|
|
|
 Re: محاولة فاشلة للقبض على وداد بابكر (Re: دينق عبد الله)
|
اخونا في الله دينق،
تحياتي
الأوسكار محمدك
لو اثبت ان وداد ما زالت بجضومها
أتوقعها ذابت مع النظام
ثم إليكم تفاصيل الخبر
Quote: الخرطوم – (اليوم التالي)
أقدمت مجموعة تضم ملثمين يرتدون زياً عسكرياً على تفتيش منزل مملوك للزوجة السابقة لرجل الأعمال السوداني الشهير محمد إبراهيم، المعروف (بمو إبراهيم)، المقيم في بريطانيا، بحثاً عن وداد بابكر، زوجة الرئيس المخلوع عمر البشير، وحدثت الواقعة صباح أمس (الأربعاء) في حي السفارات بكافوري. وذكر أفراد القوة أنهم مكلفون بتوقيف وداد، وأن المعلومات التي توافرت لديهم أشارت إلى أنها مقيمة في المنزل الذي طاله التفتيش، ونفى أصحاب المنزل أن تكون لهم أدنى صلة بزوجة الرئيس المخلوع، وذكروا أنها لا تقيم معهم، ولم يسبق لهم التعامل معها مطلقاً. |
| |
 
|
|
|
|
|
|
|
|
Re: محاولة فاشلة للقبض على وداد بابكر (Re: عمر التاج)
|
محمد الشيخ حبابك يا هندسة
Quote: يكلموها ويخلوا ناسها يعملوا ليها الكيتا بتاعت الاعتقال
وتركب اقرب فارهة وتجي المعتقل |
كدي في البداية يلقونها في جضمهت ده، اقصد عضمها ده
المرة قالوا رايحة ومنهم وماعارفنها متدسية وين
لدرجة انو متفرغين ليها مارينا - اقصد ملثمين- عشان يقبضوها
اسه عليك الله وداد دي كان لقوها يقبضوها من وين؟
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: علاء سيداحمد)
|
حبيبنا التاج .. تحياتي
تم القبض عليها حسب موقع النيلين قبل فترة قصرة
================================
منقول :
مرت النيابة السودانية، الخميس، بإلقاء القبض على وداد بابكر زوجة الرئيس المخلوع عمر البشير، بتهمة الفساد المالي والثراء الحرام والمشبوه.
وقالت مصادر عدلية لـ”العين الإخبارية” إن قوة تابعة للشرطة والنيابة اقتادت وداد بابكر من منزلها بضاحية كافوري إلى نيابة المال العام، للتحقيق معها في اتهامات تتعلق بفساد في امتلاك أراضٍ سكنية وعقارات وحسابات بنكية.
وأشارت المصادر إلى أنه سيتم التحقيق مع وداد بابكر وإعادتها إلى منزلها للإقامة الجبرية به.
وتعتبر وداد بابكر، الزوجة الثانية للرئيس المخلوع، من أكثر عناصر النظام السابق إثارة للجدل، حيث يحوم كثير من الشبهات حول جمعها ثروة ضخمة ومنازل في أحياء راقية بالخرطوم عن طريق استغلال النفوذ.
اقرا الخبر ايضا من المصدر من هنا عبر موقع المشهد السوداني
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: علاء سيداحمد)
|
Quote:
غايتو كان وهي قابضنها قالت زي السنوسي خلو بالكم من الإسلام تكون بالغت معانا بوليغ شديد |
سلامات منتصر
الولية دي ماقالت خلو بالكم من البشير
تتوقع توصينا نخلي بالنا من الاسلام؟
قبيل الوصلها لان تكون السيدة الأولى رغم أنها الزوجة الثانية منو؟
والاعطاها صفة سيدة الأعمال الأولى الإسلام ولا البشير
| |
|
|
|
|
|
|
|
|
 Re: محاولة فاشلة للقبض على وداد بابكر (Re: عمر التاج)
|
يا مراحب يا ملك
Quote: المحاولة دي تقرأ كالأتي :
محاولة فاشلة لتمريغ سمعة مستر مو ابراهيم. |
المحاولات البتفشل نوعان حسب ماكنا نعرف:
محاولة إنقلاب فاشلة
محاولة زواج ثاني فاشل
والاثنين بيتم التخطيط لهما بسرية كاملة
ولا يعلن عنهما الا بعد نجاح العملية..
