حبوبتي الخواجية النمساوية صافيناز هانم كلكم عارفنها هاكم الليلة أتفرجوا في صورة جدي النمساوي الكلس

Post: #1
Title: حبوبتي الخواجية النمساوية صافيناز هانم كلكم عارفنها هاكم الليلة أتفرجوا في صورة جدي النمساوي الكلس
Author: توفيق عيسى مكي
Date: 12-10-2019, 08:40 PM
Parent: #0

07:40 PM December, 10 2019
سودانيز اون لاين
توفيق عيسى مكي-
مكتبتى
رابط مختصر

][/url]

الزعيم الخطييير منو الما بعرفو
.
.
كسرة *
هسي يادينق قبيلتك والقبايل الجنبك كلها عندهم جد شنبو قدر شنب جدي ....

Post: #2
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-10-2019, 08:54 PM
Parent: #1

هسي بيتنا (بيت جدي المفروض نورثه بالشرع) الواحد يجي يدخل ساي فيه سين وجيم
واستقبال وحرس
الاوضة المفروض تكون اوضتي عاملنها مكتب لواحد اصوله من تشاد ولا تنزانيا ولا ايه ما عارف الوزير الفلتكاني متجعص فيها ...
.
.
حقنا وان طال الزمن ما بنخلي
ود عمي ترامب قال دي اكتر حاجة مزعلاه في السودانيين
شعب ياكل مال النبي ارجع لخيلانك في النمسا بعزوك بدل الوهم ديل يزلوك
بس نحن لحمنا مر مرارة شديدة

Post: #3
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-10-2019, 09:00 PM
Parent: #1

توفيق يا عزيز
سلامات

ياخي فرز
بعدين أكتب اسمه بالانجليزي Deng
لانه دينق بالعربي هو ده انا

لو ما جد Deng و اجداد القبائل المجاورة لقبيلة Deng كان لي هسة ناس الخرطوم تكونوا عايشين تحت الاستعمار

Post: #4
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-10-2019, 09:24 PM
Parent: #3

معليش يا دينق بالعربي اخونا Deng ده بيني وبينه تار بايت
هسي انت اعمل نفسك كانك جيت ماري ساي بحته ساي وسمعت بي قطيعة في زول ...
فتقوم تعمل كأنك ما سمعت شئ

Post: #5
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-10-2019, 09:27 PM
Parent: #4

نرجع لود عمي ترامب ....
قلت ليه تصدق ديل بيدو مرتب لخريج الجامعة 20 او 30 دولار
قال لي ... اصصصلي ما بصدق !!!!!!!!!

Post: #6
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-10-2019, 09:34 PM
Parent: #5

باستقراب واندهاش قال لي في اليوم ولا في الساعة ؟؟؟
غايتو ....
غيرت الموضوع وقعدت اغني
بلادي سهول .. بلادي حقول .. ترررم رم ترررم رم

Post: #7
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-10-2019, 09:58 PM
Parent: #6

هسي يا ود عمي بتصدق البلد الانا فيها دي لتر البنزين بي كم ؟؟؟ ربع دولار ومتر الارض ب الف دولار والغمته قال لي الغمته دي شنو قلت ليه الكسرة برضو ما عرفها ختيتها ليهو عديل الرشوة في اعلى ولا اقل حتة ب نص دولار واديك التحيرك لمن يحتار ابوك جدي البلد كلها عمارات وابراج وسايقين اوباما داير يقول لي اوباما ده منو قلت جلي عدين بوريك اها اسياد الحاجات دي ما تجار ولا بزنس مين ولا وارثين تلاتة ارباعهم موظفين دولة مرتب الواحد لو بالغ 50 دولار في الشهر غناهم كلو واي بحبك احييييا ... ودساتير قال لي شنو دساتير قيدرالية ؟؟؟ ما اشتغلت بي تعلقه قلت ليه تصدق وزير الرياضة جقة واغلب البلد عجلاتية ومواترجية واختى ابو دقن تباريه تخش السجن

Post: #8
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-10-2019, 10:03 PM
Parent: #7

الحمد لله ما قلت ليه كسنجر
ود عمي ده جنو قروش كان نقل الحكاية امريكا وعمل فيها اكبر سوق مواسير ...

Post: #9
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-10-2019, 10:14 PM
Parent: #8

قلت ليه البلد دي بس حمده في بطنه ...
قال لي همدوك الجانا اول امس دي
قلت ايي ...
المرة الجاية لمن يجيك مع حق القاعدة والمدمرة كول اقلع لينا بيت عمك الفي ش النيل حق جدي ....

Post: #10
Title: Re: حبوبتي الخواجية النمساوية صافيناز هانم ك�
Author: خضر الطيب
Date: 12-10-2019, 11:23 PM
Parent: #9

Quote: حبوبتي الخواجية النمساوية صافيناز هانم

ههههههههههه
حبوبتك النمساوية دي مالا ما هدت فيك ؟
ثم اذيك

Post: #11
Title: Re: حبوبتي الخواجية النمساوية صافيناز هانم ك�
Author: nour tawir
Date: 12-10-2019, 11:30 PM
Parent: #10

توفيق ازيك...

Post: #12
Title: Re: حبوبتي الخواجية النمساوية صافيناز هانم ك�
Author: النذير حجازي
Date: 12-10-2019, 11:44 PM
Parent: #11

سلام يا حبيبنا توفيق، أعلاه أظن صورة النمساوي سلاطين باشا، هل لك صلة قربى به؟!
لو مشيت دار الوثائق العامة أكيد ح تلقى صورة حبوبتك صافيناز هانم، ياريت تبحث عنها وتنزلها لينا.

Post: #13
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-10-2019, 11:47 PM
Parent: #11

Quote: حبوبتك النمساوية دي مالا ما هدت فيك ؟
ثم اذيك

لحكمة يعلمها الله ...
امكن رأفة بالسودانيين ...
غايتو ...
ربنا شال مني اللون السمح (مع انه مافي اجمل من اللون الزيتوني حقنا ده ) وعوضني بخلايا مخ زيادة ههههههه وخلايا قلب حب زياااادة وامكن جمال روح محبة للخير زيادة
يعني زي ما قلت في بوستيك الحلو حسنك فاح مشاعر اها امسك قوي في الفوحان الجميل ده
وهو البكنه للناس
طالما كنت انسان انا بحبك باي صورة ما تكون ودي ميزة نادرة
ثم تانيا انا محسي وقالوا في المثل لو الجمال اتلحس بتلقوه عندك المحس
يعني انا جميل هههههههه

Post: #14
Title: Re: حبوبتي الخواجية النمساوية صافيناز هانم ك�
Author: ترهاقا
Date: 12-10-2019, 11:53 PM
Parent: #13

سبحان الله يا توفيق، ما خليت ليهو حاجة، حتى في العيون الخُدر

Post: #36
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-11-2019, 08:51 PM
Parent: #14

ههههه
بس دي مبالغة
((سبحان الله يا توفيق، ما خليت ليهو حاجة، حتى في العيون الخُدر)))

أوسكار على قول بنتنا إمتثال

Post: #15
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-10-2019, 11:54 PM
Parent: #13

Quote: توفيق ازيك...

اهلييين استاذتي الجميلة نور تاور ..
اهو طلتك السمحة دي طفت نار الضجر والاحباط العايشو كسوداني ...

Post: #16
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 00:02 AM
Parent: #15

Quote: علاه أظن صورة النمساوي سلاطين باشا، ه

الحاجة القالوها لينا خبوباتنا التانين انه سلاطين ده يا ابوها يا عمها ....
انا طفل صغير شفتها ومتذكر صورتها طشاش زولة سودانية بالتوب وشعرها اصفر عجوز كانت وزولة صعبة نخاف نجي جنب اوضتها نلعب ونحن صغار في نفس الوقت طيبة معانا

Post: #17
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 00:10 AM
Parent: #16

Quote: سبحان الله يا توفيق، ما خليت ليهو حاجة، حتى في العيون الخُدر

لا حول يا ترهاقا اول مرة اكتشف نظرتك عميقة كده تشوف روحي من جوه
بس تاني ما توصف الشايفو ناس Deng بيغيروا ويتمغصوا ساي ...

Post: #18
Title: Re: حبوبتي الخواجية النمساوية صافيناز هانم ك�
Author: adil amin
Date: 12-11-2019, 02:53 AM
Parent: #17

https://up.top4top.net/
ده شنو يا توفيق......جايب لينا جدك سلاطين
شنب شنو يا بط ....
ده صورة جدي الجدعكم من السودان يا اضان حمرا وعمي التعايشي الطهر جدك الاغلف....والجلد مدفون في بيت التعايشي في ركن المطبخ لو عايز التركة
Deng ديل اسياد السودان الاصليين
هم جو لقوك ولي انت جيت لقيتم
الجنوبيين ديل كانو قاعدين لحدي توثي والجزيرة ابا

Post: #19
Title: Re: حبوبتي الخواجية النمساوية صافيناز هانم ك�
Author: Salah Zubeir
Date: 12-11-2019, 05:21 AM
Parent: #18

تيفه يا برنس ... هاي ...
Quote: البلد الانا فيها دي لتر البنزين بي كم ؟؟؟ ربع دولار

تيفه ياخي خليك اكيوريت ...
لتر البنزين بي 6.17 جنيه سوداني
يعني لو قسمت علي 85 بيساوي
0.07 دولار ...
فرق كبير جدا بين ربع دولار
و 0.07 دولار ...
يعني 0.07 دولار تضربها في
303 حتي تعمل معاك ربع دولار ...
هههههه ... حساب ولا كوار ....

