخارجية الأمريكية تتصل بالقنصلية/السفارة الأمريكية بالسودان لإخطار وزارة الخارجية السودانية بالخرطوم بالقضية)

من ناحية أخرى ترمب إدارته داعمة للسودان وأخطرت المحكمة العليا أن قرار إدانة للسودان يفتح الباب لتعرض الحكومة الأمريكية لمحاكمات أجنبية بدول أخرى.

* رغم القرار فى مارس، ولكن فى ديسمبر موظف الخارجية الأمريكية الذى قابل حمدوك ووفده طالب بتعويض أسر الضحايا، حمدوك لم يناور!!

يا عبدالله دينق
يا اخي اتق الله في
كيف يكون علي الكنزي

Quote: ما عارفين نبارك و لا نكفر للزميل Ali Alkanzi مش لأنه مؤيد لإدانة السودان بس لأنه ما ح يلقى موضوع لفتح بوست جديد ضد حمدوك

كيف اكون مؤيد للعقوبة على وطني حتى ولو جنى؟
ما لكم والكنزي تريدون ان تلصقوا به كل نقيصة؟
يا اخي انا مقدم طرح انو السودان يستحق التعويض لضرب مصنع الشفاء فكيف اكون من المؤيدين لادانة السودان؟
اما قولك :

Quote: بس لأنه ما ح يلقى موضوع لفتح بوست جديد ضد حمدوك

يا اخي انا خالي ذهن ، اها كدا ارتحتا؟
في المنبر دا قبل ما تطلع من فلان تقع في علتكان
خلاص بومونا في هذا العهد الديمقراطي
نسكت بس
مبسوط كدا؟

Quote: تاريخ الحكم دا متين

مارس 2019
assayha.net/now/5596/5596

شكرا.. و وصلة للمصدر لو سمحتز

الاخ Ali Alkanzi

لو تمعنت مداخلتي انا قلت مش لأنك مؤيد للادانة و هذا مستحيل بطبيعة الحال
بس لأنك ما ح تلقى عنوان لفتح بوست ضد الاخ عبدالله حمدوك رئيس الحكومة
لأنك بجد قايم على الراجل بسبب و بدون سبب

لا أظن انك لا تفهم أسلوب نقدي بهذا النوع من الغلاف

ياخي خفف الكربون


و مبروك لكم تبرئة وطنك الذي تحبه بالتأكيد

إستفسار
انتو يا جماعة Moh Ibrahim صاحب البوست
هو ده مو ال عندو قروش و لا الكوز ؟




ههههه
------
طبعا ضيقت عليك الخيارات

من الفديو شكلو خبر قديم ...لكن معناها الخارجية كانت بتكضب علي الشعب وقالت ليهم حلينا مشكلة كوول

Quote: هو ده مو ال عندو قروش

ايوا انا سيد القروش الكتيرة عندك اعتراض ...

يعنى الخبر من الواتساب و وزارة الخارجية السودانية..
يا ريت لو المصدر الاصلى.. خبر زى ذا ما صغير و كل الوكالات المحترمة ستورده

كتب صاحب البوست
Mohd Ibrahim
معقباً:-
((ايوا انا سيد القروش الكتيرة عندك اعتراض))

ما شاء الله تبارك الله
ثراء في المال و روح الدعابة

وين ومتين الخارجية غشت الشعب وقالت حلينا مشكلة المدمرة؟

كلامك صاح يا عبدالله دينق
وانت تقول:


مش لأنه مؤيد لإدانة السودان

بالله في اظهر من قولك دا انو الكنزي يؤيد ادانة السودان

محمد سلام
الكلام ما حصل بالصورة دي واستميحك عذرا اديك تفاصيل بتوضح الحصل بالضبط
السودان لم تتم تبرئته
والقضية اصلا ما كانت بخصوص تبرئته

الحكم الأخيردا كان في مارس وكان بسبب ان السودان طعن في الحكم الصادر بدعوى عدم صحة الأجراءات وهو ان اخطار المحكمة في القضية الأساسية تم ارساله للسفارة السودانية بواشنطن ولم يرسل للخارجية السودانية بالخرطوم.

الموضوع اللي الكان مطروح في المحكمة موضوع اجراءات المحاكمة اللي تمت واللي حكمت بتعويض اسر الضحايا مبلغ حوالي 314 مليون.

اصلا السودان لم يشارك في المرافعات في المحكمة الدنيا وتم اصدار الحكم بالتعويض والاسر مشو للمحاكم المختلفة عشان يتحصوا على اوامر تمكنهم من السيطرة على ارصدة السوان الموجودة بامريكا. في المرحلة دي السودان طعن في صلاحية الحكم بدعوى انو اخطار المحاكمة الأساسية ما مشى للجهة الصحيحة.
قانون اجراءات المحاكمات الزي دي بيقول انو الأخطار يمشي لوزير خارجية البلد المعني لكن القانون ما محدد المكان. مثلا في الحالة دي هل هو السفارة السودانية بامريكا او مكتب الوزير بالخرطوم.
المحاكم الفيدرالية مختلفة فيما بينها بخصوص الموضوع دا ولازم المحكمة العليا تتدخل عشان تحل الاختلاف دا. راي الحكومة الامريكية كان داعم للسودان لاعتبارات كثيرة ليست من بينها تبرئة السودان والكلام الفاضي الفوق دا.
المحكمة العليا اتفقت مع الطعن المقدم وحكمت بان الأخطار مفروض كان يرسل للخارجية السودانية بالخرطوم
ولو ركزنا في كلام الحكومة الامريكية اللي منشور فوق دا بيتضح القصد ليس هو تبرئة السودان. الحكومة الأمريكية والمحكمة العليا باغلبيىة تمانية لواحد اتفقوا انوا السفارات الأمريكية بالخارج ما بتقبل اخطارات المحاكم المحلية ضد امريكا ويجب التعامل بالمثل.