اليوم دخلت الي قاموسنا محاولة فاشلة ثالثة
وهي محاولة القبض على وداد..
ووداد دي زوجة الرئيس المخلوع وليست صبرة.
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: بشير ميرغني سعيد)
|
سلامات اخ علاء
Quote:
الناس ديل باين عليهم حرامية .. |
والظاهر عليهم برضو متواطئين في الفشل
معقولة الشي دي تروح منهم زي الإبرة في كومة القش
معقولة وداد الكانت أربعة في خمسة تكون بقت زي الإبرة؟
يا اخي الناس ديل قبل يومين قدروا يقبضوا قاتل المغترب في يومين بدون ما في زول يكون شافه أو عرفه، تغلبهم وداد البعرفها الشعب السوداني والأماراتي والاوكراني عن بكره ابيهم؟
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: عمر التاج)
|
حبيبنا علي ما شاء الله عليه سريعا جاب لنا البشارة
| Quote: تم القبض عليها حسب موقع النيلين قبل فترة قصرة |
يبشرك الله بالخير يا حبيب
وعقبال ما نشوفها شايلها طشتها وتضارب في نفيسة
نفيسة دي اتخيل لي مرة على..
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: بشير ميرغني سعيد)
|
مرحبا بشير وحبابك الف في المنبر والبوست
| Quote: راحت وين يعني قبل كدا قالو هي تحت الاقامه الجبريه |
لو راحت من حقنا حتروح من ربنا فين؟
واحدة لقت نفسها في قصر الشعب، وبدل ما تخدمهن وترفق بهم وتقدم لهم الغالي والنفيس
استغلت سلطة زوجها وعبثت بكل موارد البلد وقضت حياتها تجارة وبزنس وشركات وعقارات ما كان لها أن تحوز ذرة منها لو كانت في بيت ابيها وامها..
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: عمر التاج)
|
مصدر: احتجاز زوجة البشير لحين إكمال التحقيقات معها حول "الثراء المشبوه"
العالم العربي
17:28 12.12.2019انسخ الرابط 0 10
تابعنا عبر
أفاد مصدر رفيع بالنيابة العامة السودانية لسبوتنيك بأنه سيتم احتجاز زوجة الرئيس السابق عمر البشير لحين اكتمال التحقيقات معها حول تهم بالثراء المشبوه.
arabic.sputniknews.com/arab
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: Hassan Farah)
|
ألقت نيابة مكافحة الثراء الحرام والمشبوه في السودان، الخميس، القبض على زوجة الرئيس المعزول عمر البشير، وداد بابكر، بتهمة “الثراء الحرام والمشبوه”.
وقالت مصادر موثوقة إن النيابة ألقت القبض على وداد، وتقوم بإجراء التحريات معها بشأن امتلاك أراض في حي “كافوري” بالخرطوم بحري.
وأضافت أن التحري مع زوجة البشير يشمل أيضا حسابات مصرفية تمتلكها في عدد من المصارف. وأكدت المصادر إحالة وداد عقب التحقيق إلى سجن النساء في أم درمان إلى حين الفصل في التحري.
ويحاكم الرئيس السوداني السابق هو الآخر بتهم تتعلق بحيازة واستخدام أموال أجنبية بشكل غير قانوني، وهي جريمة تصل عقوبتها للسجن لمدة 10 سنوات.
وكان رئيس محكمة في الخرطوم قد أعلن أن النطق في قضية البشير، سيكون في الرابع عشر من ديسمبر الجاري.