Post: #20
Title: Re: حبوبتي الخواجية النمساوية صافيناز هانم ك�
Author: Hassan Makkawi
Date: 12-11-2019, 05:45 AM
Parent: #19

Quote:
وعوضني بخلايا مخ زيادة

اصبحنا بالله يا توفيق....

Post: #21
Title: Re: حبوبتي الخواجية النمساوية صافيناز هانم ك�
Author: خضر الطيب
Date: 12-11-2019, 05:53 AM
Parent: #20

Quote: اصبحنا بالله يا توفيق....

ههههههههه
صبحك الله بالخير يا طويل العمر
ياخ توفيق دا متعة مجانية
انت استمتع بس
ياخ معقولة تكون حبوبة الوغد دا نمساوية و عيونو زرقاء اليمامة
انت خلي خيالك واسع بريحك
بالمناسبة الزول دا صاحبي

Post: #22
Title: Re: حبوبتي الخواجية النمساوية صافيناز هانم ك�
Author: خضر الطيب
Date: 12-11-2019, 06:03 AM
Parent: #21

Quote: وقالوا في المثل لو الجمال اتلحس بتلقوه عندك المحس

توفي ههههههه
الكلام دا جبتو من وين
يا ريت تنزل لينا الاغنية دي لو في اغنية بالمثل دا
لانو ترهاقا دا محسي ممكن يكون من نلوه او فركة

Post: #23
Title: Re: حبوبتي الخواجية النمساوية صافيناز هانم ك�
Author: Deng
Date: 12-11-2019, 02:49 PM
Parent: #22

الامير المضروب توفيق.

أنت البنقو السمح ده بتلقاهو وين بالله.

Post: #24
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-11-2019, 04:20 PM
Parent: #23

غايتو جنس شبه بينك و بين جدك
ياخي انت صورة كربونية من جدك النمساوي

بس انت دبلت الكربون

Post: #25
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-11-2019, 05:06 PM
Parent: #24

Quote: سبحان الله يا توفيق، ما خليت ليهو حاجة، حتى في العيون الخُدر
ههههههههههههه

Post: #26
Title: Re: حبوبتي الخواجية النمساوية صافيناز هانم ك�
Author: محمد على طه الملك
Date: 12-11-2019, 05:40 PM
Parent: #25

مش لو اتمسحت بالنمساوية حتى لو هلاري كلنتون شقيقة امك ..
سمعه دا ما بقلع منك جلابيتك..
هسه دينق جاب تصنيف جديد برضك في نصو.

Post: #27
Title: Re: حبوبتي الخواجية النمساوية صافيناز هانم ك�
Author: النذير حجازي
Date: 12-11-2019, 06:25 PM
Parent: #26

سؤالي للأنصار وحزب الأمة:
حفيد سلاطين باشا يكتب هنا معاكم في نفس المنبر،
الموضوع دا بالنسبة ليكم أوكي؟!

Post: #47
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-12-2019, 09:12 PM
Parent: #27

Quote: سلاطين باشا يكتب هنا معاكم في نفس المنبر،
الموضوع دا بالنسبة ليكم أوكي؟!
ههههههههههههه
دا عين فوتي مجنون...

Post: #28
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 06:32 PM
Parent: #25

Quote: دي صورة جدي الجدعكم من السودان يا اضان حمرا

سيدي المهدي ...
يازول انت بتتكلم كيف انا زول انصاري على السكين
يعني الانصار ديل مافيهم اضانات حمر يعني
الشنقيطي ده جا من وين
ولا بيني وبينك هو الشنقيطي ده من بقى ضراع الصديق الشغلة باظت
وحات الله ده تاريخ لو حابي اسرده ليك تقدر تفسر حاجات كتيرة حصلت لينا ولسه بتحصل
Quote: وعمي التعايشي الطهر جدك الاغلف....

التعايشي كان دشن وخشن هو القال انا تور شين خليفة المهدي لو كان قال خليفة المهدي خليفة رسول الله زي ما ابونا وسيدي المهدي كان يكون حاكم السودان ليوم الليلة بس ماهي كلمة بتتقال ساي لو اتقالت فرقتها فرقة الليل والنهار وموضوع الخلافة ده موضوع طويل اقرنه ليك بمقتل حسن البنا ولا الامور بتتلخبط عليك

Quote: يا اضان حمرا ....

ههههههههههه
عجبتي الكلمة دي النهار كله مما اتذكرها اقعد اضحك براي هههه ملعوبة دي

Post: #29
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 06:37 PM

Quote:
تيفه ياخي خليك اكيوريت ...
لتر البنزين بي 6.17 جنيه سوداني
يعني لو قسمت علي 85 بيساوي
0.07 دولار .

هوس هوس يا صلاح الزبير عمي ترامب ما يسمعنا لانه لو كنت قلت ليه ناسنا الوهم ديل بدونا البنزين لاشي بيكلم المحدين يقفلوا الضبة وانت عارف الضبة لما تتقفل بيحصل شنو

Post: #30
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 06:48 PM
Parent: #29

Quote: اصبحنا بالله يا توفيق....

توفيق حاف كده .. !!!!
والله ما فضل ليك الا تقول لي يافردة ...

Post: #31
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 06:56 PM
Parent: #30

Quote: توفي ههههههه
الكلام دا جبتو من وين
يا ريت تنزل لينا الاغنية دي لو في اغنية بالمثل دا
لانو ترهاقا دا محسي ممكن يكون من نلوه او فركة

والله يا صاحبي الاغنية الوحيدة العارفها من تراثنا المحسي :
عثمان ازرق
العينو شرارة
.....
....
حاجة كده
بس المحس سمحين اسمح منهم في السودان مافي
في حد عنده غلاط

Post: #32
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 07:02 PM
Parent: #31

Quote: أنت البنقو السمح ده بتلقاهو وين بالله.

كدي في الاول جاوب عن سؤالي يا Deng ...
بعدها ...
انا بديك النجيضة !!!

Post: #33
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 07:10 PM
Parent: #32

Quote:
غايتو جنس شبه بينك و بين جدك
ياخي انت صورة كربونية من جدك النمساوي

بس انت دبلت الكربون

او قول حرقته في المصنع لكن الاصل الجوه خواجي يا دينق بالعربي
الاخلاق ...
الصدق ....
البساطة ...
العلم (ده التعوض بتاع اللون)
الشفافية (في زمتكم في شفاف في البلد دي اكتر مني)
و ...
و ...
و ...

Post: #34
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 08:23 PM
Parent: #33

Quote: ههههههههههههه

تعرف يا سمعة لو انت حسيت بالالم الكتبت بيه البوست ده
ما بتضحك ضحكتك الطويلة دي
كان تعملها كده :
هقهق هق هق قها قها قههقاااااه
نحس انك نويت تكتمها ...
لكن طلعت ...

Post: #35
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 08:33 PM
Parent: #34

Quote: سمعه دا ما بقلع منك جلابيتك..

ايوه يا استاذي لا سمعه ولا غيرو
انا سوداني مأصل ..
امدرماني أمير ..
أكد في بلاد المحس موطني
كردفاني ...
وفوق ده كلو جدي نمساوي فحل اب شنب
مش جريو جا ساكي طرورة رمته في الخرطوم وبقى فيها دبيب وضب

Post: #37
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-11-2019, 08:59 PM
Parent: #35

][/url]

نيزو يا أخوي سيب الانصار : إمام وأمير في جلسة مباحثات انصارية
انت عندك اعتراض

Post: #38
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-12-2019, 02:10 AM
Parent: #37

انا طبعا ألف و اجي عشان اقرأ تعليق ترهاقا و اطلع
هههههه
ياخي مبالغة

غايتو بعد تبخر ود الباوقة ؛ بدونك يا توفيق المنبر ح يكون ممل جدا

Post: #39
Title: Re: حبوبتي الخواجية النمساوية صافيناز هانم ك�
Author: adil amin
Date: 12-12-2019, 02:56 AM
Parent: #38

Quote: وحات الله ده تاريخ لو حابي اسرده ليك تقدر تفسر حاجات كتيرة حصلت لينا ولسه بتحصل

والله يا اميرنا توفي (دي حلاوة زمان) زمن البلد بي خيرا ما تزعل تشمت فينا كعوك المركز ومقاطيع الهامش وجماعة السامري وايتام بابكر عوض الله 1969 والترابي 1989
زول باصل للمهدية في البورد ده واسافير العالم وبعري كعوك المركز ده غيري ما في وشغال ضبط مصنع في البورد ده من 2001
ايوه عبدالله التعايشي بوظ المهدية الراقية الجدعت الاتراك واذنابهم المصريين وجاب لينا الخلافة والملك العضوض وهسة كمان الصادق المهدي دمر ((حزب الامة الاصل )) ونفس الشيء لوثو بالاخوان الملسمين وبقى ينعق معاهم في الوسطية والخلافة التركية
وضب المستراح رجب طيب اوردغان مع العلم ان الدرسة الاسلامية في السودان متطورة جدا من 1938 عبر الختمية والانصار والجمهورييت والطرق الصوفية والدولة المؤطرة في ديمقراطية فدرالية اشتراكية حقيقية ومحترمة جدا
جو كعوك المركز ومقاطيع الهامش ناس افرزتهم ال200 سنة الاخيرة قعدو في راس القبائل السودانية ((الاصلية))) في اركان السودان الستة (الاقاليم ) وجابو للسودان الجذام وبدات اطرافه تتساقط والان الناس مخدرين بي بندول جديد اسمو حمدول
وناس اصدقاء السودان...اتخيل الغرب الاغلف والمنافقين العرب ديل اصدقاء السودان ؟؟
والله السودان ده عبر التاريخ عندهم صديق واحد بس الحبشة وهسة ابي احمد بس ..ما لنا ومال ضباع بروكلين وذئاب وول ستريت
https://up.top4top.net/

