سلام يا حبايبنا حمودي ومنتصر، الفنان دا أثيوبي، كدي يا منتصر أسمعها تاني، ح تلقاهو جضم الأغنية بلغة ليست لغته، أنا بعجبوني الأجانب الذين يتغنون بأغاني سودانية. ينقصكما زيارة واشنطن دي سي حيث معقل الطرب الأثيوبي وشربتكم علي 😁😁
في السبعينات ايام الشباب كنت عندما اسمع صوت زيدان ابراهيم في المهدية الثورة حيث اسكن كنتُ اتابع حتى اصله وكنت احضر كل حفل يقيمه في الاندية ولترددي على حفلاته لاحظ وجودي المتكرر واصبحنا اصدقاء وكان يزورني كثيرا في بيتنا في السابعة ثم الثامنة بمدينة المهدية الثورة وكنت اتردد على منزله بالعباسية رحمة الله عليه وادعوكم هنا لسماع غناه لنفس الاغنية وكيف تعمل الات الجاز خاصة الدقيقة الثانية وخمسين ثانية والدقيقة خمسة طرب يحرك القلوب
والله ليه اسا بحب زيدان وبحب الطرب بس الرأس علاه الشهيب فقليل من الوقار يزين تصدق كنت اسهر مع زيدان وامشي لمحمود محمد طه واصلي الجمعة خلف الشيخ ابوزيد في الحارة الاولى وخلف الشيخ عبدالجبار المبارك في مسجد مدرسة بابكر سرور جنوب الحارة الاولى كنت بدخل السيمنا والمسرح وبقعد في يوسف الفكي وحديقة الموردة والمقرن وحتى المقهى العائم (نسيت اسمو) كنا نحضر فيه الحفلات وراس السنة مع فرقة وليم اندريا لاعب الباسكت بفندق صحارى عشنا شباب مترف فقد كنت موظفا بالسفارة القطرية بالخرطوم شارع ١٥ وادرس الجامعة بالمساء وتخرجت بدرجة جيد ولكني والحمدلله لم ادخن السجائر ولم اقرب المحرمات التي كانت حولي كالنمل في ذلك الزمان ولعبت كتشينة الجمعة ولكن لم العبها بمال (قمار) والله حفظنا بلطفه لك ودي اخ منتصر
12-15-2019, 07:26 AM
Hassan Farah Hassan Farah
تاريخ التسجيل: 08-29-2016
مجموع المشاركات: 11481
سلامات حمودي وضيوف البوست يا ترهاقا يا اخي الزول دا مش شاكل الاغنية. يا اخي دا قتل الاغنية بالضربة القاضية زي ما بيقولو. يا حمودي عليك الله جيبو لينا آغنية mare mare لي teddy afro عشان الزول دا يعرف الفن و الناس بغنوا كيف؟
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
احمد حمودى
النذير حجازي
Ali Alkanzi
Hassan Farah
محمد عبد الله الحسين
ترهاقا
ياسر السر
محمد نور عودو
فيس بوك
تويتر
انستقرام
يوتيوب
بنتيريست