وأقر البشير في مايو الماضي بالتهم التي وجهتها له النيابة العامة والمتعلقة بالفساد، كما كشف عن أسماء متورطة معه.
جدير بالذكر أن البشير، الذي أطاح به الجيش في 11 أبريل الماضي، بعد نحو 4 أشهر من احتجاجات شعبية غير مسبوقة، أوقف منذ ذلك التاريخ، واحتجز في سجن كوبر، شديد الحراسة في الخرطوم.
سكاي نيوز
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: عمر التاج)
|
دينق عبد الله
فعلا انت تستاهل اوسكار خمس نجوم ...لكن اذا فعلا هي لسه عندها جضوم ....
...
عمر التاج
الله يجازي محنك يا عمر التاج
جملة ،"وداد البيعرفها الشعب السوداني كله والشعب الإماراتي والشعب الأوكراني ""تعبير اوسكار خمس نجوم ....
اظن هي فرحانة بالقبض عليها والتحقيق معها لأنها تريد أن تنفي الشائعات التي تدور حولها من انها هربت ٦٠٠ مليون دولار إلى دبي وان لها حسابات بالعملة الصعبة في ماليزيا وتركيا ودبي ....فإذا لم تستطع النيابة العامة الإثبات بأنها لصة وحرامية فهي براءة
ويحق لها ان تعيش بكرامة في السودان ....ولكن اذا اثبتت النيابة العامة هذه الإشاعات فعليها فقط إرجاع أموال الشعب للشعب، ويا دار ما دخلك شر ....اها قصرنا معاها !!
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: امتثال عبدالله)
|
امتثال
ترجع القروش و يا دار ما دخلك شر؟
قصرنا معاها؟
ايوة و الله و نعم التقصير
شالتم ليه؟
و بصفتها شنو؟
وين الحق العام
زي دي اول حاجة يجضموها في جضوما ديل
و بعداك يودوها سجن النسوان و تمسك طشها درع
عشان نسوان السجن مااااا بقصرن
و المراء دي زمااااان قالوا حابسنها في بيتها
تحت الإقامة الجبرية
الجد شنو؟
حدس ما ما حدس؟
تحياتي يا ود التاج
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: امتثال عبدالله)
|
تحياتي امتثال، وحبابك الف
| Quote: اظن هي فرحانة بالقبض عليها والتحقيق معها لأنها تريد أن تنفي الشائعات التي تدور حولها من انها هربت ٦٠٠ مليون دولار إلى دبي وان لها حسابات بالعملة الصعبة في ماليزيا وتركيا ودبي ....فإذا لم تستطع النيابة العامة الإثبات بأنها لصة وحرامية فهي براءة |
هي من ناحية لصة دي لصة وستين لصة، ده امر مفروغ منه
املاكها المسجلة باسمها واسماء أقاربها ورجال أعمال معروفين تفوق المليارات
وارصدتها في البنوك الخارجية وعند رجالات الأعمال الشغالين تبعها تغني قبيلتها لجنا جناها
يفترض لو في عدالة حقيقية تبقى في السجن حتى الموت، حتى لا تستمع باي فلس أخذته من أموال الشعب و اخفته عن القضاء.
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: عمر التاج)
|
اقرا الخبر دا ود التاج
حااااار طلعوه من الفرن قبل شوية
الخرطوم: محمد أزهري
أجبرت مداهمة نفذتها السلطات لمنزل تتواجد فيه حرم الرئيس السابق وداد بابكر بحي كافوري بالخرطوم بحري ليلة أمس أجبر وداد على تسليم نفسها إلى نيابة الثراء الحرام أمس، وأودعت وداد في “حراسة” الثراء الحرام بمنطقة العمارات.