وقدر ما تزح الكعوك ديل من تحت جذم المصريين والاتراك برضو يهرولو
مش قلت ليك السودان ده داير مهدية جديدة تنظم غضب الناس في التحرر من المشروع الامبريالي الجديد البقودو ناس حمدوك وحميدتي وجنرالات زمن الكوليرا ومتسكعين المنافي الرايح ليهم درب
الثورة القادمة مهدي الجنوب بس د جون قرنق ديميور رؤية لا تموت
بس لوك الصبر وما تزعل انت امير مقعدك في القصر الجمهوري ..قاااااااااااااااااااااااااااااااعد

واتذكر كويس عبدالله التعايشي ضيع المهدية والمهدي والصادق المهدي النرجسي ضيع حزب الامة والسيد عبدالرحمن المهدي وده الوضع النحن فيه من زمن الصاغ صلاح سالم 1964 لي زمن دمبلاب
وجنرالات زمن الكولير
تاريخ السودان من نزول ادم ولحدي الليلة بدون ثغرات تعال ليه عند عمك جقود بس ..واضح ما فاضح
ما شايف المشوهين ديل بشردو من بوستات عمك كيف ...عارفين نفسهم كويس وبخافو من الحقيقة

Post: #40
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-12-2019, 06:09 AM
Parent: #39

توفيق يا لذيذ ..
اهديك القصة

أيام الفترة الانتقالية مشيت مع ناس أصحابي ل حديقة جوبا المعروفة ب افريكان بارك أو حديقة ايي دينق.

اها
بعد ما أكلنا شية ناصر ادروب ( ناصر ده يا جماعة من غرب السودان احتمال من حلة ناس عبدالله حمدوك ، عشان بعدين ما تقوم علينا آمنة مختار ، بس ما عارف سبب تسمية ادروب شنو )

كل الناس ال معاي طلبوا شاي إلا أنا كالعادة أشرب قهوة و'' أحب الأحباش'' .

لما ست الشاي جابت القهوة كنت أجلس على مسافة امتار من الناس ربما مشغول بالتلفون .

الجماعة قالوا ليها القهوة دي حق دينق بيار .
جابت القهوة و عاينت لي من تحت لي فوق و قالت إنت اسمك دينق بيار ؟ قلت ليها آي . قالت يعني دينكا ؟ قلت ليها ايوه دينكاوي !!
قالت لي و بكل عفوية إلا كان جنا حرام
ههههههههه

أنا ضحكت و ضحك الجميع
طبعاً بقت صحبتي كل ما انزل جوبا امشي ليها

المهم
لو الخواجة داك جدك ؛ انت ما اقدر اقول فيك شيء
لكن أكون هو جنا حرام

Post: #41
Title: Re: حبوبتي الخواجية النمساوية صافيناز هانم ك�
Author: MOHAMMED ELSHEIKH
Date: 12-12-2019, 09:28 AM
Parent: #40

Quote: والله ما فضل ليك الا تقول لي يافردة ..

اه
دا الاوسكار الأصلي

Post: #48
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-12-2019, 09:17 PM
Parent: #35

Quote: انا سوداني مأصل
مافي سوداني أصيل بتلصق في الفرنجة

ينطبق عليك قول الاستاذ عادل...

Post: #65
Title: Re: حبوبتي الخواجية النمساوية صافيناز هانم ك�
Author: adil amin
Date: 12-13-2019, 06:45 AM
Parent: #48

Quote: ينطبق عليك قول الاستاذ عادل...

ده شنو يا سمعة ...داير تطير مني جحبوري توفيق وتحرف نظرياتي
الكلام ما كده انعم واكرم بالخوجات جو ومشو ما خلو وراهم ما يشين
انا بلصح ليك الكوجيتو
ما في سوداني اصيل بباري المصريين والعرب والاتراك ويجب بضاعتم البايرة ويفرضا بالانقلابات ويتمسح بي الكريمات ذى اللوطى ويهين ابناء الهامش في المركز بالكشة والقتل الرخيص في الهامش

Post: #42
Title: Re: حبوبتي الخواجية النمساوية صافيناز هانم ك�
Author: محمد مجيدو
Date: 12-12-2019, 10:34 AM
Parent: #1

Quote: ثم تانيا انا محسي وقالوا في المثل لو الجمال اتلحس بتلقوه عندك المحس

يا برنس ... سلام
لو انتاا محسي .. لازم نختبرك .... قلت شنو ؟؟؟
جاهز للطشت ؟؟؟

عاالم بطاالــــــــــــــــــــة ,,,

Post: #43
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-12-2019, 11:52 AM
Parent: #42

كتب محمد مجيدو "للأمير " توفيق عيسى
((لو انتا محسي لازم نختبرك))

هههههه
يا توفيق شكلك ما فهمت النوبيين عنصريين قدر شنو.
ياخوي الناس ديل كان إنت ما نوبي ما يقبلوا بيك و لو متمسح بالتركين و إسمك ينتهي ب معاذ بن جبل(رض)

Post: #44
Title: Re: حبوبتي الخواجية النمساوية صافيناز هانم ك�
Author: Hassan Makkawi
Date: 12-12-2019, 11:55 AM
Parent: #42

Quote:
توفيق حاف كده .. !!!!
والله ما فضل ليك الا تقول لي يافردة ...

طيب
سمو امير و"ملك" الدقارات
بس ما تزعل ياخ

Post: #45
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-12-2019, 12:01 PM
Parent: #44

الزميل Hassan Makkawi
يعني شنو "الدقارات" ؟؟
فقط للمعرفة !!

Post: #46
Title: Re: حبوبتي الخواجية النمساوية صافيناز هانم ك�
Author: نادر الفضلى
Date: 12-12-2019, 12:36 PM
Parent: #45

Quote:
قلت ليه تصدق وزير الرياضة جقة

يا أمير .. يعنى تمشى الجم وللا تسوى شنو؟

* محساوى ونمساوى متقاربات .. ياخ جدك غلبتو ورجع لبلدكم النمسا
وسابكم أحفادو للهم الما بنتهى دا .. الجابرك عليهو شنو إتخارج
وأرجع للجذور بالنمسا .. أكيد حتستفبد هناك ويمكن تفيد الغبش الحتفوتم
كخبير فى الملف السودانى. بلدكم النمسا بقت جمهورية وإنضمت
للأمم الممتحدة عام 1955 بينما السودان إستقل وأنضم علم 1956
شوف إنتو وين ونحنا وين .. أمشى ظبط أراضيك هناك وأنقل
التجربة يا أمير. وهسة بقى فيها جنسية مزدوجة.

Post: #49
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-12-2019, 09:26 PM
Parent: #46

الأمير الاغبش
مثال حي
لجدلية المركز والهامش،،،
زول أسود زي الفحمة وبعد دا كلو ناكر اصلو..
دا سبب قصف الأفارقة السود بقنابل الانتوتوف الحارقة في جبال النوبة والانقسنا و دارفور،،
توفيق دا لو كان طيار حربي كان عمل عمايل في المثلث الملتهب،،،

أمثال توفيق هم أزمة البلاد الحقيقية،،،،

Post: #50
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-12-2019, 09:44 PM
Parent: #49

هههه
مجتمع الخرطوم عنصري بالدرجة الأولى
يقول لامثال توفيق (ياعب) ولو توفيق زعل أو اعترض يقول ليك ما دام زعل معناها ع.ب.
ووهكذا يعيش توفيق وسط هذا المجتمع اللميم ولحم الراس والملقط و تضيع شخصية زول اسمو توفيق وسط زحام العقد واقدار التاريخ وفي النهاية يتحول لارقوز لاضحاك الناس من حوله كما كان يفعل المرحوم دكام الذي دفع حياته ثمناً لتراخيه و محاولاته مجاراة التيار العنصري المركزي...

توفيق اعمل حساب لباكر،،
لا تسمح لنفسك ان تلعب دور الارقوز..

Post: #51
Title: Re: حبوبتي الخواجية النمساوية صافيناز هانم ك�
Author: nour tawir
Date: 12-12-2019, 09:46 PM
Parent: #49

يا توفيق..
حجة صافيناز جاتنى فى الحلم..
وقالت اقول ليك..
ما تنسى انك أمير ود ملوك..
و تقعد تختلط بالرجرجة و الدهماء فى منبر بكرى..
أتخارج من هنا..
و أرجع للقصر الخلتو ليك ورث..
وقالت ليك البشتنة ما بتشبهك..

Post: #52
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-12-2019, 09:50 PM
Parent: #51

هههههه
دايماً اتذكر كلام السلطان دينق بالإنجليزي

الأمير المضروب...

Post: #53
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-12-2019, 09:56 PM
Parent: #52

House negro

زي توفيق دا تلقاه يكن عداء سافر لناس جبال النوبة ودارفور والانقسنا أكتر من الآخرين...

لانهم بذكروه باصله،،،

مكمن العقدة...