خلاصة الكلام ان حكم الحكمة كان بسبب مسالة اجرائية وما فيش اي كلام بخصوص عدم مسؤلية السوان او تبرئته لانوا الحكم الصادر بخصوص ادانته ما كان اصلا مطروح للمرافعة....

واسي حكومة السودان لو ما عملت تسوية مع الناس ديل زي ما الحكومة الامريكية اشترطت قبل رفع اسم السودان من دول الارهاب، الموضوع حيدور تاني دا لو ما دور اصلا.

دا الحصل
ولك الود

ترمب ما عندو حاجة للسودان سوي النهب والحلب لو تنازل عن اي شيئ سيكون مقابل دفع مادي ده فهمو ودي سياستو وده برنامج الانتخابي .. انتهي

اما ده هو السؤال

Quote: بغالبية ثمانية قضاة مقابل واحد ألغت المحكمة قراراً لمحكمة أدنى درجة كان يتيح للبحارة الحصول على التعويضات من بنوك تضم أرصدة سودانية.

وين الارصدة دي وتبع شنو بالضبط الارصدة السودانية في دول العالم

Hassan Farah



Re: مقال الأستاذ واصل علي في الرد على مقال رئي (Re: Yasir Elsharif)

تحميل السودان تبعات هجوم المدمرة (كول). والأجدى قبل أن تلجْ مستنقع الإرهاب الآسن، أن تتسلح بما يلزم، قبل أن تُلْزِمْ الخزينة الفارغة دفع 314 مليون دولار للأسر الأمريكية المتضررة.
------------------------------------------------------------------------------------
يا جماعة المحكمة الامريكية العليا اعفت السودان من دفع تعويضات لضحايا تفجير المدمرة كول
التعويضات التى يدور الحديث عنها الآن هى تلك التى تخص متضررى تفجير السفارات فى كينيا وتانزانيا والتى قامت بها القاعدة ويحاسب السودان بصفته داعما للقاعدة
السودان يرحب بقرار محكمة أمريكية إلغاء تعويضات "المدمرة كول"
وزارة الخارجية قالت إنها ستواصل جهودها لإزالة كل ما لحق باسم السودان من تشويه ومزاعم باطلة..
26.03.2019
Sudan

الخرطوم / الأناضول

رحب السودان، الثلاثاء، بقرار المحكمة العليا الأمريكية لصالحه في قضية تعويضات يطالب بها متضررون جراء هجوم استهدف المدمرة "كول"، قبالة سواحل اليمن، عام 2000.

وفي وقت سابق الثلاثاء، ألغت المحكمة الأمريكية، حكما سابقا لمحكمة أدنى، صدر في 2012؛ يتيح للمتضررين وذويهم المطالبة بتعويضات من الخرطوم، بقيمة 314.7 مليون دولار، لزعمهم أن الأخيرة تورطت في دعم تنظيم "القاعدة"، الذي تبنى
الهجوم.
https://sudaneseonline.com/board/500/msg/%D9%85%D9%82%D8%A7%D9%84-%D8%A7%D9%84%D8%A3%D8%B3%D8%AA%D8%A7%D8%B0-%D9%88%D8%A7%D8%B5%D9%84-%D8%B9...9%8A-1575887049.html

فعلا السودان ماعندو علاقة بتفجرات كول ..لكن اكيد شارك بطريقة ما اواخري في تفجير السفارة الامريكية ..محتاجين وزيرة الخارجية دي تتحرك شوية وتفهم الناس الحاصل ..

غايتو اليومين ديل الواحد ينتظر ٢٤ ساعة قبل يلفح اي موضوع،،،لأنه لا بتعرفه قديم ولا جديد ولا جداد الكتروني.هسعيتي انا في قروب بي هناك لقيت خبر انه الطيب سيخة مات،، ،ختيت يدي في غدروفي وقلت صباحات الله بيض.قلت ان شاء الله اوزعه بكرة بعد صلاة الجمعة.

حبيبنا محمد ابراهيم .. تحياتي
الظاهر الامريكان يريدون مقابل
رغم خشونته الزائدة ترامب يمكن التوصل معه إلى شئ ما
حمدوك والمجموعة عندهم خبرة في كيفية التعامل مع الغربيين عموما
ورثة الكيزان المثقلة على الشعب السوداني السجن شوية عليهم

أنا متفائل ولكن بحذر

تحياتي الحبيب محمد