وقالت المصادر إن النيابة دونت ضدها بلاغا وفقا للمادة (6) من قانون الثراء الحرام للتحقيق معها بشأن أملاكها وخصوصا الأراضي التي وجدت باسمها، وكانت النيابة قد أصدرت أمرا بالقبض على وداد قبل أيام، وأوضحت المصادر أن فريق المباحث عثر على مقر إقامتها ليلة أمس وداهم المنزل الذي تتواجد فيه، وأشارت المصادر إلى أن وداد وعدت بتسليم نفسها بطريقة هادئة عقب إطلاعها على أمر القبض، وأشارت المصادر إلى أن وداد حضرت للنيابة برفقة أفراد من عائلتها وقامت بتسليم نفسها.
يمكنك ايضا قراءة الخبر في المصدر من موقع صحيفة السوداني
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: مرتضي عبد الجليل)
|
اشاعات؟
هو البلد فيها اشاعات؟
والله مافي إشاعة في المنبر ده أكبر منك يا مرتضى،
الإشاعات وينها في البوست ده،
عنوان البوست عبارة عن مانشيت رئيسي في صحيفة سودانية
وانا كمان ولا قريتو في الصحيفة والله
سمعته من التلفزيون القومي بتاع حمدوك ده
في برنامج أقوال الصحف البيبث من صباح الرحمن
شفت كيف انت جنيت على ناسك،
واحنا ماناسك، ماناسك، احنا بنريدك ترم ترالم..
البوست يا استاذ (استاذ دي بتاعة هناي داك ما مني)
كان اول مبادرة خميسية توري الناس انه وداد مطاردة
وهو من عرف الناس بانها اخفت نفسها دون القبض عليها
وهو من أخبرك وأخبر جماعتك النايمين انو وداد قبضوها
والبشير ضحك لأول مرة منذ ايداعه سجن كوبر
لانه وداد قالوا جاياهو بجلالة شحمها ولحمها، ما مجرد عمود اكل أو فتيل دواء..
يبقى البوست بقى إشاعة كيفن يا استاذ؟
.
.
بالمناسبة يا مرتضى، انا عارف انه لن ترضى عني اليهود و لا النصارى حتى ولو بقيت شيوعي، ولكني مقتنع بأنه ما بهمني اذا رضوا ام لم يرضوا، لاني ما بكتب هنا عشان ارضى ود مرة ابدا..
| |
|
|
|
|
|
|
|
|
|
Re: محاولة فاشلة للقبض على وداد بابكر (Re: عماد الدين الطيب عمر)
|
حبيبنا عمدة، اخبارك ايه؟
Quote: ترجع القروش و يا دار ما دخلك شر؟
قصرنا معاها؟
ايوة و الله و نعم التقصير
شالتم ليه؟
و بصفتها شنو؟
وين الحق العام
زي دي اول حاجة يجضموها في جضوما ديل
و بعداك يودوها سجن النسوان و تمسك طشها درع
عشان نسوان السجن مااااا بقصرن
و المراء دي زمااااان قالوا حابسنها في بيتها
تحت الإقامة الجبرية
الجد شنو؟
حدس ما ما حدس؟ |
الغريبة ان وداد ماكانت حديث الناس بعد سقوط راجلها،
وما وجدت عملية التحفظ عليها او صدور امر قبضها
أي ضجة اعلامية من قبل، ولكن الكل كان يدرك ان الدور جاييها
نتمنى ان تجد هذه الحيه الجزاء الكامل لتكون عبرة لكل سيدة أولى في السودان، وكذا الثانية وحتى الرابعة.. وما ماهن مخفيات أو مقصورات في القصور والشقق الرئاسية
أن هذه الالقاب تمنح للمرأة لكي تكون مثالا العفة والقدوة الحسنة في النزاهة والزهد فيما عند الشعب
مش عشان تسويها تجارة وتسوق وبزنس.
| |
|
|
|
|
|
|
تعليقات قراء سودانيزاونلاين دوت كم على هذا الموضوع:
at FaceBook
| |
عمر التاج
دينق عبد الله
MOHAMMED ELSHEIKH
محمد على طه الملك
علاء سيداحمد
علي عبدالوهاب عثمان
بشير ميرغني سعيد
Hassan Farah
فيس بوك
تويتر
انستقرام
يوتيوب
بنتيريست