Post: #54
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-12-2019, 10:04 PM
Parent: #53

السلوك التعويضي.

Post: #55
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-12-2019, 10:33 PM
Parent: #54

Quote:
انا طبعا ألف و اجي عشان اقرأ تعليق ترهاقا و اطلع
هههههه
ياخي مبالغة

دينق بالعربي و Deng بالانقليزي خيرتوانا معاكم ...
البلعربي باصاتو بالعربي باصاته ساهلة خد وهات وبتجيب نتيجه قووون
ولبالانقليزي اساسا شايت ضفاري حتى لو لعب ليك باص كورته تصلك طرشا
حيرتونا معاكم والله ....

Post: #56
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-12-2019, 11:13 PM
Parent: #55

Quote: زول باصل للمهدية في البورد ده واسافير العالم وبعري كعوك المركز ده غيري ما في وشغال ضبط مصنع في البورد ده من 2001
ايوه عبدالله التعايشي بوظ المهدية الراقية الجدعت الاتراك واذنابهم المصريين وجاب لينا الخلافة والملك العضوض وهسة كمان الصادق المهدي دمر ((حزب الامة الاصل )) ونفس الشيء لوثو بالاخوان الملسمين وبقى ينعق معاهم في الوسطية والخلافة التركية
وضب المستراح رجب طيب اوردغان مع العلم ان الدرسة الاسلامية في السودان متطورة جدا من 1938 عبر الختمية والانصار والجمهورييت والطرق الصوفية والدولة المؤطرة في ديمقراطية فدرالية اشتراكية حقيقية ومحترمة جدا

غايتو ياعادل من دون كل الناس هنا فهمنا واحد في حاجات كتيرة ورؤية ما بتختلف كتير امكن عشان الهدف واحد هو السودان وخير السودان وغيره على السودان وخبرة مكتسبة في تناول تاريخ السودان الحقيقي الما مزور فعلا الخليفة تور شين ما عن قصد خرب المهدية وفعلا كل الايدلوجيات السياسية الدخيلة علينا خربت واقعنا البنعيشه هسا وفعلا لابد ان يعاد تقسيم السودان لولاياته الخمسة صاح بنختلف في مكان وضع العاصمة لكن بنتفق بفكرة تصفية المركز المعنى واحد
اتربينا في حوش مكي المحسي في بيت المال والما اتربى تربية حيشان اهلنا الزمان بيكون ناقصه في الحياة كتير كنا بنشوف اعمامنا وعماتنا وبالمناسبة هم كلهم رموز وطنية ساهمت في رسم الواقع السياسي الحديث ده لكن عمرنا ما شفناهم الا بحميمية الاخاء والترابط الاسري واحترام الاراء والمعتقدات الفكرية طالما جميعهم هدفهم كان واحد هو السودان عزيزة وزكية مكي اقرب مثال يسارية ويمينية لم تفترقا لحظة هن الكونن الاتحاد النسائي مع حجة كاشف والنفيستين ومحاسن جيلاني وسعاد الفاتح وثريا امبابي وبقية العشرة نساء (فاطمة السمحة كان لسه ما سمعت بيهم لكن لما بقت معاهم بعد كم سنة بقت حميدتي بتاعهم) عماتي ديل كل مجتمعات امدرمان ما لم تشاهدهم في كل مناسابات المدينة الا كشقيقات فاختلاف الراي اصلا لا يفسد للود قضية كذلك والدي واعمامي جميعهم بايدلوجيات مختلفة فكريا من زوجتين لجدنا مكي المحسي اتحدى اي جار لنا ان يفرز ده ود منو في الامات من ده حتى الاجيال الجات بعدنا في العائلة طاشين شبكة ما عارفين منو ود السارة ومنو ود فاطمة والسارة دي امها صفية (صافيناز) زوجة حاج احمد شقيق الامير عثمان ازرق قائد معركة كرري هو والخليل ربيب اللخليفة ود اخوه زو التسعة عشر عاما قائد اكبر جيوش المهدية جيش الكاره 30 الف مقاتل ووزير دفاع وامن المهدية واهم قائد في اخر ايام الدولة المهدية على الاطلاق واشرس مقاتل فيها المستعمر مسح تاريخه بالاستيكة عشان شاب وعشان ما يجي شاب يتأثر بيه وعيييييييك القصص طويلة بكرة نجي نتمها ....

Post: #57
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-12-2019, 11:31 PM
Parent: #56

Quote:
أنا ضحكت و ضحك الجميع
طبعاً بقت صحبتي كل ما انزل جوبا امشي ليها

المهم
لو الخواجة داك جدك ؛ انت ما اقدر اقول فيك شيء
لكن أكون هو جنا حرام

طيب خلاس المرة الجاية سوقني معاك نمشي ليها سوا نشوف رأيها بعد تعرف قصتي انا شنو ؟؟ اضان حمرا ولا بنفسجية بس ما بتلون ما سحلية بالمناسبة السودان ده لفيتو كله الا جنوبه كان نفسي امشي جوبا ليوم واحد والله عندي فيها اصدقاء بالكوم والردوم شماليين وجنوبيين اتذكر مرة مشيت المملكة وختيت تلفون في المنبر كميات من المكالمات جاتني من الجنوب ومن كثيرين ما من المنبر بس متابعين وعاجبهم البل بتاعي لناس الضهاري قبل ما اعلن توقفي تماما عن السيرة دي وفيهم من في قطر والامارات واوروبا وامريكا وكل العالم انا مستغرب في الكيمياء بتاعتي بتتفاعل معاكم ايجابي كيف وانا محسي كوشي اصلي

Post: #58
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-12-2019, 11:48 PM
Parent: #57

Quote: مافي سوداني أصيل بتلصق في الفرنجة

غايتو ....
سماعين ده قصة انا ومونيكا اسكندر الخواجات دي سودانيين ماكلة معاه جنبة
اهدى وروق نقوم هسي نفتشك نلقاك حبشي مطعم بتنزاني بي بهارات نيحيرية (في اشاعة طالعة اليومين دي الشايقية والجعليين وكم قبيلة من الدي ان ايه طلعوا نيجيريين)
احيي فيك نضالك الوهمي في شخصي الضعيف
قوم لف ... لفاك شنو كده ما عارف .. اختى سكتي دي بتعور ..

Post: #59
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-13-2019, 00:14 AM
Parent: #58

Quote:

يا برنس ... سلام
لو انتاا محسي .. لازم نختبرك .... قلت شنو ؟؟؟

تختبرني بياتو صفة مثلا يا محمد مجيدو انا سليل ملوك وامراء المحس
انا البعمل الاختبارات دي
اديك نبذه عن جدودي امكن ما عارف الحكاية
Quote: هو عثمان بن محمد بن عيسى بن النيوم الملقب بعثمان ازرق من المحس كان جده يونس بن النيوم ( لكثرة نومه ) عمده او حاكما لمنطقة (أكد وسورج وشمال دنقلا ) وقد قتله خصومه وتتبعهم ابنه محمد عيسى لاخذ الثار حتى وصل منطقة الابيض

--''---''--''--
عثمان أزرق . عثمان محمد عيسي [1845م-1898م] البديري وقيل [دنقلاوي محسي]... ولد بالقطينة وحفظ القرآن الكريم ودرس مبادئ العلوم الدينية.. ثم عمل هجاناً لنقل البوستة الأميرية بين الخرطوم وكردفان ودارفور في عهد التركية.بايع المهدي وكان أميراً تحت قيادة الأمير عبد الماجد نصر الدين وجرح في معركة جُنس في السكوت عام 1885م... وأوقع عام 1887م بالألماني نيوفيلد في وادي العقب.وعقب انسحابه من موقعة توشكي عام 1889م التي انهزم فيها عبد الرحمن النجومي.. هاجم آبار المرات، وقتل صالح بيه حسين خليفة.... قاد جيوش المهدية في فركة عام 1896م وجرح في موقعة الحفير بنهاية العام.. كان من كبار قوات كرري وقتل فيها
.المراجع كتاب [حرب النهر لشيرشل].
. محمد عبد الرحيم [مخطوطة أبطال التاريخ في السودان]..

Post: #60
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-13-2019, 00:45 AM
Parent: #58

Quote: نلقاك حبشي مطعم بتنزاني بي بهارات نيحيرية
بالمناسبة يا ناكر اصلك...
الذكرتهم ديل مفروض يكونوا مصدر فخر ليك لو خلعت ثوب الاستلاب...

Post: #61
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-13-2019, 05:23 AM
Parent: #60

Quote: لذكرتهم ديل مفروض يكونوا مصدر فخر ليك لو خلعت ثوب الاستلاب...

اها يا فخري .. الوجع لي بطني .. من شدة الضحك ...
تنزاني فخري في قول لكنه ضعيف انو بعض الافارقة من بقايا الانسان الاول الحل محله سيدنا آدم والبني آدمين وتعاشروا معاهم واتزاجوا بس قول للآن لم يجد ما يثبته علميا وقع ليك كلامي ولا ازيدك حاجة تانية نحن المحس جدنا العباس يعني اشراف كدي النسألك اشراف دي جات من وين وليها اشراف والشرف ده جا من وين والحتة دي فيها حديث نبوي كمان لكن دايما في الحاجات دي بنلجأ للعلمية والعقل في ناس حتة دين ونبي واحاديث اساسا ما بتلفق معاهم ناكرنها دود
يا حاقد مستكتر علي تقول لي يامير مالك
حقاره ولا عدم قناعة ولا داير مشاكل بس
اهدى وروق المنقة يا حبه وخلي روحك رياضية
وانا جد جد حبوبتي نمساوية المشكلة وين ؟؟

Post: #64
Title: Re: حبوبتي الخواجية النمساوية صافيناز هانم ك�
Author: Salah Zubeir
Date: 12-13-2019, 06:28 AM
Parent: #61

Quote: يا ناكر اصلك...

سمعه يا صديقي ...
أشلح توب العنصرية اللابسو هنا
وخليك سمعه الحبوب الفرايحي
علي حسب شهادة أحد من يعيش
حواليك ... أصلك وأصلي وأصل
توفيق روايات تناقلها أهلنا من جيل
إلي جيل ولا أحد يستطيع أن يجزم
أو ينفي صحتها وتظل مصدر فخر
أيا" كان أصلها ... فخرك بي إنتماءك
لي إثنية داخل أو خارج الحدود الوهمية
لسودان اليوم يساوي ويطابق تماما"
فخر البرنس توفيق بي جدوده داخل
وخارج السودان ...
نجحت في خلق صورة نمطية لك داخل
سودانيزاونلاين وهي صورة (اسماعيل
العنصري) ... ياريت تقلب الصفحة وتنورنا
بي صورة سمعه الحبوب الفرايحي ...
تيفه يا برنس ...
أهنيك علي مشوارك داخل سودانيز
الذي بدأ بي عداء مستحكم من أبناء
الضهاري وشفاتت البورد والحاقدين
علي مهنتك ... لي محبوب جمهور
البورد والبوردات المجاورة ...
غايتو سيطرتك علي أبناء الدينكا
Deng ودينق وكسب (محبتهم)
تحسب لك ... فضل ليك الشفاتي
ابو جباده حسن مكاوي ..
تحياتي ...

Post: #68
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-13-2019, 09:11 AM
Parent: #64

Quote: أشلح توب العنصرية اللابسو هنا
ياصديقي مافي توب عنصرية.
لفت نظر الناس لبعض الممارسات العنصرية لا يجعل من الواحد زول عنصري.

Quote: فخرك بي إنتماءك
لي إثنية داخل أو خارج الحدود الوهمية
لسودان
هههه يا ود الزبير ياخي فخر لي فخر يختلف.
في نوع فخر كده حامض ومر ما بتبلع.
Quote: سودانيزاونلاين وهي صورة (اسماعيل
العنصري)
صدقني هذه الصورة في عقول العنصريين في البورد وما اكثرهم. وممارسة من البعض لسلوك رمي الآخر بدائهم المريض هذا والهروب ورشق الناس بما ليس فيهم.

Quote: غايتو سيطرتك علي أبناء الدينكا
Deng ودينق وكسب (محبتهم
هي محبة وليست سيطرة..
عليك الله زول محبوب من اهلنا في جنوب السودان يكون عنصري كيف؟

Post: #66
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-13-2019, 08:50 AM
Parent: #61

Quote: نحن المحس جدنا العباس
هههه
عينة جاهزة تحول لمعامل بشاشا الأمير الكوشي،،

Post: #62
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-13-2019, 05:45 AM
Parent: #60

نصحية لله
يا توفيق وفق أوضاعك مع اسماعيل و Deng
لأنهم ح يجيبوا خبرك

-----------
اخي اسماعيل عبدالله
لو صح كل ما نسب للمرحوم عوض دكام تأكد بأنه كان عامل أساسي للوهم المرضي الذي يعيشه بعض ابناء السودان اليوم.
الوهم الذي يضع أحفاد القادة و الجنود السودانيين الشهداء في ام دبيكرات و توماي أقل مرتبة من أحفاد السودانيين الخونة و طباخين الأجانب في تلك الملاحم المفصلية.

هل تصدق بأنني أبغض اي نكتة أو مزحة تنسب لعوض دكام( رحمة الله)
ببساطة لأنها غبية و بغيضة .

Post: #63
Title: Re: حبوبتي الخواجية النمساوية صافيناز هانم ك�
Author: adil amin
Date: 12-13-2019, 06:08 AM
Parent: #62

Quote: مافي سوداني أصيل بتلصق في الفرنجة

https://up.top4top.net/
هسة في ذمتك يا اسماعيل الدمر السودان شنو الاستلاب الانجليزي النمساوي ده اذا كان استلاب اصلا ولي الاستلاب المصري التركي لكعوك المركز (رقيق الحقبة اتركية المصرية في السودان ) الحررهم اللورد كنشنر ودخلهم كلية غردون وطال عليهم الامد لونهم فتح وبلفهم الصاغ صلاح سالم وحثالة عبدالناصر من سنين الخمسينات بالعروبة المزيفة وقعدو لينا في راسنا في الخرطوم والانقلابات والتطاول علي الختمية والانصار والسيد علي والسيد عبدالرحمن علي حساب القبائل في كل السودان واهانو الجنوبيين النوبة في الخرطوم
واميرنا توفيق كان متاثر بي هذه الثقافة في بدايات عهدو في البورد هسة بقى سوداني اصيل فعلا وسليل ملوك ايضا والمحس والميدوب في دارفور حاجة واحدة شمال دارفور والاقليم الشمالي دي كانت كوش القديمة والانهار تنحدر من جبل مرة للنيل اندثرت وفضل بس وادي الملك لحدي هسة
الاستلاب نكون كيزان وسلفيين وبعثيين وناصريين وشيوعيين لحدي هسة ونسوط في السودان بي المحاصصة وعارفين صناديق الاقتراع ما بتجيبهم ودي عقدتم الخمسة وهم امجرد اقليات وليس الا ومن غير تفصيل حتي الان
اي زول ما عاجبو كلامي ده عن اولاد السرارة في المركز يجيني مارق بره عشان انزل ليه الوثائق وما فعلته مصر ولصاغ صلاح سالم والمخابرات المصرية في السودان بعد الاستقلال
وهسة العروبة المستعارة تموها بي الكريمات ولازالو يلهثو مع مصر والسعودية والامارات وقطر وتركيا واتحاد الاذاعات العربية سواء كانو من قح ت مايو 1969 او ايتام الترابي 1989
قلنا اي زول معقد ومشوه ذى ما قال بن خلدون يبعد من الثلاثة حاجات دي
1- السياسة
2- القضاء
3- القوات النظامية
واخر حرب محترمة بين مسلمين محترمين (الانصار ) وكفار محترمين(الاتجليز) كانت معركة كرري وبعد داك مشو الانجليز بالديمقراطية والانتخابات البتجيب اولاد الناس وليس الانقلابات البتجيب قليلين الاصل ودي مشكلة السودان لحدي هسة
****

Post: #67
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-13-2019, 08:59 AM
Parent: #63

التعديل بغرض لحس الفكرة

ههههه

.

Post: #69
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-13-2019, 09:17 AM
Parent: #62

Quote: هل تصدق بأنني أبغض اي نكتة أو مزحة تنسب لعوض دكام( رحمة الله)
ببساطة لأنها غبية و بغيضة
زي ما بقولو اديتنا الزيت يا اخي دينق،،
المرحوم عوض دكام بذل طاقة خرافية في سبيل العيش وسط مجتمع عنصري،،
وفي آخر المطاف تخلص منه ذات المجتمع القاسي جداً بطريقة بشعة..

Post: #70
Title: Re: حبوبتي الخواجية النمساوية صافيناز هانم ك�
Author: adil amin
Date: 12-13-2019, 09:45 AM
Parent: #69

Quote: زي ما بقولو اديتنا الزيت يا اخي دينق،،
المرحوم عوض دكام بذل طاقة خرافية في سبيل العيش وسط مجتمع عنصري،،
وفي آخر المطاف تخلص منه ذات المجتمع القاسي جداً بطريقة بشعة..

خليك من السودان يا سمعة
اللون ضرورة مناخية ما عنده علاقة بي اخلاق الناس في كل العالم
وتعال شوف لزول بالمارس عنصرية حتي في امريكا نموذج ترامب بمارسا ليه ؟؟
بمارسا للانه قليل اصل ...كيف
تاريخ اسرة ترامب وضيع جدو كان خمار في المانيا وايضا وضعه الاسري كان مش ولابد واحتوهو يهود منحرفين وفي فيديو نزلتو هنا
لمن بقى رائيس طوالي بدا يتعنصر علي الهنود الحمر وعلي اوباما الافريقي الاصلي سليل مصارعين الاسود الماساي
عشان كده جرى لي اللون طوالي وعايز يهين الناس بي لون بشرتهم..لاته عارف نفسو white scum
ودي عنصرية ناس الخرتوم يمارس اسقاط مشين علي الجنوبيين الراقين وينعتهم بي العبيد ونسي تاريخ الرق والعبيد في السودان وفي المركز والجنوبيين ديل قبائل وليس عبيد
مجرد رقيق محرر ضربتو الطراوة بتاعة المركز وقرا غردون بفضل كتنشر ومسك السلطة والثروة واستلمو المصريين الحثالة بعد الاستقلال وبرمجو عروبيا وقعدو في رسنا بالاتقلابات بعد داك بقو يطالو علي الجنوبيين والنوبة والفور البجو المركز
والقصة دي في الخرطوم بس ما بتلقها في المدن الاقليمية في الاقاليم الستة
اما النوع الثاني قبائل وافدة جنسية بنية "فانون الجنسبة 1957"دخلو الفضاء الجغرافي السوداني في 200 سنة الاخيرة من ووار دارفور في طريقهم الي الحج او رعاة دي وركبو موجة العروبة المستعارة وبقو ادوات قتل رخيصة للمركز المشوه عبر العصور في دفاع شعبي او جنجويد ودعم سريع ...وبي الحساب البسيط السودان فيه مكونيين بس اجتماعيين القبائل في الاقاليم والمركز 95% من مكون السودان والاقليات وجلها في المركز ونسبتا 5% فقط

اذا الذى يمارس العنصرية اللونية زول اصولو الطبقية متدنية ووصفهم بن خلدون كويس "العرق دساس "
والاوصول الطبقية للشخص تحدد سلوكو مش لونو او شكلو او قبيلتو
والقران وضح ما يحط ويرفع الانسان في كل العالم والقران مرجعية عليا لكل البشر من الاساس
ان اكرمكم عند الله اتقاكم
اي الشخص الملتزم اخلاقيا هو الاكرم عند الله وعند الناس

Post: #71
Title: Re: حبوبتي الخواجية النمساوية صافيناز هانم ك�
Author: اسماعيل عبد الله محمد
Date: 12-13-2019, 10:46 AM
Parent: #70

شكراً استاذ عادل على الشرح
Quote: مجرد رقيق محرر ضربتو الطراوة بتاعة المركز
هههه لذليذة ضربتو الطراوة...
معناه اميرنا الاغبش ده ضاربو همبريب رهيب

Post: #72
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-13-2019, 11:56 AM
Parent: #71

كتب الزميل Salah Zubier
(غايتو سيطرتك علي أبناء الدينكا Deng ودينق وكسب (محبتهم) تحسب لك ...)))
اخي صلاح
حتى الان لم يولد من يسيطر على Deng و دينق، ناهيك عن الدينكا.

هنالك تقاطع في الأساليب و انسجام في الأهداف بين Deng و دينق اسماعيل و اخرين كثيرين بهذا المنبر لتخليص عقول بعضكم من عاهة العنصرية غير المبررة التي يعاني منها البعض منكم.

الحق يقال ،حتى الان لم اجد حرفاً واحداً منك يوحي بالعنصرية لكن تخيل ان انساناً افريقياً في ملامحك التي في صورتك الموضوعة على بروفايك يتعنصر على الاخرين من اخوانه السودانيين دون ان يكترث بشفاة الغليظة ان تسقط على المارة و تسبب اضراراً و دماراً في شارع من شوارع أبو ظبي أو نيويورك أو سيدني!!؟

نحن هنا لتنبيه الناس على مراجعة اعتقاداتهم عن أنفسهم. و هو ما يجمعنا أنا و اسماعيل و Deng و بشاشا و اخرين بطبيعة الحال.

أتمنى ان تكون قد فهمت جزء مما قلته لك.

تجدني ألتمس لك العذر في إستخدامك لمفردة "السيطرة" لأنها تسجل حضوراً طاغياً في قاموسك المجتمعي التربوي المختل.

تحياتي و احترامي

Post: #73
Title: Re: حبوبتي الخواجية النمساوية صافيناز هانم ك�
Author: adil amin
Date: 12-13-2019, 02:54 PM
Parent: #72

Quote: معناه اميرنا الاغبش ده ضاربو همبريب رهيب

يا اسماعيل اميرنا توفيق ما منهم بس كان متاثر بثقافة المركز الاستعلائية المزيفة
وهسة ذى ما بقول ليك المراجع البجيب منها الحقائق قاعدة والصور كمان
وكتاب محمد ابراهيم نقد عن الرق وعلاقات الرق في السودان موجودة
عشان كده ما في حل غير الفدرالية يفكنا من المركز المشوه ده
اي زول في البورد والسودان ما عجباه الحركة الشعبية ولا الجنوبيين فتشو كويس بتعرف اصلو وفصلو

Post: #74
Title: Re: حبوبتي الخواجية النمساوية صافيناز هانم ك�
Author: Salah Zubeir
Date: 12-13-2019, 11:04 PM
Parent: #72

Quote: (غايتو سيطرتك علي أبناء الدينكا Deng ودينق وكسب (محبتهم) تحسب لك ....)))

رمتني بداءيها وانسلت ...
أخوي دينق ...
سيطرة هنا مقصود بها إجباركم علي
محبته ومداخلاتكم في بوستات البرنس
توفيق تثبت ذلك ...
طبعا" قصدت مع سبق الإصرار والترصد
إخراج كلمة (السيطرة) من سياقها الواضح
في الجملة الختيتا بين قوسين ولو قرأها
الغبي حا يفهم القصد منها ... طيب ليه
إنتا قصدت تعمل فيها ما فاهم ... طبعا"
عشان تبرير الردحي وتفك ليك شتيمتين
تلاته لشخصي قاعدين ليك في زورك من
اسبوعين تلاته لتقاطعي معاك في مزاح
عادي لم اقصد فيه التقليل من شأنك ..
طبعا مجبرا" افقع ليك القتو دا كلمة كلمة
ونشوف منو المحتاج لي التنبيه وضرب
الجرس بالقرب من أذنيه والمساعدة في
تخطي عاهة العنصرية المتلبساهو ...
نبدأ بي فرد العضلات والتعنصر للنوع
و القبيلة الأمو ودعم أبوهو ..

Quote: حتى الان لم يولد من يسيطر

Quote: ناهيك عن الدينكا.

نمشي للشتيمة العنصرية الخالصه ...

Quote: لتخليص عقول بعضكم من عاهة العنصرية غير المبررة التي يعاني منها البعض منكم.

Quote: دون ان يكترث بشفاهه الغليظة ان تسقط على المارة و تسبب اضراراً و دماراً في شارع من شوارع أبو ظبي أو نيويورك أو سيدني!!؟

بشفاهه وليست بشفاة ....
طبعا أعلاه تسمي شتيمة معاها شوية مويه
لتخفيف الدم الأصلو الهوا شايلو ...
Quote: نحن هنا لتنبيه الناس على مراجعة اعتقاداتهم عن أنفسهم

إنتو منو؟؟؟ مارتن عارفنو باقي الجوقه
ديل منو؟؟؟ هههههه الله يشفيكم ...

Quote: تجدني التمس لك العذر في إستخدامك لمفردة "السيطرة" لأنها تسجل حضوراً طاغياً في قاموسك المجتمعي التربوي المختل.

ههههه هو زول قاموسو بتاع مجتمعو مختل
وقاموسو بتاع تربيتو كذلك مختل تعتذر ليهو
بي ياتو منطق ... إتا زول سوداني طيب زي
ما بقولو أولاد بمبه ...
Quote: تحياتي و احترامي

ههه لا ياخي ... هسع دي لزوما شنو ...

Post: #75
Title: Re: حبوبتي الخواجية النمساوية صافيناز هانم ك�
Author: adil amin
Date: 12-14-2019, 03:50 AM
Parent: #74

شفت كيف يا اضان حمرا توفيق
دينق المزيف جرا ومشا فتح بوست جديد عشان يعمل ليك حفلة شواء اعتداها الشيوعيين وهي من ارزل رزائلهم في البورد
لمن جا الحديث عن من هم اقليات المركز العاملين فيها عرب؟؟
وعروبيين وقاشرين لينا بي عبدالناصر وصدام حسين لحدي هسة
انت قلت انصاري ودي ماركة مسجلة سودانية 100% وقرررط علي كده

Post: #76
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-14-2019, 07:23 AM
Parent: #74

كتب Salah Zubier
((ههه لا ياخي ... هسع دي لزوما شنو))

يعني الواحد ما يحييك و لا يحترمك

Post: #77
Title: Re: حبوبتي الخواجية النمساوية صافيناز هانم ك�
Author: Salah Zubeir
Date: 12-14-2019, 08:50 AM
Parent: #76

يا سيد دينق ..
إنتا عندك مشكلة في السياقات ...
زول تطلق عليه ذو عاهة منتنه .. وتحكم
علي مجتمعه وتربيته بوجود خلل حتي
لو كان قدر خرم الإبرة ... عايز تحييهو
وتحترمو لي شنو ... ولا عايز تعمل شو
لجمهور المنبر وتوريهم كيف العوير تدقو
وتدعضرلو ... دي لغه قديمه وبايخه ...
Quote: تخيل ان انساناً افريقياً في ملامحك التي في صورتك الموضوعة على بروفايك يتعنصر على الاخرين من اخوانه السودانيين دون ان يكترث بشفاة الغليظة ان تسقط على المارة و تسبب اضراراً و دماراً في شارع من شوارع أبو ظبي أو نيويورك أو سيدني!!؟

الود يتحدث كأنه من اسكتلندا أو أيسلندا ...
أكان بتقدر جاوبني :-
١ :- وينا صورتك مع الرجال ... مالك
ما ختيتا في البروفايل .. ولا خايف نشوف
تلاليش العصفور الصغنتوتات ديل ...
٢ :- ياخي سيبني أنا ... جيب ليك كلام
مقنع لجمهور المنبر لتثبت عنصرتي علي
أخواني السودانيين في كلمة (السيطرة)
بدون سياقها في الجملة اياها ... إيش
تعني (سيطرتا عليك) في لغة قاموسك
المنتن دا؟ وين العنصرية في الكلمتين
ديل بس ... زي ما قتا ليك عندك باقي
اكل معفن قدر ما اجتريتو ابا يتهضم
جيت طرشتو هنا ...

Post: #78
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-14-2019, 11:42 AM
Parent: #77

هههههه
ياخي تبالغ
يا صلاح انا شكلي جميل و لله الحمد.
لكن كالعادة لا اضع صورتي في البروفايل
و هذا لا علاقة له بشكلي الذي أحسن الله خلقه

اي حرف تكتبه بهذا الخيط يكشف للناس كم انت في حاجة الي بعض الحكمة.

دعنا نقف عند هذا الحد
حتى لا نقول ما نندم على قوله في يوم من الأيام

ياخي العفو لله رب العالمين
و لا داعي للمهاترات التي لا تفيدني و لا تفيدك في شيء

Post: #79
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-14-2019, 02:22 PM
Parent: #78

دينق وصلاح نقيف في الحد ده خلاس المسألة ما محتاجة أكتر من الهم العايشو السودان وبنحاول ننفس الجوانا بالكتابة ما نتعرض لبعض الا بالحب رجاءا وحبا ...

Post: #80
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-14-2019, 02:29 PM
Parent: #79

Quote: ما في سوداني اصيل بباري المصريين والعرب والاتراك ويجب بضاعتم البايرة ويفرضا بالانقلابات ويتمسح بي الكريمات ذى اللوطى ويهين ابناء الهامش في المركز بالكشة والقتل الرخيص في الهامش

يا عادل يا اخوي الناس الممسحين ديل اغلبهم فاتيات
اعمل مطنش زيي
وقتنا غالي في بناء سوداننا الجديد
اصلو الفي البلد يا كوشي يا كوشة
خليك مع الكوشيين نمد نمشي قدام

Post: #81
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-14-2019, 02:42 PM
Parent: #80

Quote: يا أمير .. يعنى تمشى الجم وللا تسوى شنو؟

استاذي الجميل ...
نوال المتوكل كانت وزيرة الشباب والرياضة في المغرب
لو حقيقة دايرين نمشي صاح مش حقوا نعطي العيش لخبازه كفانا محاصصات
الناس انتقلت من الرياضة نشاط احتماعي لنشاط سياسي لنشاط استثماري تجاري لاداة تحكم اقليمي ...
نحن من سياسي نرجع لاجتماعي اي لو ورا ... الكلام ده في نظرك صاح

Post: #82
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-14-2019, 02:56 PM
Parent: #81

Quote: هههه
مجتمع الخرطوم عنصري بالدرجة الأولى
يقول لامثال توفيق (ياعب)

هوي يا سنة ناعمة يا فاسخ يا جالخ
انا حبوبتي خواجية نمساوية انت حبوبتك جنسها شنو ما تتفاصح وتعمل فيها الحتة دي ما ماكلة معاك جنبة ههههه

Post: #83
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-14-2019, 03:03 PM
Parent: #82

Quote:
يا توفيق..
حجة صافيناز جاتنى فى الحلم..
وقالت اقول ليك..
ما تنسى انك أمير ود ملوك..

انا متأكد تاني بتجيك في الحلم بتاع بعدين عشان تتأكد وصلتي الوصية ...
قولي ليها ولدك قال ليك شال كيس وساخة من بيتنا السودان ومشى يرميها في الكوشة لقى فيها اتنين شماشة قلو ادبهم عليه علا اولاد الحلة لحقوه وقفوا معاه

Post: #84
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-14-2019, 03:10 PM
Parent: #83

Quote: لانهم بذكروه باصله،،،

اصلي محسي يعني نوبي يعني موشي ..
ومتعنصر للحتة دي
انت عيان يا سنة ناعمة ولا شنو ؟؟

Post: #85
Title: Re: حبوبتي الخواجية النمساوية صافيناز هانم ك�
Author: نادر الفضلى
Date: 12-14-2019, 05:36 PM
Parent: #84

Quote:
اتربينا في حوش مكي المحسي في بيت المال والما اتربى تربية حيشان اهلنا الزمان بيكون ناقصه في الحياة كتير كنا بنشوف اعمامنا وعماتنا وبالمناسبة هم كلهم رموز وطنية ساهمت في رسم الواقع السياسي الحديث ده لكن عمرنا ما شفناهم الا بحميمية الاخاء والترابط الاسري واحترام الاراء والمعتقدات الفكرية طالما جميعهم هدفهم كان واحد هو السودان عزيزة وزكية مكي اقرب مثال يسارية ويمينية لم تفترقا لحظة هن الكونن الاتحاد النسائي مع حجة كاشف والنفيستين ومحاسن جيلاني وسعاد الفاتح وثريا امبابي وبقية العشرة نساء (فاطمة السمحة كان لسه ما سمعت بيهم لكن لما بقت معاهم بعد كم سنة بقت حميدتي بتاعهم) عماتي ديل كل مجتمعات امدرمان ما لم تشاهدهم في كل مناسابات المدينة الا كشقيقات فاختلاف الراي اصلا لا يفسد للود قضية

ما قلت ليكم فى بوست آخر الأمير توفيق بوستاته هى نهج خاص به لطرح أمور ومعلومات آخرى. لا تفوتكم هذه المعلومة القيمة عن تأسيس الإتحاد النسائى السودانى. وياريت يا أمير لو تفتح بوست منفصل عن تاريخ تأسيس الإتحاد النسائى وعن الرائدات المؤسسات له (بالتواريخ) وكيف تطور وتوسع ومتى إنضمت إليه فاطمة السمحة وكل ما يتعلق به. شارع بيتكم شارع بيت المال إلى جانب عماتك عزيزة وزكية مكى تمشى مربوع مربوعين تلقى آل كاشف وحجة كاشف.

أما عن المحاصصات فما حبابها!

Post: #86
Title: Re: حبوبتي الخواجية النمساوية صافيناز هانم ك�
Author: توفيق عيسى مكي
Date: 12-14-2019, 08:44 PM
Parent: #85

Quote: وياريت يا أمير لو تفتح بوست منفصل عن تاريخ تأسيس الإتحاد النسائى وعن الرائدات المؤسسات له (بالتواريخ) وكيف تطور وتوسع ومتى إنضمت إليه فاطمة السمحة

نفسي والله يا استاذنا والله كان عندي حتى مسودة اول اجتماع ليهم الفيه تم تكوين الاتحاد الحضروه العشرة نسوة الكونن الاتحاد لانه كان في بيتنا في حوش المحسي واحتفظ بيها الوالد لاهتمامه بالحاجات دي لانه مؤرخ ارخ لحاجات وتاريخ كتير للبلد دي وورثت عنه كل اوراقه ومستنداته ووثائقه مرة ناديت استغاثة نلحق التاريخ ده ما ينعدم خصوصا ظروفي صعبة في بلد صعبة وصعب اجد وقت للاهتمام بالتاريخ ده والفيران في الحتة المخزن فيها الحاجات دي لاقية راحتها في القريم والاكل ودي مأساة اقف مكتوف اليدين فيها

Post: #87
Title: Re: حبوبتي الخواجية النمساوية صافيناز هانم ك�
Author: adil amin
Date: 12-15-2019, 02:49 AM
Parent: #86

Quote: هههههه
ياخي تبالغ
يا صلاح انا شكلي جميل و لله الحمد.
لكن كالعادة لا اضع صورتي في البروفايل
و هذا لا علاقة له بشكلي الذي أحسن الله خلقه

شوف المستوي
والوعي
مش قلنا ليكم البورد ده حيكون مصحة
والله كان احسن تتونسو في المسنجر محل الحكامات والمشاطات والموقوذة والمتردية والنطيحة وما اكل السبع
شوف السودان يا قبائل 95% يا اقليات 5%
انت من ياتو في ديل ونحن سلوك الناس بمهنا اكثر من شكلهم والردح في الناس ما كويس
منو في الخرطوم الشايفين الجنوبيين عبيد ؟؟؟

Post: #88
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-15-2019, 03:42 AM
Parent: #87

Adil Amin

هههههه
ده شنو ال كتبته ده؟؟

أنا لم اتحدث عن لوني أو عرقي رغم ان الاول جميل، و الثاني شامخ و سامي ؛ ببساطة لأني دينكاوي(أكثر قبائل الكرة الأرضية نبلاً و كرماً و شجاعة) أي سمو بالصفات و ليس بالجينات لأن البشر جميعهم سواسية من حيث الأدمية . ، انما قلت ان شكلي جميل . وهو كذلك.
ثم ان مداخلتي غير الجادة لا علاقة لها بالوعي الذي وهبني الله به.
انت لا تعرف عني إلا القليل جداً.

ضخ أطنان من المفردات تجاه الناس في كل مداخلة دون أدنى اعتبار لمن يحمل تجاه شخصك قدر من الاحترام أمر غير محمود.

أظنك في حاجة الي إظهار بعض الاحترام تجاه من يتفهم أفكارك.
اتمنى ان تعي كل كلمة تكتبها بحق الآخرين .

ليس لدي أدنى رغبة في الدخول معك في ذلك المنحى

و ذلك لقناعتي الشخصية بعدم النفع

يمكنني ان أرد على مداختلك بشكل يمكن يمتد الي مس الاخرين . لكنني لن أفعل ، ببساطة لا اريد الارتداد عن فكرة كونتها عنك و عبرت عنها قبل فقط ثلاث أيام.

يا زول مع السلامة

Post: #89
Title: Re: حبوبتي الخواجية النمساوية صافيناز هانم ك�
Author: خضر الطيب
Date: 12-15-2019, 04:04 AM
Parent: #88

Quote: شوف المستوي
والوعي
مش قلنا ليكم البورد ده حيكون مصحة

هههههههههه
و الله البورددا احسن مكان للمتعة
يا دينق بالعربي
عدولة دا اصلو ما تخليهو
الزول دا طلعك مجنون

Post: #90
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-15-2019, 05:32 AM
Parent: #89

كتب خضر الطيب
((يا دينق
عدولة دا اصلو ما تخليهو
الزول دا طلعك مجنون))

يا خضر وين المشكلة؟؟
كمجتمع بشري لابد من وجود مجانين يعيشون على مسافة من الأصحاء العباقرة .

المهم بعد ده لو جاتك مني مداخلة ما عجبتك ؛ تأكد بإني كتبتها من غير ما أخد جرعة الصباح.
و ده لا يمنع عضويتي بجمعية الشوافين السودانيين بس أكيد ح يعفيني من رابطة المسننين السودانيين.
لأنه لا يمكن الجمع بين الجنون و أنصار السِنة

Post: #97
Title: Re: حبوبتي الخواجية النمساوية صافيناز هانم ك�
Author: adil amin
Date: 12-15-2019, 02:48 PM
Parent: #89

Quote: هههههههههه
و الله البورددا احسن مكان للمتعة
يا دينق بالعربي
عدولة دا اصلو ما تخليهو
الزول دا طلعك مجنون

كلامك المتخلف ده يا بطة ...خلي الناس يظنو المصحة للمجانين وانا فاتح المصحة هنا لي ناس مازومين نفسيا وسياسيا في السودان يفسدون الساحة السياسية في السودان بعد الاستقلال وفي البورد واحد جه رقد فيها مافي وفيها 100 سرير
والله الا تجي ترقد انت اول واحد
نحن بندي فاليوم وبندول بس
انت عارف شيوعي ناصري بعثي كوز سلفي دي امراض نفسية ساكت

Post: #91
Title: Re: حبوبتي الخواجية النمساوية صافيناز هانم ك�
Author: محمد مجيدو
Date: 12-15-2019, 09:08 AM
Parent: #1

كتب دينق عبدالله ,,
Quote: هههههه
يا توفيق شكلك ما فهمت النوبيين عنصريين قدر شنو.
ياخوي الناس ديل كان إنت ما نوبي ما يقبلوا بيك و لو متمسح بالتركين و إسمك ينتهي ب معاذ بن جبل(رض)

بسالك بما انك دينكاوي ....
لو زول من الشلك او النوير تقدم يناسكم .. بتقبلوا بيو؟؟؟؟ وتدووه بتكم عاادي ؟؟؟
يا ريت تنورنا ونسمع الاجابة الصحيحة ....

عاالم بطاالـــــــــــــــــــة ,,

Post: #92
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-15-2019, 09:53 AM
Parent: #91

محمد مجيدو
سلامات اخي
المداخلة ما كانت جادة

لكن أكيد نكون فخورين بمصاهرة الشلك و النوير !!

باقان أموم الشلكاوي ، ياسر عرمان الجعلي، عمر عبدالرحمن الفوراوي و عكاشة عبدون المحسي متزوجين بنات أعمامنا.
تلك مجرد أمثلة و لا تحمل أي مضمون آخر.

---------
ياخي نحنا قبلنا بتزويج بناتنا للأفارقة الناكرين أصلهم
إلا بقى على أبناء عمومتنا النيليين من الشلك و النوير ؟؟

Post: #93
Title: Re: حبوبتي الخواجية النمساوية صافيناز هانم ك�
Author: محمد مجيدو
Date: 12-15-2019, 10:23 AM
Parent: #1

شكرا اخي دينق عبدالله على سعة صدرك ..
كويس ما طلعتوا عنصريين زينااااا ......

عاالم بطاالــــــــــــــــــــــة ,,,

Post: #94
Title: Re: حبوبتي الخواجية النمساوية صافيناز هانم ك�
Author: دينق عبد الله
Date: 12-15-2019, 11:50 AM
Parent: #93

كتب محمد مجيدو
((شكرا اخي دينق عبدالله على سعة صدرك ..
كويس ما طلعتوا عنصريين زينااااا ......))

هههههه
مش عليك الله ؟؟

------------
يا محمد
جدعتها لي في الزاوية البعيدة
لكن استلمتها !!

تحياتي اخي و أكيد احترامي

Post: #95
Title: Re: حبوبتي الخواجية النمساوية صافيناز هانم ك�
Author: MOHAMMED ELSHEIKH
Date: 12-15-2019, 12:35 PM
Parent: #94

Quote: والفيران في الحتة المخزن فيها الحاجات دي لاقية راحتها

فيرانكم ما عندها موضوع

ما شايفين كبري شمبات جنبهم يهز ويرز؟

Post: #96
Title: Re: حبوبتك الخواجيه وحبوبة صلاح غريبه
Author: محمد قسم الله محمد
Date: 12-15-2019, 01:57 PM
Parent: #95

باللاي انا كنت مفتكر صلاح غريبه براااهو العندو حبوبتو معانا في المنبر..

Post: #98
Title: Re: حبوبتك الخواجيه وحبوبة صلاح غريبه
Author: nour tawir
Date: 12-18-2019, 05:52 PM
Parent: #96

توفيق سلام و تحية و احترام..

أنا داخلة اقول ليك ما تزعل منى..
و لو تسببت فى زعلك من غير قصد منى..
فأنا أعتذر..
ولك العتبى حتى ترضى..
كل الحكاية انى لقيت البوست دمه خفيف..
و الناس بتنّكت معاك..
فدخلت بالحلم بتاع حبوبتك..
فنحنا زيك برضو بنشعر بالملل..
خاصة لما درجة الحرارة عندنا تصل 40 تحت الصفر..
و سرعة الرياح تصل لى 30 فاكتر..
يعنى حرارة 70 تحت الصفر..
فأنت فى الحالة دى ما بتعرف لو كنت حى و لا ميت..
وممكن تهلوس و انت صاحى !
فاذا جرحتك فى يوم من الايام..
فأنا آسفة...

Post: #99
Title: Re: حبوبتك الخواجيه وحبوبة صلاح غريبه
Author: nour tawir
Date: 12-18-2019, 05:52 PM
Parent: #96

توفيق سلام و تحية و احترام..

أنا داخلة اقول ليك ما تزعل منى..
و لو تسببت فى زعلك من غير قصد منى..
فأنا أعتذر..
ولك العتبى حتى ترضى..
كل الحكاية انى لقيت البوست دمه خفيف..
و الناس بتنّكت معاك..
فدخلت بالحلم بتاع حبوبتك..
فنحنا زيك برضو بنشعر بالملل..
خاصة لما درجة الحرارة عندنا تصل 40 تحت الصفر..
و سرعة الرياح تصل لى 30 فاكتر..
يعنى حرارة 70 تحت الصفر..
فأنت فى الحالة دى ما بتعرف لو كنت حى و لا ميت..
وممكن تهلوس و انت صاحى !
فاذا جرحتك فى يوم من الايام..
فأنا آسفة...

Post: #100
Title: Re: حبوبتك الخواجيه وحبوبة صلاح غريبه
Author: توفيق عيسى مكي
Date: 12-18-2019, 08:41 PM
Parent: #99

بالعكس استاذتي كلامي ليك واضح انا قلت طلتك ومرورك ازال حالة الاحباط الكنت فيها ما مهم قلتي شنو وكتيرين زيك من اساتذتنا الجميلين وجودهم في اي بوست بكتبه بعتبره شرف كبير لي فلا عليك انا ما بكن لكل الناس الهنا الا الحب حتى Deng ليه منو نصيب كبير ..

Post: #101
Title: Re: حبوبتك الخواجيه وحبوبة صلاح غريبه
Author: توفيق عيسى مكي
Date: 12-19-2019, 10:15 PM
Parent: #100

المداخلة رقم 100 في هذا البوست
مره حبوبتي سمعتها قالت والله انتو يا سودانيين الفيكم بس باشمهندس بكري ود حلفاية الملوك هي مك بصحيح عليك الله لو تم عشرين سنة يدير منبره الديمقراطي بكون مته قول ليه
حبوبتي صوفيا بتسلم عليك وقالت ليك كل سنة انت وناس المنبر طيبين وخفوا شوية على ود بتي
انا زاتي بقول ليك كل سنة وانت طيب وان شاء الله حا يكون صوتنا لحدي ما نموت
شكرا ليك باشمهندس بكري ابو بكر لالف حاجة لا مليون حاجة وحاجة

Post: #102
Title: Re: حبوبتك الخواجيه وحبوبة صلاح غريبه
Author: توفيق عيسى مكي
Date: 12-26-2019, 07:43 PM
Parent: #101

المسألة ما دايرة حساب لاي زول عنده ذرة تفكير
الكتلة النقدية 2018 ستمائة وحاجة مليار حسب الميزانية الفاتت والسنة دي حا تكون 1150 مليار سوداني المعنى شنو ؟؟ الدولار من 100 لي 200
وقيل 250 في شهر مايو القادم
الحاجة بتتحسب حساب
شفع ممكن يحسبوها لكن الناس المغبية لسه معلقة في ناتجنا المحلي الاتراجع فعليا اقل من ناتج السنة الفاتت نخت في الحساب القصة بتاعت اي سوداني قبل ما السفينة تغرق يخمش ليه خمشة والما بيخمش يبقى زول اصنج ساي
= مالكم يا ناس الواحد ما يتونس مع حبوبتو جنكم تصنت وشمار =